§286ΣΩ. ἀληθῆ λέγεις, ἀλλʼ ἐγὼ οὐκ ἐνενόησα ὅτι τὸ μνημονικὸν ἔχεις·
ソクラテス：その通りですね。 しかし、私はあなたが記憶術をお持ちであることに気づいていませんでした。
ὥστʼ ἐννοῶ ὅτι εἰκότως σοι χαίρουσιν οἱ Λακεδαιμόνιοι ἅτε πολλὰ εἰδότι, καὶ χρῶνται ὥσπερ ταῖς πρεσβύτισιν οἱ παῖδες πρὸς τὸ ἡδέως μυθολογῆσαι.
ですから、ラケダイモン人が多くのことを知っているあなたを喜び、子供たちが老婆を喜んでお話をしてもらうために利用するように、あなたを利用しているのも当然だと合点がいきました。
ΙΠ. καὶ ναὶ μὰ Δίʼ, ὦ Σώκρατες, περί γε ἐπιτηδευμάτων καλῶν καὶ ἔναγχος αὐτόθι ηὐδοκίμησα διεξιὼν ἃ χρὴ τὸν νέον ἐπιτηδεύειν.
ΙΠ. その上、ゼウスにかけて、ソクラテス。 つい先日も、若者がどのような営みに励むべきかについて、美しい営みに関する話を開陳してあちらで大好評を博しました。
ἔστι γάρ μοι περὶ αὐτῶν παγκάλως λόγος συγκείμενος, καὶ ἄλλως εὖ διακείμενος καὶ τοῖς ὀνόμασι·
というのも、私にはそれらについて非常によく組み立てられ、言葉遣いも素晴らしく整えられた演説があるからです。
πρόσχημα δέ μοί ἐστι καὶ ἀρχὴ τοιάδε τις τοῦ λόγου.
その演説の導入と発端は次のようなものです。
ἐπειδὴ ἡ Τροία ἥλω, λέγει ὁ λόγος ὅτι Νεοπτόλεμος Νέστορα ἔροιτο ποῖά ἐστι καλὰ ἐπιτηδεύματα, ἃ ἄν τις ἐπιτηδεύσας νέος ὢν εὐδοκιμώτατος γένοιτο·
トロイアが陥落したとき、ネオプトレモスがネストルに、若者がどのような美しい営みに励めば、最も高い名声を得られるかを尋ねたと話は伝えています。
μετὰ ταῦτα δὴ λέγων ἐστὶν ὁ Νέστωρ καὶ ὑποτιθέμενος αὐτῷ πάμπολλα νόμιμα καὶ πάγκαλα.
それから、ネストルが語り、彼に非常に多くの美しく立派な行動規範を提案します。
τοῦτον δὴ καὶ ἐκεῖ ἐπεδειξάμην καὶ ἐνθάδε μέλλω ἐπιδεικνύναι εἰς τρίτην ἡμέραν, ἐν τῷ Φειδοστράτου διδασκαλείῳ, καὶ ἄλλα πολλὰ καὶ ἄξια ἀκοῆς·
私はこれをあちらでも披露しましたし、ここでも明後日、フェイドストラトスの学校で、他にも聞くに値する多くのものと一緒に披露する予定です。
ἐδεήθη γάρ μου Εὔδικος ὁ Ἀπημάντου.
アペイマントスの子エウディコスが私に頼んしてきたからです。
ἀλλʼ ὅπως παρέσῃ καὶ αὐτὸς καὶ ἄλλους ἄξεις, οἵτινες ἱκανοὶ ἀκούσαντες κρῖναι τὰ λεγόμενα.
ですから、あなた自身も出席してください。 そして、語られることを聞いて批評する能力のある他の人々も連れてきてください。
ΣΩ. ἀλλὰ ταῦτʼ ἔσται, ἂν θεὸς θέλῃ, ὦ Ἱππία.
ソクラテス：神の望むところであれば、そういたしましょう、ヒッピアス。
νυνὶ μέντοι βραχύ τί μοι περὶ αὐτοῦ ἀπόκριναι·
しかし今は、それについてごく短い質問に答えてください。
καὶ γάρ με εἰς καλὸν ὑπέμνησας.
というのも、あなたは実にちょうど良いタイミングで私に思い出させてくれたからです。
ἔναγχος γάρ τις, ὦ ἄριστε, εἰς ἀπορίαν με κατέβαλεν ἐν λόγοις τισὶ τὰ μὲν ψέγοντα ὡς αἰσχρά, τὰ δʼ ἐπαινοῦντα ὡς καλά, οὕτω πως ἐρόμενος καὶ μάλα ὑβριστικῶς·
というのも、親愛なる友よ、先日ある人が、いくつかの議論の中で、あることを醜いと非難し、別のことを美しいと称賛していた私を、このように、非常に無礼な調子で問い詰めて、窮地に陥れたのです。
πόθεν δέ μοι σύ,
ἔφη,
ὦ Σώκρατες, οἶσθα ὁποῖα καλὰ καὶ αἰσχρά;
『ソクラテス、君は一体どこから、どのようなものが美しく、どのようなものが醜いのかを知っているのか。
ἐπεὶ φέρε, ἔχοις ἂν εἰπεῖν τί ἐστι τὸ καλόν;
さあ、言ってみたまえ、美しいものとは何かを答えることができるかね』と彼は言いました。
καὶ ἐγὼ διὰ τὴν ἐμὴν φαυλότητα ἠπορούμην τε καὶ οὐκ εἶχον αὐτῷ κατὰ τρόπον ἀποκρίνασθαι·
そして私は、自分の愚かさゆえに途方に暮れ、彼に適切に答えることができませんでした。
ἀπιὼν οὖν ἐκ τῆς συνουσίας ἐμαυτῷ τε ὠργιζόμην καὶ ὠνείδιζον, καὶ ἠπείλουν, ὁπότε πρῶτον ὑμῶν τῳ τῶν σοφῶν ἐντύχοιμι, ἀκούσας καὶ μαθὼν καὶ ἐκμελετήσας ἰέναι πάλιν ἐπὶ τὸν ἐρωτήσαντα, ἀναμαχούμενος τὸν λόγον.
それでその集まりから帰りながら、自分自身に腹を立て、自責し、あなた方知者の中の誰かに最初に会ったときには、話を聞き、学び、十分に練習した上で、再びあの質問者のところへ行って議論をやり直そうと心に誓ったのです。
νῦν οὖν, ὃ λέγω, εἰς καλὸν ἥκεις, καί με δίδαξον ἱκανῶς αὐτὸ τὸ καλὸν ὅτι ἐστί, καὶ πειρῶ μοι ὅτι μάλιστα ἀκριβῶς εἰπεῖν ἀποκρινόμενος, μὴ ἐξελεγχθεὶς τὸ δεύτερον αὖθις γέλωτα ὄφλω.
ですから今、言ったように、あなたは絶好の機会に来てくれました。 私に『美しいもの自体』とは何であるかを十分に教えてください。 そして、二度目も論破されて再び物笑いの種にならないよう、答える際にはできるだけ正確に言うよう努めてください。
οἶσθα γὰρ δήπου σαφῶς, καὶ σμικρόν που τοῦτʼ ἂν εἴη μάθημα ὧν σὺ τῶν πολλῶν ἐπίστασαι.
というのも、あなたにはもちろんはっきりと分かっているはずですし、あなたが知っている多くの知識からすれば、これはごく些細な事柄でしょうから。
ΙΠ. σμικρὸν μέντοι νὴ Δίʼ, ὦ Σώκρατες, καὶ οὐδενὸς ἄξιον, ὡς ἔπος εἰπεῖν.
ΙΠ. ゼウスにかけて、ソクラテス、確かに些細なことですし、言うなれば取るに足りないものですよ。
ΣΩ. ῥᾳδίως ἄρα μαθήσομαι καὶ οὐδείς με ἐξελέγξει ἔτι.
ソクラテス：では、私は簡単に学ぶことができ、もう誰も私を論破することはできませんね。
§287ΙΠ. οὐδεὶς μέντοι·
ΙΠ. もちろんですとも。
φαῦλον γὰρ ἂν εἴη τὸ ἐμὸν πρᾶγμα καὶ ἰδιωτικόν.
さもなければ、私の仕事はつまらなく、素人並みのものになってしまいますからね。
ΣΩ. εὖ γε νὴ τὴν Ἥραν λέγεις, ὦ Ἱππία, εἰ χειρωσόμεθα τὸν ἄνδρα.
ソクラテス：ヘラにかけて、ヒッピアス、素晴らしいお言葉です。 私たちがその男をやり込めることができるなら。
ἀτὰρ μή τι κωλύω μιμούμενος ἐγὼ ἐκεῖνον, ἐὰν σοῦ ἀποκρινομένου ἀντιλαμβάνωμαι τῶν λόγων, ἵνα ὅτι μάλιστά με ἐκμελετήσῃς;
ところで、もしあなたが答えているときに、私があなたの議論に難癖をつけることで彼を真似たとしても、お邪魔にはなりませんか。 あなたが私をできるだけ鍛えられるようにするためですが。
σχεδὸν γάρ τι ἔμπειρός εἰμι τῶν ἀντιλήψεων.
私は難癖をつけることにはいささか経験があります。
εἰ οὖν μή τί σοι διαφέρει, βούλομαι ἀντιλαμβάνεσθαι, ἵνʼ ἐρρωμενέστερον μάθω.
ですから、もしあなたにとって差し支えなければ、よりしっかりと学ぶために反論をさせてほしいのです。
ΙΠ. ἀλλʼ ἀντιλαμβάνου.
ΙΠ. ええ、どうぞ難癖をつけてください。
καὶ γάρ, ὃ νυνδὴ εἶπον, οὐ μέγα ἐστὶ τὸ ἐρώτημα, ἀλλὰ καὶ πολὺ τούτου χαλεπώτερα ἂν ἀποκρίνασθαι ἐγώ σε διδάξαιμι, ὥστε μηδένα ἀνθρώπων δύνασθαί σε ἐξελέγχειν.
さきほど言ったように、その問いは大したものではありませんし、これよりはるかに難しい問いに答えることも私は教えられます。 そうなれば、人間の中で誰もあなたを論破することはできなくなります。
ΣΩ. φεῦ ὡς εὖ λέγεις·
ソクラテス：おお、なんと見事なお言葉でしょう。
ἀλλʼ ἄγʼ, ἐπειδὴ καὶ σὺ κελεύεις, φέρε ὅτι μάλιστα ἐκεῖνος γενόμενος πειρῶμαί σε ἐρωτᾶν.
しかし、さあ、あなたも勧めてくださるのですから、私ができる限りあの男になりきって、あなたに質問してみましょう。
εἰ γὰρ δὴ αὐτῷ τὸν λόγον τοῦτον ἐπιδείξαις ὃν φῄς, τὸν περὶ τῶν καλῶν ἐπιτηδευμάτων, ἀκούσας, ἐπειδὴ παύσαιο λέγων, ἔροιτʼ ἂν οὐ περὶ ἄλλου πρότερον ἢ περὶ τοῦ καλοῦ—ἔθος γάρ τι τοῦτʼ ἔχει—καὶ εἴποι ἄν·
もしあなたが、美しい営みについてだとおっしゃるその演説を彼に披露したとして、それを聞き終えてあなたが語るのをやめたとき、彼は他の何よりもまず美しいものについて尋ねるでしょう。 というのも、彼はそのような奇癖を持っているからです。 そして彼はこう言うでしょう。
ὦ ξένε Ἠλεῖε, ἆρʼ οὐ δικαιοσύνῃ δίκαιοί εἰσιν οἱ δίκαιοι;
『エリスからの客人よ、正しい人々が正しいのは、正義によってではないか。
ἀπόκριναι δή, ὦ Ἱππία, ὡς ἐκείνου ἐρωτῶντος.
』さあ答えてください、ヒッピアス、彼が尋ねていると思って。
ΙΠ. ἀποκρινοῦμαι ὅτι δικαιοσύνῃ.
ΙΠ. 正義によってである、と答えます。
ΣΩ.
οὐκοῦν ἔστι τι τοῦτο, ἡ δικαιοσύνη;
ソクラテス：では、この正義というのは何らかの実在なのですね。
ΙΠ. πάνυ γε.
ΙΠ. その通りです。
ΣΩ.
οὐκοῦν καὶ σοφίᾳ οἱ σοφοί εἰσι σοφοὶ καὶ τῷ ἀγαθῷ πάντα τἀγαθὰ ἀγαθά;
ソクラテス：では、知者たちが知恵があるのも知恵によってであり、善いものがすべて善いのも善によってですね。
ΙΠ. πῶς δʼ οὔ;
ΙΠ. もちろんですとも。
ΣΩ.
οὖσί γέ τισι τούτοις·
ソクラテス：それらが何らかの実在であるからこそですね。
οὐ γὰρ δήπου μὴ οὖσί γε.
実在しないものであるはずはありませんから。
ΙΠ. οὖσι μέντοι.
ΙΠ. 確かに、実在するものとしてです。
ΣΩ.
ἆρʼ οὖν οὐ καὶ τὰ καλὰ πάντα τῷ καλῷ ἐστι καλά;
ソクラテス：では、美しいものもすべて、美しいものによって美しいのではないですか。
ΙΠ. ναί, τῷ καλῷ.
ΙΠ. そうです、美しいものによってです。
ΣΩ.
ὄντι γέ τινι τούτῳ;
ソクラテス：それが何らかの実在であるからこそですね。
ΙΠ. ὄντι·
ΙΠ. 実在するものとしてです。
ἀλλὰ τί γὰρ μέλλει;
何がそれ以外にあり得ましょうか。
ΣΩ.
εἰπὲ δή, ὦ ξένε,
φήσει,
τί ἐστι τοῦτο τὸ καλόν;
ソクラテス：『では答えてほしい、客人よ』と彼は言うでしょう、『この美しいものとは何なのか。
ΙΠ. ἄλλο τι οὖν, ὦ Σώκρατες, ὁ τοῦτο ἐρωτῶν δεῖται πυθέσθαι τί ἐστι καλόν;
』 ΙΠ. ソクラテス、それを尋ねる者は、何が美しいかを知りたがっているのではないのですか。
ΣΩ. οὔ μοι δοκεῖ, ἀλλʼ ὅτι ἐστὶ τὸ καλόν, ὦ Ἱππία.
ソクラテス：私にはそうは思えません。 ヒッピアス、『美しいもの自体』とは何であるかを知りたがっているのです。
ΙΠ. καὶ τί διαφέρει τοῦτʼ ἐκείνου;
ΙΠ. それとこれとで、何が違うのですか。
ΣΩ. οὐδέν σοι δοκεῖ;
ソクラテス：何の違いもないと思われますか。
ΙΠ. οὐδὲν γὰρ διαφέρει.
ΙΠ. ええ、何の違いもありませんから。
ΣΩ. ἀλλὰ μέντοι δῆλον ὅτι σὺ κάλλιον οἶσθα.
ソクラテス：いやしかし、あなたがより良く知っているのは明らかです。
ὅμως δέ, ὠγαθέ, ἄθρει·
それでも、君、よく考えてください。
ἐρωτᾷ γάρ σε οὐ τί ἐστι καλόν, ἀλλʼ ὅτι ἐστὶ τὸ καλόν.
彼はあなたに、何が美しいかを尋ねているのではなく、美しいものとは何かを尋ねているのですから。
ΙΠ. μανθάνω, ὠγαθέ, καὶ ἀποκρινοῦμαί γε αὐτῷ ὅτι ἐστι τὸ καλόν, καὶ οὐ μή ποτε ἐλεγχθῶ.
ΙΠ. 分かりました、君。 そして彼に、美しいものとは何であるかを答えてみせましょう。 絶対に論破されることはありません。
ἔστι γάρ, ὦ Σώκρατες, εὖ ἴσθι, εἰ δεῖ τὸ ἀληθὲς λέγειν, παρθένος καλὴ καλόν.
ソクラテス、よく知っておいてください、真実を言うべきであるなら、美しい乙女こそが美しいものです。