§7.50.1τί οὖν ἐποίησεν ὁ χρηστὸς ἡμῖν δῆμος, ἐπειδὴ καὶ ταύτην αὐτῷ συνεχωρήσατε τὴν ἀρχήν;
それでは、我らが親愛なる平民は、あなた方がこの官職をも彼らに譲歩したとき、何をしただろうか。
οὐκ ἐταμιεύσατο τὴν τοσαύτην χάριν οὐδʼ ἔλαβεν αἰσχυνομένως αὐτὴν καὶ σωφρόνως, ἀλλʼ ὡς δεδοικόσι τὴν ἰσχὺν αὐτοῦ καὶ κατεπτηχόσιν ἡμῖν. . . ἔπειτα ἱερὰν καὶ ἄσυλον ἔφη δεῖν ἀποδειχθῆναι τὴν ἀρχὴν ὅρκοις ἐμπεδωθεῖσαν, κρείττω τιμὴν αἰτούμενος ἧς δεδώκατε ὑμεῖς τοῖς ὑπάτοις.
彼らはこれほど大きな好意を慎み深く管理することもなく、恥じらいと分別をもってそれを受け取ることもせず、むしろ我々が彼らの力を恐れてひるんでいる（と見なして）……そのうえ、その官職は神聖不可侵なものとして宣言され、誓いによって固められるべきだと主張した。 これは、あなた方が執政官たちに与えたものよりも大きな名誉を要求するものであった。
ὑπεμείνατε καὶ τοῦτο καὶ στάντες ἐπὶ τῶν τομίων κατʼ ἐξωλείας ἑαυτῶν τε καὶ τῶν ἀπογόνων ὠμόσατε.
あなた方はこのことも忍び、切り裂かれた犠牲獣の上に立って、自分自身と子孫に対する根絶やしの呪いをかけて誓いを立てたのである。
§7.50.2τί οὖν ἐποίησε καὶ τούτου τυχών;
では、これをも手に入れた後、彼らは何をしたか。
ἀντὶ τοῦ χάριτας ὑμῖν εἰδέναι καὶ σώζειν τὸν πάτριον κόσμον τῆς πολιτείας, ἀρξάμενος ἀπὸ τούτων τῶν πλεονεξιῶν καὶ ταύταις ταῖς παρανομίαις ἀφορμαῖς τῶν ὕστερον χρησάμενος νόμους τʼ ἀπροβουλεύτους εἰσφέρει, καὶ τούτους ἐπιψηφίζει δίχα τῆς ὑμετέρας γνώμης, καὶ οἷς ἂν ὑμεῖς ἐκφέρητε δόγμασιν οὐ προσέχει τὸν νοῦν, καὶ τῶν ὑπάτων ὡς οὐκ ὀρθῶς τὴν πόλιν ἐπιτροπευόντων κατηγόρει, καὶ τοῖς ἐκβαίνουσι παρὰ τὰς ὑμετέρας συνθήκας·
あなた方に感謝し、祖先伝来の国制の秩序を守る代わりに、これらの貪欲から始め、これらの法に反する足がかりを、後に起こる事柄の出発点として利用して、元老院の事前の決議を経ない法律を提出し、あなた方の同意なしにこれらを可決し、あなた方が下すいかなる決定にも注意を払せず、執政官たちが国家を正しく管理していないとして彼らを告発した。
πολλὰ δʼ ἐστίν, ὧν οὐ δύναται στοχάσασθαι λογισμὸς ἀνθρώπινος· οὐ τὴν τύχην, ὥσπερ ἐχρῆν, ἀλλὰ τὴν ὑμετέραν ἐπιγράφει διάνοιαν, ἐπιβουλεύεσθαί θʼ ὑφʼ ὑμῶν σκηπτόμενος καὶ δεδιέναι, μὴ τὴν ἐλευθερίαν ἀφέλησθε ἢ τῆς πατρίδος ἐκβάλητε, αὐτὸς ἐφʼ ὑμῖν ταῦτα μηχανώμενος διατελεῖ, καὶ τὸ μὴ παθεῖν ὃ δεδοικέναι φησίν, οὐκ ἄλλῳ τινὶ φυλαττόμενος δῆλός ἐστιν, ἢ τῷ δρᾶσαι φθάσας.
そして、あなた方の協定に反して起こること――人間の理性では予測できない多くのことがあるが――について、本来そうすべきであるように運命のせいにするのではなく、あなた方の意図のせいにし、自分たちがあなた方によって陰謀を企てられていると口実を設け、また自分たちの自由を奪われるか、祖国から追放されるのではないかと恐れている（と称し）ながら、自らはあなた方に対してまさにこれらのことを画策し続けており、自分が恐れていると主張しているその事柄を被らないようにするために、先手を打ってそれを行うこと以外には、いかなる方法によっても身を守ろうとしていないことは明らかである。
§7.50.3ἐδήλωσε δὲ τοῦτο πολλάκις μὲν καὶ πρότερον καὶ ἐπὶ πολλῶν ὧν ἐξείργομαι μεμνῆσθαι κατὰ τὸ παρόν, μάλιστα δὲ Μάρκιον τουτονὶ τὸν φιλόπολιν ἄνδρα, οὔτε προγόνων ἀφανῶν ὄντα οὔτʼ αὐτὸν ἀρετῇ λειπόμενον οὐθενὸς ἡμῶν, αἰτιασάμενος ἐπιβουλεύειν αὐτῷ καὶ πονηρὰς ἐνθάδε γνώμας λέγειν, ἄκριτον ἐπεχείρησεν ἀποκτεῖναι.
このことは、以前にも、また私が現時点で言及することを控えている多くの事例においてもしばしば明らかにされたが、とりわけ、こちらの愛国的な人物であるマルキウス、名もなき祖先の生まれでもなく、彼自身も徳において我々の誰にも劣っていないこの人物を、自分たちに対して陰謀を企て、ここで有害な意見を述べたとして告発し、裁判も経ずに殺害しようと企てたとき（に明らかになった）。
§7.50.4καὶ εἰ μὴ δεινὸν ἡγησάμενοι τὸ πρᾶγμα οἵ θʼ ὕπατοι καὶ ὑμῶν οἱ τὰ κρείττω φρονοῦντες συνεστράφητε καὶ τὴν παρανομίαν ἐπέσχετε αὐτῶν, ἐν μιᾷ τῇ τότε ἡμέρᾳ πάντʼ ἂν ἀφῃρέθητε, ὅσα οἱ πατέρες θʼ ὑμῖν σὺν πολλοῖς κτησάμενοι πόνοις κατέλιπον καὶ αὐτοὶ ὑμεῖς οὐκ ἐλάττους ἀγῶνας ἐκείνων ὑποστάντες ἔχετε, τὸ ἀξίωμα, τὴν ἡγεμονίαν, τὴν ἐλευθερίαν·
そして、もし執政官たちと、あなた方のうちでより優れた考えを持つ人々が、この事態を恐るべきことと見なして結束し、彼らの無法な行為を阻止しなかったならば、まさにその一日のうちに、あなた方は、あなた方の先祖が多大なる労苦をもって獲得し遺してくれたもの、そしてあなた方自身も彼らに劣らぬ闘いに耐えて保持しているものすべて――威厳、支配権、自由――を奪い去られていたであろう。
οἱ δὲ γενναιότεροι καὶ οὐκ ἀγαπήσαντες αὐτὸ τὸ ζῆν, εἰ μὴ μετὰ τούτων ἐμέλλετε τῶν ἀγαθῶν βιώσεσθαι, τὰς ψυχὰς ἂν πρότερον ἢ ταῦτʼ ἀφῃρέθητε, οἱ μὲν εὐθύς, οἱ δʼ οὐκ εἰς μακράν.
そして、より気高き人々、もしこれらの善きものとともに生きることができないならば、生きることそのものを良しとしない人々は、これらを奪われるよりも先に、自らの命を奪われていたであろう――ある者は直ちに、ある者はまもなく。
§7.50.5τί γὰρ ἂν τὸ κωλῦσον ἦν οὕτως αἰσχρῶς καὶ κακῶς Μαρκίου τοῦδε ἀναρπασθέντος ὥσπερ ἐν ἐρημίᾳ κἀμὲ μετὰ τοῦτον ἀπολωλέναι διασπασθέντα ὑπὸ τῶν ἐχθρῶν, καὶ πάντας, ὅσοι πώποτʼ ἠναντιώθησαν, καὶ τὸ λοιπὸν ἔμελλον ἐναντιώσεσθαι ταῖς παρανόμοις ἐπιθυμίαις τοῦ δήμου;
なぜなら、このマルキウスが、まるで荒野においてであるかのように、このように恥ずべき、かつ無残な方法で拉致されたとき、彼の後に私もまた敵によって引き裂かれて滅ぼされるのを、何が防げたであろうか。 そして、これまで平民の不法な欲望に抵抗したことのあるすべての人々、また将来において抵抗しようとするすべての人々が（引き裂かれて滅ぼされるのを、何が防げたであろうか）。
οὐ γὰρ ἂν ἠρκέσθη τοὺς δύο μόνους ἡμᾶς ἐκποδὼν ποιησάμενος, οὐδὲ μέχρι δεῦρʼ ἐλθὼν ἀπέστη τῆς παρανομίας, εἰ δεῖ τὰ μέλλοντα τεκμαίρεσθαι τοῖς γεγονόσιν, ἀλλʼ ἀφʼ ἡμῶν ἀρξάμενος ἅπαν τὸ ἀντίπαλον καὶ μὴ εἶκον ὥσπερ χειμάρρους πολὺς ἐμπεσὼν παρέσυρεν ἂν καὶ κατήνεγκεν, οὔτʼ εὐγενείας φειδόμενος οὔτʼ ἀρετῆς οὔθʼ ἡλικίας.
なぜなら、もし起こった出来事から将来のことを推測するならば、彼は我ら二人だけを排除することで満足しなかったであろうし、ここまで到達してもその無法な行為をやめなかったであろうからである。 むしろ、我々を皮切りに、すべての反対勢力、および屈服しない者たちを、押し寄せる激しい急流のように襲いかかって、家柄も、徳も、年齢も容赦することなく、一掃し、押し流していたであろう。