§294ΞΕ. μικρόν γε ἔφθης με ἐρόμενος, ὦ Σώκρατες.
異邦人：ソクラテスよ、君は私に尋ねることで少し先を越したね。
ἔμελλον γάρ σε διερωτήσειν ταῦτα πότερον ἀποδέχῃ πάντα, ἤ τι καὶ δυσχεραίνεις τῶν λεχθέντων·
というのも、私は君に、今語られたことすべてを受け入れるか、あるいは何かしら不満に思う点があるかを尋ねようとしていたのだから。
νῦν δʼ ἤδη φανερὸν ὅτι τοῦτο βουλησόμεθα τὸ περὶ τῆς τῶν ἄνευ νόμων ἀρχόντων ὀρθότητος διελθεῖν ἡμᾶς.
しかし、法律なしに支配する者たちの正しさについて、私たちが議論を進めることを望んでいるのは、今やもう明らかだね。
ΝΕ. ΣΩ. πῶς γὰρ οὔ;
若きソクラテス：どうしてそう望まないことがありましょうか。
ΞΕ. τρόπον τινὰ μέντοι δῆλον ὅτι τῆς βασιλικῆς ἐστιν ἡ νομοθετική·
異邦人：しかし、ある意味では、立法術が王者の技術に属することは明らかだ。
τὸ δʼ ἄριστον οὐ τοὺς νόμους ἐστὶν ἰσχύειν ἀλλʼ ἄνδρα τὸν μετὰ φρονήσεως βασιλικόν.
だが、最善なのは、法律が力を持つことではなく、思慮を備えた王者のごとき男が力を持つことなのだ。
οἶσθʼ ὅπῃ;
どのような仕組みでそうなるのか、分かるかね。
ΝΕ. ΣΩ. πῇ δὴ λέγεις;
若きソクラテス：一体どういう意味でおっしゃっているのですか。
ΞΕ. ὅτι νόμος οὐκ ἄν ποτε δύναιτο τό τε ἄριστον καὶ τὸ δικαιότατον ἀκριβῶς πᾶσιν ἅμα περιλαβὼν τὸ βέλτιστον ἐπιτάττειν·
異邦人：それは、法律はすべての人にとって最善かつ最も正しいことを同時に正確に包含して、最も優れたことを命令することは決してできないからだ。
αἱ γὰρ ἀνομοιότητες τῶν τε ἀνθρώπων καὶ τῶν πράξεων καὶ τὸ μηδέποτε μηδὲν ὡς ἔπος εἰπεῖν ἡσυχίαν ἄγειν τῶν ἀνθρωπίνων οὐδὲν ἐῶσιν ἁπλοῦν ἐν οὐδενὶ περὶ ἁπάντων καὶ ἐπὶ πάντα τὸν χρόνον ἀποφαίνεσθαι τέχνην οὐδʼ ἡντινοῦν.
なぜなら、人間や行為の多様性、そして、人間の事柄においては、いわば何一つとして決して静止していないという事実が、いかなる技術に対しても、すべての事柄に関して、かつあらゆる時間において、何か単純で一律な決定を下すことを決して許さないからだ。
ταῦτα δὴ συγχωροῦμέν που;
私たちはこのことに同意するね。
ΝΕ. ΣΩ. τί μήν;
若きソクラテス：もちろんです。
ΞΕ. τὸν δέ γε νόμον ὁρῶμεν σχεδὸν ἐπʼ αὐτὸ τοῦτο συντείνοντα, ὥσπερ τινὰ ἄνθρωπον αὐθάδη καὶ ἀμαθῆ καὶ μηδένα μηδὲν ἐῶντα ποιεῖν παρὰ τὴν ἑαυτοῦ τάξιν, μηδʼ ἐπερωτᾶν μηδένα, μηδʼ ἄν τι νέον ἄρα τῳ συμβαίνῃ βέλτιον παρὰ τὸν λόγον ὃν αὐτὸς ἐπέταξεν.
異邦人：しかし、法律はほとんどこれそのものに向かっているのを目にする。 それはあたかも、頑固で無知で、自分の命令に反することを何一つ誰にもすることを許さず、また誰にも質問することを許さない人間のようであり、たとえ誰かにとって、自ら命じた規定に反して何か新しい、より良い状況が生じたとしても［それを認めない］のだ。
ΝΕ. ΣΩ. ἀληθῆ·
若きソクラテス：その通りです。
ποιεῖ γὰρ ἀτεχνῶς καθάπερ εἴρηκας νῦν ὁ νόμος ἡμῖν ἑκάστοις.
法律はまったく今あなたがおっしゃった通りのことを、私たち一人一人に対して行います。
ΞΕ. οὐκοῦν ἀδύνατον εὖ ἔχειν πρὸς τὰ μηδέποτε ἁπλᾶ τὸ διὰ παντὸς γιγνόμενον ἁπλοῦν;
異邦人：それなら、常に単純で一律であるものが、決して単純ではない事柄に対して、うまく適合することは不可能なのではないかね。
ΝΕ. ΣΩ. κινδυνεύει.
若きソクラテス：そのおそれがあります。
ΞΕ. διὰ τί δή ποτʼ οὖν ἀναγκαῖον νομοθετεῖν, ἐπειδήπερ οὐκ ὀρθότατον ὁ νόμος;
異邦人：では、法律が最も正しいものではないのに、なぜどうしても立法することが必要なのだろうか。
ἀνευρετέον τούτου τὴν αἰτίαν.
この原因を見出さねばならない。
ΝΕ. ΣΩ. τί μήν;
若きソクラテス：全くその通りです。
ΞΕ. οὐκοῦν καὶ παρʼ ὑμῖν εἰσί τινες οἷαι καὶ ἐν ἄλλαις πόλεσιν ἁθρόων ἀνθρώπων ἀσκήσεις, εἴτε πρὸς δρόμον εἴτε πρὸς ἄλλο τι, φιλονικίας ἕνεκα;
異邦人：ところで、君たちの国にも、他の都市と同様に、競争のために人々が集団で行う、走ることや他の競技のための訓練のようなものがあるのではないかね。
ΝΕ. ΣΩ. καὶ πάνυ γε πολλαί.
若きソクラテス：ええ、とてもたくさんあります。
ΞΕ. φέρε νῦν ἀναλάβωμεν πάλιν μνήμῃ τὰς τῶν τέχνῃ γυμναζόντων ἐπιτάξεις ἐν ταῖς τοιαύταις ἀρχαῖς.
異邦人：では、そのような指導的場面において、技術に基づいて訓練を施す者たちの命令を、もう一度記憶に呼び起こしてみよう。
ΝΕ. ΣΩ. τὸ ποῖον;
若きソクラテス：それはどういうことですか。
ΞΕ. ὅτι λεπτουργεῖν οὐκ ἐγχωρεῖν ἡγοῦνται καθʼ ἕνα ἕκαστον, τῷ σώματι τὸ προσῆκον ἑκάστῳ προστάττοντες, ἀλλὰ παχύτερον οἴονται δεῖν ὡς ἐπὶ τὸ πολὺ καὶ ἐπὶ πολλοὺς τὴν τοῦ λυσιτελοῦντος τοῖς σώμασι ποιεῖσθαι τάξιν.
異邦人：彼らは、一人一人に対して細かく指示を与え、個々の身体に適したものを命令することは不可能だと考えており、むしろ、大体において、かつ多くの人々を対象にして、身体に有益な規定をより大雑把に作るべきだと考えていることだ。
ΝΕ. ΣΩ. καλῶς.
若きソクラテス：その通りです。
ΞΕ. διὸ δή γε καὶ ἴσους πόνους νῦν διδόντες ἁθρόοις ἅμα μὲν ἐξορμῶσιν, ἅμα δὲ καὶ καταπαύουσι δρόμου καὶ πάλης καὶ πάντων τῶν κατὰ τὰ σώματα πόνων.
異邦人：それゆえ、彼らは集団に対して一律に均等な負荷を与え、走ることも、格闘も、その他すべての身体的負荷も、同時に開始させ、同時に終了させるのだ。
ΝΕ. ΣΩ. ἔστι ταῦτα.
若きソクラテス：確かにそのようになっています。
§295ΞΕ. καὶ τὸν νομοθέτην τοίνυν ἡγώμεθα, τὸν ταῖσιν ἀγέλαις ἐπιστατήσοντα τοῦ δικαίου πέρι καὶ τῶν πρὸς ἀλλήλους συμβολαίων, μή ποθʼ ἱκανὸν γενήσεσθαι πᾶσιν ἁθρόοις προστάττοντα ἀκριβῶς ἑνὶ ἑκάστῳ τὸ προσῆκον ἀποδιδόναι.
異邦人：それなら、正義や相互の契約に関して人間の群れを監督する立法者についても同様に考えよう。 彼は、集団全体に命令を下すにあたって、一人一人に対して正確にふさわしいものを与えることは、決して十全にはできないだろう、と。
ΝΕ. ΣΩ. τὸ γοῦν εἰκός.
若きソクラテス：それはもっともなことです。
ΞΕ. ἀλλὰ τὸ τοῖς πολλοῖς γε οἶμαι καὶ ὡς ἐπὶ τὸ πολὺ καί πως οὑτωσὶ παχυτέρως ἑκάστοις τὸν νόμον θήσει, καὶ ἐν γράμμασιν ἀποδιδοὺς καὶ ἐν ἀγραμμάτοις, πατρίοις δὲ ἔθεσι νομοθετῶν.
異邦人：むしろ、大多数の人々のために、大体において、そしてどうにかこのように大雑把に、一人一人に法律を定めることになると思う。 それを文字に書いて与えるにせよ、あるいは文字に頼らず、祖伝の慣習によって立法するにせよ。
ΝΕ. ΣΩ. ὀρθῶς.
若きソクラテス：正しいお考えです。
ΞΕ. ὀρθῶς μέντοι.
異邦人：まさに正しい。
πῶς γὰρ ἄν τις ἱκανὸς γένοιτʼ ἄν ποτε, ὦ Σώκρατες, ὥστε διὰ βίου ἀεὶ παρακαθήμενος ἑκάστῳ διʼ ἀκριβείας προστάττειν τὸ προσῆκον;
ソクラテスよ、生涯にわたって常に一人一人の傍らに寄り添って、正確にふさわしいものを命令することのできる者など、どうして現れることができようか。
ἐπεὶ τοῦτʼ ἂν δυνατὸς ὤν, ὡς οἶμαι, τῶν τὴν βασιλικὴν ὁστισοῦν ὄντως ἐπιστήμην εἰληφότων σχολῇ ποτʼ ἂν ἑαυτῷ θεῖτʼ ἐμποδίσματα γράφων τοὺς λεχθέντας τούτους νόμους.
なぜなら、真に王者の知識を身に付けた者たちのうち、誰であれ、もしそのようなことができる者がいるとすれば、私は、彼が前述のそのような法律を書き残すことによって、自分自身に障害を課すようなことは、到底しないと思うからだ。
ΝΕ. ΣΩ. ἐκ τῶν νῦν γοῦν, ὦ ξένε, εἰρημένων.
若きソクラテス：今語られたことからすれば、確かにその通りです、異邦人よ。
ΞΕ. μᾶλλον δέ γε, ὦ βέλτιστε, ἐκ τῶν μελλόντων ῥηθήσεσθαι.
異邦人：だが、さらにいっそう、これから語られることからしてそうなのだ、わが友よ。
ΝΕ. ΣΩ. τίνων δή;
若きソクラテス：それは一体どういうことですか。
ΞΕ. τῶν τοιῶνδε.
異邦人：次のようなことだ。
εἴπωμεν γὰρ δὴ πρός γε ἡμᾶς αὐτοὺς ἰατρὸν μέλλοντα ἢ καί τινα γυμναστικὸν ἀποδημεῖν καὶ ἀπέσεσθαι τῶν θεραπευομένων συχνόν, ὡς οἴοιτο, χρόνον, μὴ μνημονεύσειν οἰηθέντα τὰ προσταχθέντα τοὺς γυμναζομένους ἢ τοὺς κάμνοντας, ὑπομνήματα γράφειν ἂν ἐθέλειν αὐτοῖς, ἢ πῶς;
私たち自身にこう言ってみよう。 医師、あるいは体育の指導者が、旅に出て、治療を受ける者たちからかなり長い間離れることになると考えたとする。 その際、彼は、訓練をする者たちや病人が自分の命令したことを覚えていないだろうと考え、彼らに備忘録を書き残したいと思うのではないだろうか。 それともどうだろうか。
ΝΕ. ΣΩ. οὕτως.
若きソクラテス：そのようにするでしょう。
ΞΕ. τί δʼ εἰ παρὰ δόξαν ἐλάττω χρόνον ἀποδημήσας ἔλθοι πάλιν;
異邦人：では、もし彼が予想に反して短い旅を終えて戻ってきたらどうだろうか。
ἆρʼ οὐκ ἂν παρʼ ἐκεῖνα τὰ γράμματα τολμήσειεν ἄλλʼ ὑποθέσθαι, συμβαινόντων ἄλλων βελτιόνων τοῖς κάμνουσι διὰ πνεύματα ἤ τι καὶ ἄλλο παρὰ τὴν ἐλπίδα τῶν ἐκ Διὸς ἑτέρως πως τῶν εἰωθότων γενόμενα, καρτερῶν δʼ ἂν ἡγοῖτο δεῖν μὴ ἐκβαίνειν τἀρχαῖά ποτε νομοθετηθέντα μήτε αὐτὸν προστάττοντα ἄλλα μήτε τὸν κάμνοντα ἕτερα τολμῶντα παρὰ τὰ γραφέντα δρᾶν, ὡς ταῦτα ὄντα ἰατρικὰ καὶ ὑγιεινά, τὰ δὲ ἑτέρως γιγνόμενα νοσώδη τε καὶ οὐκ ἔντεχνα·
病人に、より良い他の状況が生じたとしたら、あの書き残された文書に反して、別の指示を与えることをあえてしないだろうか。 通常とは異なる風や、何か他のゼウス（天候）による予期せぬ変化が、別な形で生じたためにね。 それとも、かつて定められた古い規則から一歩も外れてはならない、自分自身も別のことを命じてはならないし、病人も書かれたものに反して異なることをあえて行ってはならない、これら書かれたものこそが医学的であり健康的であって、それ以外のやり方は不健康で非技術的である、と頑なに守り通すべきだと彼は考えるだろうか。
ἢ πᾶν τὸ τοιοῦτον ἔν γε ἐπιστήμῃ συμβαῖνον καὶ ἀληθεῖ τέχνῃ περὶ ἅπαντα παντάπασι γέλως ἂν ὁ μέγιστος γίγνοιτο τῶν τοιούτων νομοθετημάτων;
あるいは、知識と真の技術が関わるあらゆる事柄において、このような事態やこのような立法は、まったく最大の物笑いの種になるのではないか。
ΝΕ. ΣΩ. παντάπασι μὲν οὖν.
若きソクラテス：全くもって、その通りです。