§459ΣΩ. οὐκοῦν περὶ πάντων ὥστʼ ἐν ὄχλῳ πιθανὸν εἶναι, οὐ διδάσκοντα ἀλλὰ πείθοντα;
ΣΩ. 그렇다면 모든 주제에 대해 군중 속에서 설득력이 있도록 만드는 것인가, 가르치는 것이 아니라 설득함으로써 말이네?
ΓΟΡ. πάνυ μὲν οὖν.
ΓΟΡ. 바로 그렇습니다.
ΣΩ. ἔλεγές τοι νυνδὴ ὅτι καὶ περὶ τοῦ ὑγιεινοῦ τοῦ ἰατροῦ πιθανώτερος ἔσται ὁ ῥήτωρ.
ΣΩ. 자네는 방금 전 건강에 좋은 것에 대해서도 연설가가 의사보다 더 설득력이 있을 것이라고 말했지.
ΓΟΡ. καὶ γὰρ ἔλεγον, ἔν γε ὄχλῳ.
ΓΟΡ. 그렇습니다, 적어도 군중 속에서는 그렇다고 말했지요.
ΣΩ. οὐκοῦν τὸ ἐν ὄχλῳ τοῦτό ἐστιν, ἐν τοῖς μὴ εἰδόσιν;
ΣΩ. 그렇다면 ‘군중 속에서’라는 것은 알지 못하는 사람들 사이에서라는 뜻이겠지?
οὐ γὰρ δήπου ἔν γε τοῖς εἰδόσι τοῦ ἰατροῦ πιθανώτερος ἔσται.
아는 사람들 사이에서는 설마 의사보다 더 설득력이 있지는 않을 테니 말이네.
ΓΟΡ. ἀληθῆ λέγεις.
ΓΟΡ. 옳은 말씀입니다.
ΣΩ. οὐκοῦν εἴπερ τοῦ ἰατροῦ πιθανώτερος ἔσται, τοῦ εἰδότος πιθανώτερος γίγνεται;
ΣΩ. 그렇다면 만약 그가 의사보다 더 설득력이 있게 된다면, 아는 사람보다 더 설득력이 있게 되는 셈인가?
ΓΟΡ. πάνυ γε.
ΓΟΡ. 바로 그렇습니다.
ΣΩ. οὐκ ἰατρός γε ὤν·
ΣΩ. 자신은 의사가 아니면서 말이네.
ἦ γάρ;
그렇지 않은가?
ΓΟΡ. ναί.
ΓΟΡ. 그렇습니다.
ΣΩ. ὁ δὲ μὴ ἰατρός γε δήπου ἀνεπιστήμων ὧν ὁ ἰατρὸς ἐπιστήμων.
ΣΩ. 그리고 의사가 아닌 사람은 의사가 지식을 가지고 있는 일들에 대해 당연히 무지하겠지.
ΓΟΡ. δῆλον ὅτι.
ΓΟΡ. 분명히 그렇습니다.
ΣΩ. ὁ οὐκ εἰδὼς ἄρα τοῦ εἰδότος ἐν οὐκ εἰδόσι πιθανώτερος ἔσται, ὅταν ὁ ῥήτωρ τοῦ ἰατροῦ πιθανώτερος ᾖ.
ΣΩ. 그렇다면 연설가가 의사보다 더 설득력이 있을 때, 알지 못하는 사람이 알지 못하는 사람들 사이에서 아는 사람보다 더 설득력이 있게 되는 셈이군.
τοῦτο συμβαίνει ἢ ἄλλο τι;
이렇게 되는 것인가, 아니면 다른 일이 일어나는 것인가?
ΓΟΡ. τοῦτο ἐνταῦθά γε συμβαίνει.
ΓΟΡ. 이 경우에는 확실히 그렇게 되는군요.
ΣΩ. οὐκοῦν καὶ περὶ τὰς ἄλλας ἁπάσας τέχνας ὡσαύτως ἔχει ὁ ῥήτωρ καὶ ἡ ῥητορική·
ΣΩ. 그렇다면 다른 모든 기술에 대해서도 연설가와 수사학의 처지는 마찬가지겠군.
αὐτὰ μὲν τὰ πράγματα οὐδὲν δεῖ αὐτὴν εἰδέναι ὅπως ἔχει, μηχανὴν δέ τινα πειθοῦς ηὑρηκέναι ὥστε φαίνεσθαι τοῖς οὐκ εἰδόσι μᾶλλον εἰδέναι τῶν εἰδότων.
사태 그 자체에 대해서는 수사학이 어떻게 되어 있는지 전혀 알 필요가 없고, 다만 알지 못하는 사람들 눈에 아는 사람들보다 더 많이 알고 있는 것처럼 보이도록 만드는 어떤 설득의 방책을 찾아내기만 하면 된다는 것 말일세.
ΓΟΡ. οὐκοῦν πολλὴ ῥᾳστώνη, ὦ Σώκρατες, γίγνεται, μὴ μαθόντα τὰς ἄλλας τέχνας ἀλλὰ μίαν ταύτην, μηδὲν ἐλαττοῦσθαι τῶν δημιουργῶν;
ΓΟΡ. 그렇다면 소크라테스, 다른 기술들을 배우지 않고 이 한 가지만 배워서 장인들에게 조금도 뒤처지지 않는다는 것은 참으로 큰 편리함이 아니겠습니까?
ΣΩ. εἰ μὲν ἐλαττοῦται ἢ μὴ ἐλαττοῦται ὁ ῥήτωρ τῶν ἄλλων διὰ τὸ οὕτως ἔχειν, αὐτίκα ἐπισκεψόμεθα, ἐάν τι ἡμῖν πρὸς λόγου ᾖ·
ΣΩ. 연설가가 이러한 상태에 있음으로 인해 다른 사람들에게 뒤처지는지 뒤처지지 않는지는, 만약 그것이 우리 토론에 도움이 된다면 머잖아 살펴보겠네.
νῦν δὲ τόδε πρότερον σκεψώμεθα, ἆρα τυγχάνει περὶ τὸ δίκαιον καὶ τὸ ἄδικον καὶ τὸ αἰσχρὸν καὶ τὸ καλὸν καὶ ἀγαθὸν καὶ κακὸν οὕτως ἔχων ὁ ῥητορικὸς ὡς περὶ τὸ ὑγιεινὸν καὶ περὶ τὰ ἄλλα ὧν αἱ ἄλλαι τέχναι, αὐτὰ μὲν οὐκ εἰδώς, τί ἀγαθὸν ἢ τί κακόν ἐστιν ἢ τί καλὸν ἢ τί αἰσχρὸν ἢ δίκαιον ἢ ἄδικον, πειθὼ δὲ περὶ αὐτῶν μεμηχανημένος ὥστε δοκεῖν εἰδέναι οὐκ εἰδὼς ἐν οὐκ εἰδόσιν μᾶλλον τοῦ εἰδότος;
하지만 지금은 우선 이것부터 살펴보세. 과연 정의로운 것과 정의롭지 못한 것, 추한 것과 아름다운 것, 좋은 것과 나쁜 것에 대해서도 수사학적 인간은 건강에 좋은 것이나 다른 기술들이 다루는 다른 일들에 대해 처해 있는 것과 똑같은 상태에 있는 것인가? 즉, 무엇이 좋고 무엇이 나쁜지, 무엇이 아름답고 무엇이 추한지, 또는 무엇이 정의롭고 정의롭지 못한지 그 자체는 알지 못하면서, 그것들에 대해 설득의 방책을 고안해 냄으로써, 알지 못하면서도 알지 못하는 사람들 사이에서 아는 사람보다 더 많이 알고 있는 것처럼 보이게 되는 상태에 있는가?
ἢ ἀνάγκη εἰδέναι, καὶ δεῖ προεπιστάμενον ταῦτα ἀφικέσθαι παρὰ σὲ τὸν μέλλοντα μαθήσεσθαι τὴν ῥητορικήν;
아니면 그것들을 알아야만 하는 필연성이 있어서, 수사학을 배우려는 자는 이 일들을 미리 알고 자네에게 와야만 하는가?
εἰ δὲ μή, σὺ ὁ τῆς ῥητορικῆς διδάσκαλος τούτων μὲν οὐδὲν διδάξεις τὸν ἀφικνούμενον—οὐ γὰρ σὸν ἔργον —ποιήσεις δʼ ἐν τοῖς πολλοῖς δοκεῖν εἰδέναι αὐτὸν τὰ τοιαῦτα οὐκ εἰδότα καὶ δοκεῖν ἀγαθὸν εἶναι οὐκ ὄντα;
만약 그렇지 않다면, 수사학의 교사인 자네는 찾아오는 이에게 이것들을 전혀 가르치지 않을 것인가(그것은 자네가 할 일이 아니니 말이네), 하지만 그가 그러한 것들을 알지 못하면서도 대중 속에서 아는 것처럼 보이게 만들고, 또 선하지 않으면서도 선한 사람처럼 보이게 만들 것인가?
ἢ τὸ παράπαν οὐχ οἷός τε ἔσῃ αὐτὸν διδάξαι τὴν ῥητορικήν, ἐὰν μὴ προειδῇ περὶ τούτων τὴν ἀλήθειαν;
아니면 그가 이 일들에 대한 진리를 미리 알지 못한다면, 자네는 아예 그에게 수사학을 가르칠 수 없는 것인가?
ἢ πῶς τὰ τοιαῦτα ἔχει, ὦ Γοργία;
혹은 이러한 일들은 어떻게 돌아가는가, 고르기아스?
καὶ πρὸς Διός, ὥσπερ ἄρτι εἶπες, ἀποκαλύψας τῆς ῥητορικῆς εἰπὲ τίς ποθʼ ἡ δύναμίς ἐστιν.
그리고 제우스의 이름으로 부탁하네만, 방금 전 자네가 말한 것처럼 수사학의 베일을 벗기고 그 능력이 대체 무엇인지 말해주게나.