§248ΣΩ. καὶ οὗτος μὲν θεῶν βίος·
ソクラテス：そしてこれが神々の生である。
αἱ δὲ ἄλλαι ψυχαί, ἡ μὲν ἄριστα θεῷ ἑπομένη καὶ εἰκασμένη ὑπερῆρεν εἰς τὸν ἔξω τόπον τὴν τοῦ ἡνιόχου κεφαλήν, καὶ συμπεριηνέχθη τὴν περιφοράν, θορυβουμένη ὑπὸ τῶν ἵππων καὶ μόγις καθορῶσα τὰ ὄντα·
しかし他の魂たちについては、最もよく神に従い、神に似たものは、馭者の頭を天の外の領域へと突き出し、天の回転とともに運ばれるが、馬たちによって掻き乱され、実在の数々をかろうじて観照する。
ἡ δὲ τοτὲ μὲν ἦρεν, τοτὲ δʼ ἔδυ, βιαζομένων δὲ τῶν ἵππων τὰ μὲν εἶδεν, τὰ δʼ οὔ.
また別の魂は、ある時には頭を持ち上げ、ある時には沈み、馬たちが暴れるために、実在のあるものは見るが、あるものは見ない。
αἱ δὲ δὴ ἄλλαι γλιχόμεναι μὲν ἅπασαι τοῦ ἄνω ἕπονται, ἀδυνατοῦσαι δέ, ὑποβρύχιαι συμπεριφέρονται, πατοῦσαι ἀλλήλας καὶ ἐπιβάλλουσαι, ἑτέρα πρὸ τῆς ἑτέρας πειρωμένη γενέσθαι.
しかし残りの他の魂たちは、すべて上の領域を切望して従うものの、その能力がなく、水面下に沈んだように天の下でともに回転し、互いを踏みつけ、乗り上げ、一方が他方の前に出ようと競い合う。
θόρυβος οὖν καὶ ἅμιλλα καὶ ἱδρὼς ἔσχατος γίγνεται, οὗ δὴ κακίᾳ ἡνιόχων πολλαὶ μὲν χωλεύονται, πολλαὶ δὲ πολλὰ πτερὰ θραύονται·
それゆえに混乱と競争と極限の汗が生じ、その中でまさに馭者たちの未熟さによって、多くの魂が足を不自由にし、多くの魂が多くの羽を折られる。
πᾶσαι δὲ πολὺν ἔχουσαι πόνον ἀτελεῖς τῆς τοῦ ὄντος θέας ἀπέρχονται, καὶ ἀπελθοῦσαι τροφῇ δοξαστῇ χρῶνται.
そしてすべての魂は、多大の労苦を経験しながら、実在の観照を遂げることなく立ち去り、立ち去った後は思いなしの糧を頼りとする。
οὗ δʼ ἕνεχʼ ἡ πολλὴ σπουδὴ τὸ ἀληθείας ἰδεῖν πεδίον οὗ ἐστιν, ἥ τε δὴ προσήκουσα ψυχῆς τῷ ἀρίστῳ νομὴ ἐκ τοῦ ἐκεῖ λειμῶνος τυγχάνει οὖσα, ἥ τε τοῦ πτεροῦ φύσις, ᾧ ψυχὴ κουφίζεται, τούτῳ τρέφεται.
真理の平原がどこにあるかを見ることに、多大なる熱意が傾けられる理由は、魂の最善の部分にふさわしい牧草があの場所の草原から得られるものであるからであり、また魂を軽くする翼の自然が、この牧草によって養われるからである。
θεσμός τε Ἀδραστείας ὅδε.
そしてアドラステイアの掟は次の通りである。
ἥτις ἂν ψυχὴ θεῷ συνοπαδὸς γενομένη κατίδῃ τι τῶν ἀληθῶν, μέχρι τε τῆς ἑτέρας περιόδου εἶναι ἀπήμονα, κἂν ἀεὶ τοῦτο δύνηται ποιεῖν, ἀεὶ ἀβλαβῆ εἶναι·
神の従者となって実在の何かを垣間見たいいかなる魂も、次の周期までは害を受けることなく安全に留まり、もし常にこれを行うことができるならば、常に傷つかないままでいられる。
ὅταν δὲ ἀδυνατήσασα ἐπισπέσθαι μὴ ἴδῃ, καί τινι συντυχίᾳ χρησαμένη λήθης τε καὶ κακίας πλησθεῖσα βαρυνθῇ, βαρυνθεῖσα δὲ πτερορρυήσῃ τε καὶ ἐπὶ τὴν γῆν πέσῃ, τότε νόμος ταύτην μὴ φυτεῦσαι εἰς μηδεμίαν θήρειον φύσιν ἐν τῇ πρώτῃ γενέσει, ἀλλὰ τὴν μὲν πλεῖστα ἰδοῦσαν εἰς γονὴν ἀνδρὸς γενησομένου φιλοσόφου ἢ φιλοκάλου ἢ μουσικοῦ τινος καὶ ἐρωτικοῦ, τὴν δὲ δευτέραν εἰς βασιλέως ἐννόμου ἢ πολεμικοῦ καὶ ἀρχικοῦ, τρίτην εἰς πολιτικοῦ ἤ τινος οἰκονομικοῦ ἢ χρηματιστικοῦ, τετάρτην εἰς φιλοπόνου ἢ γυμναστικοῦ ἢ περὶ σώματος ἴασίν τινος ἐσομένου, πέμπτην μαντικὸν βίον ἤ τινα τελεστικὸν ἕξουσαν·
しかし、従うことができずに実在を見ることができず、何らかの不運に見舞われて忘却と悪徳に満たされて重くなり、重くなったために羽を失って地上に落下したとき、そのとき、この魂を最初の誕生においては、いかなる野獣の肉体にも宿らせないというのが法である。 すなわち、最も多くのものを見た魂は、知を愛する者、あるいは美を愛する者、あるいは文芸と愛を解する者となるべき男の種の中に宿らせ、第二の魂は、法に従う王、あるいは軍事と支配の才能を持つ者のうちに、第三の魂は、政治家、あるいは家計管理や財産構築に携わる者のうちに、第四の魂は、労苦を好む者や身体の治療に携わる者となるべき者のうちに、第五の魂は、預言の生、あるいは秘儀伝授の生を送る者のうちに宿らせる。
ἕκτῃ ποιητικὸς ἢ τῶν περὶ μίμησίν τις ἄλλος ἁρμόσει, ἑβδόμῃ δημιουργικὸς ἢ γεωργικός, ὀγδόῃ σοφιστικὸς ἢ δημοκοπικός, ἐνάτῃ τυραννικός.
第六の魂には詩人や他の模倣に関わる者の誰かが適しており、第七の魂には職人や農夫が、第八の魂にはソフィストや民衆の煽動者が、第九の魂には僭主の生が適している。
§249ΣΩ. ἐν δὴ τούτοις ἅπασιν ὃς μὲν ἂν δικαίως διαγάγῃ ἀμείνονος μοίρας μεταλαμβάνει, ὃς δʼ ἂν ἀδίκως, χείρονος·
ソクラテス：実にこれらすべての人々のうちで、正しく生涯を過ごした者はより良い運命を分かち持ち、不正に過ごした者はより悪い運命を分かち持つ。
εἰς μὲν γὰρ τὸ αὐτὸ ὅθεν ἥκει ἡ ψυχὴ ἑκάστη οὐκ ἀφικνεῖται ἐτῶν μυρίων— οὐ γὰρ πτεροῦται πρὸ τοσούτου χρόνου—πλὴν ἡ τοῦ φιλοσοφήσαντος ἀδόλως ἢ παιδεραστήσαντος μετὰ φιλοσοφίας, αὗται δὲ τρίτῃ περιόδῳ τῇ χιλιετεῖ, ἐὰν ἕλωνται τρὶς ἐφεξῆς τὸν βίον τοῦτον, οὕτω πτερωθεῖσαι τρισχιλιοστῷ ἔτει ἀπέρχονται.
なぜなら、個々の魂は、かつてやって来た同じ場所へと一万年の間は戻らないからである。 それほどの時間より前には、魂に羽が生えることはないからだ。 ただし、偽りなく知を愛した者、あるいは哲学とともに少年を愛した者の魂は例外である。 これらの魂は、三回目の千年の周期において、もし三回連続してこの生を選択したならば、そのようにして羽を得て、三千年目に立ち去る。
αἱ δὲ ἄλλαι, ὅταν τὸν πρῶτον βίον τελευτήσωσιν, κρίσεως ἔτυχον, κριθεῖσαι δὲ αἱ μὲν εἰς τὰ ὑπὸ γῆς δικαιωτήρια ἐλθοῦσαι δίκην ἐκτίνουσιν, αἱ δʼ εἰς τοὐρανοῦ τινα τόπον ὑπὸ τῆς Δίκης κουφισθεῖσαι διάγουσιν ἀξίως οὗ ἐν ἀνθρώπου εἴδει ἐβίωσαν βίου.
しかし他の魂たちは、最初の生涯を終えたとき、裁判を受ける。 裁判を受け終えると、ある者たちは地の下の更生所へ行って罰を支払い、他の者たちは、正義によって軽くされて天のある場所へと運ばれ、人間の姿で暮らしていた生涯にふさわしい生活を送る。
τῷ δὲ χιλιοστῷ ἀμφότεραι ἀφικνούμεναι ἐπὶ κλήρωσίν τε καὶ αἵρεσιν τοῦ δευτέρου βίου αἱροῦνται ὃν ἂν θέλῃ ἑκάστη·
そして千番目の年に、両者はくじ引きと第二の生の選択の場に到着し、それぞれが望む生活を選択する。
ἔνθα καὶ εἰς θηρίου βίον ἀνθρωπίνη ψυχὴ ἀφικνεῖται, καὶ ἐκ θηρίου ὅς ποτε ἄνθρωπος ἦν πάλιν εἰς ἄνθρωπον.
その際、人間の魂が野獣の生へ至ることもあれば、かつて人間であった野獣から再び人間へと戻ることもある。
οὐ γὰρ ἥ γε μήποτε ἰδοῦσα τὴν ἀλήθειαν εἰς τόδε ἥξει τὸ σχῆμα.
なぜなら、いまだかつて真理を見たことのない魂は、この人間の姿へと至ることはないからである。
δεῖ γὰρ ἄνθρωπον συνιέναι κατʼ εἶδος λεγόμενον, ἐκ πολλῶν ἰὸν αἰσθήσεων εἰς ἓν λογισμῷ συναιρούμενον·
すなわち人間は、いわゆる類に従って理解しなければならず、多くの感覚から出発して、理性によってそれらを一つのものへと総合しなければならない。
τοῦτο δʼ ἐστὶν ἀνάμνησις ἐκείνων ἅ ποτʼ εἶδεν ἡμῶν ἡ ψυχὴ συμπορευθεῖσα θεῷ καὶ ὑπεριδοῦσα ἃ νῦν εἶναί φαμεν, καὶ ἀνακύψασα εἰς τὸ ὂν ὄντως.
そしてこれは、かつて私たちの魂が神とともに進み、私たちが現在実在すると言っているものを見下ろし、真の実在へと頭を上げたときに見た、あの事柄の想起にほかならない。
διὸ δὴ δικαίως μόνη πτεροῦται ἡ τοῦ φιλοσόφου διάνοια·
それゆえにこそ、知を愛する者の精神だけが、当然のこととして、羽を得るのである。
πρὸς γὰρ ἐκείνοις ἀεί ἐστιν μνήμῃ κατὰ δύναμιν, πρὸς οἷσπερ θεὸς ὢν θεῖός ἐστιν.
なぜなら、神自身がその側に留まることによって神的であるところの、あの事柄の側に、哲学者もまた記憶によって力及ぶ限り常に留まっているからである。
τοῖς δὲ δὴ τοιούτοις ἀνὴρ ὑπομνήμασιν ὀρθῶς χρώμενος, τελέους ἀεὶ τελετὰς τελούμενος, τέλεος ὄντως μόνος γίγνεται·
そして、そのような想起の数々を正しく用い、常に完全な秘儀を執り行っている人だけが、真に完全な者となるのである。
ἐξιστάμενος δὲ τῶν ἀνθρωπίνων σπουδασμάτων καὶ πρὸς τῷ θείῳ γιγνόμενος, νουθετεῖται μὲν ὑπὸ τῶν πολλῶν ὡς παρακινῶν, ἐνθουσιάζων δὲ λέληθεν τοὺς πολλούς.
人間的な関心事から離れて、神的なものの側に身を置くとき、彼は狂っているとして多くの人々から戒められるが、彼が神に満たされているということは、多くの人々には気づかれないままである。
ἔστι δὴ οὖν δεῦρο ὁ πᾶς ἥκων λόγος περὶ τῆς τετάρτης μανίας—ἣν ὅταν τὸ τῇδέ τις ὁρῶν κάλλος, τοῦ ἀληθοῦς ἀναμιμνῃσκόμενος, πτερῶταί τε καὶ ἀναπτερούμενος προθυμούμενος ἀναπτέσθαι, ἀδυνατῶν δέ, ὄρνιθος δίκην βλέπων ἄνω, τῶν κάτω δὲ ἀμελῶν, αἰτίαν ἔχει ὡς μανικῶς διακείμενος—ὡς ἄρα αὕτη πασῶν τῶν ἐνθουσιάσεων ἀρίστη τε καὶ ἐξ ἀρίστων τῷ τε ἔχοντι καὶ τῷ κοινωνοῦντι αὐτῆς γίγνεται, καὶ ὅτι ταύτης μετέχων τῆς μανίας ὁ ἐρῶν τῶν καλῶν ἐραστὴς καλεῖται.
さて、議論のすべてがここに到達した。 それは第四の狂気に関するものである。 すなわち、この地上において誰かが美を見て、真なる美を想起し、羽が生え、再び飛び立とうと熱望するものの、それができず、鳥のように上を見つめ、地上のことを顧みないため、狂気の状態にあると責められる、まさにその狂気である。 ――すなわち、この狂気こそがすべての神懸かりの中で最も優れており、最も優れたものから生じており、それを持つ者にも、それを分かち合う者にも最も優れたものとなり、そして、この狂気に与る愛する者が、美を愛する者と呼ばれるのである。