§4.23.1ἀχθομένων δὲ τῶν πατρικίων ἐπὶ τῷ πράγματι καὶ δυσανασχετούντων συγκαλέσας τὸ πλῆθος εἰς ἐκκλησίαν Πρῶτον μὲν θαυμάζειν, ἔφη, τῶν ἀγανακτούντων, εἰ τῇ φύσει τὸ ἐλεύθερον οἴονται τοῦ δούλου διαφέρειν, ἀλλʼ οὐ τῇ τύχῃ·
パトリキたちがこの事柄に不満を抱き憤慨していたが、彼は民衆を民会に召集して、第一に、憤慨している者たちを不思議に思う、と語った。 もし彼らが、自由なるものが奴隷と自然において異なり、運においてではないと考えているのだとしたら、また、もし彼らが、美しきものに値する者を、品性や素行によって吟味するのではなく、境遇によって吟味しているのだとしたら（不思議である）。
ἔπειτʼ εἰ μὴ τοῖς ἤθεσι καὶ τοῖς τρόποις ἐξετάζουσι τοὺς ἀξίους τῶν καλῶν, ἀλλὰ ταῖς συντυχίαις, ὁρῶντες ὡς ἀστάθμητόν ἐστι πρᾶγμα εὐτυχία καὶ ἀγχίστροφον, καὶ οὐδενὶ ῥᾴδιον εἰπεῖν οὐδὲ τῶν πάνυ μακαρίων μέχρι τίνος αὐτῷ §4.23.2παρέσται χρόνου.
幸運というものがどれほど不確かにして変わりやすいものであるかを見ているにもかかわらず、また、極めて幸福な者たちの誰にとっても、自分に（その幸運が）いつの時まで留まるかを言うことが容易ではない（にもかかわらず）。
ἠξίου τʼ αὐτοὺς σκοπεῖν, ὅσαι μὲν ἤδη πόλεις ἐκ δουλείας μετέβαλον εἰς ἐλευθερίαν βάρβαροί τε καὶ Ἑλληνίδες, ὅσαι δʼ εἰς δουλείαν ἐξ ἐλευθερίας·
また、彼は彼らに熟考することを求めた。 これまでにどれほど多くの都市が、未開人の都市もギリシア人の都市も含めて、隷属から自由へと移行し、またどれほど多くの都市が自由から隷属へと移行したかを。
εὐήθειάν τε πολλὴν αὐτῶν κατεγίνωσκεν, εἰ τῆς ἐλευθερίας τοῖς ἀξίοις τῶν θεραπόντων μεταδιδόντες, τῆς πολιτείας φθονοῦσι·
また、彼は彼らの大いなる愚かさを非難した。 もし彼らが、奴隷たちのうちでそれに値する者たちに自由を分け与えておきながら、市民権を惜しむのだとしたら。
συνεβούλευέ τʼ αὐτοῖς, εἰ μὲν πονηροὺς νομίζουσι, μὴ ποιεῖν ἐλευθέρους, εἰ §4.23.3δὲ χρηστούς, μὴ περιορᾶν ὄντας ἀλλοτρίους·
そして彼らに忠告した、もし不道徳だと思うなら自由にすべきではなく、もし実直だと思うなら、よそ者のままでいるのを放置すべきではない、と。
ἄτοπόν τε πρᾶγμα ποιεῖν αὐτοὺς ἔφη καὶ ἀμαθὲς ἅπασι τοῖς ξένοις ἐπιτρέποντας τῆς πόλεως μετέχειν καὶ μὴ διακρίνοντας αὐτῶν τὰς τύχας μηδʼ εἴ τινες ἐκ δούλων ἐγένοντο ἐλεύθεροι πολυπραγμονοῦντας, τοὺς δὲ παρὰ σφίσι δεδουλευκότας ἀναξίους ἡγεῖσθαι ταύτης τῆς χάριτος·
また、彼らは奇妙で無知なことをしている、と彼は言った。 すべての異邦人に国政に参画することを許し、彼らの境遇を区別せず、また彼らのなかに奴隷から自由の身になった者がいるかどうかを詮索もしない一方で、自分たちのもとで奴隷として仕えてきた者たちを、この恵みに値しないとみなしているのだから。
φρονήσει τε διαφέρειν οἰομένους τῶν ἄλλων οὐδὲ τὰ ἐν ποσὶ καὶ κοινότατα ὁρᾶν ἔφασκεν, ἃ καὶ τοῖς φαυλοτάτοις εἶναι πρόδηλα, ὅτι τοῖς μὲν δεσπόταις πολλὴ φροντὶς ἔσται τοῦ μὴ προχείρως τινὰς ἐλευθεροῦν, ὡς τὰ μέγιστα τῶν ἐν ἀνθρώποις ἀγαθῶν οἷς ἔτυχε δωρησομένοις·
また、自らを他の人々より知恵において優れていると思っているのに、足元にある極めて明白なことすら見ていない、と彼は言った。 それは最も卑しい者たちにとっても明白なことである、すなわち、主人たちにとっては、無闇に誰かを解放しないよう大いに配慮することになるだろう、人々のうちで最大の善きものを、行きずりの者たちに与えることのないように。
τοῖς δὲ δούλοις ἔτι μείζων ὑπάρξει προθυμία χρηστοῖς εἶναι περὶ τοὺς δεσπότας, ἐὰν μάθωσιν, ὅτι τῆς ἐλευθερίας ἄξιοι κριθέντες εὐδαίμονος εὐθέως καὶ μεγάλης ἔσονται πολῖται πόλεως, καὶ ταῦθʼ ἕξουσιν ἀμφότερα παρὰ τῶν δεσποτῶν τἀγαθά.
また、奴隷たちにとっては、主人に対して実直であろうとするさらに大きな熱意が生じるだろう、もし、自由を得るに値すると判断されれば、直ちに幸福で強大な都市の市民になれるということを彼らが知るならば、そして、これら両方の善きものを主人たちから得ることができるのだと知るならば。
§4.23.4τελευτῶν δὲ τὸν περὶ τοῦ συμφέροντος εἰσηγήσατο λόγον τοὺς μὲν ἐπισταμένους ὑπομιμνήσκων, τοὺς δʼ ἀγνοοῦντας διδάσκων, ὅτι πόλει δυναστείας ἐφιεμένῃ καὶ μεγάλων πραγμάτων ἑαυτὴν ἀξιούσῃ οὐδενὸς οὕτω δεῖ πράγματος ὡς πολυανθρωπίας, ἵνα διαρκέσῃ πρὸς πάντας τοὺς πολέμους οἰκείοις ὅπλοις χρωμένη, καὶ μὴ ξενικοῖς στρατεύμασι καταμισθοφοροῦσα συνεξαναλωθῇ τοῖς χρήμασι·
そして最後に、彼は利益に関する議論を提示し、知っている者には思い起こさせ、知らない者には教えつつ、支配を熱望し、大いなる偉業に自ら値すると考える都市にとっては、人口の多さほど必要なものは他にない、ということを語った。 それは、自らの武力を用いてあらゆる戦争を持ちこたえ、外国の傭兵隊に金を払い続けることで、資金とともに共倒れすることがないようにするためである。
καὶ διὰ τοῦτʼ ἔφη τοὺς προτέρους βασιλεῖς ἅπασι μεταδεδωκέναι τῆς πολιτείας τοῖς ξένοις.
そしてこのために、先代の王たちもすべての異邦人に市民権を分け与えたのだ、と彼は言った。
§4.23.5εἰ δὲ καὶ τοῦτον καταστήσονται τὸν νόμον, πολλὴν αὐτοῖς ἔλεγεν ἐκ τῶν ἐλευθερουμένων ἐπιτραφήσεσθαι νεότητα καὶ οὐδέποτε ἀπορήσειν τὴν πόλιν οἰκείων ὅπλων, ἀλλʼ ἕξειν δυνάμεις αἰεὶ διαρκεῖς, κἂν πρὸς πάντας ἀνθρώπους ἀναγκασθῇ πολεμεῖν.
また、もし彼らがこの法律をも制定するならば、解放される者たちから多くの若者が彼らのもとで育ち、都市が自前の武力に事欠くことは決してなく、むしろ常に十分な軍事力を有することになるだろう、たとえ全人類と戦うことを余儀なくされたとしても、と彼は言った。
§4.23.6χωρὶς δὲ τοῦ κοινῇ χρησίμου καὶ ἰδίᾳ πολλὰ ὠφελήσεσθαι τοὺς εὐπορωτάτους Ῥωμαίων, ἐὰν τοὺς ἀπελευθέρους ἐῶσι τῆς πολιτείας μετέχειν, ἐν ἐκκλησίαις τε καὶ ψηφοφορίαις καὶ ταῖς ἄλλαις πολιτικαῖς χρείαις τὰς χάριτας, ἐν οἷς μάλιστα δέονται πράγμασι, κομιζομένους καὶ τοὺς ἐκ τῶν ἀπελευθέρων γινομένους πελάτας τοῖς ἐγγόνοις τοῖς ἑαυτῶν καταλείποντας.
共同体の利益は別としても、もし彼らが解放奴隷に市民権にあずかることを認めるならば、ローマの最も富裕な者たちも個人的に多くの恩恵を受けるだろう。 民会や投票、その他の政治的必要において、彼らが最も必要とする事柄において、彼らから感謝を受け取り、また、解放奴隷から生まれる者たちを、自らの子孫のためにクリエンテスとして残すことになるからである。
§4.23.7τοιαῦτα λέγοντος αὐτοῦ συνεχώρησαν οἱ πατρίκιοι τὸ ἔθος εἰς τὴν πόλιν παρελθεῖν, καὶ μέχρι τῶν καθʼ ἡμᾶς χρόνων ὡς ἕν τι τῶν ἱερῶν καὶ ἀκινήτων νομίμων διατελεῖ τοῦτʼ ἐν τῇ πόλει φυλαττόμενον.
彼がこのように語ったので、パトリキたちはこの慣行が市に導入されることに同意し、私たちの時代に至るまで、これは神聖にして侵すべからざる法の一つとして、市の中で守られ続けている。