§11.933ΑΘ. ἣν μὲν γὰρ τὰ νῦν διαρρήδην εἴπομεν, σώμασι σώματα κακουργοῦσά ἐστιν κατὰ φύσιν·
アテナイ人：というのも、今しがた我々が明確に述べた方の毒物使用は、自然の理に従って、身体が身体に害を与えるものである。
ἄλλη δὲ ἣ μαγγανείαις τέ τισιν καὶ ἐπῳδαῖς καὶ καταδέσεσι λεγομέναις πείθει τοὺς μὲν τολμῶντας βλάπτειν αὐτούς, ὡς δύνανται τὸ τοιοῦτον, τοὺς δʼ ὡς παντὸς μᾶλλον ὑπὸ τούτων δυναμένων γοητεύειν βλάπτονται.
しかし他方のものは、ある種のまじないや呪文、そしていわゆる呪縛によって、害しようと企てる者たちには、自分たちがそのようなことを行い得るのだと信じ込ませ、害される者たちには、呪術をかける力を持つこれらの者によって自分たちが何よりも害されているのだと信じ込ませるものである。
ταῦτʼ οὖν καὶ περὶ τὰ τοιαῦτα σύμπαντα οὔτε ῥᾴδιον ὅπως ποτὲ πέφυκεν γιγνώσκειν, οὔτʼ εἴ τις γνοίη, πείθειν εὐπετὲς ἑτέρους·
それゆえ、これらのことや、これに類するすべての事柄について、それが一体どのような本性を持っているのかを知ることは容易ではなく、また、もし誰かがそれを知ったとしても、他者を説得することは容易ではない。
ταῖς δὲ ψυχαῖς τῶν ἀνθρώπων δυσωπουμένους πρὸς ἀλλήλους περὶ τὰ τοιαῦτα οὐκ ἄξιον ἐπιχειρεῖν πείθειν, ἄν ποτε ἄρα ἴδωσί που κήρινα μιμήματα πεπλασμένα, εἴτʼ ἐπὶ θύραις εἴτʼ ἐπὶ τριόδοις εἴτʼ ἐπὶ μνήμασι γονέων αὐτῶν τινες, ὀλιγωρεῖν πάντων τῶν τοιούτων διακελεύεσθαι μὴ σαφὲς ἔχουσι δόγμα περὶ αὐτῶν.
そして、人々の魂がこれらの事柄について互いに疑念やおびえを抱いているとき、もし彼らが、ある人々が作った蝋の形代を、門口や三叉路、あるいは彼らの先祖の墓の上に置いてあるのをどこかで見かけたとしても、これらについての明確な知識を持たない人々に対して、そのようなすべてのものを軽視するように説得し勧めることは、試みるに値しない。
διαλαβόντας δὲ διχῇ τὸν τῆς φαρμακείας πέρι νόμον, ὁποτέρως ἄν τις ἐπιχειρῇ φαρμάττειν, πρῶτον μὲν δεῖσθαι καὶ παραινεῖν καὶ συμβουλεύειν μὴ δεῖν ἐπιχειρεῖν τοιοῦτο δρᾶν μηδὲ καθάπερ παῖδας τοὺς πολλοὺς τῶν ἀνθρώπων δειμαίνοντας φοβεῖν, μηδʼ αὖ τὸν νομοθέτην τε καὶ τὸν δικαστὴν ἀναγκάζειν ἐξιᾶσθαι τῶν ἀνθρώπων τοὺς τοιούτους φόβους, ὡς πρῶτον μὲν τὸν ἐπιχειροῦντα φαρμάττειν οὐκ εἰδότα τί δρᾷ, τά τε κατὰ σώματα, ἐὰν μὴ τυγχάνῃ ἐπιστήμων ὢν ἰατρικῆς, τά τε αὖ περὶ τὰ μαγγανεύματα, ἐὰν μὴ μάντις ἢ τερατοσκόπος ὢν τυγχάνῃ.
それゆえ、毒殺・呪術に関する法律を二つに区分した上で、誰かがどちらの方法でそれを用いようとするにせよ、まず第一に、そのようなことを企てるべきではないと懇願し、勧め、助言しなければならない。 また、子供のようにおびえている多くの人々を恐れさせるべきではなく、また立法者や裁判官に対して、人々のそのような恐怖を取り除くよう強制すべきでもない。 なぜなら、第一に、薬物を用いようと企てる者は、自分が何をしているのかを分かっていないからである。 もし医学の知識を持たないのであれば、身体に関する事柄についてそうであり、また、もし予言者や奇兆の解釈者でないならば、まじないに関する事柄についてそうなのである。
λεγέσθω δὴ λόγος ὅδε νόμος περὶ φαρμακείας·
さて、薬物および呪術に関する法律の文言を以下のように述べよう。
ὃς ἂν φαρμακεύῃ τινὰ ἐπὶ βλάβῃ μὴ θανασίμῳ μήτε αὐτοῦ μήτε ἀνθρώπων ἐκείνου, βοσκημάτων δὲ ἢ σμηνῶν εἴτʼ ἄλλῃ βλάβῃ εἴτʼ οὖν θανασίμῳ, ἐὰν μὲν ἰατρὸς ὢν τυγχάνῃ καὶ ὄφλῃ δίκην φαρμάκων, θανάτῳ ζημιούσθω, ἐὰν δὲ ἰδιώτης, ὅτι χρὴ παθεῖν ἢ ἀποτεῖσαι, τιμάτω περὶ αὐτοῦ τὸ δικαστήριον.
誰かが、ある人自身またはその者の家人に対して、致命的ではない害を与えるために、あるいは家畜や蜂の群れに対して致命的な、またはその他の害を与えるために薬物を用いる場合、もしその者がたまたま医師であり、毒物使用の罪で有罪となるならば、死刑に処されるべきである。 しかし、もし一般人であるならば、彼がどのような罰を受けるべきか、あるいは罰金を支払うべきかを、法廷が彼について評決しなければならない。
ἐὰν δὲ καταδέσεσιν ἢ ἐπαγωγαῖς ἤ τισιν ἐπῳδαῖς ἢ τῶν τοιούτων φαρμακειῶν ὡντινωνοῦν δόξῃ ὅμοιος εἶναι βλάπτοντι, ἐὰν μὲν μάντις ὢν ἢ τερατοσκόπος, τεθνάτω, ἐὰν δʼ ἄνευ μαντικῆς ὢν τῆς φαρμακείας ὄφλῃ, ταὐτὸν καὶ τούτῳ γιγνέσθω·
しかし、もし呪縛や、引き寄せ、あるいは何らかの呪文、あるいはそのような呪術のいずれかによって、害を与えているように見えるならば、もし彼が予言者や奇兆の解釈者であるならば、死刑に処されるべきである。 しかし、もし予言の術を持たずに呪術の罪で有罪となるならば、その者に対しても同じことが行われるべきである。
περὶ γὰρ αὖ καὶ τούτου τιμάτω τὸ δικαστήριον ὅτι ἂν αὐτοῖς δεῖν αὐτὸν δόξῃ πάσχειν ἢ ἀποτίνειν.
というのも、彼についても、彼が受けるべき、あるいは支払うべきと法廷が判断する刑罰を、法廷が評決しなければならないからである。
§11.934ΑΘ. ὅσα τις ἂν ἕτερος ἄλλον πημήνῃ κλέπτων ἢ βιαζόμενος, ἂν μὲν μείζω, μείζονα τὴν ἔκτισιν τῷ πημανθέντι τινέτω, ἐλάττω δὲ ζημιώσας σμικροτέραν, παρὰ πάντα δὲ τοσαύτην ἡλίκα ἂν ἑκάστοτε ζημιώσῃ τίς τινα, μέχριπερ ἂν ἰάσηται τὸ βλαβέν·
アテナイ人：ある人が他の人を、盗みや暴力によって害するすべてのことについて、もしそれがより大きな害であるなら、害された者により大きな賠償を支払わねばならず、より小さな害を与えたなら、より小さな賠償を支払わねばならない。 そしていかなる場合も、害されたものが完全に癒やされるまで、誰かが誰かに与えた損害と同額の賠償を支払わねばならない。
δίκην δὲ ἕκαστος πρὸς ἑκάστῳ τῷ κακουργήματι σωφρονιστύος ἕνεκα συνεπομένην προσεκτεισάτω, ὁ μὲν ἀνοίᾳ κακουργήσας ἀλλοτρίᾳ, πειθοῖ διὰ νεότητα ἤ τι τοιοῦτον χρησάμενος, ἐλαφροτέραν, ὁ δὲ διὰ οἰκείαν ἄνοιαν ἢ διʼ ἀκράτειαν ἡδονῶν ἢ λυπῶν, ἐν φόβοις δειλίας ἤ τισιν ἐπιθυμίαις ἢ φθόνοις ἢ θυμοῖς δυσιάτοις γιγνόμενος, βαρυτέραν, οὐχ ἕνεκα τοῦ κακουργῆσαι διδοὺς τὴν δίκην—οὐ γὰρ τὸ γεγονὸς ἀγένητον ἔσται ποτέ—τοῦ δʼ εἰς τὸν αὖθις ἕνεκα χρόνον ἢ τὸ παράπαν μισῆσαι τὴν ἀδικίαν αὐτόν τε καὶ τοὺς ἰδόντας αὐτὸν δικαιούμενον, ἢ λωφῆσαι μέρη πολλὰ τῆς τοιαύτης συμφορᾶς.
そして各人は、個々の犯罪行為に対して、更生を目的とした付加的な罰をさらに支払わねばならない。 他人の愚かさによって犯罪を犯し、若さゆえの説得やそれに類するものに従った者は、より軽い罰を、一方で、自分自身の愚かさや、快楽や苦痛に対する自制心のなさによって犯し、臆病な恐怖や、ある種の欲望、嫉妬、あるいは治療しがたい怒りに陥っている者は、より重い罰を支払うべきである。 犯罪を犯したことそのもののために罰を受けるのではない。 なぜなら、起こってしまったことは決して起こらなかったことにはできないからである。 そうではなく、将来において彼自身も、また彼が処罰されるのを見た人々も、不正を完全に憎むようになるため、あるいはそのような災いの大部分が和らぐためである。
ὧν δὴ πάντων ἕνεκα χρὴ καὶ πρὸς πάντα τὰ τοιαῦτα βλέποντας τοὺς νόμους τοξότου μὴ κακοῦ στοχάζεσθαι δίκην τοῦ τε μεγέθους τῆς κολάσεως ἑκάστων ἕνεκα καὶ παντελῶς τῆς ἀξίας·
これらすべての理由から、法律は、これらすべての事柄に目を向けながら、個々の刑罰の大きさと完全にふさわしい罰を目指して、まるで下手ではない射手のように、的を狙べきである。
ταὐτὸν δʼ ἔργον δρῶντα συνυπηρετεῖν δεῖ τῷ νομοθέτῃ τὸν δικαστήν, ὅταν αὐτῷ τις νόμος ἐπιτρέπῃ τιμᾶν ὅτι χρὴ πάσχειν τὸν κρινόμενον ἢ ἀποτίνειν, τὸν δέ, καθάπερ ζωγράφον, ὑπογράφειν ἔργα ἑπόμενα τῇ γραφῇ.
そして裁判官は、ある法律が、裁かれる者が受けるべき、あるいは支払うべき刑罰を評決することを自分に委ねているときには、立法者と同じ役割を果たして協力しなければならず、立法者の方は、画画のようであって、下絵に続く作品を描き出さねばならない。
ὃ δὴ καὶ νῦν, ὦ Μέγιλλε καὶ Κλεινία, ποιητέον ἡμῖν ὅτι κάλλιστα καὶ ἄριστα·
メガillusとクレイニアスよ、これこそが今、我々が最も美しく、最良の方法で行わねばならないことである。
τῶν κλοπαίων τε καὶ βιαίων πάντων τὰς ζημίας λεγομένας οἵας δεῖ γίγνεσθαι, λεκτέον, ὅπως ἂν ἡμῖν παρείκωσιν θεοὶ καὶ θεῶν παῖδες νομοθετεῖν.
盗みや暴力によるすべての行為について、どのような罰が科されるべきかを規定として語らねばならない。 神々と神々の子らが我々に立法することを許してくれる限りにおいて。
μαινόμενος δὲ ἄν τις ᾖ, μὴ φανερὸς ἔστω κατὰ πόλιν·
もし狂気の人があるならば、その者は市中で人目に触れてはならない。
οἱ προσήκοντες δʼ ἑκάστων κατὰ τὰς οἰκίας φυλαττόντων αὐτούς, ὅτῳ ἂν ἐπίστωνται τρόπῳ, ἢ ζημίαν ἐκτινόντων, ὁ μὲν τοῦ μεγίστου τιμήματος ἑκατὸν δραχμάς, ἐάντʼ οὖν δοῦλον ἐάντʼ οὖν καὶ ἐλεύθερον περιορᾷ, δευτέρου δὲ τιμήματος τέτταρα μέρη τῆς μνᾶς τῶν πέντε, τρία δʼ ὁ τρίτος, καὶ δύο ὁ τέταρτος.
それぞれの親族は、自分たちにできるいかなる方法によっても、家の中で彼らを守らねばならない。 さもなければ罰金を支払わねばならない。 すなわち、最高財産階級の者は、奴隷であれ自由人であれ狂人を放置したならば百ドラクマを、第二の階級の者は一ミナの5分の4を、第三の者は5分の3を、第四の者は5分の2を支払うものとする。
μαίνονται μὲν οὖν πολλοὶ πολλοὺς τρόπους·
さて、多くの人が多くの方法で狂気となる。
οὓς μὲν νῦν εἴπομεν, ὑπὸ νόσων, εἰσὶν δὲ οἳ διὰ θυμοῦ κακὴν φύσιν ἅμα καὶ τροφὴν γενομένην, οἳ δὴ σμικρᾶς ἔχθρας γενομένης, πολλὴν φωνὴν ἱέντες κακῶς ἀλλήλους βλασφημοῦντες λέγουσιν, οὐ πρέπον ἐν εὐνόμων πόλει γίγνεσθαι τοιοῦτον οὐδὲν οὐδαμῇ οὐδαμῶς.
今我々が述べた者たちは病気によるものであるが、怒りと、悪い本性に加えて悪い養育が重なったことによって狂う者たちもいる。 彼らは、わずかな敵対関係が生じただけで、大声を張り上げて互いを誹謗中傷し、悪口を言い合う。 秩序あるポリスにおいては、このようなことはいかなる場所でもいかなる方法でも、一切ふさわしくない。
εἷς δὴ περὶ κακηγορίας ἔστω νόμος περὶ πάντας ὅδε·
それゆえ、誹謗に関して、すべての人に適用される一つの法律をこのように定めよう。
Μηδένα κακηγορείτω μηδείς.
『誰も、誰をも誹謗してはならない。
ὁ δὲ ἀμφισβητῶν ἔν τισι λόγοις ἄλλος ἄλλῳ διδασκέτω καὶ μανθανέτω τόν τε ἀμφισβητοῦντα καὶ τοὺς παρόντας ἀπεχόμενος πάντως τοῦ κακηγορεῖν.
』議論において異議を唱える者は、誹謗を完全に避けつつ、異議を唱える相手やその場にいる人々に対して、互いに教え、また学ぶべきである。