§9.3.1Ἀννίβας δὲ κύκλῳ περιλαμβάνων τὸν χάρακα τοῦ Ἀππίου τὸ μὲν πρῶτον ἠκροβολίζετο καὶ κατεπείραζε, βουλόμενος ἐκκαλεῖσθαι πρὸς μάχην·
ハンニバルはアッピウスの防壁を丸く包囲しながら、最初は小競り合いをしかけ、様子を伺っていた。 戦いへと誘い出そうと望んでのことである。
§9.3.2οὐδενὸς δὲ συνυπακούοντος τέλος ἐγίνετο πολιορκίᾳ παραπλήσιον τὸ συμβαῖνον, τῶν μὲν ἱππέων ἐπιφερομένων ταῖς ἴλαις καὶ μετὰ κραυγῆς εἰσακοντιζόντων εἰς τὴν παρεμβολήν, τῶν δὲ πεζῶν κατὰ σπείρας προσπιπτόντων καὶ διασπᾶν τὸ χαράκωμα πειρωμένων.
しかし、誰もそれに応じなかったので、最後には、起こっていることは包囲戦に極めて類似したものとなった。 騎兵たちが中隊ごとに襲いかかり、叫び声をあげながら陣営の中に投げ槍を投げ込み、他方、歩兵たちが歩兵中隊ごとに突撃して、防壁を突き破ろうと試みていたからである。
§9.3.3οὐ μὴν ἀλλʼ οὐδʼ ὣς ἐδύνατο κινῆσαι τοὺς Ῥωμαίους ἐκ τῆς ὑποκειμένης προθέσεως, ἀλλὰ τοῖς μὲν εὐζώνοις ἀπετρίβοντο τοὺς προσπίπτοντας πρὸς τὸν χάρακα, τοῖς δὲ βαρέσι τῶν ὅπλων ἀσφαλιζόμενοι τὴν ἐπιφορὰν τῶν βελῶν ἔμενον ἐν τάξει κατὰ τὰς σημαίας.
それでもやはり、そうしたことによってもローマ人を目の前の方針から動かすことはできなかった。 むしろ軽装兵によって防壁へと突撃してくる者たちを退け、重武装によって投射物の攻撃から身を安全に守りながら、部隊の旗のもとで隊列を維持して留まっていた。
§9.3.4Ἀννίβας δὲ δυσαρεστούμενος τοῖς ὅλοις διὰ τὸ μήτε παραπεσεῖν εἰς τὴν πόλιν δύνασθαι μήτʼ ἐκκαλεῖσθαι τοὺς Ῥωμαίους, ἐβουλεύετο περὶ τῶν ἐνεστώτων τί χρὴ ποιεῖν.
ハンニバルは全体の状況に不満を抱いていた。 街の中へ滑り込むこともできず、ローマ人を誘い出すこともできなかったためであり、現下の状況について何をするべきか思案していた。
§9.3.5ἐμοὶ δʼ οὐ μόνοις ἂν δοκεῖ Καρχηδονίοις τὰ τότε συμβαίνοντα παρέχειν ἀπορίαν, ἀλλὰ καὶ τῶν ἄλλων ἀνθρώπων τοῖς πυθομένοις.
私には、当時起こっていたことはカルタゴ人だけに当惑をもたらしたのではなく、他の人々でそれを耳にした者たちすべてにも当惑をもたらしたであろうと思われる。
§9.3.6τίς γὰρ οὐκ ἂν ἀπιστήσαι πῶς Ῥωμαῖοι, πολλαῖς μὲν ἡττημένοι μάχαις ὑπὸ Καρχηδονίων, οὐ τολμῶντες δὲ κατὰ πρόσωπον ἔτι συγκαθίστασθαι τοῖς ὑπεναντίοις, ὅμως οὔτʼ εἴκειν οἷοί τʼ ἦσαν οὔτʼ ἐκχωρεῖν τῶν ὑπαίθρων;
なぜなら、カルタゴ人との多くの戦いで敗れ、もはや敵と正面から対峙する勇気もないローマ人が、それにもかかわらず屈服することも、野外から退去することもできなかったというのは、誰が疑わずにいられようか。
§9.3.7καὶ τὸν μὲν πρὸ τοῦ χρόνον ἀντιπαρῆγον μόνον ἀεὶ ταῖς ὑπωρείαις, τότε δὲ καθίσαντες εἰς τὰ πεδία καὶ τὸν ἐπιφανέστατον τόπον τῆς Ἰταλίας ἐπολιόρκουν τὴν ἰσχυροτάτην πόλιν, κύκλῳ προσμαχομένων αὐτοῖς τῶν πολεμίων, πρὸς οὓς οὐδʼ ἐπινοήσαντες οἷοί τʼ ἦσαν ἀντοφθαλμεῖν·
そして、それ以前の時期には常に山麓に沿って並行して進むだけであったのに、その時には平野に、すなわちイタリアの最も名高い場所に陣を敷いて、最も強力な都市を包囲していた。 敵が周囲から彼らに攻撃を仕掛けている中で、彼らに対しては、立ち向かうことを考えさえできなかったというのに。
§9.3.8καρχηδόνιοί τʼ, ἀδιαλείπτως νικῶντες ταῖς μάχαις, οὐχ ἧττον ἐνίοις καιροῖς ἐδυσχρηστοῦντο τῶν ἡττωμένων.
またカルタゴ人も、戦闘では絶えず勝利していたものの、ある状況においては敗者に劣らず困難な状況に置かれていた。
§9.3.9δοκεῖ δέ μοι παραίτιον τοῦτο γεγονέναι τῆς ἑκατέρων προαιρέσεως, τὸ παρʼ ἀμφοῖν συντεθεωρῆσθαι διότι τὸ παρʼ Ἀννίβου σύνταγμα τῶν ἱππέων αἴτιον ἦν καὶ τοῦ νικᾶν τοὺς Καρχηδονίους καὶ τοῦ λείπεσθαι τοὺς Ῥωμαίους.
そして、両者のこの方針の原因となったのは、次のことだと私には思われる。 すなわち、ハンニバルのもとにある騎兵部隊こそが、カルタゴ人が勝利し、ローマ人が敗北する原因であったということが、双方によって共に理解されていたことである。
§9.3.10διόπερ αἵ τε τῶν ἡττωμένων στρατοπέδων ἀντιπαραγωγαὶ μετὰ τὰς μάχας εὐθέως κατὰ λόγον ἐγίνοντο·
それゆえ、敗北した軍勢が戦闘の直後に並行して移動したことも、理にかなったことであった。
διὰ γὰρ τόπων τοιούτων ἀντιπαρῆγον ἐν οἷς οὐδὲν ἔμελλε βλάψειν αὐτοὺς τὸ τῶν ὑπεναντίων ἱππικόν.
というのも、彼らは敵の騎兵が自分たちを少しも害することのないような場所を通って並行移動したからである。
§9.3.11τά τε περὶ τὴν Καπύην τότε συμβαίνοντʼ εἰκότως ἑκατέροις ἀπήντα.
また、当時カプアの周辺で起こっていたことも、双方にとって当然の帰結として生じたのである。