§3.15.7πλησίον δέ ἐστιν Ἱπποσθένους ναός, ᾧ γεγόνασιν αἱ πολλαὶ νῖκαι πάλης·
その近くにはヒッポステネスの神殿があり、彼にはレスリングでの多くの勝利があった。
σέβουσι δὲ ἐκ μαντεύματος τὸν Ἱπποσθένην ἅτε Ποσειδῶνι τιμὰς νέμοντες.
人々は神託に基づいて、あたかもポセイドンに栄誉を授けるかのようにヒッポステネスを崇拝している。
τοῦ ναοῦ δὲ ἀπαντικρὺ πέδας ἐστὶν ἔχων Ἐνυάλιος, ἄγαλμα ἀρχαῖον.
神殿の向かいには、足枷をはめられたエニュアリオスの古い神像がある。
γνώμη δὲ Λακεδαιμονίων τε ἐς τοῦτό ἐστιν ἄγαλμα καὶ Ἀθηναίων ἐς τὴν Ἄπτερον καλουμένην Νίκην, τῶν μὲν οὔποτε τὸν Ἐνυάλιον φεύγοντα οἰχήσεσθαί σφισιν ἐνεχόμενον ταῖς πέδαις, Ἀθηναίων δὲ τὴν Νίκην αὐτόθι ἀεὶ μενεῖν οὐκ ὄντων πτερῶν.
この神像に対するラケバイモン人の考え、および「翼のない」と呼ばれるニケに対するアテナイ人の考えは次のようなものである。 すなわち、前者はエニュアリオスが足枷に繋がれていることで、逃げ去って自分たちのもとから立ち去ることは決してないだろうと考え、アテナイ人はニケに翼がないので、常にその場所に留まるだろうと考えた。
τόνδε μέν εἰσιν αἱ πόλεις αὗται τὰ ξόανα τὸν τρόπον ἱδρυμέναι καὶ ἐπὶ δόξῃ τοιαύτῃ·
これらの都市は、このような方法と意図のもとにこれらの木像を建立している。
§3.15.8ἐν Σπάρτῃ δὲ λέσχη τέ ἐστι καλουμένη Ποικίλη καὶ ἡρῷα πρὸς αὐτῇ Κάδμου τοῦ Ἀγήνορος τῶν τε ἀπογόνων, Οἰολύκου τοῦ Θήρα καὶ Αἰγέως τοῦ Οἰολύκου.
スパルタには「ポイキレ」と呼ばれる集会所があり、その近くにはアゲノールの子カドモスと、その子孫であるテラスの子オイオリュコス、およびオイオリュコスの子アイゲウスの英雄廟がある。
ποιῆσαι δὲ τὰ ἡρῷα λέγουσι Μαῖσιν καὶ Λαίαν τε καὶ Εὐρώπαν, εἶναι δὲ αὐτοὺς Ὑραίου παῖδας τοῦ Αἰγέως.
これらの英雄廟を作ったのはマイシス、ライアス、エウロパであり、彼らはアイゲウスの子ヒュライオスの子らであると言われている。
ἐποίησαν δὲ καὶ τῷ Ἀμφιλόχῳ τὸ ἡρῷον, ὅτι σφίσιν ὁ πρόγονος Τισαμενὸς μητρὸς ἦν Δημωνάσσης, ἀδελφῆς Ἀμφιλόχου.
また彼らはアムピロコスのためにも英雄廟を作った。 なぜなら彼らの先祖であるティサメノスは、アムピロコスの姉妹であるデモナッサを母として持っていたからである。
§3.15.9μόνοις δὲ Ἑλλήνων Λακεδαιμονίοις καθέστηκεν Ἥραν ἐπονομάζειν Αἰγοφάγον καὶ αἶγας τῇ θεῷ θύειν.
ギリシア人の中でスパルタ人だけが、ヘラに「アイゴパゴス」という別名を与え、この女神に山羊を犠牲として捧げる習慣がある。
Ἡρακλέα δὲ λέγουσιν ἱδρύσασθαι τὸ ἱερὸν καὶ αἶγας θῦσαι πρῶτον, ὅτι μαχομένῳ οἱ πρὸς Ἱπποκόωντα καὶ τοὺς παῖδας οὐδὲν ἐκ τῆς Ἥρας ἀπήντησεν ἐμπόδιον, ὥσπερ γε ἐπὶ τῶν ἄλλων ἐδόξαζεν ἐναντιοῦσθαί οἱ τὴν θεόν·
ヘラクレスがこの聖所を建立し、最初に山羊を犠牲にしたと言われている。 というのも、彼がヒッポコオンおよびその子らと戦った際、ヘラからの妨害が一切なかったからである。 他の時にはいつもこの女神が自分に敵対していると彼は思っていたのだが。
αἶγας δὲ αὐτὸν θῦσαί φασιν ἱερείων ἀπορήσαντα ἀλλοίων.
また、彼が山羊を犠牲にしたのは、他の種類の犠牲獣が不足していたからだとも言われている。
§3.15.10τοῦ θεάτρου δὲ οὐ πόρρω Ποσειδῶνός τε ἱερόν ἐστι Γενεθλίου καὶ ἡρῷα Κλεοδαίου τοῦ Ὕλλου καὶ Οἰβάλου.
劇場の近くには、ポセイドン・ゲネトリオスの聖所と、ヒュロスの子クレオダイオスおよびオイバロスの英雄廟がある。
τῶν δὲ Ἀσκληπιείων τὸ ἐπιφανέστατον πεποίηταί σφισι πρὸς τοῖς Βοωνήτοις, ἐν ἀριστερᾷ δὲ ἡρῷον Τηλέκλου·
アスクレピオス聖所のうちで最も顕著なものは、ボーオネトイの近くに建てられており、その左手にはテレクロスの英雄廟がある。
τούτου δὲ καὶ ὕστερον ποιήσομαι μνήμην ἐν τῇ Μεσσηνίᾳ συγγραφῇ.
この人物については、後に『メッセニア記』において再び言及することにする。
προελθοῦσι δὲ οὐ πολὺ λόφος ἐστὶν οὐ μέγας, ἐπὶ δὲ αὐτῷ ναὸς ἀρχαῖος καὶ Ἀφροδίτης ξόανον ὡπλισμένης.
少し進むと、それほど大きくない丘があり、その上には古い神殿と武装したアプロディテの木像がある。
ναῶν δὲ ὧν οἶδα μόνῳ τούτῳ καὶ ὑπερῷον ἄλλο ἐπῳκοδόμηται Μορφοῦς ἱερόν.
私が知っている神殿の中で、これにだけは上階が上に建てられており、そこはモルポの聖所となっている。
§3.15.11ἐπίκλησις μὲν δὴ τῆς Ἀφροδίτης ἐστὶν ἡ Μορφώ, κάθηται δὲ καλύπτραν τε ἔχουσα καὶ πέδας περὶ τοῖς ποσί·
アプロディテの別名はモルポであり、ベールを被り、両足に足枷をはめられて座っている。
περιθεῖναι δέ οἱ Τυνδάρεων τὰς πέδας φασὶν ἀφομοιοῦντα τοῖς δεσμοῖς τὸ ἐς τοὺς συνοικοῦντας τῶν γυναικῶν βέβαιον.
チュンダレオスが彼女に足枷をはめたと言われているが、それはその鎖によって、妻たちの夫に対する貞節を象徴させるためであった。
τὸν γὰρ δὴ ἕτερον λόγον, ὡς τὴν θεὸν πέδαις ἐτιμωρεῖτο ὁ Τυνδάρεως, γενέσθαι ταῖς θυγατράσιν ἐξ Ἀφροδίτης ἡγούμενος τὰ ὀνείδη, τοῦτον οὐδὲ ἀρχὴν προσίεμαι·
というのも、もう一つの説、すなわちアプロディテのせいで娘たちに不名誉が生じたと考えたチュンダレオスが足枷によって女神を罰したという話は、私はそもそも全く受け入れない。
ἦν γὰρ δὴ παντάπασιν εὔηθες κέδρου ποιησάμενον ζῴδιον καὶ ὄνομα Ἀφροδίτην θέμενον ἐλπίζειν ἀμύνεσθαι τὴν θεόν.
なぜなら、杉の木像を作ってアプロディテの名を与えた上で、その女神を罰することができると期待するなど、まったくもって愚か極まりないことだからである。