§190ΣΩ. εἰ τυγχάνομεν ἐπιστάμενοι ὅτι ὄψις παραγενομένη ὀφθαλμοῖς βελτίους ποιεῖ ἐκείνους οἷς παρεγένετο, καὶ προσέτι οἷοί τʼ ἐσμὲν ποιεῖν αὐτὴν παραγίγνεσθαι ὄμμασι, δῆλον ὅτι ὄψιν γε ἴσμεν αὐτὴν ὅτι ποτʼ ἔστιν, ἧς πέρι σύμβουλοι ἂν γενοίμεθα ὡς ἄν τις αὐτὴν ῥᾷστα καὶ ἄριστα κτήσαιτο.
ソクラテス：もし我々が、視力が目に備わるとき、それが備わったところのものをより良くするということを知っており、さらに、その視力を目に備わらせることができるならば、人がどうすればそれを最も容易に、かつ最も良く獲得できるかについて我々が助言者になれるその視力それ自体について、それが一体何であるかを我々が知っていることは明らかです。
εἰ γὰρ μηδʼ αὐτὸ τοῦτο εἰδεῖμεν, ὅτι ποτʼ ἔστιν ὄψις ἢ ὅτι ἔστιν ἀκοή, σχολῇ ἂν σύμβουλοί γε ἄξιοι λόγου γενοίμεθα καὶ ἰατροὶ ἢ περὶ ὀφθαλμῶν ἢ περὶ ὤτων, ὅντινα τρόπον ἀκοὴν ἢ ὄψιν κάλλιστʼ ἂν κτήσαιτό τις.
というのも、もし我々が、視力とは一体何であるか、あるいは聴力とは何であるかという、まさにこのことさえ知らないのだとすれば、どうすれば聴力や視力を最も良く獲得できるかについて、目や耳の医者として、あるいは助言者として、およそ考慮に値する者にはなれそうにないからです。
ΛΑ. ἀληθῆ λέγεις, ὦ Σώκρατες.
ラケス：おっしゃる通りです、ソクラテス。
ΣΩ. οὐκοῦν, ὦ Λάχης, καὶ νῦν ἡμᾶς τώδε παρακαλεῖτον εἰς συμβουλήν, τίνʼ ἂν τρόπον τοῖς ὑέσιν αὐτῶν ἀρετὴ παραγενομένη ταῖς ψυχαῖς ἀμείνους ποιήσειε;
ソクラテス：それなら、ラケスよ、今このお二人も、どうすれば彼らの息子たちの魂に徳が備わることで彼らをより良くできるかについて、我々に助言を求めているのではありませんか。
ΛΑ. πάνυ γε.
ラケス：まさしくその通りです。
ΣΩ. ἆρʼ οὖν ἡμῖν τοῦτό γʼ ὑπάρχειν δεῖ, τὸ εἰδέναι ὅτι ποτʼ ἔστιν ἀρετή;
ソクラテス：では、我々には少なくとも、徳とは一体何であるかを知っているということが前提として必要なはずではありませんか。
εἰ γάρ που μηδʼ ἀρετὴν εἰδεῖμεν τὸ παράπαν ὅτι ποτε τυγχάνει ὄν, τίνʼ ἂν τρόπον τούτου σύμβουλοι γενοίμεθʼ ἂν ὁτῳοῦν, ὅπως ἂν αὐτὸ κάλλιστα κτήσαιτο;
というのも、もし我々が、徳とは全体として一体何であるかを全く知らないのだとすれば、どうすればそれを最も良く獲得できるかについて、誰に対してもいったいどうやって助言者になれるでしょうか。
ΛΑ. οὐδένα, ἔμοιγε δοκεῖ, ὦ Σώκρατες.
ラケス：どうやってもなれないと、私には思われます、ソクラテス。
ΣΩ. φαμὲν ἄρα, ὦ Λάχης, εἰδέναι αὐτὸ ὅτι ἔστιν.
ソクラテス：それならラケスよ、我々はそれが何であるかを知っていると主張するわけですね。
ΛΑ. φαμὲν μέντοι.
ラケス：確かに、そう主張します。
ΣΩ. οὐκοῦν ὅ γε ἴσμεν, κἂν εἴποιμεν δήπου τί ἐστιν.
ソクラテス：それなら、我々が知っていることについては、それが何であるかを当然言えるはずですね。
ΛΑ. πῶς γὰρ οὔ;
ラケス：どうして言えないことがありましょう。
ΣΩ. μὴ τοίνυν, ὦ ἄριστε, περὶ ὅλης ἀρετῆς εὐθέως σκοπώμεθα—πλέον γὰρ ἴσως ἔργον—ἀλλὰ μέρους τινὸς πέρι πρῶτον ἴδωμεν εἰ ἱκανῶς ἔχομεν πρὸς τὸ εἰδέναι·
ソクラテス：それでは、友よ、いきなり徳全体について考えるのはやめましょう。 それはおそらく骨の折れる仕事ですから。 そうではなく、まずその一部について、我々が十分に知っているかどうかを見てみましょう。
καὶ ἡμῖν, ὡς τὸ εἰκός, ῥᾴων ἡ σκέψις ἔσται.
そうすれば、おそらく、我々の探究はより容易になるでしょう。
ΛΑ. ἀλλʼ οὕτω ποιῶμεν, ὦ Σώκρατες, ὡς σὺ βούλει.
ラケス：ええ、ソクラテス、あなたの望むようにそうしましょう。
ΣΩ. τί οὖν ἂν προελοίμεθα τῶν τῆς ἀρετῆς μερῶν;
ソクラテス：では、我々は徳のどの部分をまず選ぶべきでしょうか。
ἢ δῆλον δὴ ὅτι τοῦτο εἰς ὃ τείνειν δοκεῖ ἡ ἐν τοῖς ὅπλοις μάθησις;
やはり、武器を用いた戦闘の学びが目指していると思われるあの部分でしょうか。
δοκεῖ δέ που τοῖς πολλοῖς εἰς ἀνδρείαν.
そしてそれは、一般には「勇気」を目指していると思われていますね。
ἦ γάρ;
そうではありませんか。
ΛΑ. καὶ μάλα δὴ οὕτω δοκεῖ.
ラケス：確かに、そのように思われています。
ΣΩ. τοῦτο τοίνυν πρῶτον ἐπιχειρήσωμεν, ὦ Λάχης, εἰπεῖν, ἀνδρεία τί ποτʼ ἐστίν·
ソクラテス：それならラケスよ、まず最初に「勇気とは一体何であるか」を言ってみることから始めましょう。
ἔπειτα μετὰ τοῦτο σκεψόμεθα καὶ ὅτῳ ἂν τρόπῳ τοῖς νεανίσκοις παραγένοιτο, καθʼ ὅσον οἷόν τε ἐξ ἐπιτηδευμάτων τε καὶ μαθημάτων παραγενέσθαι.
その上で、その後で、それがどのような方法で若者たちに備わりうるか、教養や学びから備わることが可能である限りにおいて、それを検討することにしましょう。
ἀλλὰ πειρῶ εἰπεῖν ὃ λέγω, τί ἐστιν ἀνδρεία.
さあ、私の言う「勇気とは何か」を答えてみてください。
ΛΑ. οὐ μὰ τὸν Δία, ὦ Σώκρατες, οὐ χαλεπὸν εἰπεῖν·
ラケス：誓って、ソクラテス、それを言うのは難しくありません。
εἰ γάρ τις ἐθέλοι ἐν τῇ τάξει μένων ἀμύνεσθαι τοὺς πολεμίους καὶ μὴ φεύγοι, εὖ ἴσθι ὅτι ἀνδρεῖος ἂν εἴη.
もし誰かが戦列にとどまって敵を防ぐことを望み、逃げ出さないとすれば、その者は勇敢であると確信してよいでしょう。
ΣΩ. εὖ μὲν λέγεις, ὦ Λάχης·
ソクラテス：よく言ってくれました、ラケス。
ἀλλʼ ἴσως ἐγὼ αἴτιος, οὐ σαφῶς εἰπών, τὸ σὲ ἀποκρίνασθαι μὴ τοῦτο ὃ διανοούμενος ἠρόμην, ἀλλʼ ἕτερον.
しかし、私の言い方が不明瞭だったために、あなたが私の意図して尋ねたことではなく、別のことを答える原因を作ってしまったのは、おそらく私自身でしょう。
ΛΑ. πῶς τοῦτο λέγεις, ὦ Σώκρατες;
ラケス：それはどういうことですか、ソクラテス。