§6.322Πλάτων Ἑρμείᾳ καὶ Ἐράστῳ καὶ Κορίσκῳ εὖ πράττειν.
プラトンからヘルメイアスとエラストスとコリスコスへ、よきことを行わんことを。
ἐμοὶ φαίνεται θεῶν τις ὑμῖν τύχην ἀγαθήν, ἂν εὖ δέξησθε, εὐμενῶς καὶ ἱκανῶς παρασκευάζειν·
私には、もしあなた方がそれを快く受け入れるなら、神々のうちのある者が、あなた方に対して好意的に、また十分に、幸運を用意してくれているように思われる。
οἰκεῖτε γὰρ δὴ γείτονές τε ὑμῖν αὐτοῖς καὶ χρείαν ἔχοντες ὥστε ἀλλήλους εἰς τὰ μέγιστα ὠφελεῖν.
というのも、あなた方は互いに隣人として暮らし、また最も重大な事柄において互いに大いに助け合うための必要性を抱いているからである。
Ἑρμείᾳ μὲν γὰρ οὔτε ἵππων πλῆθος οὔτε ἄλλης πολεμικῆς συμμαχίας οὐδʼ αὖ χρυσοῦ προσγενομένου γένοιτʼ ἂν μείζων εἰς τὰ πάντα δύναμις, ἢ φίλων βεβαίων τε καὶ ἦθος ἐχόντων ὑγιές·
ヘルメイアスにとっては、馬の群れも、その他の軍事的な同盟も、あるいは金が付け加わったとしても、堅固で健やかな人柄を備えた友人の獲得以上に、あらゆる点において大きくなる力はないであろう。
Ἐράστῳ δὲ καὶ Κορίσκῳ, πρὸς τῇ τῶν εἰδῶν σοφίᾳ τῇ καλῇ ταύτῃ, φήμʼ ἐγώ, καίπερ γέρων ὤν, προσδεῖν σοφίας τῆς περὶ τοὺς πονηροὺς καὶ ἀδίκους φυλακτικῆς καί τινος ἀμυντικῆς δυνάμεως.
エラストスとコリスコスにとっては、かの美しき形相に関する知恵に加えて、邪悪で不義な人々に対する警戒を怠らない知恵と、ある種の防御の力とがさらに必要である、と、私は老人ではあるが主張する。
ἄπειροι γάρ εἰσι διὰ τὸ μεθʼ ἡμῶν μετρίων ὄντων καὶ οὐ κακῶν συχνὸν διατετριφέναι τοῦ βίου·
なぜなら彼らは、中庸で悪人ではない我々とともに人生の多くの時間を過ごしてきたために、経験が浅いからである。
διὸ δὴ τούτων προσδεῖν εἶπον, ἵνα μὴ ἀναγκάζωνται τῆς ἀληθινῆς μὲν ἀμελεῖν σοφίας, τῆς δὲ ἀνθρωπίνης τε καὶ ἀναγκαίας ἐπιμελεῖσθαι μειζόνως ἢ δεῖ.
それゆえに私は、彼らにこれらがさらに必要であると言ったのだ。 それは、彼らが真の知恵を疎かにし、人間的で必要な知恵を必要以上に重視せざるを得ない状況に陥らないためである。
§6.323ταύτην δʼ αὖ τὴν δύναμιν Ἑρμείας μοι φαίνεται φύσει τε, ὅσα μήπω συγγεγονότι, καὶ τέχνῃ διʼ ἐμπειρίας εἰληφέναι.
他方、ヘルメイアスは、私が彼とまだ会ったことはないものの推し量る限り、自然の資質によっても、また経験を通じた技術によっても、この力をすでに獲得しているように私には思われる。
τί οὖν δὴ λέγω;
では、私は一体何を言おうとしているのか。
σοὶ μέν, Ἑρμεία, πεπειραμένος Ἐράστου καὶ Κορίσκου πλέονα ἢ σύ, φημὶ καὶ μηνύω καὶ μαρτυρῶ μὴ ῥᾳδίως εὑρήσειν σε ἀξιοπιστότερα ἤθη τούτων τῶν γειτόνων·
ヘルメイアス、あなたに対しては、私の方があなたよりもエラストスとコリスコスをよく知っている者として、これらの隣人たちよりも信頼に値する人柄を、あなたが容易には見出せないであろうということを、私は言明し、告げ、かつ証言する。
ἔχεσθαι δὴ παντὶ συμβουλεύω δικαίῳ τρόπῳ τούτων τῶν ἀνδρῶν, μὴ πάρεργον ἡγουμένῳ.
それゆえ、彼らとの結びつきを副次的なものと考えず、あらゆる正しい方法でこの男たちをしっかりとつなぎ留めておくことを勧告する。
Κορίσκῳ δὲ καὶ Ἐράστῳ πάλιν Ἑρμείου ἀντέχεσθαι σύμβουλός εἰμι καὶ πειρᾶσθαι ταῖς ἀνθέξεσιν ἀλλήλων εἰς μίαν ἀφικέσθαι φιλίας συμπλοκήν.
コリスコスとエラストスに対しては、逆にヘルメイアスをしっかりとつなぎ留め、互いに固く結びつき合うことによって、一つの緊密な友情の結合へと至るよう努めることを勧告する。
ἂν δέ τις ὑμῶν ἄρα ταύτην πῃ λύειν δοκῇ—τὸ γὰρ ἀνθρώπινον οὐ παντάπασιν βέβαιον—δεῦρο παρʼ ἐμὲ καὶ τοὺς ἐμοὺς πέμπετε μομφῆς κατήγορον ἐπιστολήν·
しかし、もし万一あなた方のうちの誰かがこの結合をどこかで損なうように思われるなら（人間の営みは決して不変のものではないからである）、こちらにいる私と私の友人たちのもとへ、不満を訴える手紙を送りなさい。
οἶμαι γὰρ δίκῃ τε καὶ αἰδοῖ τοὺς παρʼ ἡμῶν ἐντεῦθεν ἐλθόντας λόγους, εἰ μή τι τὸ λυθὲν μέγα τύχοι γενόμενον, ἐπῳδῆς ἡστινοσοῦν μᾶλλον ἂν συμφῦσαι καὶ συνδῆσαι πάλιν εἰς τὴν προϋπάρχουσαν φιλότητά τε καὶ κοινωνίαν, ἣν ἂν μὲν φιλοσοφῶμεν ἅπαντες ἡμεῖς τε καὶ ὑμεῖς, ὅσον ἂν δυνώμεθα καὶ ἑκάστῳ παρείκῃ, κύρια τὰ νῦν κεχρησμῳδημένα ἔσται.
というのも、私たちの側からそこへ送られる言葉は、正義と敬意とによって、もしその破綻が偶然にも重大なものでない限り、いかなる呪文よりも強力に、再びあなた方を結び合わせ、以前から存在していた友好と共同関係へとつなぎ留めるであろうと私は思うからである。 この共同関係は、もし私たちとあなた方の全員が、できる限り、また各自に許される限りにおいて知を愛求するなら、いま神託のように告げられた事柄が効力を持つことになる。
τὸ δὲ ἂν μὴ δρῶμεν ταῦτα οὐκ ἐρῶ·
もし私たちがこれを行わないならばどうなるか、については言わないでおこう。
φήμην γὰρ ἀγαθὴν μαντεύομαι, καὶ φημὶ δὴ ταῦθʼ ἡμᾶς πάντʼ ἀγαθὰ ποιήσειν, ἂν θεὸς ἐθέλῃ.
というのも、私は吉兆を予言するし、神が望みたまうなら、私たちがこれらすべてを善い方向へと進めると主張するからである。
ταύτην τὴν ἐπιστολὴν πάντας ὑμᾶς τρεῖς ὄντας ἀναγνῶναι χρή, μάλιστα μὲν ἁθρόους, εἰ δὲ μή, κατὰ δύο, κοινῇ κατὰ δύναμιν ὡς οἷόν τʼ ἐστὶν πλειστάκις, καὶ χρῆσθαι συνθήκῃ καὶ νόμῳ κυρίῳ, ὅ ἐστιν δίκαιον, ἐπομνύντας σπουδῇ τε ἅμα μὴ ἀμούσῳ καὶ τῇ τῆς σπουδῆς ἀδελφῇ παιδιᾷ, καὶ τὸν τῶν πάντων θεὸν ἡγεμόνα τῶν τε ὄντων καὶ τῶν μελλόντων, τοῦ τε ἡγεμόνος καὶ αἰτίου πατέρα κύριον ἐπομνύντας, ὅν, ἂν ὄντως φιλοσοφῶμεν, εἰσόμεθα πάντες σαφῶς εἰς δύναμιν ἀνθρώπων εὐδαιμόνων.
この手紙を、あなた方三人全員が、できれば全員集まった状態で、それが叶わぬなら二人ずつで、共同で、できる限り何度も読み、これを合意および正当な効力を持つ掟として用いるべきである。 その際には、ミューズの加護なきことのない真面目さと、その真面目さの姉妹である戯れとをもって誓いを立て、また存在するすべてのものとこれから存在するすべてのものの指導者である神、そしてその指導者であり原因であるものの父にして主なる者を指して誓うべきである。 もし私たちが真に知を愛求するなら、私たちは皆、幸福な人間に許される限りにおいて、この神をはっきりと知ることになるだろう。