§2.71.1τίνος δὲ χάριν ἐποιησάμεθα τὴν ἐπὶ πλεῖον ὑπὲρ τοῦ προειρημένου πολέμου μνήμην;
何のために、私たちは前述の戦争についてより詳細に言及したのだろうか。
§2.71.2διότι τῶν καιρῶν τούτων συναπτόντων τοῖς ὑφʼ ὑμῶν ἱστορεῖσθαι μέλλουσι χρήσιμον ἐδόκει, μᾶλλον δʼ ἀναγκαῖον εἶναι κατὰ τὴν ἐξ ἀρχῆς πρόθεσιν τὸ ποιῆσαι πᾶσιν ἐναργῆ καὶ γνώριμον τὴν ὑπάρχουσαν περὶ Μακεδόνας καὶ τοὺς Ἕλληνας τότε κατάστασιν.
なぜなら、これらの時期は私たちがこれから記述しようとする出来事に直接つながっているため、当初の計画に従って、当時のマケドニア人とギリシア人をめぐる既存の状況をすべての人にとって明白かつ既知のものとすることが、有益であり、むしろ不可欠であると思われたからである。
§2.71.3περὶ δὲ τοὺς αὐτοὺς καιροὺς καὶ Πτολεμαίου νόσῳ τὸν βίον μεταλλάξαντος Πτολεμαῖος ὁ κληθεὶς Φιλοπάτωρ διεδέξατο τὴν βασιλείαν.
ほぼ同じ時期に、プトレマイオスも病気で世を去り、フィロパトルと呼ばれるプトレマイオスが王位を継承した。
§2.71.4μετήλλαξε δὲ καὶ Σέλευκος ὁ Σελεύκου τοῦ Καλλινίκου καὶ Πώγωνος ἐπικληθέντος· Ἀντίοχος δὲ διεδέξατο τὴν ἐν Συρίᾳ βασιλείαν, ἀδελφὸς ὢν αὐτοῦ.
また、カリニコスおよびポーゴーンと呼ばれたセレウコスの息子セレウコスも世を去り、彼の兄弟であるアンティオコスがシリアの王位を継承した。
§2.71.5παραπλήσιον γὰρ δή τι συνέβη τούτοις καὶ τοῖς πρώτοις μετὰ τὴν Ἀλεξάνδρου τελευτὴν κατασχοῦσι τὰς ἀρχὰς ταύτας, λέγω δὲ Σελεύκῳ, Πτολεμαίῳ, Λυσιμάχῳ.
というのも、これらの者たちには、アレクサンドロスの死後に最初にこれらの支配権を握った者たち、すなわちセレウコス、プトレマイオス、リュシマコスと、非常によく似たことが起こったからである。
§2.71.6ἐκεῖνοί τε γὰρ πάντες περὶ τὴν εἰκοστὴν καὶ τετάρτην πρὸς ταῖς ἑκατὸν ὀλυμπιάδα μετήλλαξαν, καθάπερ ἐπάνω προεῖπον, οὗτοί τε περὶ τὴν ἐνάτην καὶ τριακοστήν.
なぜなら、先人たちは全員、私が以前に述べたように第124オリンピアードのころに世を去り、後者たちもまた第139オリンピアードのころに世を去ったからである。
§2.71.7ἡμεῖς δʼ ἐπειδὴ τὴν ἐπίστασιν καὶ προκατασκευὴν τῆς ὅλης ἱστορίας διεληλύθαμεν, διʼ ἧς ὑποδέδεικται πότε καὶ πῶς καὶ διʼ ἃς αἰτίας τῶν κατὰ τὴν Ἰταλίαν κρατήσαντες Ῥωμαῖοι πρῶτον ἐγχειρεῖν ἤρξαντο τοῖς ἔξω πράγμασι καὶ πρῶτον ἐτόλμησαν ἀμφισβητεῖν Καρχηδονίοις τῆς θαλάττης, §2.71.8ἅμα δὲ τούτοις καὶ τὴν περὶ τοὺς Ἕλληνας καὶ Μακεδόνας, ὁμοίως δὲ καὶ περὶ Καρχηδονίους ὑπάρχουσαν τότε κατάστασιν δεδηλώκαμεν,
さて、私たちは歴史全体の導入と予備的叙述を終えたが、その中では、いつ、どのように、どのような原因で、イタリアを制圧したローマ人が初めて国外の事柄に着手し始め、初めてカルタゴ人と海の覇権を争うまでに至ったかが示されており、そしてこれらと同時に、ギリシア人とマケドニア人、同様にまたカルタゴ人に関する当時の既存の状況をも明らかにした。
§2.71.9καθῆκον ἂν εἴη παραγεγονότας ἐπὶ τοὺς καιροὺς τούτους κατὰ τὴν ἐξ ἀρχῆς πρόθεσιν, ἐν οἷς ἔμελλον οἱ μὲν Ἕλληνες τὸν συμμαχικόν, Ῥωμαῖοι δὲ τὸν Ἀννιβιακόν, οἱ δὲ κατὰ τὴν Ἀσίαν βασιλεῖς τὸν περὶ Κοίλης Συρίας ἐνίστασθαι πόλεμον, §2.71.10καὶ τὴν βύβλον ταύτην ἀφορίζειν ἀκολούθως τῇ τε τῶν προγεγονότων πραγμάτων περιγραφῇ καὶ τῇ τῶν κεχειρικότων τὰ πρὸ τοῦ δυναστῶν καταστροφῇ.
それゆえ、当初の計画に従って、ちょうどこれらの時期に到達した今 ―― その時期において、ギリシア人は「同盟戦争」を、ローマ人は「ハンニバル戦争」を、アジアの王たちは「コイレ・シリアをめぐる戦争」を開始しようとしていたのだが ―― これまでに起こった事柄の記述の完了、および、これまで事態を主導してきた支配者たちの死に合わせて、この巻をここで区切ることが適当であろう。