§81ΜΕΝ. οὐκοῦν καλῶς σοι δοκεῖ λέγεσθαι ὁ λόγος οὗτος, ὦ Σώκρατες;
メノン：それではソクラテス、この議論はうまく言われているとあなたには思われますか。
ΣΩ. οὐκ ἔμοιγε.
ソクラテス：私にはそうは思えない。
ΜΕΝ. ἔχεις λέγειν ὅπῃ;
メノン：どのようにそうでないのか、言うことができますか。
ΣΩ. ἔγωγε·
ソクラテス：できるとも。
ἀκήκοα γὰρ ἀνδρῶν τε καὶ γυναικῶν σοφῶν περὶ τὰ θεῖα πράγματα—
ΜΕΝ. τίνα λόγον λεγόντων;
私は神的な事柄に通じた、知恵ある男たちや女たちから聞いたことがあるのだ。 メノン：彼らはどのような議論を語っていたのですか。
ΣΩ. ἀληθῆ, ἔμοιγε δοκεῖν, καὶ καλόν.
ソクラテス：真実であり、私の見るところでは、美しい議論だ。
ΜΕΝ. τίνα τοῦτον, καὶ τίνες οἱ λέγοντες;
メノン：それはどのようなもので、語っているのは誰ですか。
ΣΩ. οἱ μὲν λέγοντές εἰσι τῶν ἱερέων τε καὶ τῶν ἱερειῶν ὅσοις μεμέληκε περὶ ὧν μεταχειρίζονται λόγον οἵοις τʼ εἶναι διδόναι·
ソクラテス：語っているのは、自分たちの扱う事柄についてその説明を与えることができるようになることを重んじてきた神官や巫女たちだ。
λέγει δὲ καὶ Πίνδαρος καὶ ἄλλοι πολλοὶ τῶν ποιητῶν ὅσοι θεῖοί εἰσιν.
また、ピンダロスや、その他多くの詩人のうち神聖な者たちも語っている。
ἃ δὲ λέγουσιν, ταυτί ἐστιν·
彼らの語る内容は、次のようなものだ。
ἀλλὰ σκόπει εἴ σοι δοκοῦσιν ἀληθῆ λέγειν.
彼らの言うことが真実だと思われるかどうか、よく考えてみてほしい。
φασὶ γὰρ τὴν ψυχὴν τοῦ ἀνθρώπου εἶναι ἀθάνατον, καὶ τοτὲ μὲν τελευτᾶν—ὃ δὴ ἀποθνῄσκειν καλοῦσι—τοτὲ δὲ πάλιν γίγνεσθαι, ἀπόλλυσθαι δʼ οὐδέποτε·
彼らは、人間の魂は不死であり、ある時は終わりを迎えるが――これこそ人々が死ぬと呼ぶものだ――ある時は再び生まれ、決して滅びることはないと言う。
δεῖν δὴ διὰ ταῦτα ὡς ὁσιώτατα διαβιῶναι τὸν βίον·
それゆえ、このために生涯を可能な限り敬虔に生き抜かねばならないのだ。
οἷσιν γὰρ ἂν—
"
Φερσεφόνα ποινὰν παλαιοῦ πένθεος
δέξεται, εἰς τὸν ὕπερθεν ἅλιον κείνων ἐνάτῳ ἔτεϊ
ἀνδιδοῖ ψυχὰς πάλιν,
ἐκ τᾶν βασιλῆες ἀγαυοὶ
καὶ σθένει κραιπνοὶ σοφίᾳ τε μέγιστοι
ἄνδρες αὔξοντʼ·
「ペルセポネが古い咎の償いを受け入れる人々からは、その九年目に彼女は再び魂を上方の陽光へと送り返す。 そこから、誉れ高き王たちや、力において敏捷な者、知恵において最大の人々が育つ。
ἐς δὲ τὸν λοιπὸν χρόνον ἥρωες ἁγνοὶ πρὸς ἀνθρώπων καλεῦνται.
そして後の世において彼らは、人間たちから清らかな英雄と呼ばれる。
"
ἅτε οὖν ἡ ψυχὴ ἀθάνατός τε οὖσα καὶ πολλάκις γεγονυῖα, καὶ ἑωρακυῖα καὶ τὰ ἐνθάδε καὶ τὰ ἐν Ἅιδου καὶ πάντα χρήματα, οὐκ ἔστιν ὅτι οὐ μεμάθηκεν·
」このように魂は不死であり、何度も生まれ、この世のものもハデスの国（冥府）のものも、あらゆる事物を見てきたのであるから、学んでいないものは何一つない。
ὥστε οὐδὲν θαυμαστὸν καὶ περὶ ἀρετῆς καὶ περὶ ἄλλων οἷόν τʼ εἶναι αὐτὴν ἀναμνησθῆναι, ἅ γε καὶ πρότερον ἠπίστατο.
したがって、徳についてもその他の事柄についても、魂が以前に知っていたことを思い出すことができるのは、少しも不思議なことではない。
ἅτε γὰρ τῆς φύσεως ἁπάσης συγγενοῦς οὔσης, καὶ μεμαθηκυίας τῆς ψυχῆς ἅπαντα, οὐδὲν κωλύει ἓν μόνον ἀναμνησθέντα—ὃ δὴ μάθησιν καλοῦσιν ἄνθρωποι—τἆλλα πάντα αὐτὸν ἀνευρεῖν, ἐάν τις ἀνδρεῖος ᾖ καὶ μὴ ἀποκάμνῃ ζητῶν·
自然のすべては互いに親族であり、魂はすべてのことを学んできたのだから、ただ一つのことだけでも思い出すなら――これこそ人間が「学習」と呼ぶものだが――他のすべてのことを自分自身で発見するのを妨げるものは何もない、もし人が勇気があり、探求に倦むことがなければ。
τὸ γὰρ ζητεῖν ἄρα καὶ τὸ μανθάνειν ἀνάμνησις ὅλον ἐστίν.
探求することや学ぶことは、要するにすべて想起することなのだから。
οὔκουν δεῖ πείθεσθαι τούτῳ τῷ ἐριστικῷ λόγῳ·
それゆえ、あの論争的な議論に耳を傾けるべきではない。
οὗτος μὲν γὰρ ἂν ἡμᾶς ἀργοὺς ποιήσειεν καὶ ἔστιν τοῖς μαλακοῖς τῶν ἀνθρώπων ἡδὺς ἀκοῦσαι, ὅδε δὲ ἐργατικούς τε καὶ ζητητικοὺς ποιεῖ·
あれは私たちを怠惰にするものであり、人間のうち気骨のない者たちにとって聞くのに心地よいものだが、こちらの議論は人々を活動的にし、探求心に富むようにさせる。
ᾧ ἐγὼ πιστεύων ἀληθεῖ εἶναι ἐθέλω μετὰ σοῦ ζητεῖν ἀρετὴ ὅτι ἐστίν.
私はこの議論が真実であると信じ、あなたとともに、徳とは何であるかを探求したいと思う。
ΜΕΝ. ναί, ὦ Σώκρατες·
メノン：そうですね、ソクラテス。
ἀλλὰ πῶς λέγεις τοῦτο, ὅτι οὐ μανθάνομεν, ἀλλὰ ἣν καλοῦμεν μάθησιν ἀνάμνησίς ἐστιν;
しかし、私たちが学ぶのではなく、私たちが学習と呼んでいるものが想起であるというあなたの主張は、どのような意味なのですか。
ἔχεις με τοῦτο διδάξαι ὡς οὕτως ἔχει;
これがその通りであることを、私に教えることができますか。
§82ΣΩ. καὶ ἄρτι εἶπον, ὦ Μένων, ὅτι πανοῦργος εἶ, καὶ νῦν ἐρωτᾷς εἰ ἔχω σε διδάξαι, ὃς οὔ φημι διδαχὴν εἶναι ἀλλʼ ἀνάμνησιν, ἵνα δὴ εὐθὺς φαίνωμαι αὐτὸς ἐμαυτῷ τἀναντία λέγων.
ソクラテス：メノン、君が油断のならない男だということは、先ほども言ったばかりだが、今また、私が「教授などなく、あるのは想起だけだ」と言っているのに、私に教えることができるかと尋ねるのか。 それは、私自身が自分の言うことと矛盾しているように、直ちに仕向けるためだろう。
ΜΕΝ. οὐ μὰ τὸν Δία, ὦ Σώκρατες, οὐ πρὸς τοῦτο βλέψας εἶπον, ἀλλʼ ὑπὸ τοῦ ἔθους·
メノン：誓って違います、ソクラテス。 そんなことを狙って言ったのではなく、単なる習慣から言ったのです。
ἀλλʼ εἴ πώς μοι ἔχεις ἐνδείξασθαι ὅτι ἔχει ὥσπερ λέγεις, ἔνδειξαι.
しかし、もしあなたの言う通りであることを私に示すことができるなら、どうか示してください。
ΣΩ. ἀλλʼ ἔστι μὲν οὐ ῥᾴδιον, ὅμως δὲ ἐθέλω προθυμηθῆναι σοῦ ἕνεκα.
ソクラテス：それは容易なことではないが、それでも君のために努めてみよう。
ἀλλά μοι προσκάλεσον τῶν πολλῶν ἀκολούθων τουτωνὶ τῶν σαυτοῦ ἕνα, ὅντινα βούλει, ἵνα ἐν τούτῳ σοι ἐπιδείξωμαι.
そこに見える君の多くの従者たちのうち、誰でもよいから一人をここに呼び寄せてほしい。 その者を使って君に示してみせよう。
ΜΕΝ. πάνυ γε.
メノン：よいとも。
δεῦρο πρόσελθε.
こちらへ来なさい。
ΣΩ. Ἕλλην μέν ἐστι καὶ ἑλληνίζει;
ソクラテス：彼はギリシア人であり、ギリシア語を話すかね。
ΜΕΝ. πάνυ γε σφόδρα, οἰκογενής γε.
メノン：ええ、極めて流暢に。 この家で生まれた子供です。
ΣΩ. πρόσεχε δὴ τὸν νοῦν ὁπότερʼ ἄν σοι φαίνηται, ἢ ἀναμιμνῃσκόμενος ἢ μανθάνων παρʼ ἐμοῦ.
ソクラテス：では、彼が思い出すように見えるか、それとも私から学んでいるように見えるか、よく注意して見ていてほしい。
ΜΕΝ. ἀλλὰ προσέξω.
メノン：注意して見ていよう。
ΣΩ. εἰπὲ δή μοι, ὦ παῖ, γιγνώσκεις τετράγωνον χωρίον ὅτι τοιοῦτόν ἐστιν;
ソクラテス：では言ってごらん、少年よ。 君は正方形の土地がどのようなものであるか知っているかね。
ΠΑΙ. ἔγωγε.
少年：知っています。
ΣΩ. ἔστιν οὖν τετράγωνον χωρίον ἴσας ἔχον τὰς γραμμὰς ταύτας πάσας, τέτταρας οὔσας;
ソクラテス：正方形の土地とは、これらすべての線が、四本あるが、どれも等しいものだね。
ΠΑΙ. πάνυ γε.
少年：その通りです。
ΣΩ. οὐ καὶ ταυτασὶ τὰς διὰ μέσου ἐστὶν ἴσας ἔχον;
ソクラテス：そして、これらの真ん中を通る線もまた等しくなっているのではないかね。
ΠΑΙ. ναί.
少年：はい。
ΣΩ. οὐκοῦν εἴη ἂν τοιοῦτον χωρίον καὶ μεῖζον καὶ ἔλαττον;
ソクラテス：このような場所は、大きくも小さくもなり得るね。
ΠΑΙ. πάνυ γε.
少年：その通りです。
ΣΩ. εἰ οὖν εἴη αὕτη ἡ πλευρὰ δυοῖν ποδοῖν καὶ αὕτη δυοῖν, πόσων ἂν εἴη ποδῶν τὸ ὅλον;
ソクラテス：では、もしこの一辺が二フィートで、こちらも二フィートだとしたら、全体で何フィートになるだろうか。
ὧδε δὲ σκόπει·
このように考えてごらん。
εἰ ἦν ταύτῃ δυοῖν ποδοῖν, ταύτῃ δὲ ἑνὸς ποδὸς μόνον, ἄλλο τι ἅπαξ ἂν ἦν δυοῖν ποδοῖν τὸ χωρίον;
もしこちらが二フィートで、こちらがわずか一フィートだとしたら、その土地は一回分の二フィートになるのではないかね。
ΠΑΙ. ναί.
少年：はい。
ΣΩ. ἐπειδὴ δὲ δυοῖν ποδοῖν καὶ ταύτῃ, ἄλλο τι ἢ δὶς δυοῖν γίγνεται;
ソクラテス：しかし、こちら側も二フィートなのだから、二フィートの二倍になるのではないかね。
ΠΑΙ. γίγνεται.
少年：そうなります。
ΣΩ. δυοῖν ἄρα δὶς γίγνεται ποδῶν;
ソクラテス：では、二フィートの二倍になるのだね。
ΠΑΙ. ναί.
少年：はい。
ΣΩ. πόσοι οὖν εἰσιν οἱ δύο δὶς πόδες;
ソクラテス：では、二の二倍はいくつか。
λογισάμενος εἰπέ.
計算して言ってごらん。
ΠΑΙ. τέτταρες, ὦ Σώκρατες.
少年：四です、ソクラテス。
ΣΩ. οὐκοῦν γένοιτʼ ἂν τούτου τοῦ χωρίου ἕτερον διπλάσιον, τοιοῦτον δέ, ἴσας ἔχον πάσας τὰς γραμμὰς ὥσπερ τοῦτο;
ソクラテス：では、この土地の二倍の広さで、これと同じようにすべての線が等しい別の土地ができるだろうか。
ΠΑΙ. ναί.
少年：はい。
ΣΩ. πόσων οὖν ἔσται ποδῶν;
ソクラテス：では、それは何フィートになるかね。
ΠΑΙ. ὀκτώ.
少年：八フィートです。
ΣΩ. φέρε δή, πειρῶ μοι εἰπεῖν πηλίκη τις ἔσται ἐκείνου ἡ γραμμὴ ἑκάστη.
ソクラテス：さあ、その土地のそれぞれの線がどのくらいの長さになるか、私に言ってみてほしい。
ἡ μὲν γὰρ τοῦδε δυοῖν ποδοῖν· τί δὲ ἡ ἐκείνου τοῦ διπλασίου;
こちらの土地のは二フィートだが、あの二倍の広さの土地のはどうだろうか。
ΠΑΙ. δῆλον δή, ὦ Σώκρατες, ὅτι διπλασία.
少年：明らかに二倍の長さです、ソクラテス。
ΣΩ. ὁρᾷς, ὦ Μένων, ὡς ἐγὼ τοῦτον οὐδὲν διδάσκω, ἀλλʼ ἐρωτῶ πάντα;
ソクラテス：メノン、見ているかね。 私はこの子に何も教えておらず、すべて問いかけているだけだ。
καὶ νῦν οὗτος οἴεται εἰδέναι ὁποία ἐστὶν ἀφʼ ἧς τὸ ὀκτώπουν χωρίον γενήσεται·
そして今、この子は八フィートの土地ができるための一辺がどのような長さであるかを知っていると思っている。
ἢ οὐ δοκεῖ σοι;
そう思わないかね。
ΜΕΝ. ἔμοιγε.
メノン：そう思われます。
ΣΩ. οἶδεν οὖν;
ソクラテス：では、彼はそれを知っているかね。
ΜΕΝ. οὐ δῆτα.
メノン：いいえ、決して。
ΣΩ. οἴεται δέ γε ἀπὸ τῆς διπλασίας;
ソクラテス：だが、彼はそれが二倍の一辺からできると思っているのだね。
ΜΕΝ. ναί.
メノン：はい。