§246ΣΩ. ἀνδρῶν μέντοι ἀγαθῶν καὶ ἐν τούτῳ τῷ πολέμῳ ἐστερήθημεν, τῶν τε ἐν Κορίνθῳ χρησαμένων δυσχωρίᾳ καὶ ἐν Λεχαίῳ προδοσίᾳ·
ソクラテス：しかしながら、この戦争においてもまた、我々は勇気ある男たちを失った。 コリントスで困難な地形に直面した者たちや、レカイオンで裏切りに遭った者たちである。
ἀγαθοὶ δὲ καὶ οἱ βασιλέα ἐλευθερώσαντες καὶ ἐκβαλόντες ἐκ τῆς θαλάττης Λακεδαιμονίους·
また、王を解放し、海からラケダイモン人を駆逐した者たちもまた勇気ある男たちであった。
ὧν ἐγὼ μὲν ὑμᾶς ἀναμιμνῄσκω, ὑμᾶς δὲ πρέπει συνεπαινεῖν τε καὶ κοσμεῖν τοιούτους ἄνδρας.
私はあなたがたに彼らのことを思い起こさせるが、あなたがたにとっても、このような人々を共に称え、その遺徳を飾るのがふさわしい。
καὶ τὰ μὲν δὴ ἔργα ταῦτα τῶν ἀνδρῶν τῶν ἐνθάδε κειμένων καὶ τῶν ἄλλων ὅσοι ὑπὲρ τῆς πόλεως τετελευτήκασι, πολλὰ μὲν τὰ εἰρημένα καὶ καλά, πολὺ δʼ ἔτι πλείω καὶ καλλίω τὰ ὑπολειπόμενα·
そして、ここに横たわっている人々、および国家のために命を落としたその他のすべての人々の事績については、すでに多くの優れたことが語られたが、残されているものはさらに多く、いっそう素晴らしい。
πολλαὶ γὰρ ἂν ἡμέραι καὶ νύκτες οὐχ ἱκαναὶ γένοιντο τῷ τὰ πάντα μέλλοντι περαίνειν.
というのも、そのすべてを語り尽くそうとする者にとっては、多くの昼と夜があっても足りないであろうから。
τούτων οὖν χρὴ μεμνημένους τοῖς τούτων ἐκγόνοις πάντʼ ἄνδρα παρακελεύεσθαι, ὥσπερ ἐν πολέμῳ, μὴ λείπειν τὴν τάξιν τὴν τῶν προγόνων μηδʼ εἰς τοὐπίσω ἀναχωρεῖν εἴκοντας κάκῃ.
それゆえ、これらのことを記憶に留め、すべての人が彼らの子孫に対して、あたかも戦争におけるように、祖先の戦列を離れることなく、また臆病風に吹かれて後退することのないよう勧告しなければならない。
ἐγὼ μὲν οὖν καὶ αὐτός, ὦ παῖδες ἀνδρῶν ἀγαθῶν, νῦν τε παρακελεύομαι καὶ ἐν τῷ λοιπῷ χρόνῳ, ὅπου ἄν τῳ ἐντυγχάνω ὑμῶν, καὶ ἀναμνήσω καὶ διακελεύσομαι προθυμεῖσθαι εἶναι ὡς ἀρίστους·
それゆえ私自身もまた、勇気ある男たちの子らよ、今も勧め、また将来においてもあなたがたの誰かに出会うたびに、できる限り優れてあるよう努めることを思い起こさせ、強く勧めるであろう。
ἐν δὲ τῷ παρόντι δίκαιός εἰμι εἰπεῖν ἃ οἱ πατέρες ἡμῖν ἐπέσκηπτον ἀπαγγέλλειν τοῖς ἀεὶ λειπομένοις, εἴ τι πάσχοιεν, ἡνίκα κινδυνεύσειν ἔμελλον.
しかし現在においては、彼らが危険に直面しようとしていたとき、もし自分たちに万一のことがあれば残される者たちに伝えるようにと、我々に託したことを語るのが、私にとって義務である。
φράσω δὲ ὑμῖν ἅ τε αὐτῶν ἤκουσα ἐκείνων καὶ οἷα νῦν ἡδέως ἂν εἴποιεν ὑμῖν λαβόντες δύναμιν, τεκμαιρόμενος ἐξ ὧν τότε ἔλεγον.
私は彼ら自身から聞いたこと、そして、彼らがもし今、言葉を語る力を得たなら、当時に語っていたことから推し量って、あなたがたに喜んで語るであろうようなことを告げよう。
ἀλλὰ νομίζειν χρὴ αὐτῶν ἀκούειν ἐκείνων ἃ ἂν ἀπαγγέλλω·
しかし、私が伝えることを、彼ら自身から聞いているのだと見なすべきである。
ἔλεγον δὲ τάδε— ὦ παῖδες, ὅτι μέν ἐστε πατέρων ἀγαθῶν, αὐτὸ μηνύει τὸ νῦν παρόν·
彼らは次のように語っていた。 『子らよ、あなたがたが勇気ある父たちの子であることは、まさに現在の状況がそれを示している。
ἡμῖν δὲ ἐξὸν ζῆν μὴ καλῶς, καλῶς αἱρούμεθα μᾶλλον τελευτᾶν, πρὶν ὑμᾶς τε καὶ τοὺς ἔπειτα εἰς ὀνείδη καταστῆσαι καὶ πρὶν τοὺς ἡμετέρους πατέρας καὶ πᾶν τὸ πρόσθεν γένος αἰσχῦναι, ἡγούμενοι τῷ τοὺς αὑτοῦ αἰσχύναντι ἀβίωτον εἶναι, καὶ τῷ τοιούτῳ οὔτε τινὰ ἀνθρώπων οὔτε θεῶν φίλον εἶναι οὔτʼ ἐπὶ γῆς οὔθʼ ὑπὸ γῆς τελευτήσαντι.
我々にとっては、不名誉に生きることもできたが、むしろ美しく死ぬことを選ぶ。 それは、あなたがたやその後の子孫を不名誉に陥れる前であり、我々の父たちやそれ以前の全先祖を辱める前である。 なぜなら、自らの身内を辱める者にとって人生は生きるに値せず、そのような者に対しては、生きているときも、死んで地上あるいは地下にいるときも、人間の誰も神々の誰も友とはならないと考えるからである。
χρὴ οὖν μεμνημένους τῶν ἡμετέρων λόγων, ἐάν τι καὶ ἄλλο ἀσκῆτε, ἀσκεῖν μετʼ ἀρετῆς, εἰδότας ὅτι τούτου λειπόμενα πάντα καὶ κτήματα καὶ ἐπιτηδεύματα αἰσχρὰ καὶ κακά.
それゆえ、我々の言葉を記憶に留め、もしあなたがたが他の何かを励むとしても、徳を伴って励まなければならない。 これに欠けたものは、すべての所有物も営みも、恥ずべき、劣ったものとなることを知るがよい。
οὔτε γὰρ πλοῦτος κάλλος φέρει τῷ κεκτημένῳ μετʼ ἀνανδρίας— ἄλλῳ γὰρ ὁ τοιοῦτος πλουτεῖ καὶ οὐχ ἑαυτῷ—οὔτε σώματος κάλλος καὶ ἰσχὺς δειλῷ καὶ κακῷ συνοικοῦντα πρέποντα φαίνεται ἀλλʼ ἀπρεπῆ, καὶ ἐπιφανέστερον ποιεῖ τὸν ἔχοντα καὶ ἐκφαίνει τὴν δειλίαν·
なぜなら、男らしさを伴わない富は、それを所有する者にいかなる美ももたらさないからである。 そのような者は他人のために富んでいるのであって、自分自身のために富んでいるのではない。 また、臆病で劣った者に備わる身体の美や強さも、ふさわしいものとは見えず、むしろ不釣り合いに見え、それを持つ者をより目立たせて、その臆病さを露呈させるからである。
§247ΣΩ. πᾶσά τε ἐπιστήμη χωριζομένη δικαιοσύνης καὶ τῆς ἄλλης ἀρετῆς πανουργία, οὐ σοφία φαίνεται.
また、正義やその他の徳から切り離されたあらゆる知識は、悪知恵であって、知恵とは見えない。
ὧν ἕνεκα καὶ πρῶτον καὶ ὕστατον καὶ διὰ παντὸς πᾶσαν πάντως προθυμίαν πειρᾶσθε ἔχειν ὅπως μάλιστα μὲν ὑπερβαλεῖσθε καὶ ἡμᾶς καὶ τοὺς πρόσθεν εὐκλείᾳ·
それゆえ、最初も最後も、そして常に、名声において我々をも我々以前の先祖をも超えるよう、何としてもあらゆる熱意を持つよう努めなさい。
εἰ δὲ μή, ἴστε ὡς ἡμῖν, ἂν μὲν νικῶμεν ὑμᾶς ἀρετῇ, ἡ νίκη αἰσχύνην φέρει, ἡ δὲ ἧττα, ἐὰν ἡττώμεθα, εὐδαιμονίαν.
しかしもしそうでないなら、もし我々が徳においてあなたがたに勝るならば、その勝利は我々に恥をもたらし、逆に、もし我々が敗北するなら、その敗北は幸いをもたらすということを知るがよい。
μάλιστα δʼ ἂν νικῴμεθα καὶ ὑμεῖς νικῴητε, εἰ παρασκευάσαισθε τῇ τῶν προγόνων δόξῃ μὴ καταχρησόμενοι μηδʼ ἀναλώσοντες αὐτήν, γνόντες ὅτι ἀνδρὶ οἰομένῳ τὶ εἶναι οὐκ ἔστιν αἴσχιον οὐδὲν ἢ παρέχειν ἑαυτὸν τιμώμενον μὴ διʼ ἑαυτὸν ἀλλὰ διὰ δόξαν προγόνων.
我々が最もよく敗北し、あなたがたが勝利することになるのは、あなたがたが祖先の名声を悪用せず、浪費もしないように準備し、何か価値ある者だとうぬぼれている男にとって、自分自身のためではなく祖先の名声によって自分が敬われることほど恥ずべきことはないと知る場合である。
εἶναι μὲν γὰρ τιμὰς γονέων ἐκγόνοις καλὸς θησαυρὸς καὶ μεγαλοπρεπής· χρῆσθαι δὲ καὶ χρημάτων καὶ τιμῶν θησαυρῷ, καὶ μὴ τοῖς ἐκγόνοις παραδιδόναι, αἰσχρὸν καὶ ἄνανδρον, ἀπορίᾳ ἰδίων αὑτοῦ κτημάτων τε καὶ εὐδοξιῶν.
なぜなら、親たちの受ける名誉は子孫にとって美しく壮麗な宝であるが、富や名誉の宝を使い果たし、自らの所有物や名声の欠乏のゆえに、それを子孫に伝えないことは、恥ずべきことであり、男らしくないことだからである。
καὶ ἐὰν μὲν ταῦτα ἐπιτηδεύσητε, φίλοι παρὰ φίλους ἡμᾶς ἀφίξεσθε, ὅταν ὑμᾶς ἡ προσήκουσα μοῖρα κομίσῃ·
そして、もしあなたがたがこれらのことを心がけるなら、ふさわしい運命があなたがたを運んでくるとき、あなたがたは友として、友である我々のもとに来ることになる。
ἀμελήσαντας δὲ ὑμᾶς καὶ κακισθέντας οὐδεὶς εὐμενῶς ὑποδέξεται.
しかし、怠惰になり、臆病になるなら、誰もあなたがたを好意的に迎え入れはしないだろう。
τοῖς μὲν οὖν παισὶ ταῦτʼ εἰρήσθω.
さて、子らに対してはこれらのことを語ったものとしよう。
πατέρας δὲ ἡμῶν, οἷς εἰσί, καὶ μητέρας ἀεὶ χρὴ παραμυθεῖσθαι ὡς ῥᾷστα φέρειν τὴν συμφοράν, ἐὰν ἄρα συμβῇ γενέσθαι, καὶ μὴ συνοδύρεσθαι—οὐ γὰρ τοῦ λυπήσοντος προσδεήσονται·
しかし、我々の父親（存命の者がいれば）と母親に対しては、もし不幸が起こってしまったなら、それをできる限り穏やかに耐えるよう常に慰め、共に嘆き悲しまないようにしなければならない。 なぜなら、彼らは自分たちを悲しませる者をさらに必要とはしていないからである。
ἱκανὴ γὰρ ἔσται καὶ ἡ γενομένη τύχη τοῦτο πορίζειν—ἀλλʼ ἰωμένους καὶ πραΰνοντας ἀναμιμνῄσκειν αὐτοὺς ὅτι ὧν ηὔχοντο τὰ μέγιστα αὐτοῖς οἱ θεοὶ ἐπήκοοι γεγόνασιν.
生じた運命だけでそれを十分であろうから。 そうではなく、彼らを癒やし、宥めつつ、神々が彼らの最大の祈りを聞き届けてくださったのだということを思い出させなさい。
οὐ γὰρ ἀθανάτους σφίσι παῖδας ηὔχοντο γενέσθαι ἀλλʼ ἀγαθοὺς καὶ εὐκλεεῖς, ὧν ἔτυχον, μεγίστων ἀγαθῶν ὄντων·
というのも、彼らは自分の子供たちが不死になることを祈ったのではなく、勇気があり、名声を得ることを祈ったのであり、彼らはそれを手に入れた（これらは最大の善である）。
πάντα δὲ οὐ ῥᾴδιον θνητῷ ἀνδρὶ κατὰ νοῦν ἐν τῷ ἑαυτοῦ βίῳ ἐκβαίνειν.
だが、死すべき人間にとって、自分の人生においてすべてが思い通りに運ぶということは容易ではないからである。
καὶ φέροντες μὲν ἀνδρείως τὰς συμφορὰς δόξουσι τῷ ὄντι ἀνδρείων παίδων πατέρες εἶναι καὶ αὐτοὶ τοιοῦτοι, ὑπείκοντες δὲ ὑποψίαν παρέξουσιν ἢ μὴ ἡμέτεροι εἶναι ἢ ἡμῶν τοὺς ἐπαινοῦντας καταψεύδεσθαι·
そして、彼らが不幸を勇敢に耐えるなら、彼らは真に勇敢な子供たちの父親であり、自分たち自身もそのような者であると見なされるだろう。 しかし、屈するなら、彼らは我々の親ではないか、あるいは我々を称える者たちが嘘をついているのではないかという疑いを持たせることになる。
χρὴ δὲ οὐδέτερα τούτων, ἀλλʼ ἐκείνους μάλιστα ἡμῶν ἐπαινέτας εἶναι ἔργῳ, παρέχοντας αὑτοὺς φαινομένους τῷ ὄντι πατέρας ὄντας ἄνδρας ἀνδρῶν.
そのどちらであってもならず、むしろ彼らが行動によって我々の最大の賛美者となり、真に勇気ある男たちの父親である、勇気ある男たちとして自らの姿を示すべきである。
πάλαι γὰρ δὴ τὸ μηδὲν ἄγαν λεγόμενον καλῶς δοκεῖ λέγεσθαι·
というのも、古くから言われている「度を越すことなかれ」という言葉は、見事に語られていると思われるからである。
τῷ γὰρ ὄντι εὖ λέγεται.
実際、それは実に見事に語られている。 』