§409ΚΛΕΙ.
εἰ δʼ ἐπανηρόμεθα τὸν ταῦθʼ ἡμᾶς προτρέποντα· λέγεις δὲ εἶναι τίνας ταύτας τὰς τέχνας; εἶπεν ἂν ἴσως ὅτι γυμναστικὴ καὶ ἰατρική.
ΚΛΕΙ. もし私たちが、これらを私たちに勧めている者にさらに問い質して、「あなたの言うこれらの技術とは、一体何なのですか」と尋ねたなら、彼は「それは体育と医学だ」とおそらく答えただろう。
καὶ νῦν δὴ τίνα φαμὲν εἶναι τὴν ἐπὶ τῇ τῆς ψυχῆς ἀρετῇ τέχνην;
そして今、魂の徳に関する技術とは、何であると私たちは言うのだろうか。
λεγέσθω.
語ってもらおう。
ὁ δὴ δοκῶν αὐτῶν ἐρρωμενέστατος εἶναι πρὸς ταῦτα ἀποκρινόμενος εἶπέν μοι ταύτην τὴν τέχνην εἶναι ἥνπερ ἀκούεις σὺ λέγοντος, ἔφη, Σωκράτους, οὐκ ἄλλην ἢ δικαιοσύνην.
すると、彼らのうちでこれらに対して答えるのに最も気力があると思われる者が私に、その技術とは、あなたがソクラテスの言っているのを耳にしているまさにそのもの、すなわち正義以外のなにものでもない、と言った。
εἰπόντος δʼ ἐμοῦ
μή μοι τὸ ὄνομα μόνον εἴπῃς, ἀλλὰ ὧδε.
そこで私がこう言うと、「私に名前だけを言うのではなく、次のように言ってほしい。
ἰατρική πού τις λέγεται τέχνη·
おそらく医学と呼ばれるある技術がある。
ταύτης δʼ ἐστὶν διττὰ τὰ ἀποτελούμενα, τὸ μὲν ἰατροὺς ἀεὶ πρὸς τοῖς οὖσιν ἑτέρους ἐξεργάζεσθαι, τὸ δὲ ὑγίειαν·
これによってもたらされるものには二通りあり、一方は現在ある医者たちに加えて常に他の医者たちを作り出すことであり、他方は健康（を作り出すこと）だ。
ἔστιν δὲ τούτων θάτερον οὐκέτι τέχνη, τῆς τέχνης δὲ τῆς διδασκούσης τε καὶ διδασκομένης ἔργον, ὃ δὴ λέγομεν ὑγίειαν.
しかし、これらのうちの一方はもはや技術ではなく、教えかつ教えられる技術の成果であり、それこそが私たちが健康と呼ぶものである。
καὶ τεκτονικῆς δὲ κατὰ ταὐτὰ οἰκία τε καὶ τεκτονικὴ τὸ μὲν ἔργον, τὸ δὲ δίδαγμα.
また建築術に関しても同様に、家と建築術があり、一方は成果であり、他方は教えである。
τῆς δὴ δικαιοσύνης ὡσαύτως τὸ μὲν δικαίους ἔστω ποιεῖν, καθάπερ ἐκεῖ τοὺς τεχνίτας ἑκάστους·
では正義に関しても同様に、一方は正義の人々を作り出すこととしよう。 ちょうどあちらでそれぞれの専門技術者が作り出されるように。
τὸ δʼ ἕτερον, ὃ δύναται ποιεῖν ἡμῖν ἔργον ὁ δίκαιος, τί τοῦτό φαμεν;
では、他方の、正しい人が私たちのために作り出すことができる成果とは、何であると私たちは言うのか。
εἰπέ.
言ってくれ。
οὗτος μέν, ὡς οἶμαι, τὸ συμφέρον ἀπεκρίνατο, ἄλλος δὲ τὸ δέον, ἕτερος δὲ τὸ ὠφέλιμον, ὁ δὲ τὸ λυσιτελοῦν.
」この者は、私の思うに「利益になること」と答え、別の者は「なされるべきこと」、また他の者は「有益なこと」、さらに別の者は「得になること」と答えた。
ἐπανῄειν δὴ ἐγὼ λέγων ὅτι
κἀκεῖ τά γε ὀνόματα ταῦτʼ ἐστὶν ἐν ἑκάστῃ τῶν τεχνῶν, ὀρθῶς πράττειν, λυσιτελοῦντα, ὠφέλιμα καὶ τἆλλα τὰ τοιαῦτα·
そこで私はさらに問い詰めてこう言った。 「あちらのそれぞれの技術においても、正しく行うこと、得になること、有益なこと、その他のそのような言葉は存在する。
ἀλλὰ πρὸς ὅτι ταῦτα πάντα τείνει, ἐρεῖ τὸ ἴδιον ἑκάστη ἡ τέχνη, οἷον ἡ τεκτονικὴ τὸ εὖ, τὸ καλῶς, τὸ δεόντως, ὥστε τὰ ξύλινα, φήσει, σκεύη γίγνεσθαι, ἃ δὴ οὐκ ἔστιν τέχνη.
しかし、これらすべてが何を目指しているのか、それぞれの技術は固有のものを言うはずだ。 たとえば建築術なら、よく、見事に、適切に（行うこと）は、その結果として木の器具が作られるためであり、それ自体は技術ではない、と言うだろう。
λεγέσθω δὴ καὶ τὸ τῆς δικαιοσύνης ὡσαύτως.
では、正義のものも同様に語られよ。
τελευτῶν ἀπεκρίνατό τις ὦ Σώκρατές μοι τῶν σῶν ἑταίρων, ὃς δὴ κομψότατα ἔδοξεν εἰπεῖν, ὅτι τοῦτʼ εἴη τὸ τῆς δικαιοσύνης ἴδιον ἔργον, ὃ τῶν ἄλλων οὐδεμιᾶς, φιλίαν ἐν ταῖς πόλεσιν ποιεῖν.
」ソクラテスよ、最後に君の仲間のうちのある者が答えたが、彼は最も洗練された仕方で語ったと思われた。 すなわち、他のいかなる技術のものでもない、正義に固有の成果とは、ポリスの中に和合を作り出すことである、と。
οὗτος δʼ αὖ ἐρωτώμενος τὴν φιλίαν ἀγαθόν τʼ ἔφη εἶναι καὶ οὐδέποτε κακόν, τὰς δὲ τῶν παίδων φιλίας καὶ τὰς τῶν θηρίων, ἃς ἡμεῖς τοῦτο τοὔνομα ἐπονομάζομεν, οὐκ ἀπεδέχετο εἶναι φιλίας ἐπανερωτώμενος·
この者はまた問われて、和合は善いものであって決して悪いものではないと言った。 しかし、子供たちの間の和合や獣たちの間の和合など、私たちがその名前で呼んでいるものを、さらに問い質されると、彼は和合であるとは認めなかった。
συνέβαινε γὰρ αὐτῷ τὰ πλείω τὰς τοιαύτας βλαβερὰς ἢ ἀγαθὰς εἶναι.
というのも、彼にとっては、そのようなものの多くは有益であるよりは有害であることになってしまうからである。
φεύγων δὴ τὸ τοιοῦτον οὐδὲ φιλίας ἔφη τὰς τοιαύτας εἶναι, ψευδῶς δὲ ὀνομάζειν αὐτὰς τοὺς οὕτως ὀνομάζοντας·
そこで、そのような結論を避けて、彼はそれらは和合ですらなく、そのように呼ぶ者たちは誤ってそう呼んでいるのだと言った。
τὴν δὲ ὄντως καὶ ἀληθῶς φιλίαν εἶναι σαφέστατα ὁμόνοιαν.
そして、本当に、かつ真実の意味での和合とは、極めて明白に同心であるとした。
τὴν δὲ ὁμόνοιαν ἐρωτώμενος εἰ ὁμοδοξίαν εἶναι λέγοι ἢ ἐπιστήμην, τὴν μὲν ὁμοδοξίαν ἠτίμαζεν·
そしてその同心について、意見の一致を言っているのか、それとも知識を言っているのかと問われると、意見の一致を退けた。
ἠναγκάζοντο γὰρ πολλαὶ καὶ βλαβεραὶ γίγνεσθαι ὁμοδοξίαι ἀνθρώπων, τὴν δὲ φιλίαν ἀγαθὸν ὡμολογήκει πάντως εἶναι καὶ δικαιοσύνης ἔργον, ὥστε ταὐτὸν ἔφησεν εἶναι ὁμόνοιαν ἐπιστήμην οὖσαν, ἀλλʼ οὐ δόξαν.
なぜなら、人間の間で多くの、かつ有害な意見の一致が生じることは避けられないが、彼は和合が常に善いものであり、正義の成果であると同意していたからである。 したがって彼は、同心とは知識であって意見ではないからこそ、和合と同一のものであると言った。