§4.320Πλάτων Δίωνι Συρακοσίῳ εὖ πράττειν.
플라톤이 시라쿠사의 디온에게, 일들이 잘되기를 바랍니다.
οἶμαι μὲν φανερὰν εἶναι διὰ παντὸς τοῦ χρόνου τὴν ἐμὴν προθυμίαν περὶ τὰς συμβεβηκυίας πράξεις, καὶ ὅτι πολλὴν εἶχον περὶ αὐτῶν σπουδὴν εἰς τὸ συμπερανθῆναι, οὐκ ἄλλου τινὸς ἕνεκα μᾶλλον ἢ τῆς ἐπὶ τοῖς καλοῖς φιλοτιμίας·
나는 지나간 모든 시간 동안 일어난 사건들에 대한 나의 열의가 분명하게 드러났다고 생각하며, 또한 그것들이 완수될 수 있도록 내가 커다란 노력을 기울인 것 역시 고귀한 일에 대한 명예심 이외의 다른 어떤 것 때문도 아니었다고 생각합니다.
νομίζω γὰρ δίκαιον εἶναι τοὺς ὄντας τῇ ἀληθείᾳ ἐπιεικεῖς καὶ πράττοντας τοιαῦτα τυγχάνειν δόξης τῆς προσηκούσης.
왜냐하면 진실로 훌륭하며 그러한 일들을 행하는 자들이 그에 걸맞은 명성을 얻는 것이 정의롭다고 나는 생각하기 때문입니다.
τὰ μὲν οὖν εἰς τὸ παρόν, σὺν θεῷ εἰπεῖν, ἔχει καλῶς, τὰ δὲ περὶ τῶν μελλόντων ὁ μέγιστός ἐστιν ἀγών.
현재의 일들은, 신의 도우심에 힘입어 말하자면, 잘 풀려가고 있습니다만, 미래에 관한 일들이야말로 가장 큰 싸움입니다.
ἀνδρείᾳ μὲν γὰρ καὶ τάχει καὶ ῥώμῃ διενεγκεῖν δόξειεν ἂν καὶ ἑτέρων εἶναί τινων, ἀληθείᾳ δὲ καὶ δικαιοσύνῃ καὶ μεγαλοπρεπείᾳ καὶ τῇ περὶ πάντα ταῦτα εὐσχημοσύνῃ, συμφαίη τις ἂν τοὺς ἀντιποιουμένους τὰ τοιαῦτα τιμᾶν εἰκότως τῶν ἄλλων διαφέρειν.
용기와 신속함과 힘에 있어서 뛰어난 것은 다른 어떤 이들의 장기이기도 한 것처럼 보이겠지만, 진실과 정의와 도량의 큼, 그리고 이 모든 것에 관한 단정함에 있어서는, 그러한 가치를 지향하는 자들이 당연히 다른 사람들보다 뛰어나다는 점에 누구나 동의할 것이기 때문입니다.
νῦν οὖν δῆλον μέν ἐστιν ὃ λέγω, ἀναμιμνῄσκειν δὲ ὅμως δεῖ ἡμᾶς αὐτοὺς ὅτι προσήκει πλέον ἢ παίδων τῶν ἄλλων ἀνθρώπων διαφέρειν τοὺς οἶσθα δήπου.
이제 내가 말하려는 바는 분명하지만, 그럼에도 우리는 당신이 잘 알고 있을 그 사람들이, 어른이 어린아이들을 능가하는 것 이상으로 다른 사람들을 능가하는 것이 마땅하다는 점을 우리 스스로에게 상기시켜야 합니다.
φανεροὺς οὖν δεῖ ἡμᾶς γενέσθαι ὅτι ἐσμὲν τοιοῦτοι οἷοίπερ φαμέν, ἄλλως τε καὶ ἐπειδή, σὺν θεῷ εἰπεῖν, ῥᾴδιον ἔσται.
그러므로 우리는 우리가 말하는 그대로의 사람임을 드러내 보여야 하며, 특히 신의 도우심으로 그것이 쉬울 것이기에 더욱 그러합니다.
τοῖς μὲν γὰρ ἄλλοις συμβέβηκεν ἀναγκαῖον εἶναι πλανηθῆναι πολὺν τόπον, εἰ μέλλουσιν γνωσθῆναι· τὸ δὲ νῦν ὑπάρχον περὶ σὲ τοιοῦτόν ἐστιν, ὡς τοὺς ἐξ ἁπάσης τῆς οἰκουμένης, εἰ καὶ νεανικώτερόν ἐστιν εἰπεῖν, εἰς ἕνα τόπον ἀποβλέπειν, καὶ ἐν τούτῳ μάλιστα πρὸς σέ.
다른 이들에게는 만약 알려지기 위해서는 많은 땅을 방랑하는 것이 불가피하겠지만, 현재 당신을 둘러싼 상황은, 조금 과장된 표현일지라도 온 천하의 사람들이 한곳을 바라보고 있으며, 그곳에서도 특히 당신을 주목하고 있는 그러한 상황입니다.
ὡς οὖν ὑπὸ πάντων ὁρώμενος παρασκευάζου τόν τε Λυκοῦργον ἐκεῖνον ἀρχαῖον ἀποδείξων καὶ τὸν Κῦρον, καὶ εἴ τις ἄλλος πώποτε ἔδοξεν ἤθει καὶ πολιτείᾳ διενεγκεῖν, ἄλλως τε καὶ ἐπειδὴ πολλοὶ καὶ σχεδὸν ἅπαντες οἱ τῇδε λέγουσιν ὡς πολλή ἐστιν ἐλπὶς ἀναιρεθέντος Διονυσίου διαφθαρῆναι τὰ πράγματα διὰ τὴν σήν τε καὶ Ἡρακλείδου καὶ Θεοδότου καὶ τῶν ἄλλων γνωρίμων φιλοτιμίαν.
그러므로 모든 이들에게 관찰당하는 사람으로서 저 고대의 리쿠르고스와 키루스, 그리고 지금까지 성품과 국제에서 뛰어난 것으로 여겨졌던 다른 인물들을 당신 자신 안에서 보여줄 수 있도록 준비하십시오. 특히 이곳의 많은 이들, 아니 거의 모든 이들이 디오니시오스가 타도된 지금, 당신과 헤라클레이데스, 테오도토스 그리고 다른 명사들의 명예욕 때문에 사태가 파멸로 치닫지 않을까 하는 커다란 우려를 말하고 있기에 더욱 그러합니다.
§4.321μάλιστα μὲν οὖν μηδεὶς εἴη τοιοῦτος·
무엇보다도 그러한 사람이 한 명도 없기를 바랍니다.
ἐὰν δʼ ἄρα καὶ γίγνηταί τις, σὺ φαίνου ἰατρεύων, καὶ πρὸς τὸ βέλτιστον ἔλθοιτʼ ἄν.
하지만 만에 하나라도 생긴다면, 당신이 치료하는 자로서 나서십시오. 그리하면 최선으로 나아갈 수 있을 것입니다.
ταῦτα δὲ ἴσως γελοῖόν σοι φαίνεται εἶναι τὸ ἐμὲ λέγειν, διότι καὶ αὐτὸς οὐκ ἀγνοεῖς·
이러한 일들을 내가 말하는 것이 당신에게는 아마도 우습게 보일 텐데, 당신 스스로도 모르지 않기 때문입니다.
ἐγὼ δὲ καὶ ἐν τοῖς θεάτροις ὁρῶ τοὺς ἀγωνιστὰς ὑπὸ τῶν παίδων παροξυνομένους, μήτι δὴ ὑπό γε τῶν φίλων, οὓς ἄν τις οἴηται μετὰ σπουδῆς κατʼ εὔνοιαν παρακελεύεσθαι.
하지만 나는 극장에서도 경기자들이 어린아이들에게 격려받는 것을 보며, 하물며 호의로써 열성적으로 격려해 줄 것이라 생각되는 친구들에게서라면 더욱 그러할 것입니다.
νῦν οὖν αὐτοί τε ἀγωνίζεσθε καὶ ἡμῖν εἴ του δεῖ ἐπιστέλλετε·
그러니 이제 당신들 스스로가 분투하시고, 우리에게 필요한 것이 있다면 편지를 보내십시오.
τὰ δʼ ἐνθάδε παραπλησίως ἔχει καθάπερ καὶ ὑμῶν παρόντων.
이곳의 일들은 당신들이 있을 때와 거의 비슷하게 돌아가고 있습니다.
ἐπιστέλλετε δὲ καὶ ὅτι πέπρακται ὑμῖν ἢ πράττοντες τυγχάνετε, ὡς ἡμεῖς πολλὰ ἀκούοντες οὐδὲν ἴσμεν·
또한 당신들이 무슨 일을 성사시켰는지 또는 무슨 일을 해 나가는 중인지 편지를 보내 주십시오. 우리는 많은 소문을 들으면서도 전혀 알지 못하기 때문입니다.
καὶ νῦν ἐπιστολαὶ παρὰ μὲν Θεοδότου καὶ Ἡρακλείδου ἥκουσιν εἰς Λακεδαίμονα καὶ Αἴγιναν, ἡμεῖς δέ, καθάπερ εἴρηται, πολλὰ ἀκούοντες περὶ τῶν τῇδε οὐδὲν ἴσμεν.
실제로 지금 테오도토스와 헤라클레이데스로부터 라케다이몬과 아이기나로 편지들이 도착해 있지만, 우리는 이미 말한 바와 같이 그곳의 일들에 대해 많은 이야기를 들으면서도 전혀 아는 바가 없습니다.
ἐνθυμοῦ δὲ καὶ ὅτι δοκεῖς τισιν ἐνδεεστέρως τοῦ προσήκοντος θεραπευτικὸς εἶναι·
그리고 당신이 어떤 이들에게는 마땅히 그래야 할 것보다 사람들을 대하는 태도에 있어서 부족하다는 소리를 듣고 있다는 점도 명심하십시오.
μὴ οὖν λανθανέτω σε ὅτι διὰ τοῦ ἀρέσκειν τοῖς ἀνθρώποις καὶ τὸ πράττειν ἐστίν, ἡ δʼ αὐθάδεια ἐρημίᾳ σύνοικος.
사람들을 기쁘게 함으로써 일 또한 성사되는 것이며, 독선은 고독과 동거하는 법이라는 점을 잊지 마십시오.
εὐτύχει.
행운을 빕니다.