§4.3.1ἃ δὲ πρὸ τοῦ βασιλεῦσαι διεπράξατο λόγου ἄξια, ἐξ ὧν Ταρκύνιός τʼ αὐτὸν ἠγάσθη καὶ ὁ Ῥωμαίων δῆμος τῆς μετὰ βασιλέα τιμῆς ἠξίου, τοιάδε.
彼が王となる前に成し遂げた、言及に値する、それによってタルクィニウスも彼を称賛し、ローマの民衆も王に次ぐ栄誉に値すると彼をみなした事柄は、次のようなものである。
ἀντίπαις μὲν ὢν ἔτι τῇ πρώτῃ στρατείᾳ, ἣν ἐπὶ Τυρρηνοὺς Ταρκύνιος ἐστράτευσεν, ἐν τοῖς ἱππεῦσι τεταγμένος οὕτως ἔδοξεν ἀγωνίσασθαι καλῶς, ὥστε περιβόητος εὐθὺ γενέσθαι καὶ τἀριστεῖα πρῶτος ἁπάντων λαβεῖν·
彼はまだ少年を脱したばかりの若者でありながら、タルクィニウスがエトルリア人に対して行った最初の遠征において、騎兵の中に配属され、非常に見事に戦ったと思われたので、すぐに名声を博し、誰よりも最初に勲功の褒賞を得た。
ἔπειθʼ ἑτέρας γενομένης ἐπὶ τὸ αὐτὸ ἔθνος στρατείας καὶ μάχης καρτερᾶς περὶ πόλιν Ἤρητον ἀνδρειότατος ἁπάντων φανεὶς στεφάνοις αὖθις ἀριστείοις ὑπὸ τοῦ βασιλέως ἐκοσμεῖτο.
その後、同じ部族に対する別の遠征が行され、エレトゥムの町の近くで激しい戦闘があったとき、すべての者の中で最も勇敢であると示されて、再び王から勲功の冠を授けられた。
§4.3.2ἔτη δὲ γεγονὼς εἴκοσι μάλιστα τῆς συμμαχικῆς στρατηγὸς ἀπεδείχθη δυνάμεως, ἣν Λατῖνοι ἔπεμψαν, καὶ συγκατεκτήσατο βασιλεῖ Ταρκυνίῳ τὴν τῶν Τυρρηνῶν ἀρχήν·
そして、約20歳になったとき、彼はラティウム人たちが送ってきた同盟軍の将軍に任命され、タルクィニウス王とともにエトルリア人の支配権を共同で獲得した。
ἔν τε τῷ πρὸς Σαβίνους πολέμῳ τῷ πρώτῳ συστάντι τῶν ἱππέων ἀποδειχθεὶς ἡγεμὼν ἐτρέψατο τοὺς τῶν πολεμίων ἱππεῖς καὶ μέχρι πόλεως Ἀντέμνης ἐλάσας τἀριστεῖα καὶ ἐκ ταύτης τῆς μάχης ἔλαβεν·
また、サビニ人との間に最初に勃発した戦争において、騎兵の指揮官に任命されて敵の騎兵を敗走させ、アンテムナエの町まで追撃して、この戦闘からも勲功の褒賞を得た。
ἑτέρας τε πολλὰς πρὸς τὸ αὐτὸ ἔθνος ἀγωνισάμενος μάχας τοτὲ μὲν ἱππέων ἡγούμενος, τοτὲ δὲ πεζῶν ἐν ἁπάσαις ἐφάνη ψυχὴν ἄριστος καὶ πρῶτος ἐστεφανοῦτο τῶν ἄλλων.
さらに、同じ部族に対して他の多くの戦いを戦い、ある時は騎兵を率い、ある時は歩兵を率いて、それらすべての戦いにおいて精神において最も優れていると示され、他の誰よりも先に戴冠された。
§4.3.3καὶ ἐπειδὴ παρέστη Ῥωμαίοις εἰς ὑπόταξίν τε καὶ παράδοσιν τῶν πόλεων τὸ ἔθνος, αἰτιώτατος εἶναι δόξας Ταρκυνίῳ καὶ ταύτης τῆς δυναστείας τοῖς ἐπινικίοις στεφάνοις ἀνεδεῖτο ὑπʼ αὐτοῦ.
そして、その部族がローマ人に服従し、都市を引き渡すに至ったとき、タルクィニウスにとってこの支配権の獲得にも最も功績があったとみなされ、王から勝利の冠を授けられた。
ἦν δὲ καὶ φρονῆσαι τὰ πολιτικὰ συνετώτατος καὶ λόγῳ τὰ βουλευθέντα ἐξενεγκεῖν οὐδενὸς χείρων ἁπάσαις θʼ ἁρμόσαι ταῖς τύχαις καὶ παντὶ συνεξομοιωθῆναι προσώπῳ δυνατώτατος.
彼はまた、国政に関する事柄を思慮するにおいてきわめて聡明であり、決定された事柄を言葉にして表現することにおいても誰にも劣らず、あらゆる境遇に適応し、いかなる立場にも完全に同化する能力を最も備えていた。
§4.3.4καὶ διὰ ταῦτα Ῥωμαῖοι μὲν αὐτὸν ἐκ τοῦ δήμου μεταγαγεῖν ἠξίωσαν εἰς τοὺς πατρικίους ψῆφον ἐπενέγκαντες, ὥσπερ Ταρκύνιόν τε πρότερον καὶ ἔτι πρὸ τούτου Νόμαν Πομπίλιον·
そしてこれらのことのために、ローマ人は、以前のタルクィニウスや、さらにその前のヌマ・ポンピリウスの場合と同様に、投票を行って彼を平民からパトリキへと移すことを決定した。
ὁ δὲ βασιλεὺς κηδεστὴν ἐποιήσατο τὴν ἑτέραν τῶν θυγατέρων ἐγγυήσας, καὶ πάνθʼ ὅσα διὰ νόσους ἢ διὰ γῆρας ἀδύνατος ἦν ἐπιτελεῖν, διʼ ἑαυτοῦ τούτῳ πράττειν ἐπέσκηπτεν, οὐ μόνον τὸν ἴδιον οἶκον ἐπιτρέπων, ἀλλὰ καὶ τὰ κοινὰ τῆς πόλεως διοικεῖν ἀξιῶν.
また王は、二人の娘のうちの一方を彼に婚約させることで彼を義理の息子とし、自分が病気や老齢のために果たすことができないすべての事柄を、自分の代わりに行うようこの者に委ね、自分自身の家庭を委ねるのみならず、国家の公共の政務をも管理させるに値すると考えた。
ἐν οἷς ἅπασιν ἐξητάσθη πιστὸς καὶ δίκαιος, καὶ οὐδὲν ᾤοντο διαφέρειν οἱ δημόται Ταρκύνιον ἐπιμελεῖσθαι τῶν κοινῶν ἢ Τύλλιον·
これらのすべてのことにおいて、彼は誠実かつ公正であることが証明され、市民たちは、タルクィニウスが公共の事柄を管理するのも、テュッリウスが管理するのも、何の違いもないと考えた。
οὕτως ἐξεθεραπεύθησαν ὑπʼ αὐτοῦ ταῖς εὐεργεσίαις.
このようにして、彼らは彼の恩恵によって完全に心をつかまれたのである。