§7.17.1οὐθενὸς δὲ πρὸς ταῦτʼ ἀντιλέξαντος ἀπῄεσαν ἐκ τῆς ἐκκλησίας οὐ τὰς ὁμοίας ὑπολήψεις ἔχοντες ἑκάτεροι·
これに対して誰も反論しなかったので、双方は同じ考えを持たずに民会から立ち去った。
ἀλλʼ οἱ μὲν ἄποροι δοκοῦντές τι περιττὸν ἐξευρηκέναι τὸν Βροῦτον καὶ οὐκ εἰκῆ ὑποσχέσθαι πρᾶγμα τηλικοῦτον, οἱ δὲ πατρίκιοι περιφρονοῦντες τὴν κουφότητα τοῦ ἀνθρώπου καὶ τῶν ὑποσχέσεων τὴν τόλμαν ἕως λόγου χωρήσειν οἰόμενοι·
すなわち、一方の貧しき平民たちは、ブルトゥスが何か並外れた奇策を考え出し、そのような重大な事柄を根拠なく約束したのではないと考えた。 他方、パトリキたちは、その男の軽薄さを侮蔑し、彼の約束の大胆さは言葉だけに終わるだろうと考えた。
μηθὲν γὰρ ὑπὸ τῆς βουλῆς συγκεχωρῆσθαι τοῖς δημάρχοις ἔξω τοῦ βοηθεῖν τοῖς ἀδικουμένοις τῶν δημοτικῶν.
元老院によって護民官たちに認められていることは、不当な扱いを受けている平民たちを救援すること以外には何もないと考えたからである。
οὐ μὴν ἅπασί γʼ εἰσῄει καὶ μάλιστα τοῖς πρεσβυτέροις ὀλιγωρία τοῦ πράγματος, ἀλλὰ προσέχειν, μή τι ἀνήκεστον ἡ τοῦ §7.17.2ἀνδρὸς ἐξεργάσηται μανία.
しかしながら、すべての人、とりわけ年長者たちに、この件に対する軽視の念が生じたわけではなく、むしろ彼らは、その男の狂気が何か取り返しのつかないことを引き起こしはしないかと警戒していた。
τῇ δʼ ἑξῆς νυκτὶ κοινωσάμενος τοῖς δημάρχοις ὁ Βροῦτος τὴν ἑαυτοῦ γνώμην καὶ παρασκευασάμενος χεῖρα οὐκ ὀλίγην δημοτῶν κατέβαινε μετʼ αὐτῶν εἰς τὴν ἀγοράν·
翌日の夜、ブルトゥスは護民官たちに自分の考えを打ち明け、平民からなる少なからぬ手勢を準備して、彼らとともに広場へと下っていった。
καὶ πρὶν ἡμέραν λαμπρὰν γενέσθαι καταλαβόμενοι τὸ Ἡφαιστεῖον, ἔνθα ἦν ἔθος αὐτοῖς ἐκκλησιάζειν, ἐκάλουν μὲν εἰς ἐκκλησίαν τὸν δῆμον.
そして、夜が完全に明ける前に、彼らが通常民会を開く習慣であったヘパイストス神殿を占拠し、平民を民会へと召集した。
πληρωθείσης δὲ τῆς ἀγορᾶς· ὄχλος γὰρ ὅσος οὔπω πρότερον συνῆλθε· παρελθὼν Σικίνιος ὁ δήμαρχος πολὺν μὲν ἐποιήσατο κατὰ τῶν πατρικίων λόγον, ἅπανθʼ ὑπομιμνήσκων ὅσα κατὰ τῶν δημοτικῶν αὐτοῖς ἐπράχθη·
広場が満たされると（これまでにないほどの群衆が集まったのであるが）、護民官シキニウスが進み出て、パトリキたちに対して長い演説を行い、平民たちに対して彼らによって行われたあらゆる不当な仕打ちを思い起こさせた。
ἔπειθʼ ὑπὲρ τῆς παρελθούσης ἡμέρας ἐδίδασκεν, ὡς κεκωλυμένος ὑπʼ αὐτῶν εἴη λόγου τυχεῖν καὶ τὴν ἐξουσίαν τῆς ἀρχῆς ἀφῃρημένος.
それから、前日の出来事について説明し、自分が彼らによって発言する機会を奪われ、その職権の権能を剥奪されたと説いた。
§7.17.3τίνος γὰρ ἂν ἔτι γενοίμεθʼ, ἔφη, κύριοι τῶν ἄλλων, εἰ μηδὲ τοῦ λέγειν ἐσόμεθα;
「もし我々が、」と彼は言った。 「発言することさえできなくなるのであれば、どうして他のいかなる事柄において決定権を持ち続けられようか。
πῶς δʼ ἄν τινι ὑμῶν ἀδικουμένῳ πρὸς αὐτῶν βοηθεῖν δυναίμεθα, εἰ τὴν ἐξουσίαν τοῦ συνάγειν ὑμᾶς ἀφαιρεθείημεν;
また、もし我々があなたがたを召集する権限を奪われるなら、彼らによって不当な扱いを受けているあなたがたの誰かを、どうして我々が救援できようか。
ἄρχουσι γὰρ δήπου παντὸς ἔργου λόγοι, καὶ οὐκ ἄδηλον, ὅτι οἷς εἰπεῖν ἃ φρονοῦσιν οὐκ ἔξεστιν, οὐδὲ πρᾶξαι ἂν ἐξείη, ἃ βούλονται.
けだし、すべての行動を導くのは言葉であり、自分の考えていることを述べるのが許されない者たちには、自分たちの望むことを実行することも許されないことは明白である。
ἢ κομίζεσθʼ οὖν, ἔφη, τὴν ἐξουσίαν, ἣν δεδώκατε ἡμῖν, εἰ μὴ μέλλετε βεβαιοῦν αὐτῇ τἀσφαλές, ἢ νόμῳ γραφέντι κωλύσατε τοὺς ἐμποδὼν ἡμῖν τὸ λοιπὸν ἐσομένους.
それゆえ、もしあなたがたが、その権能の安全を保証するつもりがないのであれば、我々に与えた権限を回収するか、あるいは、成文化された法律によって、今後我々の妨げとなる者たちを阻止しなさい。
§7.17.4τοιαῦτα διαλεχθείς, ἐπικελεύσαντος αὐτῷ τοῦ δήμου μεγάλῃ βοῇ τὸν νόμον εἰσφέρειν, ἔχων αὐτὸν ἤδη γεγραμμένον ἀνεγίνωσκε καὶ ψῆφον δίδωσι τῷ πλήθει περὶ αὐτοῦ παραχρῆμα ἐπενεγκεῖν.
」このように語った後、民衆が大声で法案を提出するようにと彼に促したため、彼はすでにそれを書面に用意していたので朗読し、それについて直ちに平民に投票を行うよう促した。
οὐ γὰρ ἐδόκει τὸ πρᾶγμα δεῖσθαι ἀναβολῆς οὐδὲ μελλησμοῦ, μή τι ἄλλο κώλυμα γένηται πρὸς τῶν ὑπάτων.
というのも、執政官たちによって別の妨害がなされることのないよう、この件は延期や躊躇を必要としないと考えられたからである。
§7.17.5ἦν δὲ τοιόσδε ὁ νόμος·
その法律は以下のようなものであった。
δημάρχου γνώμην ἀγορεύοντος ἐν δήμῳ μηδεὶς λεγέτω μηδὲν ἐναντίον μηδὲ μεσολαβείτω τὸν λόγον.
護民官が民会において提案を述べているときには、誰も反対の発言をしてはならず、またその発言を妨げてはならない。
ἐὰν δέ τις παρὰ ταῦτα ποιήσῃ, διδότω τοῖς δημάρχοις ἐγγυητὰς αἰτηθεὶς εἰς ἔκτισιν ἧς ἂν ἐπιθῶσιν αὐτῷ ζημίας.
もし誰かがこれに違反したならば、要求された際には、護民官たちに対して、彼らがその者に課す罰金の支払いのための保証人を立てなければならない。
ὁ δὲ μὴ διδοὺς ἐγγυητὴν θανάτῳ ζημιούσθω, καὶ τὰ χρήματʼ αὐτοῦ ἱερὰ ἔστω.
もし保証人を立てない者は死刑に処され、その財産は神聖なものとして没収される。
τῶν δʼ ἀμφισβητούντων πρὸς ταύτας τὰς ζημίας αἱ κρίσεις ἔστωσαν ἐπὶ τοῦ δήμου.
これらの処罰に対して異議を唱える者たちについては、その裁決は平民に委ねられるものとする。
§7.17.6τοῦτον τὸν νόμον ἐπιψηφίσαντες οἱ δήμαρχοι διέλυσαν τὴν ἐκκλησίαν·
護民官たちはこの法律を決議に付した後に民会を解散した。
καὶ ὁ δῆμος ἀπῄει πολλῆς γεγονὼς μεστὸς εὐθυμίας, τῷ δὲ Βρούτῳ μεγάλην χάριν εἰδώς, ἐκείνου δοκῶν εἶναι τὸ ἐνθύμημα τοῦ νόμου.
平民は大きな喜びに満ちて立ち去り、ブルトゥスに深く感謝した。 その法律の発案が彼のものと考えられたからである。