§4.46.1τῇ δʼ ἑξῆς ἡμέρᾳ παρῆν ὁ Ταρκύνιος καὶ συναχθέντος τοῦ συλλόγου μικρά θʼ ὑπὲρ τοῦ χρονισμοῦ προειπὼν ὑπὲρ τῆς ἡγεμονίας εὐθὺς ἐποιεῖτο λόγους ὡς κατὰ τὸ δίκαιον αὑτῷ προσηκούσης, ἐπειδὴ Ταρκύνιος αὐτὴν κατέσχεν ὁ πάππος αὐτοῦ πολέμῳ κτησάμενος, καὶ τὰς συνθήκας παρείχετο τὰς γενομένας ταῖς πόλεσι πρὸς ἐκεῖνον. §4.46.2πολὺν δὲ λόγον ὑπὲρ τοῦ δικαίου καὶ τῶν ὁμολογιῶν διεξελθὼν καὶ μεγάλα τὰς πόλεις εὐεργετήσειν ὑποσχόμενος, ἐὰν ἐν τῇ φιλίᾳ διαμείνωσι, τελευτῶν ἔπειθεν αὐτοὺς ἐπὶ τὸ Σαβίνων ἔθνος συστρατεύειν. §4.46.3ὡς δʼ ἐπαύσατο λέγων, παρελθὼν ὁ Τύρνος ὁ καὶ τὸν ὀψισμὸν αὐτοῦ διαβαλὼν οὐκ εἴα τοὺς συνέδρους παραχωρεῖν τῷ ἀνδρὶ τῆς ἀρχῆς, ὡς οὔτε κατὰ τὸ δίκαιον αὐτῷ προσηκούσης οὔτʼ ἐπὶ τῷ συμφέροντι τῶν Λατίνων δοθησομένης· καὶ πολλοὺς ὑπὲρ ἀμφοτέρων διεξῆλθε λόγους τὰς μὲν συνθήκας, ἃς ἐποιήσαντο πρὸς τὸν πάππον αὐτοῦ παραδιδόντες τὴν ἡγεμονίαν, λελύσθαι λέγων μετὰ τὸν ἐκείνου θάνατον διὰ τὸ μὴ προσγεγράφθαι ταῖς ὁμολογίαις τὴν αὐτὴν εἶναι δωρεὰν καὶ τοῖς Ταρκυνίου ἐγγόνοις, τὸν δʼ ἀξιοῦντα τῶν τοῦ πάππου δωρεῶν κληρονομεῖν ἁπάντων ἀνθρώπων παρανομώτατον ἀποφαίνων καὶ πονηρότατον καὶ τὰς πράξεις αὐτοῦ διεξιών, ἃς ἐπὶ τῷ §4.46.4κατασχεῖν τὴν Ῥωμαίων ἀρχὴν ἐπετελέσατο. διεξελθὼν δὲ πολλὰς αὐτοῦ καὶ δεινὰς κατηγορίας τελευτῶν ἐδίδασκεν, ὡς οὐδὲ τὴν βασιλείαν εἶχε τὴν Ῥωμαίων κατὰ νόμους παρʼ ἑκόντων λαβὼν ὥσπερ οἱ πρὸ αὐτοῦ βασιλεῖς, ὅπλοις δὲ καὶ βίᾳ κατισχύσας τυραννικήν τε μοναρχίαν καταστησάμενος τοὺς μὲν ἀποκτείνοι τῶν πολιτῶν, τοὺς δʼ ἐξελαύνοι τῆς πατρίδος, τῶν δὲ περικόπτοι τὰς οὐσίας, ἁπάντων δʼ ἅμα τὴν παρρησίαν καὶ τὴν ἐλευθερίαν ἀφαιροῖτο· πολλῆς τε μωρίας ἔφη καὶ θεοβλαβείας εἶναι παρὰ πονηροῦ καὶ ἀνοσίου τρόπου χρηστόν τι καὶ φιλάνθρωπον ἐλπίζειν καὶ νομίζειν, ὡς ὁ τῶν συγγενεστάτων τε καὶ ἀναγκαιοτάτων μὴ φεισάμενος τῶν ἀλλοτρίων φείσεται· παρῄνει τε τέως οὔπω τὸν χαλινὸν εἰλήφασι περὶ τοῦ μὴ λαβεῖν αὐτὸν διαμάχεσθαι, ἐξ ὧν ἕτεροι πεπόνθασι δεινῶν τεκμαιρομένους, ἃ συμβήσεται παθεῖν αὐτοῖς.
翌日、タルクィニウスが出席し、集会が召集されると、彼は自らの遅参について簡単に弁明したのち、直ちに主導権について演説を行い、それが正義に照らして自分に帰属するものであると主張した。彼の祖父タルクィニウスが戦争によってそれを獲得し保持していたからであり、彼は諸都市が祖父と結んだ条約を提示した。正義と条約について長い議論を重ね、もし彼らが友好関係を維持するならば諸都市に多大な恩恵を施すことを約束したのち、彼は最後に彼らを説得してサビニ人の部族に対する遠征に共同で参加させることに成功した。彼が演説を終えると、彼の遅参を非難していたトゥルヌスが進み出て、議員たちがこの男に支配権を譲り渡すことを許そうとはしなかった。その支配権は正義に照らして彼に帰属するものでもなく、ラティン人の利益のために与えられるものでもないという理由からであった。そして彼は両方の論点について多くの議論を展開し、彼らが祖父と結んで主導権を譲り渡した条約は、祖父の死後に失効したと主張した。なぜなら、その合意には同じ特権がタルクィニウスの子孫にも帰属するということが付記されていなかったからである。また、祖父の特権をすべて相続することを要求するこの男を、あらゆる人間の中で最も無法で邪悪な者であると指摘し、彼がローマ人の支配権を掌握するために行った数々の行為を列挙した。彼に対する多くの厳しい告発を重ねた末、彼は最後に、この男がローマの王位すら、以前の王たちのように法に従って自発的な臣民から受け取って保持しているのではなく、武力と暴力によって制圧し、僭主的な独裁体制を確立して、市民の一部を殺害し、他の人々を祖国から追放し、また他の人々の財産を没収し、同時にすべての人々から言論の自由と自由を奪っているのだということを示した。また、邪悪で不敬な性格の者から何か有益で人道的なことを期待し、そう信じることは、極めて愚かで狂気じみたことであると言った。最も身近で最も親しい親族さえ容赦しなかった者が、他人を容赦するはずがないからである。そして彼は、まだ彼らが手綱をかけられていないうちに、それをかけられないように全力で闘うよう勧め、他人が被った悲惨な出来事から、自分たちに降りかかるであろう災難を推し量るようにと忠告した。