§246ΣΩ. ἀνδρῶν μέντοι ἀγαθῶν καὶ ἐν τούτῳ τῷ πολέμῳ ἐστερήθημεν, τῶν τε ἐν Κορίνθῳ χρησαμένων δυσχωρίᾳ καὶ ἐν Λεχαίῳ προδοσίᾳ·
소크라테스: 하지만 이 전쟁에서도 우리는 용감한 사람들을 잃었으니, 코린토스에서 험난한 지형을 마주했던 자들과 레카이온에서 배신을 당했던 자들입니다.
ἀγαθοὶ δὲ καὶ οἱ βασιλέα ἐλευθερώσαντες καὶ ἐκβαλόντες ἐκ τῆς θαλάττης Λακεδαιμονίους·
또한 왕을 해방시키고 바다에서 라케다이몬인들을 몰아낸 자들도 용감한 이들이었습니다.
ὧν ἐγὼ μὲν ὑμᾶς ἀναμιμνῄσκω, ὑμᾶς δὲ πρέπει συνεπαινεῖν τε καὶ κοσμεῖν τοιούτους ἄνδρας.
내가 여러분에게 이들을 상기시키니, 여러분 또한 이와 같은 이들을 함께 찬양하고 기리는 것이 마땅합니다.
καὶ τὰ μὲν δὴ ἔργα ταῦτα τῶν ἀνδρῶν τῶν ἐνθάδε κειμένων καὶ τῶν ἄλλων ὅσοι ὑπὲρ τῆς πόλεως τετελευτήκασι, πολλὰ μὲν τὰ εἰρημένα καὶ καλά, πολὺ δʼ ἔτι πλείω καὶ καλλίω τὰ ὑπολειπόμενα·
그리고 이곳에 누워 있는 이들과 나라를 위해 목숨을 바친 다른 모든 이들의 공적에 대해서는, 이미 언급된 많고도 아름다운 일들이 있지만, 아직 남겨진 일들은 훨씬 더 많고 아름답습니다.
πολλαὶ γὰρ ἂν ἡμέραι καὶ νύκτες οὐχ ἱκαναὶ γένοιντο τῷ τὰ πάντα μέλλοντι περαίνειν.
그 모든 것을 끝까지 전하고자 하는 사람에게는 많은 낮과 밤으로도 충분하지 않을 것이기 때문입니다.
τούτων οὖν χρὴ μεμνημένους τοῖς τούτων ἐκγόνοις πάντʼ ἄνδρα παρακελεύεσθαι, ὥσπερ ἐν πολέμῳ, μὴ λείπειν τὴν τάξιν τὴν τῶν προγόνων μηδʼ εἰς τοὐπίσω ἀναχωρεῖν εἴκοντας κάκῃ.
그러므로 이 일을 기억하며 모든 사람은 그들의 후손에게, 마치 전쟁터에서처럼, 조상들의 대오를 이탈하지 말고 비겁함에 굴복하여 뒤로 물러서지 말라고 권고해야 합니다.
ἐγὼ μὲν οὖν καὶ αὐτός, ὦ παῖδες ἀνδρῶν ἀγαθῶν, νῦν τε παρακελεύομαι καὶ ἐν τῷ λοιπῷ χρόνῳ, ὅπου ἄν τῳ ἐντυγχάνω ὑμῶν, καὶ ἀναμνήσω καὶ διακελεύσομαι προθυμεῖσθαι εἶναι ὡς ἀρίστους·
그러므로 나 자신도, 용감한 분들의 자녀들이여, 지금도 권고하며 앞으로도 여러분 중 누구든 만날 때마다 여러분이 가장 훌륭한 사람이 되도록 노력하라고 상기시키고 격려할 것입니다.
ἐν δὲ τῷ παρόντι δίκαιός εἰμι εἰπεῖν ἃ οἱ πατέρες ἡμῖν ἐπέσκηπτον ἀπαγγέλλειν τοῖς ἀεὶ λειπομένοις, εἴ τι πάσχοιεν, ἡνίκα κινδυνεύσειν ἔμελλον.
그러나 현재로서는, 우리 아버지들이 위험에 처하려 했을 때 자신들에게 무슨 일이 생기면 남겨진 자들에게 전해 달라고 우리에게 신신당부했던 말을 전하는 것이 내 도리입니다.
φράσω δὲ ὑμῖν ἅ τε αὐτῶν ἤκουσα ἐκείνων καὶ οἷα νῦν ἡδέως ἂν εἴποιεν ὑμῖν λαβόντες δύναμιν, τεκμαιρόμενος ἐξ ὧν τότε ἔλεγον.
그들 자신에게서 들었던 이야기와, 당시 그들이 하던 말로 미루어 보아 만약 지금 그들에게 힘이 주어진다면 여러분에게 기꺼이 해줄 법한 말을 여러분에게 전하겠습니다.
ἀλλὰ νομίζειν χρὴ αὐτῶν ἀκούειν ἐκείνων ἃ ἂν ἀπαγγέλλω·
다만 내가 전하는 말을 그들 자신에게 직접 듣는 것이라 여겨야 합니다.
ἔλεγον δὲ τάδε— ὦ παῖδες, ὅτι μέν ἐστε πατέρων ἀγαθῶν, αὐτὸ μηνύει τὸ νῦν παρόν·
그들은 이렇게 말했습니다. '자녀들이여, 여러분이 용감한 아버지들의 자손이라는 것은 지금 이 자리가 스스로 증명해 줍니다.
ἡμῖν δὲ ἐξὸν ζῆν μὴ καλῶς, καλῶς αἱρούμεθα μᾶλλον τελευτᾶν, πρὶν ὑμᾶς τε καὶ τοὺς ἔπειτα εἰς ὀνείδη καταστῆσαι καὶ πρὶν τοὺς ἡμετέρους πατέρας καὶ πᾶν τὸ πρόσθεν γένος αἰσχῦναι, ἡγούμενοι τῷ τοὺς αὑτοῦ αἰσχύναντι ἀβίωτον εἶναι, καὶ τῷ τοιούτῳ οὔτε τινὰ ἀνθρώπων οὔτε θεῶν φίλον εἶναι οὔτʼ ἐπὶ γῆς οὔθʼ ὑπὸ γῆς τελευτήσαντι.
비겁하게 삶을 영위할 수도 있었으나, 우리는 여러분과 후손들을 치욕에 빠뜨리기 전에, 그리고 우리의 아버지들과 그 이전의 모든 조상들을 부끄럽게 만들기 전에, 차라리 아름답게 죽는 길을 택합니다. 자신의 사람들을 욕되게 하는 자에게는 삶이 살 가치가 없으며, 그러한 자에게는 지상에 있을 때나 죽어서 지하에 있을 때나 사람 중에서도 신들 중에서도 아무도 친구가 되어 주지 않는다고 생각하기 때문입니다.
χρὴ οὖν μεμνημένους τῶν ἡμετέρων λόγων, ἐάν τι καὶ ἄλλο ἀσκῆτε, ἀσκεῖν μετʼ ἀρετῆς, εἰδότας ὅτι τούτου λειπόμενα πάντα καὶ κτήματα καὶ ἐπιτηδεύματα αἰσχρὰ καὶ κακά.
그러므로 여러분은 우리의 말을 기억해야 하며, 만약 다른 어떤 것을 닦더라도 반드시 덕과 함께 닦아야 합니다. 이것이 결여된 모든 소유와 행업은 수치스럽고 나쁜 것임을 알아야 합니다.
οὔτε γὰρ πλοῦτος κάλλος φέρει τῷ κεκτημένῳ μετʼ ἀνανδρίας— ἄλλῳ γὰρ ὁ τοιοῦτος πλουτεῖ καὶ οὐχ ἑαυτῷ—οὔτε σώματος κάλλος καὶ ἰσχὺς δειλῷ καὶ κακῷ συνοικοῦντα πρέποντα φαίνεται ἀλλʼ ἀπρεπῆ, καὶ ἐπιφανέστερον ποιεῖ τὸν ἔχοντα καὶ ἐκφαίνει τὴν δειλίαν·
용기 없음과 함께하는 부는 그것을 소유한 자에게 아무런 아름다움도 가져다주지 못하기 때문입니다. 그러한 자는 자기 자신이 아니라 다른 사람을 위해 부유한 것이기 때문입니다. 또한 겁쟁이이자 악한 자와 결합한 신체의 아름다움과 힘은 어울려 보이지 않고 오히려 어울리지 않아 보이며, 그 소유자를 더 두드러지게 만들어 비겁함을 폭로하기 때문입니다.
§247ΣΩ. πᾶσά τε ἐπιστήμη χωριζομένη δικαιοσύνης καὶ τῆς ἄλλης ἀρετῆς πανουργία, οὐ σοφία φαίνεται.
그리고 정의와 그 밖의 다른 덕에서 떨어져 나간 모든 지식은 교활함으로 보일 뿐 지혜로 보이지 않습니다.
ὧν ἕνεκα καὶ πρῶτον καὶ ὕστατον καὶ διὰ παντὸς πᾶσαν πάντως προθυμίαν πειρᾶσθε ἔχειν ὅπως μάλιστα μὲν ὑπερβαλεῖσθε καὶ ἡμᾶς καὶ τοὺς πρόσθεν εὐκλείᾳ·
이러한 이유로, 처음과 끝, 그리고 평생에 걸쳐 어떻게 해서든 우리가 누렸던 명성에서 우리와 우리 앞선 조상들을 뛰어넘도록 온갖 열의를 다하도록 하십시오.
εἰ δὲ μή, ἴστε ὡς ἡμῖν, ἂν μὲν νικῶμεν ὑμᾶς ἀρετῇ, ἡ νίκη αἰσχύνην φέρει, ἡ δὲ ἧττα, ἐὰν ἡττώμεθα, εὐδαιμονίαν.
그렇지 못하다면, 만약 우리가 덕에 있어서 여러분을 이긴다면 그 승리는 우리에게 수치를 가져다줄 것이요, 만약 우리가 패배한다면 그 패배는 우리에게 행복을 가져다줄 것임을 명심하십시오.
μάλιστα δʼ ἂν νικῴμεθα καὶ ὑμεῖς νικῴητε, εἰ παρασκευάσαισθε τῇ τῶν προγόνων δόξῃ μὴ καταχρησόμενοι μηδʼ ἀναλώσοντες αὐτήν, γνόντες ὅτι ἀνδρὶ οἰομένῳ τὶ εἶναι οὐκ ἔστιν αἴσχιον οὐδὲν ἢ παρέχειν ἑαυτὸν τιμώμενον μὴ διʼ ἑαυτὸν ἀλλὰ διὰ δόξαν προγόνων.
우리가 가장 잘 패배하고 여러분이 승리하게 되는 것은, 여러분이 조상들의 명성을 남용하거나 소모하지 않도록 스스로를 준비하고, 자신이 대단한 존재라고 생각하는 사람에게, 자기 자신 때문이 아니라 조상들의 명성 때문에 존경받는 것보다 더 수치스러운 일은 없음을 아는 경우입니다.
εἶναι μὲν γὰρ τιμὰς γονέων ἐκγόνοις καλὸς θησαυρὸς καὶ μεγαλοπρεπής·
부모가 누리는 명예는 후손들에게 아름답고 장엄한 보물이기 때문입니다.
χρῆσθαι δὲ καὶ χρημάτων καὶ τιμῶν θησαυρῷ, καὶ μὴ τοῖς ἐκγόνοις παραδιδόναι, αἰσχρὸν καὶ ἄνανδρον, ἀπορίᾳ ἰδίων αὑτοῦ κτημάτων τε καὶ εὐδοξιῶν.
하지만 재물과 명예의 보물을 소모해 버리고, 자기 자신의 소유와 명성의 결핍 때문에 이를 후손들에게 전해주지 못하는 것은 수치스럽고 비겁한 짓입니다.
καὶ ἐὰν μὲν ταῦτα ἐπιτηδεύσητε, φίλοι παρὰ φίλους ἡμᾶς ἀφίξεσθε, ὅταν ὑμᾶς ἡ προσήκουσα μοῖρα κομίσῃ·
만약 여러분이 이 일들을 행한다면, 마땅한 운명이 여러분을 데려올 때 여러분은 친구로서 친구인 우리에게 오게 될 것입니다.
ἀμελήσαντας δὲ ὑμᾶς καὶ κακισθέντας οὐδεὶς εὐμενῶς ὑποδέξεται.
하지만 방치하고 비겁하게 군다면 아무도 여러분을 반갑게 맞아주지 않을 것입니다.
τοῖς μὲν οὖν παισὶ ταῦτʼ εἰρήσθω.
자녀들에게는 이 정도로 말해 둡시다.
πατέρας δὲ ἡμῶν, οἷς εἰσί, καὶ μητέρας ἀεὶ χρὴ παραμυθεῖσθαι ὡς ῥᾷστα φέρειν τὴν συμφοράν, ἐὰν ἄρα συμβῇ γενέσθαι, καὶ μὴ συνοδύρεσθαι—οὐ γὰρ τοῦ λυπήσοντος προσδεήσονται·
그러나 우리의 아버지들(살아 계신 분들이 있다면)과 어머니들에 대해서는, 만약 불행한 일이 일어나게 된다면 이를 가장 수월하게 견뎌내도록 늘 위로해야 합니다. 그리고 함께 슬피 울지 말아야 합니다. 그들은 자신들을 슬프게 할 사람을 더 필요로 하지 않기 때문입니다.
ἱκανὴ γὰρ ἔσται καὶ ἡ γενομένη τύχη τοῦτο πορίζειν—ἀλλʼ ἰωμένους καὶ πραΰνοντας ἀναμιμνῄσκειν αὐτοὺς ὅτι ὧν ηὔχοντο τὰ μέγιστα αὐτοῖς οἱ θεοὶ ἐπήκοοι γεγόνασιν.
일어난 운명만으로도 이를 가져다주기에 충분할 것입니다. 오히려 치료하고 달래주면서, 신들께서 그들의 가장 큰 기도를 들어주셨음을 상기시켜야 합니다.
οὐ γὰρ ἀθανάτους σφίσι παῖδας ηὔχοντο γενέσθαι ἀλλʼ ἀγαθοὺς καὶ εὐκλεεῖς, ὧν ἔτυχον, μεγίστων ἀγαθῶν ὄντων·
그들은 자녀가 불사신이 되기를 기도한 것이 아니라, 용감하고 명예롭게 되기를 기도했으며, 그들이 얻은 이들이야말로 가장 위대한 선이기 때문입니다.
πάντα δὲ οὐ ῥᾴδιον θνητῷ ἀνδρὶ κατὰ νοῦν ἐν τῷ ἑαυτοῦ βίῳ ἐκβαίνειν.
필멸의 인간이 자신의 삶에서 모든 일이 마음먹은 대로 실현되기를 바라기는 쉽지 않은 일입니다.
καὶ φέροντες μὲν ἀνδρείως τὰς συμφορὰς δόξουσι τῷ ὄντι ἀνδρείων παίδων πατέρες εἶναι καὶ αὐτοὶ τοιοῦτοι, ὑπείκοντες δὲ ὑποψίαν παρέξουσιν ἢ μὴ ἡμέτεροι εἶναι ἢ ἡμῶν τοὺς ἐπαινοῦντας καταψεύδεσθαι·
그리고 불행을 용감하게 견뎌낸다면, 그들은 참으로 용감한 자녀들의 부모이며 자신들 또한 그러한 사람인 것처럼 보일 것입니다. 하지만 굴복한다면, 그들이 우리의 부모가 아니거나 혹은 우리를 찬양하는 이들이 거짓말을 하고 있다는 의심을 사게 될 것입니다.
χρὴ δὲ οὐδέτερα τούτων, ἀλλʼ ἐκείνους μάλιστα ἡμῶν ἐπαινέτας εἶναι ἔργῳ, παρέχοντας αὑτοὺς φαινομένους τῷ ὄντι πατέρας ὄντας ἄνδρας ἀνδρῶν.
이 두 가지 중 어느 쪽도 되어서는 안 되며, 오히려 그들이 행동으로써 우리를 가장 크게 기려야 하고, 참으로 용감한 자들의 아버지인 용감한 사람으로 스스로를 보여주어야 합니다.
πάλαι γὰρ δὴ τὸ μηδὲν ἄγαν λεγόμενον καλῶς δοκεῖ λέγεσθαι· τῷ γὰρ ὄντι εὖ λέγεται.
예로부터 전해오는 "아무것도 지나치지 않게"라는 말은 참으로 훌륭한 말로 여겨져 왔으며, 실제로도 참으로 훌륭한 말입니다.'