§3.62.1ταύταις ταῖς τιμαῖς ὁ Ταρκύνιος οὐκ εὐθὺς ἐχρήσατο λαβών, ὡς οἱ πλεῖστοι γράφουσι τῶν Ῥωμαϊκῶν συγγραφέων, ἀλλʼ ἀποδοὺς τῇ τε βουλῇ καὶ τῷ δήμῳ τὴν διάγνωσιν εἰ ληπτέον αὐτά, ἐπειδὴ πᾶσι βουλομένοις ἦν, τότε προσεδέξατο καὶ πάντα τὸν ἐξ ἐκείνου χρόνον ἕως εἰς τὸ χρεὼν μετέστη στέφανόν τε χρύσεον ἐφόρει καὶ πορφυρᾶν ἐσθῆτα ποικίλην ἠμπίσχετο καὶ σκῆπτρον ἐλεφάντινον ἔχων ἐπὶ θρόνου ἐκαθέζετο ἐλεφαντίνου, καὶ οἱ δώδεκα ῥαβδοῦχοι τοὺς πελέκεις φέροντες ἅμα ταῖς ῥάβδοις δικάζοντί τε αὐτῷ παρίσταντο καὶ πορευομένου προηγοῦντο.
タルクィニウスは、ローマの歴史家たちの大部分が書いているように、これらの栄誉の印を受け取ってすぐに用いたのではなく、それらを受け入れるべきか否かの決定を元老院と民衆に委ねた。 そして、それが全員にとって望むところであったので、その時に受け入れ、それから彼が世を去るまでの間ずっと、黄金の冠を被り、刺繍のある紫色の衣を身にまとし、象牙の笏を手にして象牙の玉座に座した。 また、12人の警護兵が、木の枝の束とともに斧を携え、彼が裁判を行うときには傍らに立ち、彼が移動するときには先導した。
§3.62.2οὗτος ὁ κόσμος ἅπας καὶ τοῖς μετʼ ἐκεῖνον τὴν βασιλικὴν ἀρχὴν ἔχουσι παρέμεινε καὶ μετὰ τὴν ἐκβολὴν τῶν βασιλέων τοῖς κατʼ ἐνιαυτὸν ὑπάτοις ἔξω τοῦ στεφάνου καὶ τῆς ποικίλης ἐσθῆτος·
このすべての装飾は、彼の後に王権を保持した者たちにも維持され、王たちの追放の後は、冠と刺繍のある衣を除いて、毎年の執政官たちにも維持された。
ταῦτα δʼ αὐτῶν ἀφῃρέθη μόνα φορτικὰ δόξαντα εἶναι καὶ ἐπίφθονα.
これらだけが、重苦しく反感を買いやすいものと思われたために、彼らから取り除かれたのである。
πλὴν ὅταν ἐκ πολέμου νίκην κατάγοντες θριάμβου παρὰ τῆς βουλῆς ἀξιωθῶσι, τότε καὶ χρυσοφοροῦσι καὶ ποικίλαις ἁλουργίσιν ἀμφιέννυνται.
ただし、戦争から勝利を収めて戻り、元老院から凱旋式の栄誉を認められたときは別であり、その時には彼らも黄金を身につけ、刺繍のある紫色の衣をまとう。
ὁ μὲν οὖν πρὸς τοὺς Τυρρηνοὺς συστὰς Ταρκυνίῳ πόλεμος ἔτη κατασχὼν ἐννέα τοιαύτην ἔσχε τὴν συντέλειαν.
こうして、エトルリア人たちとの間に起こり、タルクィニウスに対して9年間続いた戦争は、このような結末を迎えた。