§17#5ἐχρῆν δὲ ἐξ ἀνθρώπων τὴν αἰτίην ἐρευνῆσαι.
「しかし、人間からその原因を究明すべきであった。
Οὐχ ὁρῇς ὅτι καὶ ὁ κόσμος μισανθρωπίης πεπλήρωται; ἄπειρα κατ’ αὐτέων πάθεα ξυνήθροικεν·
君には、世界さえも人間嫌いに満ちており、彼らに対して無限の苦難を集めているのが見えないのか。
ὅλος ὁ ἄνθρωπος ἐκ γενετῆς νοῦσος ἐστὶ, τρεφόμενος, ἄχρηστος, ἱκέτης βοηθείης· αὐξανόμενος, ἀτάσθαλος, ἄφρων, διὰ χειρὸς παιδαγωγίης· ἀκμάζων, θρασύς· παρακμάζων, οἰκτρὸς, τοὺς ἰδίους πόνους ἀλογιστίη γεωργήσας·
人間全体が生まれながらにして病気であり、育てられている間は役に立たず、助けを求める嘆願者であり、成長するにつれては不遜で愚かになり、教育の手を必要とし、全盛期には横柄であり、衰退期には哀れで、自らの労苦を無分別によって耕すのである。
ἐκ μητρῴων γὰρ λύθρων ἐξέθορε τοιοῦτος.
なぜなら、母親の血の汚れから、そのような者として生まれ出たのだから。
Διὰ τοῦτο οἱ μὲν θυμικοὶ καὶ ὀργῆς ἀμέτρου γέμοντες, ἐν ξυμφορῇσι καὶ μάχῃσι, οἱ δ’ ἐν φθορῇσι καὶ μοιχείῃσι διὰ παντὸς, οἱ δ’ ἐν μέθῃσιν, οἱ δ’ ἐν ἐπιθυμίῃσι τῶν ἀλλοτρίων, οἱ δ’ ἐν ἀπωλείῃσι τῶν σφετέρων.
それゆえ、ある者は激情的で過度の怒りに満ちて、災厄と争いの中にあり、別の者は常に堕落と姦成の中にあり、別の者は泥酔の中に、別の者は他人のものの欲望の中に、別の者は自分のものの喪失の中にある。
Ὄφελον δύναμις ὑπῆρχε τὰς ἁπάντων οἰκήσιας ἀνακαλύψαντα μηδὲν ἀφεῖναι τῶν ἐντὸς παρακάλυμμα, εἶθ’ οὕτως ὁρῇν τὰ πρησσόμενα ἔνδον·
願わくば、すべての人々の家を暴き、内部を覆うものを何一つ残さず、その上で内部で行われていることを見る力があったなら。
ἴδωμεν ἂν οὓς μὲν ἐσθίοντας, οὓς δὲ ἐμέοντας, ἑτέρους δ’ αἰκίῃσι στρεβλέοντας, τοὺς δὲ φάρμακα κυκῶντας, τοὺς δὲ ξυννοέοντας ἐπιβουλίην, τοὺς δὲ ψηφίζοντας, ἄλλους χαίροντας, τοὺς δὲ κλαίοντας, τοὺς δὲ ἐπὶ κατηγορίην φίλων ξυγγράφοντας, τοὺς δὲ διὰ φιλοδοξίην ἔκφρονας.
そうすれば、私たちは、ある者が食べており、ある者が吐いており、別の者が虐待によって身悶えしており、ある者が薬をかき混ぜており、ある者が陰謀を企てており、ある者が有罪の投票をしており、他の者が喜んでおり、ある者が泣いており、ある者が友人の告発状を書いており、ある者が名誉欲のために理性を失っているのを見るだろうに。
Καὶ τά γε ἔτι βαθύτερα, αἱ πρήξιες τῶν κατὰ ψυχὴν κευθομένων, καὶ τουτέων ὁκόσοι μὲν νέοι, ὁκόσοι δὲ πρεσβῦται, αἰτεῦντες, ἀρνεόμενοι, πενόμενοι, περιουσιάζοντες, λιμῷ θλιβόμενοι, οἱ δὲ ἀσωτίῃ βεβαρυμένοι, ῥυπῶντες, δέσμιοι, οἱ δὲ τρυφῇσι γαυριῶντες, τρέφοντες, ἄλλοι σφάζοντες, ἄλλοι θάπτοντες, ὑπερορέοντες ἃ ἔχουσι, πρὸς τὰς ἐλπιζομένας κτήσιας ὡρμημένοι, μένοι, οἱ μὲν ἀναίσχυντοι, οἱ δὲ φειδωλοὶ, οἱ δὲ ἄπληστοι, οἷ μὲν φονεῦντες, οἱ δὲ τυπτόμενοι, οἱ δὲ ὑπερηφανεῦντες, οἱ δὲ ἐπτοημένοι κενοδοξίῃ·
そして、さらに深いところにあるもの、すなわち魂の中に隠されている事柄の働き、またこれらの中で、若者であれ老人であれ、求めている者、拒んでいる者、貧しい者、富んでいる者、飢えに苦しんでいる者、また放蕩に溺れている者、汚れている者、囚人、贅沢を誇っている者、養っている者、他方で屠殺している者、他方で埋葬している者、自分が持っているものを軽蔑し、期待される財産の獲得へと突進している者たち、ある者は厚かましく、ある者は物惜みし、ある者は貪欲であり、ある者は殺害しており、ある者は殴打されており、ある者は傲慢であり、ある者は虚栄心に浮かされている。
καὶ οἱ μὲν ἵπποισι παρεστεῶτες, οἱ δὲ ἀνδράσιν, οἱ δὲ κυσὶν, οἱ δὲ λίθοισιν ἢ ξύλοισιν, οἱ δὲ χαλκῷ, οἱ δὲ γραφῇσι·
そして、ある者は馬に熱中し、ある者は人々に、ある者は犬に、ある者は石や木に、ある者は青銅に、ある者は絵画に熱中している。
καὶ οἱ μὲν ἐν πρεσβείαις, οἱ δὲ ἐν στρατηγίῃσιν, οἱ δὲ ἐν ἱερωσύνῃσιν, οἱ δὲ στεφανηφορέοντες, οἱ δὲ ἔνοπλοι, οἱ δ’ ἀποκτεινόμενοι.
また、ある者は使節の中に、ある者は将軍職の中に、ある者は神職の中に、ある者は冠を戴き、ある者は武装し、ある者は殺されている。
Φέρονται δὲ τουτέων ἕκαστοι, οἱ μὲν ἐπὶ ναυμαχίην, οἱ δὲ ἐπὶ στρατείην, οἱ δὲ ἐπ’ ἀγροικίην, ἕτεροι δὲ ἐπὶ φορτίδας ναῦς, οἱ δὲ ἐς ἀγορὴν, ἕτεροι δ’ ἐπ’ ἐκκλησίην, οἱ δὲ ἐπὶ θέητρον, οἱ δὲ ἐς φυγὴν, ἄλλοι δὲ ἀλλαχόσε·
そして、彼らの一人ひとりが突進しており、ある者は海戦へ、ある者は遠征へ、ある者は農作業へ、別の者は貨物船へと向かい、ある者は市場へ、別の者は民会へと、ある者は劇場へ、ある者は亡命へと、他の者は他の場所へと向かっている。
καὶ οἱ μὲν ἐς φιληδονίην καὶ ἡδυπαθείην καὶ ἀκρασίην, οἱ δὲ ἐς ἀργίην καὶ ῥᾳθυμίην.
そして、ある者は快楽愛と享楽と放縦へと、別の者は怠惰と無為へと向かっている。
Τὰς ἀναξίους οὖν καὶ δυστήνους ψυχὰς ὁρεῦντες καὶ τοσαύτας, πῶς μὴ χλευάσωμεν τὸν τοιήνδε ἀκρασίην ἔχοντα βίον αὐτέων;
したがって、このように多くの、価値がなく惨めな魂を見るとき、彼らのこのような放縦に満ちた生活を、私たちがどうして嘲笑わずにいられようか。
κάρτα γὰρ ἔλπομαι μηδὲ τὴν σὴν ἰητρικὴν ἁνδάνειν αὐτέοισιν·
私は、君の医術さえも彼らの気に入らないのではないかと強く懸念している。
δυσαρεστέονται γὰρ ὑπ’ ἀκρασίης ἅπασι, καὶ μανίην τὴν σοφίην νομίζουσιν.
というのも、彼らは放縦のゆえにすべてのことに不満を抱き、知恵を狂気であるとみなしているのだから。
Ἤπου γὰρ ὑπονοέω σαφέως λωβᾶσθαί σου τὰ πολλὰ τῆς ἐπιστήμης ἢ διὰ φθόνον ἢ δι’ ἀχαριστίην·
私は、嫉妬かあるいは恩知らずさのゆえに、彼らが君の知識の大部分をあからさまに侮辱しているのではないかと強く疑っている。
οἵ τε γὰρ νοσέοντες ἅμα τῷ σώζεσθαι τὴν αἰτίην θεοῖσιν ἢ τύχη, προσνέμουσι· πολλοὶ δὲ τῇ φύσει προσάψαντες, ἐχθαίρουσι τὸν εὐεργετήσαντα, μικροῦ δεῖν προσαγανακτεῦντες, εἰ νομίζονται χρεωφειλέται·
なぜなら、病気の人々は救われると同時に、その原因を神々や運命に帰し、多くの者はそれを自然のせいにして、恩人を憎み、自分が債務者とみなされるならば、ほとんど怒りださんばかりだからである。
οἵ τε πολλοὶ τὸ τῆς ἀτεχνίης ἐφ’ ἑωυτέοισιν ἔχοντες, ἀΐδριες ἐόντες, καθαιροῦσι τὸ κρέσσον·
また、技術のなさを自らのうちに持っている多くの無知な者たちは、より優れたものを引き下ろす。
ἐν ἀναισθήτοισι γάρ εἰσιν αἱ ψῆφοι·
というのも、投票は愚かな者たちの手にあるのだから。
οὔτε δ’ οἱ πάσχοντες συνομολογέειν ἐθέλουσιν, οὔτε οἱ ὁμοτεχνεῦγτες μαρτυρέειν·
そして、治療を受ける者たちも同意しようとせず、同業者たちも証言しようとしない。
φθόνος γὰρ ἐνίσταται.
なぜなら、嫉妬が立ちはだかるからである。
Οὐκ ἀπείρῳ σοὶ τῶν τοιαυτέων λεσχέων ταῦτα σαφέω, εἰδὼς ἐν ἀναξιοπαθείῃσι σὲ πολλάκις γενηθέντα καὶ οὐ δι’ οὐσίῃν ἢ βασκανίην φιλοτωθάσσοντα·
このような世間の噂話に不慣れではない君に対して、私はこれらのことを明らかにしている。 君自身がしばしば不当な目に遭ってきたこと、そして財産のためでも、他者へのねたみのためにからかっているのではないことを知っているからだ。
ἀτρεκίης γὰρ οὐδεμία οὔτε γνῶσις οὔτε μαρτυρίη.
なぜなら、真実に対する認識も証言も、何一つ存在しないのだから。
Ἐπεμειδία δὲ λέγων ταῦτα καί μοι Δαμάγητε, θεοειδής τις.
」ダマゲトスよ、彼はこれらのことを語りながら微笑んだ。
κατεφαίνετο, καὶ τὴν προτέρην αὐτέου μορφὴν ἐξελελήσμην·
そして彼は私に、何か神のような者のように見え、私は彼の以前の姿を忘れてしまっていた。
καὶ φημὶ ὦ Δημόκριτε μεγαλόδοξε, μεγάλας γε τῶν σῶν ξενίων δωρεὰς εἰς Κῶ ἀποίσομαι·
そして私は言った。 「おお、大いなる名声をもつデモクリトスよ、私はあなたの歓待への大いなる贈り物をコスへと持ち帰ることにしましょう。
πολλοῦ γάρ με τῆς σῆς σοφίης θαυμασμοῦ πεπλήρωκας·
あなたは私を、あなたの知恵への大いなる賞賛で満たしてくださいましたから。
ἀπονοστέω δέ σου κῆρυξ ἀληθείην ἀνθρωπίνης φύσιος ἐξιχνεύσαντος καὶ νοήσαντος.
私は、人間の本性の真実を探求し理解したあなたを告げ知らせる使者として、帰郷することにします。
Θεραπείην δὲ λαβὼν παρὰ σεῦ τῆς ἐμῆς διανοίης, ἀπαλλάσσομαι, τῆς ὥρης τοῦτο ἀπαιτεούσης καὶ τῆς τοῦ σώματος τημελείης·
あなたから私の心の治療を受けて、私は立ち去ります。 時間がそれを要求しており、また体の手入れも必要ですから。
αὔριον δὲ καὶ κατὰ τὸ ἑξῆς ἐν ταὐτῷ γενησόμεθα.
明日、そしてその後も、私たちは同じ場所に集まりましょう。
Ἀνιστάμην ταῦτα εἰπὼν, καὶ ὃς ἦν ἕτοιμος ἐπακολουθεῖν, προσελθόντι δέ τινι, οὐκ οἶδ’ ὁκόθεν, ἀπεδίδου τὰ βιβλία.
」私はそう言って立ち上がった。 すると、彼も付いてくる用意があったが、どこからともなく現れた誰かに、書物を手渡した。
Κᾀγὼ ξυντονώτερον ἤπειξα, καὶ πρὸς τοὺς ὄντως Ἀβδηρίτας ἐπὶ τῇ σκοπιῇ ἀναμένοντάς με, ἄνδρες, ἔφην, τῆς πρὸς ἐμὲ πρεσβείης χάρις ὑμῖν πολλή·
そして私は足早に急ぎ、見張り台で私を待っていたアブデラの人々に向かって言った。 「諸君、私への使節の派遣に対して、深く感謝する。
Δημόκριτον γὰρ εἶδον, ἄνδρα σοφώτατον, σωφρονίζειν ἀνθρώπους μοῦνον δυνατώτατον.
私はきわめて賢明な人、人間を正気に戻すことのできる唯一の最も強力な人であるデモクリトスに会ったのだから。
Ταῦτ’ ἔχω σοι περὶ Δημοκρίτεω, Δαμάγητε, φράζειν γηθοσύνως πάνυ.
」ダマゲトスよ、これがデモクリトスについて、私が大いなる喜びをもって君に伝えることのできるすべてである。
Ἔῤῥωσο.
健やかであれ。