§4.425οὐκοῦν, ὃ ἐξ ἀρχῆς ἐλέγομεν, τοῖς ἡμετέροις παισὶν ἐννομωτέρου εὐθὺς παιδιᾶς μεθεκτέον, ὡς παρανόμου γιγνομένης αὐτῆς καὶ παίδων τοιούτων ἐννόμους τε καὶ σπουδαίους ἐξ αὐτῶν ἄνδρας αὐξάνεσθαι ἀδύνατον ὄν;
したがって、私たちが最初から言っていたように、私たちの子供たちは最初からより法にかなった遊びに参加させなければならない。 なぜなら、もし遊びが不法なものになり、子供たちもそのようになれば、彼らから法を尊ぶ優れた大人が育つことは不可能だからではないか？
πῶς δʼ οὐχί; ἔφη.
「どうしてそうではないことがありましょうか」と彼は言った。
ὅταν δὴ ἄρα καλῶς ἀρξάμενοι παῖδες παίζειν εὐνομίαν διὰ τῆς μουσικῆς εἰσδέξωνται, πάλιν τοὐναντίον ἢ ʼκείνοις εἰς πάντα συνέπεταί τε καὶ αὔξει, ἐπανορθοῦσα εἴ τι καὶ πρότερον τῆς πόλεως ἔκειτο.
「それゆえ、子供たちがよく遊び始めて、文芸を通じて秩序ある精神を受け入れるとき、これはあの不法な場合とは逆に、あらゆることに付き従い、それを成長させ、以前に国家で損なわれていたものがあれば何であれ、それを正すことになるのだ。
ἀληθῆ μέντοι, ἔφη.
」「まことにその通りです」と彼は言った。
καὶ τὰ σμικρὰ ἄρα, εἶπον, δοκοῦντα εἶναι νόμιμα ἐξευρίσκουσιν οὗτοι, ἃ οἱ πρότερον ἀπώλλυσαν πάντα.
「そして」と私は言った。 「彼らは、以前の人々がすべて失ってしまった、些細なことと思われるような生活のきまりを再発見することになるのだ。
τὰ ποῖα;
」「例えばどのようなことですか？
τὰ τοιάδε·
」「以下のようなことだ。
σιγάς τε τῶν νεωτέρων παρὰ πρεσβυτέροις ἃς πρέπει, καὶ κατακλίσεις καὶ ὑπαναστάσεις καὶ γονέων θεραπείας, καὶ κουράς γε καὶ ἀμπεχόνας καὶ ὑποδέσεις καὶ ὅλον τὸν τοῦ σώματος σχηματισμὸν καὶ τἆλλα ὅσα τοιαῦτα.
若者が年長者の前で沈黙を守るべきときに守ること、席を譲ること、立ち上がること、親を大切にすること、さらに髪の刈り方、服装、履物、そして身体の身のこなし全体や、その他これに類するすべてのことだ。
ἢ οὐκ οἴει;
そうは思わないかね？
ἔγωγε.
」「私はそう思います。
νομοθετεῖν δʼ αὐτὰ οἶμαι εὔηθες·
」「しかし、これらについて法律を制定するのは愚かなことだと私は思う。
οὔτε γάρ που γίγνεται οὔτʼ ἂν μείνειεν λόγῳ τε καὶ γράμμασιν νομοθετηθέντα.
というのも、それらは言葉や文字によって法制化されたところで、実行されることもなければ、維持されることもないからだ。
πῶς γάρ;
」「その通りですね。 どうして維持できましょうか？
κινδυνεύει γοῦν, ἦν δʼ ἐγώ, ὦ Ἀδείμαντε, ἐκ τῆς παιδείας ὅποι ἄν τις ὁρμήσῃ, τοιαῦτα καὶ τὰ ἑπόμενα εἶναι.
」「ともかく」と私は言った。 「アデイマントスよ、教育がどのように出発するかに応じて、それに続く事柄もまた、それと同類のものになりがちなのだ。
ἢ οὐκ ἀεὶ τὸ ὅμοιον ὂν ὅμοιον παρακαλεῖ;
常に似たものは似たものを呼び寄せるのではないかね？
τί μήν;
」「もちろんです。
καὶ τελευτῶν δὴ οἶμαι φαῖμεν ἂν εἰς ἕν τι τέλεον καὶ νεανικὸν ἀποβαίνειν αὐτὸ ἢ ἀγαθὸν ἢ καὶ τοὐναντίον.
」「そして最後には、それは完全に強力な一つのもの、すなわち善きものか、あるいはその逆のものへと至るのだと、私たちは言うだろう。
τί γὰρ οὔκ; ἦ δʼ ὅς.
」「どうしてそうでないことがありましょう」と彼は言った。
ἐγὼ μὲν τοίνυν, εἶπον, διὰ ταῦτα οὐκ ἂν ἔτι τὰ τοιαῦτα ἐπιχειρήσαιμι νομοθετεῖν.
「それゆえに」と私は言った。 「私はこのような事柄について、これ以上法律を制定しようとは思わないのだ。
εἰκότως γʼ, ἔφη.
」「もっともなことです」と彼は言った。
τί δέ, ὦ πρὸς θεῶν, ἔφην, τάδε τὰ ἀγοραῖα, συμβολαίων τε πέρι κατʼ ἀγορὰν ἕκαστοι ἃ πρὸς ἀλλήλους συμβάλλουσιν, εἰ δὲ βούλει, καὶ χειροτεχνικῶν περὶ συμβολαίων καὶ λοιδοριῶν καὶ αἰκίας καὶ δικῶν λήξεως καὶ δικαστῶν καταστάσεως, καὶ εἴ που τελῶν τινες ἢ πράξεις ἢ θέσεις ἀναγκαῖοί εἰσιν ἢ κατʼ ἀγορὰς ἢ λιμένας, ἢ καὶ τὸ παράπαν ἀγορανομικὰ ἄττα ἢ ἀστυνομικὰ ἢ ἐλλιμενικὰ ἢ ὅσα ἄλλα τοιαῦτα, τούτων τολμήσομέν τι νομοθετεῖν;
「では、神々の名において」と私は言った。 「市場での取引に関するこれらの事柄、すなわち市場で各自が互いに交わす契約について、あるいは望むなら、職人の契約、侮辱、暴行、訴訟の提起、裁判官の任命、そして市場や港で必要な関税の徴収や割り当て、あるいは総じて市場取締、都市取締、港湾取締に関する法、その他これに類するあらゆる事柄について、私たちは何か法律を制定しようとするだろうか？
ἀλλʼ οὐκ ἄξιον, ἔφη, ἀνδράσι καλοῖς κἀγαθοῖς ἐπιτάττειν·
」「いや、優れた立派な男たちにそのようなことを命令するのはふさわしくありません」と彼は言った。
τὰ πολλὰ γὰρ αὐτῶν, ὅσα δεῖ νομοθετήσασθαι, ῥᾳδίως που εὑρήσουσιν.
「というのも、制定されるべき事柄の大部分は、彼らが容易に自ら見出すでしょうから。
ναί, ὦ φίλε, εἶπον, ἐάν γε θεὸς αὐτοῖς διδῷ σωτηρίαν τῶν νόμων ὧν ἔμπροσθεν διήλθομεν.
」「そうだ、友よ」と私は言った。 「神が彼らに、私たちが先に論じた諸法律の維持を授けてくださるならばね。
εἰ δὲ μή γε, ἦ δʼ ὅς, πολλὰ τοιαῦτα τιθέμενοι ἀεὶ καὶ ἐπανορθούμενοι τὸν βίον διατελοῦσιν, οἰόμενοι ἐπιλήψεσθαι τοῦ βελτίστου.
」「もしそうでなければ」と彼は言った。 「彼らはこのような法律を次々と制定しては常に改正し、最善のものに到達できると信じながら、生涯を過ごすことになるでしょう。
λέγεις, ἔφην ἐγώ, βιώσεσθαι τοὺς τοιούτους ὥσπερ τοὺς κάμνοντάς τε καὶ οὐκ ἐθέλοντας ὑπὸ ἀκολασίας ἐκβῆναι πονηρᾶς διαίτης.
」「君の言うような人々は」と私は言った。 「病気でありながら、不摂生のために悪しき生活習慣を改めようしない患者たちと同じような生き方をすることになるわけだね。
§4.426πάνυ μὲν οὖν.
」「まさにその通りです。
καὶ μὴν οὗτοί γε χαριέντως διατελοῦσιν·
」「そして実際、そのような者たちは滑稽な生活を送り続ける。
ἰατρευόμενοι γὰρ οὐδὲν περαίνουσιν, πλήν γε ποικιλώτερα καὶ μείζω ποιοῦσι τὰ νοσήματα, καὶ ἀεὶ ἐλπίζοντες, ἐάν τις φάρμακον συμβουλεύσῃ, ὑπὸ τούτου ἔσεσθαι ὑγιεῖς.
治療を受けても何の効果もなく、ただ病気をより複雑で重いものにするだけでありながら、誰かが薬を勧めてくれれば、それによって健康になれると常に期待しているのだから。
πάνυ γάρ, ἔφη, τῶν οὕτω καμνόντων τὰ τοιαῦτα πάθη.
」「まったく、そのように病んでいる者たちの状態はまさにそのようなものです」と彼は言った。
τί δέ; ἦν δʼ ἐγώ·
「では、これなどはどうだ？ 」と私は言った。
τόδε αὐτῶν οὐ χαρίεν, τὸ πάντων ἔχθιστον ἡγεῖσθαι τὸν τἀληθῆ λέγοντα, ὅτι πρὶν ἂν μεθύων καὶ ἐμπιμπλάμενος καὶ ἀφροδισιάζων καὶ ἀργῶν παύσηται, οὔτε φάρμακα οὔτε καύσεις οὔτε τομαὶ οὐδʼ αὖ ἐπῳδαὶ αὐτὸν οὐδὲ περίαπτα οὐδὲ ἄλλο τῶν τοιούτων οὐδὲν ὀνήσει;
「彼らのうちで、真実を語る者を最も憎むべき敵とみなすというのは、滑稽ではないかね？ すなわち、大酒、過食、好色、怠惰をまずやめない限り、薬も、焼灼も、切開も、あるいは呪文や魔除け、その他そうしたものの何一つとして、彼を益することはないと語る者のことだが。
οὐ πάνυ χαρίεν, ἔφη·
」「全く滑稽ではありませんね」と彼は言った。
τὸ γὰρ τῷ εὖ λέγοντι χαλεπαίνειν οὐκ ἔχει χάριν.
「有益なことを言ってくれる人に腹を立てるのには、何の魅力もありませんから。
οὐκ ἐπαινέτης εἶ, ἔφην ἐγώ, ὡς ἔοικας, τῶν τοιούτων ἀνδρῶν.
」「君は、どうやらそのような男たちを称賛する者ではないようだね」と私は言った。
οὐ μέντοι μὰ Δία.
「まさか、ゼウスにかけて、決してそんなことはありません。
οὐδʼ ἂν ἡ πόλις ἄρα, ὅπερ ἄρτι ἐλέγομεν, ὅλη τοιοῦτον ποιῇ, οὐκ ἐπαινέσῃ.
」「それなら、先ほど私たちが言ったように、国家全体がそのようなことをする場合も、君は称賛しないだろう。
ἢ οὐ φαίνονταί σοι ταὐτὸν ἐργάζεσθαι τούτοις τῶν πόλεων ὅσαι κακῶς πολιτευόμεναι προαγορεύουσι τοῖς πολίταις τὴν μὲν κατάστασιν τῆς πόλεως ὅλην μὴ κινεῖν, ὡς ἀποθανουμένους, ὃς ἂν τοῦτο δρᾷ· ὃς δʼ ἂν σφᾶς οὕτω πολιτευομένους ἥδιστα θεραπεύῃ καὶ χαρίζηται ὑποτρέχων καὶ προγιγνώσκων τὰς σφετέρας βουλήσεις καὶ ταύτας δεινὸς ᾖ ἀποπληροῦν, οὗτος ἄρα ἀγαθός τε ἔσται ἀνὴρ καὶ σοφὸς τὰ μεγάλα καὶ τιμήσεται ὑπὸ σφῶν;
悪しき国制を持つ国家が、市民たちに対して、国家の全体制を変更してはならず、そうする者は死刑に処すと告げながら、他方で、現在の体制のままで自分たちを最も心地よく機嫌を取り、へつらい、自分たちの望みをあらかじめ察知してそれを満たすことに長けた者を、優れた男、大いに知恵のある者として称え、自分たちで敬うとすれば、それらは先の患者たちと同じことをしているとは思わないかね？
ταὐτὸν μὲν οὖν, ἔφη, ἔμοιγε δοκοῦσι δρᾶν, καὶ οὐδʼ ὁπωστιοῦν ἐπαινῶ.
」「まさに同じことをしているように私には思われます」と彼は言った。 「決して称賛いたしません。
τί δʼ αὖ τοὺς ἐθέλοντας θεραπεύειν τὰς τοιαύτας πόλεις καὶ προθυμουμένους;
」「では、そのような国家の機嫌を取ることを望み、熱心に行う者たちについてはどうだ？
οὐκ ἄγασαι τῆς ἀνδρείας τε καὶ εὐχερείας;
彼らの勇気と調子の良さに感嘆しないかね？
ἔγωγʼ, ἔφη, πλήν γʼ ὅσοι ἐξηπάτηνται ὑπʼ αὐτῶν καὶ οἴονται τῇ ἀληθείᾳ πολιτικοὶ εἶναι, ὅτι ἐπαινοῦνται ὑπὸ τῶν πολλῶν.
」「感嘆します」と彼は言った。 「ただし、彼らに騙されて、大衆から称賛されているという理由で、自分が本当に政治的才能のある人間だと思い込んでいる者たちは除きますが。
πῶς λέγεις;
」「どういうことかね？
οὐ συγγιγνώσκεις, ἦν δʼ ἐγώ, τοῖς ἀνδράσιν;
」と私は言った。 「君はそのような男たちを許してやらないのか？
ἢ οἴει οἷόν τʼ εἶναι ἀνδρὶ μὴ ἐπισταμένῳ μετρεῖν, ἑτέρων τοιούτων πολλῶν λεγόντων ὅτι τετράπηχύς ἐστιν, αὐτὸν ταῦτα μὴ ἡγεῖσθαι περὶ αὑτοῦ;
測定することを知らない男が、同じような多くの人々から『君は4ペキュスの身長がある』と言われたとき、自分自身についてそうではないと思い込むことが可能だとでも思うかね？
οὐκ αὖ, ἔφη, τοῦτό γε.
」「いいえ、それは不可能ですね」と彼は言った。
μὴ τοίνυν χαλέπαινε·
「それなら腹を立てるな。
καὶ γάρ πού εἰσι πάντων χαριέστατοι οἱ τοιοῦτοι, νομοθετοῦντές τε οἷα ἄρτι διήλθομεν καὶ ἐπανορθοῦντες, ἀεὶ οἰόμενοί τι πέρας εὑρήσειν περὶ τὰ ἐν τοῖς συμβολαίοις κακουργήματα καὶ περὶ ἃ νυνδὴ ἐγὼ ἔλεγον, ἀγνοοῦντες ὅτι τῷ ὄντι ὥσπερ Ὕδραν τέμνουσιν.
というのも、そのような者たちは何よりも滑稽なのだから。 彼らは私たちが今しがた議論したような法律を制定し、それを改正しては、取引における不正や、私が先ほど述べたような事柄にいつか終止符を打つことができると常に思っているが、実際にはまるでヒュドラの首を切っているようなものだということに気づいていないのだ。 」