§2.28.1ὁρῶν γὰρ ὅτι τὸ σωφρόνως ζῆν ἅπαντας καὶ τὰ δίκαια πρὸ τῶν κερδαλέων αἱρεῖσθαι καρτερίαν τε τὴν παρὰ τοὺς πόνους ἀσκεῖν καὶ μηδὲν ὑπολαμβάνειν χρῆμα τιμιώτερον ἀρετῆς οὐ λόγων διδαχῇ παραγίνεσθαι τοῖς πολιτικοῖς πλήθεσι πέφυκεν, ἐν οἷς τὸ πλεῖόν ἐστι δυσάγωγον, ἀλλʼ ἔργων ἐθισμοῖς τῶν πρὸς ἑκάστην ἀρετὴν ἀγόντων, ὑπʼ ἀνάγκης τε μᾶλλον ἢ κατὰ γνώμην ἐπʼ αὐτὰ τοὺς πολλοὺς παραγινομένους, εἰ δὲ μηδὲν εἴη τὸ κωλῦσον ἐπὶ τὴν φύσιν ὀλισθαίνοντας εἰδώς, ἐπιδιφρίους μὲν καὶ βαναύσους καὶ προσαγωγοὺς ἐπιθυμιῶν αἰσχρῶν τέχνας, ὡς ἀφανιζούσας καὶ λυμαινομένας τά τε σώματα καὶ τὰς ψυχὰς τῶν μεταχειριζομένων, δούλοις καὶ ξένοις ἀπέδωκε μεθοδεύειν·
というのも、彼は、誰もが節度を持って生きること、利益よりも正義を選ぶこと、困難に直面して忍耐を鍛えること、そして徳よりも尊いものは何もないと考えることは、言葉による指導によって政治的群衆（その大半は教化しがたいのであるが）に備わるようにはできておらず、むしろ各々の徳へと導く行為の習慣づけによって備わるものであることを見抜き、また、大衆は自発的な意志によるよりはむしろ必要によってそれらのものへと至るのであり、もし妨げるものが何もなければ自分たちの本性へと滑り落ちていくということを知っていたので、座業や肉体労働、そして醜い欲望を引き寄せる技術を、従事する人々の身体と魂の双方を台無しにし損なうものとして、奴隷たちや異邦人たちが営むよう割り当てたからである。
καὶ διέμεινεν ἕως πολλοῦ πάνυ χρόνου διʼ αἰσχύνης ὄντα Ῥωμαίοις τὰ τοιαῦτα ἔργα καὶ ὑπʼ οὐδενὸς τῶν αὐθιγενῶν ἐπιτηδευόμενα.
そして、そのような仕事はきわめて長い間、ローマ人にとって恥ずべきものとしてとどまり、生粋の市民の誰によっても営まれることはなかった。
§2.28.2δύο δὲ μόνα τοῖς ἐλευθέροις ἐπιτηδεύματα κατέλιπε τά τε κατὰ γεωργίαν καὶ τὰ κατὰ πολέμους, ὁρῶν ὅτι γαστρός τε ἄνθρωποι γίνονται διὰ τούτους τοὺς βίους ἐγκρατεῖς ἀφροδισίοις τε ἧττον ἁλίσκονται παρανόμοις πλεονεξίαν τε οὐ τὴν βλάπτουσαν ἀλλήλους διώκουσιν, ἀλλὰ τὴν ἀπὸ τῶν πολεμίων περιποιουμένην τὰς ὠφελείας.
他方、自由人たちには二つの営みだけを残した。 すなわち農耕に関するものと戦争に関するものである。 それは、これらの生活様式を通じて、人々が食欲に対して自制するようになり、不法な情欲に惑わされることも少なくなって、互いを害するような貪欲ではなく、敵から利益を確保するような貪欲を追求するようになることを見抜いていたからである。
ἀτελῆ δὲ τούτων ἑκάτερον ἡγούμενος εἶναι τῶν βίων χωριζόμενον θατέρου καὶ φιλαίτιον οὐχ ἑτέροις μέν τισιν ἀπέδωκεν ἐργάζεσθαι τὴν γῆν, ἑτέροις δὲ τὰ πολεμίων φέρειν τε καὶ ἄγειν ὡς ὁ παρὰ Λακεδαιμονίοις εἶχε νόμος, ἀλλὰ τοὺς αὐτοὺς τόν τε πολεμικὸν καὶ τὸν γεωργικὸν ἔταξε βίον ζῆν·
しかし、これら二つの生活のいずれも、他方から切り離されるならば不完全であり、非難を招きやすいものになると考えたので、スパルタ人の間での法律がそうであったように、ある人々には土地を耕すことを任せ、他の人々には敵を略奪することを任せる、ということはせず、むしろ同じ人々が軍指示的・農耕的な生活の両方を送るように定めた。
§2.28.3εἰ μὲν εἰρήνην ἄγοιεν ἐπὶ τοῖς κατʼ ἀγρὸν ἔργοις ἐθίζων ἅπαντας μένειν, πλὴν εἴ ποτε δεηθεῖεν ἀγορᾶς, τότε δʼ εἰς ἄστυ συνιόντας ἀγοράζειν, ἐνάτην ὁρίζων ἡμέραν ταῖς ἀγοραῖς· ὅτε δὲ πόλεμος καταλάβοι στρατεύεσθαι διδάσκων καὶ μὴ παραχωρεῖν ἑτέροις μήτε τῶν πόνων μήτε τῶν ὠφελειῶν.
すなわち、もし平和を保っているならば、全員が農地での仕事にとどまるよう習慣づけ、ただ、もし市場が必要になった時には、その時には市街へと集まって売買をするようにと、九日目を市場の日と定め、他方、戦争が起こったときには、従軍することを教え、苦労に関しても利益に関しても他人に譲らないようにさせたのである。
διῄρει γὰρ αὐτοῖς ἐξ ἴσου γῆν τε ὅσην ἂν ἀφέλοιτο πολεμίους καὶ ἀνδράποδα καὶ χρήματα, καὶ παρεσκεύαζεν ἀγαπητῶς δέχεσθαι τὰς στρατείας.
というのも、彼は敵から奪ったすべての土地や奴隷、財産を彼らに平等に分配し、彼らが喜んで従軍を受け入れるようにしたからである。