§5Καίτοι οὐδὲ παραινέσεως οἱ πολλοὶ δεῖν οἴονται σφίσιν ἐπὶ τὸ πρᾶγμα, οὐ μᾶλλον ἢ τέχνης τινὸς ἐπὶ τὸ βαδίζειν ἢ βλέπειν ἢ ἐσθίειν, ἀλλὰ πάνυ ῥᾷστον καὶ πρόχειρον καὶ ἅπαντος εἶναι ἱστορίαν συγγράψαι, ἤν τις ἑρμηνεῦσαι τὸ ἐπελθὸν δύνηται.
しかしながら、多くの人々は、この活動を始めるにあたって自分たちに勧告など全く必要ないと考えている。 それは、歩くことや見ること、食べることのために何らかの技術が必要であると考えるのと同様に、全く不必要なことなのだ。 むしろ、頭に浮かんだことを表現できさえすれば、歴史を執筆することは極めて容易で、手近で、誰にでもできることだと考えている。
τὸ δὲ οἶσθά που καὶ αὐτός, ὦ ἑταῖρε, ὡς οὐ τῶν εὐμεταχειρίστων οὐδὲ ῥᾳθύμως συντεθῆναι δυναμένων τοῦτ' ἐστίν, ἀλλ’, εἴ τι ἐν λόγοις καὶ ἄλλο, πολλῆς τῆς φροντίδος δεόμενον, ἤν τις, ὡς ὁ Θουκυδίδης φησίν, ἐς ἀεὶ κτῆμα συντιθείη.
しかし、わが友よ、君自身も知っているように、歴史というものは扱いやすいものでも、いい加減に構成できるものでもない。 むしろ、言論における他の何ものにもまして、多大な配慮を必要とするものである。 もし人が、トゥキュディデスが言うように、およそ永遠の財産として歴史を構成しようとするならばの話だが。
οἶδα μὲν οὖν οὐ πάνυ πολλοὺς αὐτῶν ἐπιστρέψων, ἐνίοις δὲ καὶ πάνυ ἐπαχθὴς δόξων, καὶ μάλιστα ὁπόσοις ἀποτετέλεσται ἤδη καὶ ἐν τῷ κοινῷ δέδεικται ἡ ἱστορία.
したがって、私は彼らのうちのごく少数しか私の言葉に振り向かせられないだろうし、またある人々には極めて不快に思われるだろうと知っている。 とりわけ、すでに歴史を書き終えて公衆に披露してしまったような人々には。
εἰ δὲ καὶ ἐπῄνηται ὑπὸ τῶν τότε ἀκροασαμένων, μανία ἂν εἴη ἡ ἐλπίς, ὡς οἱ τοιοῦτοι μεταποιήσουσιν ἢ μετεγγράψουσί τι τῶν ἅπαξ κεκυρωμένων καὶ ὥσπερ ἐς τὰς βασιλείους αὐλὰς ἀποκειμένων.
おまけに、それが当時の聴衆によって称賛されていたとすれば、そのような人々が、一度承認され、あたかも王宮に保管されているかのような作品の、どこかを書き直したり、改訂したりするだろうと期待するのは、狂気の沙汰だろう。
ὅμως δὲ οὐ χεῖρον καὶ πρὸς αὐτοὺς ἐκείνους εἰρῆσθαι, ἵν', εἴ ποτε πόλεμος ἄλλος συσταίη, ἢ Κελτοῖς πρὸς Γέτας ἢ Ἰνδοῖς πρὸς Βακτρίους (οὐ γὰρ πρὸς ἡμᾶς γε τολμήσειεν ἄν τις, ἁπάντων ἤδη κεχειρωμένων) ἔχωσιν ἄμεινον συντιθέναι τὸν κανόνα τοῦτον προσάγοντες, ἤνπερ γε δόξῃ αὐτοῖς ὀρθὸς εἶναι·
それでも、まさに彼ら自身に向けても語っておくことは悪くない。 それは、もし将来、ケルト人とゲタイ人の間、あるいはインド人とバクトリア人の間で別の戦争が起こったときに（というのも、我々に対して戦争を挑もうとする者など、今や全員が征服された以上、誰もいないだろうから）、彼らがこの規範を適用することで、より良く歴史を構成できるようにするためだ。 もし彼らにとってこれが正しいと思われるなら。
εἰ δὲ μή, αὐτοὶ μὲν καὶ τότε τῷ αὐτῷ πήχει ὥσπερ καὶ νῦν μετρούντων τὸ πρᾶγμα.
もしそう思わないなら、彼らはその時も、今と同様に自分たちの同じ物差しでその作業を測ればよい。
ὁ ἰατρὸς δὲ οὐ πάνυ ἀνιάσεται, ἢν πάντες Ἀβδηρῖται ἑκόντες Ἀνδρομέδαν τραγῳδῶσι.
医師は、たとえアブデラ人全員が進んで『アンドロメダ』を悲劇として歌おうとも、それほど悩むことはないだろう。
§6Διττοῦ δὲ ὄντος τοῦ τῆς συμβουλῆς ἔργου, τὰ μὲν γὰρ αἱρεῖσθαι, τὰ δὲ φεύγειν διδάσκει, φέρε πρῶτα εἴπωμεν ἅτινα φευκτέον τῷ ἱστορίαν συγγράφοντι καὶ ὧν μάλιστα καθαρευτέον, ἔπειτα οἷς χρώμενος οὐκ ἂν ἁμάρτοι τῆς ὀρθῆς καὶ ἐπ' εὐθὺ ἀγούσης—ἀρχήν τε οἵαν αὐτῷ ἀρκτέον καὶ τάξιν ἥντινα τοῖς ἔργοις ἐφαρμοστέον καὶ μέτρον ἑκάστου καὶ ἃ σιωπητέον καὶ οἷς ἐνδιατριπτέον καὶ ὅσα παραδραμεῖν ἄμεινον καὶ ὅπως ἑρμηνεῦσαι αὐτὰ καὶ συναρμόσαι.
助言の役割は二重であり、一方は選ぶべきことを、他方は避けるべきことを教えるのであるから、さあ、まずは歴史を書く者が避けるべきこと、とりわけ何から清らかであるべきかを語ろう。 次に、どのような方法を用いることで、正しく真っ直ぐに導く道から外れずに済むか――すなわち、どのような始まりから始めるべきか、また出来事に対してどのような順序を適用すべきか、またそれぞれの限度はどうあるべきか、また何を沈黙すべきか、また何に時間をかけるべきか、また何を通り過ぎる方が良いか、そしてそれらをどのように表現し、調和させるべきか――を語ろう。
Ταῦτα μὲν καὶ τὰ τοιαῦτα ὕστερον.
これらやこれに類することは後回しにしよう。
νῦν δὲ τὰς κακίας ἤδη εἴπωμεν, ὁπόσαι τοῖς φαύλως συγγράφουσιν παρακολουθοῦσιν.
今は、拙劣に書く人々につきまとう悪弊のすべてを直ちに語ることにしよう。
ἃ μὲν οὖν κοινὰ πάντων λόγων ἐστὶν ἁμαρτήματα ἔν τε φωνῇ καὶ ἁρμονίᾳ καὶ διανοίᾳ καὶ τῇ ἄλλῃ ἀτεχνίᾳ, μακρόν τε ἂν εἴη ἐπελθεῖν καὶ τῆς παρούσης ὑποθέσεως οὐκ ἴδιον.
語彙、文体、思想、その他の技術不足において、あらゆる言論に共通する過ちを検証することは、長たらしくなるだろうし、現在の主題に固有のものでもない。
§7ἃ δ’ ἐν ἱστορίᾳ διαμαρτάνουσι, τὰ τοιαῦτα ἂν εὕροις ἐπιτηρῶν, οἷα κἀμοὶ πολλάκις ἀκροωμένῳ ἔδοξεν, καὶ μάλιστα ἢν ἅπασιν αὐτοῖς ἀναπετάσῃς τὰ ὦτα.
しかし、彼らが歴史において犯す過ちとしては、観察していれば次のようなことが見出されるだろう。 それは、私がしばしば彼らの朗読を聴いていた時に思われたようなことであり、とりわけ彼ら全員に対して耳を大きくそばだてるなら明らかになることだ。
οὐκ ἄκαιρον δὲ μεταξὺ καὶ ἀπομνημονεῦσαι ἔνια παραδείγματος ἕνεκα τῶν ἤδη οὕτως συγγεγραμμένων.
その間に、すでにこのように書かれてしまったいくつかの例を、実例として思い起こしてみるのも無駄ではない。
Καὶ πρῶτόν γε ἐκεῖνο ἡλίκον ἁμαρτάνουσιν ἐπισκοπήσωμεν·
そして、まず最初に彼らがどれほど大きな過ちを犯しているかを見てみよう。
ἀμελήσαντες γὰρ οἱ πολλοὶ αὐτῶν τοῦ ἱστορεῖν τὰ γεγενημένα τοῖς ἐπαίνοις ἀρχόντων καὶ στρατηγῶν ἐνδιατρίβουσιν τοὺς μὲν οἰκείους ἐς ὕψος αἴροντες τοὺς πολεμίους δὲ πέρα τοῦ μετρίου καταρρίπτοντες ἀγνοοῦντες ὡς οὐ στενῷ τῷ ἰσθμῷ διώρισται καὶ διατετείχισται ἡ ἱστορία πρὸς τὸ ἐγκώμιον, ἀλλά τι μέγα τεῖχος ἐν μέσῳ ἐστὶν αὐτῶν καὶ τὸ τῶν μουσικῶν δὴ τοῦτο, δὶς διὰ πασῶν ἐστι πρὸς ἄλληλα—εἴ γε τῷ μὲν ἐγκωμιάζοντι μόνου ἑνὸς μέλει, ὁπωσοῦν ἐπαινέσαι καὶ εὐφρᾶναι τὸν ἐπαινούμενον, καὶ εἰ ψευσαμένῳ ὑπάρχει τυχεῖν τοῦ τέλους, ὀλίγον ἂν φροντίσειεν.
というのも、彼らの多くは、実際に起こった出来事を記録することを怠り、支配者や将軍たちの称賛に時間を費やしているからだ。 身内の者たちを天高く持ち上げる一方で、敵を度を越して貶めながら。 歴史と賛辞（エンコーミオン）の間は、狭い地峡によって区切られ、防壁で隔てられているのではないということを彼らは知らないのだ。 むしろ、それらの間には巨大な壁があり、音楽家たちのいう例の表現のように、互いに「2オクターブ」離れているのだ。 というのも、賛辞を贈る者にとっては、ただ一つのこと、すなわち、どのような方法であれ、称賛される者を褒めちぎって喜ばせることだけが関心事だからだ。 たとえ嘘をつくことでその目的が達せられるとしても、彼はほとんど気に留めないだろう。
ἡ δὲ οὐκ ἄν τι ψεῦδος ἐμπεσὸν ἡ ἱστορία, οὐδὲ ἀκαριαῖον ἀνάσχοιτο, οὐ μᾶλλον ἢ τὴν ἀρτηρίαν ἰατρῶν παῖδές φασι τὴν τραχεῖαν παραδέξασθαι ἄν τι ἐς αὐτὴν καταποθέν.
これに対して、歴史は、わずかな嘘が混入することさえ、一瞬たりとも容認しないだろう。 医師の弟子たちが言うように、気管がいかなる異物をも受け入れることができないのと全く同様に。