§86ΣΩ. εἰ δὲ μὴ ἐν τῷ νῦν βίῳ λαβών, οὐκ ἤδη τοῦτο δῆλον, ὅτι ἐν ἄλλῳ τινὶ χρόνῳ εἶχε καὶ ἐμεμαθήκει;
ソクラテス：だが、もし今の生において得たのでないなら、彼が他のある時間にこれらを持っており、すでに学んでいたということは、すでに明らかではないかね。
ΜΕΝ. φαίνεται.
メノン：そう見えます。
ΣΩ. οὐκοῦν οὗτός γέ ἐστιν ὁ χρόνος ὅτʼ οὐκ ἦν ἄνθρωπος;
ソクラテス：では、それは彼が人間ではなかった時間ではないかね。
ΜΕΝ. ναί.
メノン：はい。
ΣΩ. εἰ οὖν ὅν τʼ ἂν ᾖ χρόνον καὶ ὃν ἂν μὴ ᾖ ἄνθρωπος, ἐνέσονται αὐτῷ ἀληθεῖς δόξαι, αἳ ἐρωτήσει ἐπεγερθεῖσαι ἐπιστῆμαι γίγνονται, ἆρʼ οὖν τὸν ἀεὶ χρόνον μεμαθηκυῖα ἔσται ἡ ψυχὴ αὐτοῦ;
ソクラテス：だとすれば、彼が人間である時間にも、人間でない時間にも、問いかけによって呼び覚まされて知識となる真なる意見が彼の中にあるとするなら、彼の魂は常に学んだ状態にあるということになるのではないかね。
δῆλον γὰρ ὅτι τὸν πάντα χρόνον ἔστιν ἢ οὐκ ἔστιν ἄνθρωπος.
というのも、すべての時間において、彼は人間であるか、さもなくば人間ではないのだから。
ΜΕΝ. φαίνεται.
メノン：そう見えます。
ΣΩ. οὐκοῦν εἰ ἀεὶ ἡ ἀλήθεια ἡμῖν τῶν ὄντων ἐστὶν ἐν τῇ ψυχῇ, ἀθάνατος ἂν ἡ ψυχὴ εἴη, ὥστε θαρροῦντα χρὴ ὃ μὴ τυγχάνεις ἐπιστάμενος νῦν—τοῦτο δʼ ἐστὶν ὃ μὴ μεμνημένος—ἐπιχειρεῖν ζητεῖν καὶ ἀναμιμνῄσκεσθαι;
ソクラテス：では、万物の真理が常に私たちの魂の中にあるとするなら、魂は不死であるに違いない。 したがって、君が今たまたま知らずにいること――すなわち、思い出せずにいること――を、勇気をもって探求し、想起しようと努めるべきではないかね。
ΜΕΝ. εὖ μοι δοκεῖς λέγειν, ὦ Σώκρατες, οὐκ οἶδʼ ὅπως.
メノン：ソクラテス、どういうわけか分かりませんが、あなたのおっしゃることは正しいように思われます。
ΣΩ. καὶ γὰρ ἐγὼ ἐμοί, ὦ Μένων.
ソクラテス：メノン、私も自分自身そう思う。
καὶ τὰ μέν γε ἄλλα οὐκ ἂν πάνυ ὑπὲρ τοῦ λόγου διισχυρισαίμην·
他の事柄については、この議論のために強く主張するつもりはまったくない。
ὅτι δʼ οἰόμενοι δεῖν ζητεῖν ἃ μή τις οἶδεν βελτίους ἂν εἶμεν καὶ ἀνδρικώτεροι καὶ ἧττον ἀργοὶ ἢ εἰ οἰοίμεθα ἃ μὴ ἐπιστάμεθα μηδὲ δυνατὸν εἶναι εὑρεῖν μηδὲ δεῖν ζητεῖν, περὶ τούτου πάνυ ἂν διαμαχοίμην, εἰ οἷός τε εἴην, καὶ λόγῳ καὶ ἔργῳ.
しかし、自分が知らないことを探求すべきだと信じることによって、私たちは、知らないことは発見不可能であり探求すべきでもないと信じる場合よりも、より良く、より勇敢になり、より怠けずに済むようになる、というこの一点については、もし私にできるなら、言葉によっても行動によっても、徹底的に戦い抜くつもりだ。
ΜΕΝ. καὶ τοῦτο μέν γε δοκεῖς μοι εὖ λέγειν, ὦ Σώκρατες.
メノン：ソクラテス、それについても、あなたは正しいことを言っておられるように思われます。
ΣΩ. βούλει οὖν, ἐπειδὴ ὁμονοοῦμεν ὅτι ζητητέον περὶ οὗ μή τις οἶδεν, ἐπιχειρήσωμεν κοινῇ ζητεῖν τί ποτʼ ἐστὶν ἀρετή;
ソクラテス：では、自分が知らないことについて探求すべきだという点において、私たちの意見が一致したのだから、徳とはいったい何であるか、共同で探求しようではないかね。
ΜΕΝ. πάνυ μὲν οὖν.
メノン：是非ともそうしましょう。
οὐ μέντοι, ὦ Σώκρατες, ἀλλʼ ἔγωγε ἐκεῖνο ἂν ἥδιστα, ὅπερ ἠρόμην τὸ πρῶτον, καὶ σκεψαίμην καὶ ἀκούσαιμι, πότερον ὡς διδακτῷ ὄντι αὐτῷ δεῖ ἐπιχειρεῖν, ἢ ὡς φύσει ἢ ὡς τίνι ποτὲ τρόπῳ παραγιγνομένης τοῖς ἀνθρώποις τῆς ἀρετῆς.
しかしながらソクラテス、私は、自分が最初に尋ねたあの事柄についてこそ、もっとも喜んで吟味し、また聞きたいのです。 すなわち、徳に取り組むにあたって、それが教えられるものであるとして取り組むべきなのか、それとも自然によるものとしてか、あるいはどのような方法で人間に備わるようになるものとして取り組むべきなのか、ということです。
ΣΩ. ἀλλʼ εἰ μὲν ἐγὼ ἦρχον, ὦ Μένων, μὴ μόνον ἐμαυτοῦ ἀλλὰ καὶ σοῦ, οὐκ ἂν ἐσκεψάμεθα πρότερον εἴτε διδακτὸν εἴτε οὐ διδακτὸν ἡ ἀρετή, πρὶν ὅτι ἐστὶν πρῶτον ἐζητήσαμεν αὐτό·
ソクラテス：だがメノン、もし私が自分自身だけでなく君をも支配していたなら、徳がそもそも何であるかをまず第一に探求するより前に、徳が教えられるものであるか教えられないものであるかを吟味することはなかっただろう。
ἐπειδὴ δὲ σὺ σαυτοῦ μὲν οὐδʼ ἐπιχειρεῖς ἄρχειν, ἵνα δὴ ἐλεύθερος ᾖς, ἐμοῦ δὲ ἐπιχειρεῖς τε ἄρχειν καὶ ἄρχεις, συγχωρήσομαί σοι—τί γὰρ χρὴ ποιεῖν;
しかし、君は自由であるために、自分自身を支配しようとさえしない一方で、私を支配しようとし、現に支配しているのだから、私は君に譲歩しよう。 ――そうするほかないではないかね。
—ἔοικεν οὖν σκεπτέον εἶναι ποῖόν τί ἐστιν ὃ μήπω ἴσμεν ὅτι ἐστίν.
――だから、私たちはそれが何であるかまだ知らないまま、それがどのような性質のものであるかを吟味しなければならないようだ。
εἰ μή τι οὖν ἀλλὰ σμικρόν γέ μοι τῆς ἀρχῆς χάλασον, καὶ συγχώρησον ἐξ ὑποθέσεως αὐτὸ σκοπεῖσθαι, εἴτε διδακτόν ἐστιν εἴτε ὁπωσοῦν.
そこで、せめて少しばかりその支配の手を緩めて、それが教えられるものか、あるいは他の方法によるものかを、仮説に基づいて考察することを許してくれないかね。