§4.320Πλάτων Δίωνι Συρακοσίῳ εὖ πράττειν.
プラトンからシュラクサイのディオンへ、よきことを行わんことを。
οἶμαι μὲν φανερὰν εἶναι διὰ παντὸς τοῦ χρόνου τὴν ἐμὴν προθυμίαν περὶ τὰς συμβεβηκυίας πράξεις, καὶ ὅτι πολλὴν εἶχον περὶ αὐτῶν σπουδὴν εἰς τὸ συμπερανθῆναι, οὐκ ἄλλου τινὸς ἕνεκα μᾶλλον ἢ τῆς ἐπὶ τοῖς καλοῖς φιλοτιμίας·
私は、これまでに起こった出来事に対する私の熱意が終始明らかであり、またそれらが成し遂げられるように私が多大の骨折りをしたことも、美しいことに対する名誉心にほかならないと考えている。
νομίζω γὰρ δίκαιον εἶναι τοὺς ὄντας τῇ ἀληθείᾳ ἐπιεικεῖς καὶ πράττοντας τοιαῦτα τυγχάνειν δόξης τῆς προσηκούσης.
なぜなら、真に優れており、そのようなことを行う人々は、それにふさわしい名声を得るのが正しいと私は考えるからである。
τὰ μὲν οὖν εἰς τὸ παρόν, σὺν θεῷ εἰπεῖν, ἔχει καλῶς, τὰ δὲ περὶ τῶν μελλόντων ὁ μέγιστός ἐστιν ἀγών.
さて、現在のところは、神の守りとともに言えば、うまくいっている。 しかし、未来に関する事柄こそが、最大の試練である。
ἀνδρείᾳ μὲν γὰρ καὶ τάχει καὶ ῥώμῃ διενεγκεῖν δόξειεν ἂν καὶ ἑτέρων εἶναί τινων, ἀληθείᾳ δὲ καὶ δικαιοσύνῃ καὶ μεγαλοπρεπείᾳ καὶ τῇ περὶ πάντα ταῦτα εὐσχημοσύνῃ, συμφαίη τις ἂν τοὺς ἀντιποιουμένους τὰ τοιαῦτα τιμᾶν εἰκότως τῶν ἄλλων διαφέρειν.
なぜなら、勇気や迅速さや力において傑出することは、他の人々の得意とするところでもあると思われるかもしれないが、真実と正義と度量の大きさ、そしてこれらすべてに関する端正さにおいては、そのような価値を尊ぶ人々が、当然のこととして他の人々より際立っていることに誰もが同意するだろうからである。
νῦν οὖν δῆλον μέν ἐστιν ὃ λέγω, ἀναμιμνῄσκειν δὲ ὅμως δεῖ ἡμᾶς αὐτοὺς ὅτι προσήκει πλέον ἢ παίδων τῶν ἄλλων ἀνθρώπων διαφέρειν τοὺς οἶσθα δήπου.
さて、私の言うことは明らかであるが、それでも私たちは、あなたがよく知っているあの人々が、他の人々よりも、いや、子供たちを凌駕する以上に際立っていることがふさわしいということを、自分たち自身に思い起こさせる必要がある。
φανεροὺς οὖν δεῖ ἡμᾶς γενέσθαι ὅτι ἐσμὲν τοιοῦτοι οἷοίπερ φαμέν, ἄλλως τε καὶ ἐπειδή, σὺν θεῷ εἰπεῖν, ῥᾴδιον ἔσται.
したがって、私たちは自分たちが公言している通りの人間であることを明らかにする必要がある。 とりわけ、神の助けによってそれが容易であるのだから。
τοῖς μὲν γὰρ ἄλλοις συμβέβηκεν ἀναγκαῖον εἶναι πλανηθῆναι πολὺν τόπον, εἰ μέλλουσιν γνωσθῆναι·
ほかの人々にとっては、もし知られようとするならば、多くの土地を遍歴することが不可避である。
τὸ δὲ νῦν ὑπάρχον περὶ σὲ τοιοῦτόν ἐστιν, ὡς τοὺς ἐξ ἁπάσης τῆς οἰκουμένης, εἰ καὶ νεανικώτερόν ἐστιν εἰπεῖν, εἰς ἕνα τόπον ἀποβλέπειν, καὶ ἐν τούτῳ μάλιστα πρὸς σέ.
しかし、現在のあなたをめぐる状況は、少し大げさな表現かもしれないが、全世界の人々がひとつの場所を見つめており、その中でも特にあなたに視線を注いでいるという状況なのだ。
ὡς οὖν ὑπὸ πάντων ὁρώμενος παρασκευάζου τόν τε Λυκοῦργον ἐκεῖνον ἀρχαῖον ἀποδείξων καὶ τὸν Κῦρον, καὶ εἴ τις ἄλλος πώποτε ἔδοξεν ἤθει καὶ πολιτείᾳ διενεγκεῖν, ἄλλως τε καὶ ἐπειδὴ πολλοὶ καὶ σχεδὸν ἅπαντες οἱ τῇδε λέγουσιν ὡς πολλή ἐστιν ἐλπὶς ἀναιρεθέντος Διονυσίου διαφθαρῆναι τὰ πράγματα διὰ τὴν σήν τε καὶ Ἡρακλείδου καὶ Θεοδότου καὶ τῶν ἄλλων γνωρίμων φιλοτιμίαν.
それゆえ、すべての人に見られている者として、あの古代のリュクルゴスやキュロス、あるいはこれまで人格と国制において卓越していると考えられたその他の人物をあなた自身において示し示すことができるよう、準備を整えなさい。 特に、この地の多くの人々、いや、ほとんどすべての人々が、ディオニュシオスが打倒された今、あなたとヘラクレイデス、テオドトス、および他の著名な者たちの名誉欲のせいで、事態が破滅に至るのではないかという大きな懸念を語っているのだから。
§4.321μάλιστα μὲν οὖν μηδεὶς εἴη τοιοῦτος·
何よりもまず、そのような者が一人もいないことを願う。
ἐὰν δʼ ἄρα καὶ γίγνηταί τις, σὺ φαίνου ἰατρεύων, καὶ πρὸς τὸ βέλτιστον ἔλθοιτʼ ἄν.
しかし、もし万一そのような者が現れたなら、あなたがそれを治療する者として現れなさい。 そうすれば、事態は最善の方へと向かうだろう。
ταῦτα δὲ ἴσως γελοῖόν σοι φαίνεται εἶναι τὸ ἐμὲ λέγειν, διότι καὶ αὐτὸς οὐκ ἀγνοεῖς·
このようなことを私が言うのは、あなた自身も十分に承知していることだから、おそらく滑稽に思えるかもしれない。
ἐγὼ δὲ καὶ ἐν τοῖς θεάτροις ὁρῶ τοὺς ἀγωνιστὰς ὑπὸ τῶν παίδων παροξυνομένους, μήτι δὴ ὑπό γε τῶν φίλων, οὓς ἄν τις οἴηται μετὰ σπουδῆς κατʼ εὔνοιαν παρακελεύεσθαι.
しかし私は、劇場でも競技者たちが子供たちから激励されているのを目にする。 ましてや、好意から熱心に声援を送ってくれていると思われる友人たちからなら、なおさらである。
νῦν οὖν αὐτοί τε ἀγωνίζεσθε καὶ ἡμῖν εἴ του δεῖ ἐπιστέλλετε·
それゆえ、今こそあなた方自身が戦い、また何か必要なことがあれば私たちに書き送りなさい。
τὰ δʼ ἐνθάδε παραπλησίως ἔχει καθάπερ καὶ ὑμῶν παρόντων.
こちらの状況は、あなた方がここにいた時とほぼ同じである。
ἐπιστέλλετε δὲ καὶ ὅτι πέπρακται ὑμῖν ἢ πράττοντες τυγχάνετε, ὡς ἡμεῖς πολλὰ ἀκούοντες οὐδὲν ἴσμεν·
また、あなた方が何を成し遂げたか、あるいは何を行っているところなのかを書き送りなさい。 私たちは多くの噂を耳にしながらも、何一つ確かなことを知らないからである。
καὶ νῦν ἐπιστολαὶ παρὰ μὲν Θεοδότου καὶ Ἡρακλείδου ἥκουσιν εἰς Λακεδαίμονα καὶ Αἴγιναν, ἡμεῖς δέ, καθάπερ εἴρηται, πολλὰ ἀκούοντες περὶ τῶν τῇδε οὐδὲν ἴσμεν.
現に今、テオドトスやヘラクレイデスからの手紙がラケダイモンやアイギナに届いているが、私たちは、先ほど述べたように、そちらの出来事について多くのことを耳にしながらも、何一つ確かなことを知らないのだ。
ἐνθυμοῦ δὲ καὶ ὅτι δοκεῖς τισιν ἐνδεεστέρως τοῦ προσήκοντος θεραπευτικὸς εἶναι·
また、あなたが一部の人々にとって、ふさわしい程度に比べて人当たりが悪いと思われていることも心に留めておきなさい。
μὴ οὖν λανθανέτω σε ὅτι διὰ τοῦ ἀρέσκειν τοῖς ἀνθρώποις καὶ τὸ πράττειν ἐστίν, ἡ δʼ αὐθάδεια ἐρημίᾳ σύνοικος.
人々に気に入られることによってこそ、事を成し遂げることができるのであり、独善は孤立と同居するものであるということを忘れてはならない。
εὐτύχει.
健闘を祈る。