§22ΣΩ. τί δʼ ὁ συναμφότερος, ὦ Πρώταρχε, ἐξ ἀμφοῖν συμμειχθεὶς κοινὸς γενόμενος;
ソ：それでは、プロタルコスよ、両者から混ざり合って一つになった共同の生はどうだろうか。
ΠΡΩ. ἡδονῆς λέγεις καὶ νοῦ καὶ φρονήσεως;
プロ：快楽と、知性と、知恵の生のことですか。
ΣΩ. οὕτω καὶ τῶν τοιούτων ἔγωγε.
ソ：そうだ、そしてそのようなものの生のことだ、と私は言う。
ΠΡΩ. πᾶς δήπου τοῦτόν γε αἱρήσεται πρότερον ἢ ʼκείνων ὁποτερονοῦν, καὶ πρὸς τούτοις οὐχ ὁ μέν, ὁ δʼ οὔ.
プロ：誰でも、それらのいずれよりも、この生を先に選ぶだろう。 そして、それに加えて、ある人は選び、ある人は選ばないということはない。
ΣΩ. μανθάνομεν οὖν ὅτι νῦν ἡμῖν ἐστι τὸ συμβαῖνον ἐν τοῖς παροῦσι λόγοις;
ソ：我々は、今の議論において我々に起こっていることが何であるかを理解しているだろうか。
ΠΡΩ. πάνυ μὲν οὖν, ὅτι γε τρεῖς μὲν βίοι προυτέθησαν, τοῖν δυοῖν δʼ οὐδέτερος ἱκανὸς οὐδὲ αἱρετὸς οὔτε ἀνθρώπων οὔτε ζῴων οὐδενί.
プロ：もちろんです。 三つの生が提示され、そのうちの二つのどちらも十分ではなく、人間にとっても他の動物にとっても選択に値しない、ということです。
ΣΩ. μῶν οὖν οὐκ ἤδη τούτων γε πέρι δῆλον ὡς οὐδέτερος αὐτοῖν εἶχε τἀγαθόν;
ソ：それでは、これらのことについて、彼らのどちらも善を持っていなかったということは、すでに明らかではないか。
ἦν γὰρ ἂν ἱκανὸς καὶ τέλεος καὶ πᾶσι φυτοῖς καὶ ζῴοις αἱρετός, οἷσπερ δυνατὸν ἦν οὕτως ἀεὶ διὰ βίου ζῆν·
というのも、もし持っていれば、自足的で完全であり、そのようにして生涯を通じて生きることが可能なすべての植物や動物にとっても選択に値したはずだからだ。
εἰ δέ τις ἄλλα ᾑρεῖθʼ ἡμῶν, παρὰ φύσιν ἂν τὴν τοῦ ἀληθῶς αἱρετοῦ ἐλάμβανεν ἄκων ἐξ ἀγνοίας ἤ τινος ἀνάγκης οὐκ εὐδαίμονος.
しかし、もし我々のうちの誰かが他のものを選んだとすれば、真に選択に値するものの本性に反して、無知からか、あるいは何らかの不幸せな強制から、意に反してそれを受け取っていたことになる。
ΠΡΩ. ἔοικε γοῦν ταῦθʼ οὕτως ἔχειν.
プロ：確かにそのように思われます。
ΣΩ. ὡς μὲν τοίνυν τήν γε Φιλήβου θεὸν οὐ δεῖ διανοεῖσθαι ταὐτὸν καὶ τἀγαθόν, ἱκανῶς εἰρῆσθαί μοι δοκεῖ.
ソ：それゆえ、フィレボスの女神を善と同一視してはならないということは、十分に語られたと思う。
ΦΙ. οὐδὲ γὰρ ὁ σὸς νοῦς, ὦ Σώκρατες, ἔστι τἀγαθόν, ἀλλʼ ἕξει που ταὐτὰ ἐγκλήματα.
フィ：ソクラテス、君の知性だって善ではない。 やはり同じ非難を受けることになるだろう。
ΣΩ. τάχʼ ἄν, ὦ Φίληβε, ὅ γʼ ἐμός·
ソ：フィレボスよ、私の知性なら、おそらくそうだろう。
οὐ μέντοι τόν γε ἀληθινὸν ἅμα καὶ θεῖον οἶμαι νοῦν, ἀλλʼ ἄλλως πως ἔχειν.
しかし、真にして神的な知性はそうではなく、何か異なった状態にあると思う。
τῶν μὲν οὖν νικητηρίων πρὸς τὸν κοινὸν βίον οὐκ ἀμφισβητῶ πω ὑπὲρ νοῦ, τῶν δὲ δὴ δευτερείων ὁρᾶν καὶ σκοπεῖν χρὴ πέρι τί δράσομεν·
共同の生に対する勝利の賞について、私は知性のために未だ争うつもりはない。 しかし、二等賞について、我々がどうすべきかを見て考察しなければならない。
τάχα γὰρ ἂν τοῦ κοινοῦ τούτου βίου αἰτιῴμεθʼ ἂν ἑκάτερος ὁ μὲν τὸν νοῦν αἴτιον, ὁ δʼ ἡδονὴν εἶναι, καὶ οὕτω τὸ μὲν ἀγαθὸν τούτων ἀμφοτέρων οὐδέτερον ἂν εἴη, τάχα δʼ ἂν αἴτιόν τις ὑπολάβοι πότερον αὐτῶν εἶναι.
おそらく、この共同の生について、一方は知性をその原因とし、他方は快楽をその原因とするだろう。 そのようにして、善はこれら二つのどちらでもないが、おそらく、それらのどちらかがその原因であると想定されるかもしれない。
τούτου δὴ πέρι καὶ μᾶλλον ἔτι πρὸς Φίληβον διαμαχοίμην ἂν ὡς ἐν τῷ μεικτῷ τούτῳ βίῳ, ὅτι ποτʼ ἔστι τοῦτο ὃ λαβὼν ὁ βίος οὗτος γέγονεν αἱρετὸς ἅμα καὶ ἀγαθός, οὐχ ἡδονὴ ἀλλὰ νοῦς τούτῳ συγγενέστερον καὶ ὁμοιότερόν ἐστι, καὶ κατὰ τοῦτον τὸν λόγον οὔτʼ ἂν τῶν πρωτείων οὐδʼ αὖ τῶν δευτερείων ἡδονῇ μετὸν ἀληθῶς ἄν ποτε λέγοιτο·
このことについてこそ、私はフィレボスとさらに激しく戦うつもりだ。 この混ざり合った生において、それを選択に値するものにし、同時に善にしたものは一体何であるか、それを受け取ったがゆえにそのようになったそのものは、快楽ではなく知性の方こそが、これとより近親であり、より似ているのだ。 そしてこの議論によれば、快楽は一等賞にも二等賞にも、真に分け前を持つとは決して言われないだろう。
πορρωτέρω δʼ ἐστὶ τῶν τριτείων, εἴ τι τῷ ἐμῷ νῷ δεῖ πιστεύειν ἡμᾶς τὰ νῦν.
そして、もし私の知性に今いくらかでも信頼を置くべきなら、三等賞からも遠く離れている。
§23ΠΡΩ. ἀλλὰ μήν, ὦ Σώκρατες, ἔμοιγε δοκεῖ νῦν μὲν ἡδονή σοι πεπτωκέναι καθαπερεὶ πληγεῖσα ὑπὸ τῶν νυνδὴ λόγων·
プロ：しかし、ソクラテス、私には、快楽は今やたった今の議論によって打ちのめされて倒れたように思えます。
τῶν γὰρ νικητηρίων πέρι μαχομένη κεῖται.
一等賞をめぐって戦って、横たわっているのです。
τὸν δὲ νοῦν, ὡς ἔοικε, λεκτέον ὡς ἐμφρόνως οὐκ ἀντεποιεῖτο τῶν νικητηρίων·
他方、知性は、見たところ、賢明にも一等賞を要求しなかったと言わねばなりません。
τὰ γὰρ αὔτʼ ἔπαθεν ἄν.
同じ目に遭ったでしょうから。
τῶν δὲ δὴ δευτερείων στερηθεῖσα ἡδονὴ παντάπασιν ἄν τινα καὶ ἀτιμίαν σχοίη πρὸς τῶν αὑτῆς ἐραστῶν·
しかし、二等賞さえ奪われれば、快楽は自らの愛好者たちに対して完全に何らかの不名誉を被ることになるでしょう。
οὐδὲ γὰρ ἐκείνοις ἔτʼ ἂν ὁμοίως φαίνοιτο καλή.
彼らにとっても、もはや同様に美しくは見えないでしょうから。
ΣΩ. τί οὖν;
ソ：ではどうするか。
οὐκ ἄμεινον αὐτὴν ἐᾶν ἤδη καὶ μὴ τὴν ἀκριβεστάτην αὐτῇ προσφέροντα βάσανον καὶ ἐξελέγχοντα λυπεῖν;
もう快楽をそのままにしておき、極めて厳格な吟味を突きつけて苦しめるのをやめる方が良くはないか。
ΠΡΩ. οὐδὲν λέγεις, ὦ Σώκρατες.
プロ：ソクラテス、何をおっしゃるのです。
ΣΩ. ἆρʼ ὅτι τὸ ἀδύνατον εἶπον, λυπεῖν ἡδονήν;
ソ：私が不可能なこと、つまり快楽を苦しめる、と言ったからかね。
ΠΡΩ. οὐ μόνον γε ἀλλʼ ὅτι καὶ ἀγνοεῖς ὡς οὐδείς πώ σε ἡμῶν μεθήσει πρὶν ἂν εἰς τέλος ἐπεξέλθῃς τούτων τῷ λόγῳ.
プロ：それだけでなく、あなたがこの議論を最後までやり遂げるまでは、我々の誰もあなたを解放しないということを、あなたが分かっていないからです。
ΣΩ. βαβαῖ ἄρα, ὦ Πρώταρχε, συχνοῦ μὲν λόγου τοῦ λοιποῦ, σχεδὸν δὲ οὐδὲ ῥᾳδίου πάνυ τι νῦν.
ソ：おやまあ、プロタルコスよ、残りの議論は長く、今や決して容易でもない。
καὶ γὰρ δὴ φαίνεται δεῖν ἄλλης μηχανῆς, ἐπὶ τὰ δευτερεῖα ὑπὲρ νοῦ πορευόμενον οἷον βέλη ἔχειν ἕτερα τῶν ἔμπροσθεν λόγων·
知性のための二等賞に向かって進むにあたり、前の議論とは別の、言わば矢のような道具が必要とされるように思われるからだ。
ἔστι δὲ ἴσως ἔνια καὶ ταὐτά.
もっとも、いくつかは同じものであるかもしれないが。
οὐκοῦν χρή;
やはり、そうすべきだろうか。
ΠΡΩ. πῶς γὰρ οὔ;
プロ：どうしてそうではないでしょう。
ΣΩ. τὴν δέ γε ἀρχὴν αὐτοῦ διευλαβεῖσθαι πειρώμεθα τιθέμενοι.
ソ：それでは、その出発点を設定しながら、注意深く警戒することにしよう。
ΠΡΩ. ποίαν δὴ λέγεις;
プロ：それはどのようなものですか。
ΣΩ. πάντα τὰ νῦν ὄντα ἐν τῷ παντὶ διχῇ διαλάβωμεν, μᾶλλον δʼ, εἰ βούλει, τριχῇ.
ソ：現在、宇宙に存在するすべてのものを二つに分けよう。 いやむしろ、もしよければ三つに。
ΠΡΩ. καθʼ ὅτι, φράζοις ἄν;
プロ：どのようにですか、おっしゃってください。
ΣΩ. λάβωμεν ἄττα τῶν νυνδὴ λόγων.
ソ：たった今の議論のいくつかを取り上げよう。
ΠΡΩ. ποῖα;
プロ：どのようなものですか。
ΣΩ. τὸν θεὸν ἐλέγομέν που τὸ μὲν ἄπειρον δεῖξαι τῶν ὄντων, τὸ δὲ πέρας;
ソ：神は、存在するもののうち、一方は無限を示し、他方は限を示したと、我々はどこかで言っていたのではないか。
ΠΡΩ. πάνυ μὲν οὖν.
プロ：全くその通りです。
ΣΩ. τούτω δὴ τῶν εἰδῶν τὰ δύο τιθώμεθα, τὸ δὲ τρίτον ἐξ ἀμφοῖν τούτοιν ἕν τι συμμισγόμενον.
ソ：これら二つの種類を設定しよう。 精度を期すために、第三のものは、これら両方から混ざり合って生じる一つのものだ。
εἰμὶ δʼ, ὡς ἔοικεν, ἐγὼ γελοῖός τις ἄνθρωπος κατʼ εἴδη διιστὰς καὶ συναριθμούμενος.
しかし、見たところ、私は種類を切り離したり、数え上げたりする、おかしな人間のようだ。
ΠΡΩ. τί φῄς, ὠγαθέ;
プロ：友よ、何を言うのですか。
ΣΩ. τετάρτου μοι γένους αὖ προσδεῖν φαίνεται.
ソ：私には、第四の類がさらに必要であると思われるのだ。
ΠΡΩ. λέγε τίνος.
プロ：何ですか、言ってください。
ΣΩ. τῆς συμμείξεως τούτων πρὸς ἄλληλα τὴν αἰτίαν ὅρα, καὶ τίθει μοι πρὸς τρισὶν ἐκείνοις τέταρτον τοῦτο.
ソ：これらの互いの混ざり合いの原因を見て、これを先の三つに加えて第四のものとして設定してくれ。
ΠΡΩ. μῶν οὖν σοι καὶ πέμπτου προσδεήσει διάκρισίν τινος δυναμένου;
プロ：それでは、何かを分かつ能力を持つ、第五のものも必要になりますか。
ΣΩ. τάχʼ ἄν·
ソ：おそらくね。
οὐ μὴν οἶμαί γε ἐν τῷ νῦν·
しかし、今はいらないと思う。
ἂν δέ τι δέῃ, συγγνώσῃ πού μοι σὺ μεταδιώκοντι πέμπτον.
もし必要なら、第五のものを追い求める私を許してくれるだろう。
ΠΡΩ. τί μήν;
プロ：もちろんです。
ΣΩ. πρῶτον μὲν δὴ τῶν τεττάρων τὰ τρία διελόμενοι, τὰ δύο τούτων πειρώμεθα, πολλὰ ἑκάτερον ἐσχισμένον καὶ διεσπασμένον ἰδόντες, εἰς ἓν πάλιν ἑκάτερον συναγαγόντες, νοῆσαι πῇ ποτε ἦν αὐτῶν ἓν καὶ πολλὰ ἑκάτερον.
ソ：それではまず、四つのうちの三つを区分して、これらのうちの二つを試みよう。 それぞれが多くに裂かれ、引き裂かれているのを見て、再びそれぞれを一つにまとめて、どのようにそれらがそれぞれ、一つであり、また多くであるのかを理解しよう。
ΠΡΩ. εἴ μοι σαφέστερον ἔτι περὶ αὐτῶν εἴποις, τάχʼ ἂν ἑποίμην.
プロ：それらについてもっと明確に言ってくだされば、ついていけるかもしれません。