§459ΣΩ. οὐκοῦν περὶ πάντων ὥστʼ ἐν ὄχλῳ πιθανὸν εἶναι, οὐ διδάσκοντα ἀλλὰ πείθοντα;
ΣΩ. 那么，是为了在群众中对一切事物都有说服力，不是通过教导，而是通过说服吗？
ΓΟΡ. πάνυ μὲν οὖν.
ΓΟΡ. 正是如此。
ΣΩ. ἔλεγές τοι νυνδὴ ὅτι καὶ περὶ τοῦ ὑγιεινοῦ τοῦ ἰατροῦ πιθανώτερος ἔσται ὁ ῥήτωρ.
ΣΩ. 你刚才确实说过，即使关于健康的事物，辩论家也比医生更有说服力。
ΓΟΡ. καὶ γὰρ ἔλεγον, ἔν γε ὄχλῳ.
ΓΟΡ. 是的，我确实说过，至少在群众中是这样。
ΣΩ. οὐκοῦν τὸ ἐν ὄχλῳ τοῦτό ἐστιν, ἐν τοῖς μὴ εἰδόσιν;
ΣΩ. 那么，这个‘在群众中’指的是在那些不知道的人当中吧？
οὐ γὰρ δήπου ἔν γε τοῖς εἰδόσι τοῦ ἰατροῦ πιθανώτερος ἔσται.
因为在那些知道的人当中，他绝不会比医生更有说服力。
ΓΟΡ. ἀληθῆ λέγεις.
ΓΟΡ. 你说得对。
ΣΩ. οὐκοῦν εἴπερ τοῦ ἰατροῦ πιθανώτερος ἔσται, τοῦ εἰδότος πιθανώτερος γίγνεται;
ΣΩ. 那么，如果他确实比医生更有说服力，他岂不就比知道的人更有说服力了？
ΓΟΡ. πάνυ γε.
ΓΟΡ. 完全是这样。
ΣΩ. οὐκ ἰατρός γε ὤν· ἦ γάρ;
ΣΩ. 而他自己并不是医生，对吧？
ΓΟΡ. ναί.
ΓΟΡ. 是的。
ΣΩ. ὁ δὲ μὴ ἰατρός γε δήπου ἀνεπιστήμων ὧν ὁ ἰατρὸς ἐπιστήμων.
ΣΩ. 而毫无疑问，非医生对于医生所精通的事情是无知的。
ΓΟΡ. δῆλον ὅτι.
ΓΟΡ. 显然如此。
ΣΩ. ὁ οὐκ εἰδὼς ἄρα τοῦ εἰδότος ἐν οὐκ εἰδόσι πιθανώτερος ἔσται, ὅταν ὁ ῥήτωρ τοῦ ἰατροῦ πιθανώτερος ᾖ.
ΣΩ. 那么，当辩论家比医生更有说服力时，在不知者当中，不知者就比知道者更有说服力了。
τοῦτο συμβαίνει ἢ ἄλλο τι;
结果是这样，还是别的什么？
ΓΟΡ. τοῦτο ἐνταῦθά γε συμβαίνει.
ΓΟΡ. 在这个情况下，确实是这样。
ΣΩ. οὐκοῦν καὶ περὶ τὰς ἄλλας ἁπάσας τέχνας ὡσαύτως ἔχει ὁ ῥήτωρ καὶ ἡ ῥητορική·
ΣΩ. 那么，对于所有其他技艺，辩论家和修辞学的情况也是如此吗？
αὐτὰ μὲν τὰ πράγματα οὐδὲν δεῖ αὐτὴν εἰδέναι ὅπως ἔχει, μηχανὴν δέ τινα πειθοῦς ηὑρηκέναι ὥστε φαίνεσθαι τοῖς οὐκ εἰδόσι μᾶλλον εἰδέναι τῶν εἰδότων.
它完全不需要知道事情本身究竟如何，而只需要发现某种说服的窍门，好让它在不知者眼里显得比知道者知道得更多。
ΓΟΡ. οὐκοῦν πολλὴ ῥᾳστώνη, ὦ Σώκρατες, γίγνεται, μὴ μαθόντα τὰς ἄλλας τέχνας ἀλλὰ μίαν ταύτην, μηδὲν ἐλαττοῦσθαι τῶν δημιουργῶν;
ΓΟΡ. 那么，苏格拉底，不学其他技艺而只学这一种，却在工匠面前毫不逊色，这岂不是极大的便宜吗？
ΣΩ. εἰ μὲν ἐλαττοῦται ἢ μὴ ἐλαττοῦται ὁ ῥήτωρ τῶν ἄλλων διὰ τὸ οὕτως ἔχειν, αὐτίκα ἐπισκεψόμεθα, ἐάν τι ἡμῖν πρὸς λόγου ᾖ·
ΣΩ. 辩论家因为处于这种状态，在面对他人时究竟是处于劣势还是不处于劣势，如果对我们的讨论有用，我们待会儿再考察；但现在让我们先考察这一点：是否辩论家在面对正义与非正义、丑与美、善与恶时，也正像他面对健康和其它技艺所针对的事物一样？
νῦν δὲ τόδε πρότερον σκεψώμεθα, ἆρα τυγχάνει περὶ τὸ δίκαιον καὶ τὸ ἄδικον καὶ τὸ αἰσχρὸν καὶ τὸ καλὸν καὶ ἀγαθὸν καὶ κακὸν οὕτως ἔχων ὁ ῥητορικὸς ὡς περὶ τὸ ὑγιεινὸν καὶ περὶ τὰ ἄλλα ὧν αἱ ἄλλαι τέχναι, αὐτὰ μὲν οὐκ εἰδώς, τί ἀγαθὸν ἢ τί κακόν ἐστιν ἢ τί καλὸν ἢ τί αἰσχρὸν ἢ δίκαιον ἢ ἄδικον, πειθὼ δὲ περὶ αὐτῶν μεμηχανημένος ὥστε δοκεῖν εἰδέναι οὐκ εἰδὼς ἐν οὐκ εἰδόσιν μᾶλλον τοῦ εἰδότος;
也就是说，他自己并不知道这些事情本身——什么是善，什么是恶，什么是美，什么是丑，什么是正义，什么是非正义——而只是对这些事情设计出了一种说服方式，使得他在不知者当中，在自己不知道的情况下，反而显得比知道的人更知道？
ἢ ἀνάγκη εἰδέναι, καὶ δεῖ προεπιστάμενον ταῦτα ἀφικέσθαι παρὰ σὲ τὸν μέλλοντα μαθήσεσθαι τὴν ῥητορικήν;
或者说，必须知道这些，而那个将要学习修辞学的人，必须事先知道这些事情才能到你这里来？
εἰ δὲ μή, σὺ ὁ τῆς ῥητορικῆς διδάσκαλος τούτων μὲν οὐδὲν διδάξεις τὸν ἀφικνούμενον—οὐ γὰρ σὸν ἔργον —ποιήσεις δʼ ἐν τοῖς πολλοῖς δοκεῖν εἰδέναι αὐτὸν τὰ τοιαῦτα οὐκ εἰδότα καὶ δοκεῖν ἀγαθὸν εἶναι οὐκ ὄντα;
或者如果不是这样，你作为修辞学的教师，将不教给来学者任何这些东西——因为这不是你的职责——但你会让他在大众面前显得知道这些事情（即使他并不知道），并显得是个善人（即使他并不是）？
ἢ τὸ παράπαν οὐχ οἷός τε ἔσῃ αὐτὸν διδάξαι τὴν ῥητορικήν, ἐὰν μὴ προειδῇ περὶ τούτων τὴν ἀλήθειαν;
或者，如果他事先不知道关于这些事情的真理，你根本就无法教他修辞学？
ἢ πῶς τὰ τοιαῦτα ἔχει, ὦ Γοργία;
还是说，这些事情究竟是怎么回事，高尔吉亚？
καὶ πρὸς Διός, ὥσπερ ἄρτι εἶπες, ἀποκαλύψας τῆς ῥητορικῆς εἰπὲ τίς ποθʼ ἡ δύναμίς ἐστιν.
凭宙斯起誓，就像你刚才说的那样，揭开修辞学的面纱，告诉我们它的力量到底是什么。