§8.11καθʼ ἑκάστην δὲ τῶν πολιτειῶν φιλία φαίνεται, ἐφʼ ὅσον καὶ τὸ δίκαιον, βασιλεῖ μὲν πρὸς τοὺς βασιλευομένους ἐν ὑπεροχῇ εὐεργεσίας·
それぞれの国制において、正義が存在するのと同程度に、友情もまた見出される。 例えば、王から被支配者への友情は、恩恵の卓越性に基づいている。
εὖ γὰρ ποιεῖ τοὺς βασιλευομένους, εἴπερ ἀγαθὸς ὢν ἐπιμελεῖται αὐτῶν, ἵνʼ εὖ πράττωσιν, ὥσπερ νομεὺς προβάτων·
というのも、王は、もし善き者であって、彼らが健やかに暮らせるように配慮するならば、それはまるで羊の番人のようであり、被支配者たちに善を施すからである。
ὅθεν καὶ Ὅμηρος τὸν Ἀγαμέμνονα ποιμένα λαῶν εἶπεν.
それゆえホメロスもまたアガメムノンを「民の牧者」と呼んだのである。
τοιαύτη δὲ καὶ ἡ πατρική, διαφέρει δὲ τῷ μεγέθει τῶν εὐεργετημάτων·
父親の友情もまた同様であるが、恩恵の大きさにおいて異なっている。
αἴτιος γὰρ τοῦ εἶναι, δοκοῦντος μεγίστου, καὶ τροφῆς καὶ παιδείας.
なぜなら、父親は、最も大きいと思われる「存在すること」、そして養育と教育をもたらした原因だからである。
καὶ τοῖς προγόνοις δὲ ταῦτα προσνέμεται·
また、祖先に対してもこれらのことが帰せられる。
φύσει τε ἀρχικὸν πατὴρ υἱῶν καὶ πρόγονοι ἐκγόνων καὶ βασιλεὺς βασιλευομένων.
本性上、父は息子たちを、祖先は子孫を、王は被支配者たちを支配するものだからである。
ἐν ὑπεροχῇ δὲ αἱ φιλίαι αὗται, διὸ καὶ τιμῶνται οἱ γονεῖς.
これらの友情は卓越の関係におけるものであり、それゆえに親たちも敬われる。
καὶ τὸ δίκαιον δὴ ἐν τούτοις οὐ ταὐτὸ ἀλλὰ τὸ κατʼ ἀξίαν· οὕτω γὰρ καὶ ἡ φιλία.
したがって、これらの関係における正義も同一ではなく、価値に応じたものであり、友情もまた同様である。
καὶ ἀνδρὸς δὲ πρὸς γυναῖκα ἡ αὐτὴ φιλία καὶ ἐν ἀριστοκρατίᾳ·
夫の妻に対する友情も同じであり、これは貴族制における友情と同様である。
κατʼ ἀρετὴν γάρ, καὶ τῷ ἀμείνονι πλέον ἀγαθόν, καὶ τὸ ἁρμόζον ἑκάστῳ·
なぜなら、それは徳に基づいたものであり、より優れた者にはより多くの善が、各自にふさわしいものが割り当てられるからである。
οὕτω δὲ καὶ τὸ δίκαιον.
そして正義もまた同様である。
ἡ δὲ τῶν ἀδελφῶν τῇ ἑταιρικῇ ἔοικεν·
兄弟の友情は友人のそれに似ている。
ἴσοι γὰρ καὶ ἡλικιῶται, οἱ τοιοῦτοι δʼ ὁμοπαθεῖς καὶ ὁμοήθεις ὡς ἐπὶ τὸ πολύ.
なぜなら、彼らは平等であり、年齢も同じであって、そのような人々は大抵の場合、感情を同じくし、性格を同じくするからである。
ἔοικε δὲ ταύτῃ καὶ ἡ κατὰ τὴν τιμοκρατικήν·
財産評価制における友情もこれに似ている。
ἴσοι γὰρ οἱ πολῖται βούλονται καὶ ἐπιεικεῖς εἶναι· ἐν μέρει δὴ τὸ ἄρχειν, καὶ ἐξ ἴσου·
なぜなら、市民たちは平等かつ善良であることを望み、交代で、かつ平等に支配するからである。
οὕτω δὴ καὶ ἡ φιλία.
したがって友情も同様である。
ἐν δὲ ταῖς παρεκβάσεσιν, ὥσπερ καὶ τὸ δίκαιον ἐπὶ μικρόν ἐστιν, οὕτω καὶ ἡ φιλία, καὶ ἥκιστα ἐν τῇ χειρίστῃ·
しかし偏向形態においては、正義がわずかしか存在しないのと同様に、友情もまたわずかであり、最悪の国制においては最も少ない。
ἐν τυραννίδι γὰρ οὐδὲν ἢ μικρὸν φιλίας.
すなわち、僭主制においては、友情は全くないか、あっても極めてわずかである。
ἐν οἷς γὰρ μηδὲν κοινόν ἐστι τῷ ἄρχοντι καὶ ἀρχομένῳ, οὐδὲ φιλία·
支配者と被支配者の間に共通のものが何もないところには、友情も存在しないからである。
οὐδὲ γὰρ δίκαιον·
そこには正義も存在しない。
οἷον τεχνίτῃ πρὸς ὄργανον καὶ ψυχῇ πρὸς σῶμα καὶ δεσπότῃ πρὸς δοῦλον·
それは、職人と道具、魂と肉体、主人と奴隷の関係のようである。
ὠφελεῖται μὲν γὰρ πάντα ταῦτα ὑπὸ τῶν χρωμένων, φιλία δʼ οὐκ ἔστι πρὸς τὰ ἄψυχα οὐδὲ δίκαιον.
これらすべての道具はそれらを使用する者によって恩恵を受けるが、無生物に対する友情は存在せず、正義もまた存在しない。
ἀλλʼ οὐδὲ πρὸς ἵππον ἢ βοῦν, οὐδὲ πρὸς δοῦλον ᾗ δοῦλος.
また、馬や牛に対する友情もなく、奴隷に対しても、奴隷である限りにおいては存在しない。
οὐδὲν γὰρ κοινόν ἐστιν·
なぜなら、何一つ共通のものがないからである。
ὁ γὰρ δοῦλος ἔμψυχον ὄργανον, τὸ δʼ ὄργανον ἄψυχος δοῦλος.
すなわち、奴隷とは魂のある道具であり、道具とは魂のない奴隷なのである。
ᾗ μὲν οὖν δοῦλος, οὐκ ἔστι φιλία πρὸς αὐτόν, ᾗ δʼ ἄνθρωπος·
したがって、奴隷である限りにおいては彼に対する友情は存在しないが、人間である限りにおいては存在する。
δοκεῖ γὰρ εἶναί τι δίκαιον παντὶ ἀνθρώπῳ πρὸς πάντα τὸν δυνάμενον κοινωνῆσαι νόμου καὶ συνθήκης· καὶ φιλία δή, καθʼ ὅσον ἄνθρωπος.
なぜなら、法や契約を共有できるすべての人に対して、あらゆる人間に何らかの正義が存すると思われるからであり、それゆえ人間である限りにおいては、友情もまた存在する。
ἐπὶ μικρὸν δὴ καὶ ἐν ταῖς τυραννίσιν αἱ φιλίαι καὶ τὸ δίκαιον, ἐν δὲ ταῖς δημοκρατίαις ἐπὶ πλεῖον·
したがって、僭主制においては友情も正義もわずかしか存在しないが、民主制においてはより多く存在する。
πολλὰ γὰρ τὰ κοινὰ ἴσοις οὖσιν.
平等である人々の間には、多くの共通のものが存在するからである。