§294ΞΕ. μικρόν γε ἔφθης με ἐρόμενος, ὦ Σώκρατες.
이방인: 소크라테스여, 자네가 질문을 던져서 나보다 조금 한발 앞섰네.
ἔμελλον γάρ σε διερωτήσειν ταῦτα πότερον ἀποδέχῃ πάντα, ἤ τι καὶ δυσχεραίνεις τῶν λεχθέντων·
왜냐하면 나는 자네에게 이 말한 것들을 모두 받아들이는지, 아니면 이 중 어떤 것에 불만을 느끼는지를 다그쳐 물어보려던 참이었기 때문이네.
νῦν δʼ ἤδη φανερὸν ὅτι τοῦτο βουλησόμεθα τὸ περὶ τῆς τῶν ἄνευ νόμων ἀρχόντων ὀρθότητος διελθεῖν ἡμᾶς.
하지만 이제는 법 없이 통치하는 자들의 올바름에 대해 우리가 함께 논의해 가기를 원한다는 것이 명백해졌네.
ΝΕ. ΣΩ. πῶς γὰρ οὔ;
젊은 소크라테스: 어떻게 그렇지 않겠습니까?
ΞΕ. τρόπον τινὰ μέντοι δῆλον ὅτι τῆς βασιλικῆς ἐστιν ἡ νομοθετική·
이방인: 그런데 어떤 점에서는 입법술이 왕의 지식에 속한다는 것이 분명하네.
τὸ δʼ ἄριστον οὐ τοὺς νόμους ἐστὶν ἰσχύειν ἀλλʼ ἄνδρα τὸν μετὰ φρονήσεως βασιλικόν.
하지만 가장 좋은 것은 법이 힘을 가지는 것이 아니라, 지혜를 갖춘 왕과 같은 사람이 힘을 가지는 것이라네.
οἶσθʼ ὅπῃ;
어떤 이유에서인지 알겠는가?
ΝΕ. ΣΩ. πῇ δὴ λέγεις;
젊은 소크라테스: 대체 어떤 말씀이십니까?
ΞΕ. ὅτι νόμος οὐκ ἄν ποτε δύναιτο τό τε ἄριστον καὶ τὸ δικαιότατον ἀκριβῶς πᾶσιν ἅμα περιλαβὼν τὸ βέλτιστον ἐπιτάττειν·
이방인: 법이란 결코 모든 사람에게 최선이자 가장 정의로운 것을 동시에 정확하게 포괄하여 가장 훌륭한 것을 명령할 수 없기 때문이네.
αἱ γὰρ ἀνομοιότητες τῶν τε ἀνθρώπων καὶ τῶν πράξεων καὶ τὸ μηδέποτε μηδὲν ὡς ἔπος εἰπεῖν ἡσυχίαν ἄγειν τῶν ἀνθρωπίνων οὐδὲν ἐῶσιν ἁπλοῦν ἐν οὐδενὶ περὶ ἁπάντων καὶ ἐπὶ πάντα τὸν χρόνον ἀποφαίνεσθαι τέχνην οὐδʼ ἡντινοῦν.
왜냐하면 인간과 행위들의 다양성, 그리고 인간의 사정 중에서는 소위 그 어떤 것도 결코 가만히 멈춰 있지 않다는 사실이, 어떠한 기술에 대해서도 모든 것에 관해 그리고 모든 시간에 걸쳐 어떤 단순하고 일률적인 결정을 내리는 것을 허용하지 않기 때문이네.
ταῦτα δὴ συγχωροῦμέν που;
우리는 이 점에 동의하지 않는가?
ΝΕ. ΣΩ. τί μήν;
젊은 소크라테스: 당연히 동의합니다.
ΞΕ. τὸν δέ γε νόμον ὁρῶμεν σχεδὸν ἐπʼ αὐτὸ τοῦτο συντείνοντα, ὥσπερ τινὰ ἄνθρωπον αὐθάδη καὶ ἀμαθῆ καὶ μηδένα μηδὲν ἐῶντα ποιεῖν παρὰ τὴν ἑαυτοῦ τάξιν, μηδʼ ἐπερωτᾶν μηδένα, μηδʼ ἄν τι νέον ἄρα τῳ συμβαίνῃ βέλτιον παρὰ τὸν λόγον ὃν αὐτὸς ἐπέταξεν.
이방인: 그러나 우리는 법이 거의 바로 이 목적을 향하고 있는 것을 보네. 그것은 마치 고집스럽고 무지하며, 아무도 자신의 규정 외에는 아무것도 하지 못하게 하고 누구도 질문조차 하지 못하게 하는 사람과 같네. 설령 누군가에게 자신이 명령한 규정 외에 새로운 더 좋은 상황이 생기더라도 말일세.
ΝΕ. ΣΩ. ἀληθῆ·
젊은 소크라테스: 맞습니다.
ποιεῖ γὰρ ἀτεχνῶς καθάπερ εἴρηκας νῦν ὁ νόμος ἡμῖν ἑκάστοις.
법은 문자 그대로 지금 말씀하신 것과 똑같은 일을 우리 각자에게 행합니다.
ΞΕ. οὐκοῦν ἀδύνατον εὖ ἔχειν πρὸς τὰ μηδέποτε ἁπλᾶ τὸ διὰ παντὸς γιγνόμενον ἁπλοῦν;
이방인: 그렇다면 결코 단순하지 않은 것들에 대해, 늘 단순하고 일률적으로 만들어지는 법이 잘 들어맞는다는 것은 불가능하지 않겠는가?
ΝΕ. ΣΩ. κινδυνεύει.
젊은 소크라테스: 그럴 위험이 있습니다.
ΞΕ. διὰ τί δή ποτʼ οὖν ἀναγκαῖον νομοθετεῖν, ἐπειδήπερ οὐκ ὀρθότατον ὁ νόμος;
이방인: 그렇다면 법이 가장 올바른 것이 아님에도 불구하고 왜 입법을 해야만 하는 것일까?
ἀνευρετέον τούτου τὴν αἰτίαν.
이 원인을 찾아내야 하네.
ΝΕ. ΣΩ. τί μήν;
젊은 소크라테스: 당연히 그래야 합니다.
ΞΕ. οὐκοῦν καὶ παρʼ ὑμῖν εἰσί τινες οἷαι καὶ ἐν ἄλλαις πόλεσιν ἁθρόων ἀνθρώπων ἀσκήσεις, εἴτε πρὸς δρόμον εἴτε πρὸς ἄλλο τι, φιλονικίας ἕνεκα;
이방인: 그런데 자네들 나라에도 다른 도시들처럼 경쟁을 위해 사람들이 집단으로 하는, 달리기나 그 밖의 다른 활동을 위한 훈련 같은 것들이 있지 않은가?
ΝΕ. ΣΩ. καὶ πάνυ γε πολλαί.
젊은 소크라테스: 예, 아주 많이 있습니다.
ΞΕ. φέρε νῦν ἀναλάβωμεν πάλιν μνήμῃ τὰς τῶν τέχνῃ γυμναζόντων ἐπιτάξεις ἐν ταῖς τοιαύταις ἀρχαῖς.
이방인: 그렇다면 그러한 지도적 활동에서 기술에 따라 훈련을 시키는 자들의 지침을 다시 기억해 보세.
ΝΕ. ΣΩ. τὸ ποῖον;
젊은 소크라테스: 어떤 것 말씀이십니까?
ΞΕ. ὅτι λεπτουργεῖν οὐκ ἐγχωρεῖν ἡγοῦνται καθʼ ἕνα ἕκαστον, τῷ σώματι τὸ προσῆκον ἑκάστῳ προστάττοντες, ἀλλὰ παχύτερον οἴονται δεῖν ὡς ἐπὶ τὸ πολὺ καὶ ἐπὶ πολλοὺς τὴν τοῦ λυσιτελοῦντος τοῖς σώμασι ποιεῖσθαι τάξιν.
이방인: 그들은 개개인의 몸에 알맞은 것을 처방해 주는 일은 세세하게 할 수 없다고 생각하며, 오히려 대개 그리고 많은 이들을 대상으로 몸에 유익한 지침을 더 대략적으로 만들어야 한다고 생각한다는 점이네.
ΝΕ. ΣΩ. καλῶς.
젊은 소크라테스: 좋은 말씀입니다.
ΞΕ. διὸ δή γε καὶ ἴσους πόνους νῦν διδόντες ἁθρόοις ἅμα μὲν ἐξορμῶσιν, ἅμα δὲ καὶ καταπαύουσι δρόμου καὶ πάλης καὶ πάντων τῶν κατὰ τὰ σώματα πόνων.
이방인: 바로 그렇기 때문에 그들은 집단에게 동일한 운동량을 주어 달리기도, 레슬링도, 그 외의 모든 신체 운동도 동시에 시작하게 하고 동시에 멈추게 하는 것이라네.
ΝΕ. ΣΩ. ἔστι ταῦτα.
젊은 소크라테스: 참으로 그렇습니다.
§295ΞΕ. καὶ τὸν νομοθέτην τοίνυν ἡγώμεθα, τὸν ταῖσιν ἀγέλαις ἐπιστατήσοντα τοῦ δικαίου πέρι καὶ τῶν πρὸς ἀλλήλους συμβολαίων, μή ποθʼ ἱκανὸν γενήσεσθαι πᾶσιν ἁθρόοις προστάττοντα ἀκριβῶς ἑνὶ ἑκάστῳ τὸ προσῆκον ἀποδιδόναι.
이방인: 그러므로 무리들을 지탱하며 정의와 서로 간의 계약에 관해 감독할 입법자도 마찬가지라고 생각하세. 그가 집단 전체에 명령을 내릴 때, 개개인에게 정확하게 알맞은 것을 주도록 하는 일에는 결코 충분히 대처할 수 없을 것이라고 말이네.
ΝΕ. ΣΩ. τὸ γοῦν εἰκός.
젊은 소크라테스: 그것은 참으로 그럴법한 일입니다.
ΞΕ. ἀλλὰ τὸ τοῖς πολλοῖς γε οἶμαι καὶ ὡς ἐπὶ τὸ πολὺ καί πως οὑτωσὶ παχυτέρως ἑκάστοις τὸν νόμον θήσει, καὶ ἐν γράμμασιν ἀποδιδοὺς καὶ ἐν ἀγραμμάτοις, πατρίοις δὲ ἔθεσι νομοθετῶν.
이방인: 오히려 대부분의 사람들을 위해, 대개는 그리고 어떠하게든 이처럼 대략적으로 각자에게 법을 제정해 줄 것이네. 그것을 글에 담아 주든, 혹은 글 없이 조상 전래의 관습에 따라 법을 제정하든 말일세.
ΝΕ. ΣΩ. ὀρθῶς.
젊은 소크라테스: 올바른 말씀입니다.
ΞΕ. ὀρθῶς μέντοι.
이방인: 참으로 올바르네.
πῶς γὰρ ἄν τις ἱκανὸς γένοιτʼ ἄν ποτε, ὦ Σώκρατες, ὥστε διὰ βίου ἀεὶ παρακαθήμενος ἑκάστῳ διʼ ἀκριβείας προστάττειν τὸ προσῆκον;
소크라테스여, 평생 동안 늘 개개인의 곁에 앉아서 정확하게 알맞은 것을 처방해 줄 수 있는 능력을 가진 이가 어떻게 나올 수 있겠는가?
ἐπεὶ τοῦτʼ ἂν δυνατὸς ὤν, ὡς οἶμαι, τῶν τὴν βασιλικὴν ὁστισοῦν ὄντως ἐπιστήμην εἰληφότων σχολῇ ποτʼ ἂν ἑαυτῷ θεῖτʼ ἐμποδίσματα γράφων τοὺς λεχθέντας τούτους νόμους.
왜냐하면 만일 참으로 왕의 지식을 획득한 자들 중 누구라도 그러한 능력이 있다면, 내 생각에 그가 앞서 언급한 이 법들을 써서 스스로에게 장애를 만드는 짓은 결코 하지 않을 것이기 때문이네.
ΝΕ. ΣΩ. ἐκ τῶν νῦν γοῦν, ὦ ξένε, εἰρημένων.
젊은 소크라테스: 적어도 방금 하신 말씀에 따르면 그렇습니다, 이방인여.
ΞΕ. μᾶλλον δέ γε, ὦ βέλτιστε, ἐκ τῶν μελλόντων ῥηθήσεσθαι.
이방인: 그러나 내 훌륭한 친구여, 앞으로 하려는 말에 따르면 더욱더 그렇다네.
ΝΕ. ΣΩ. τίνων δή;
젊은 소크라테스: 그것이 대체 어떤 말씀이십니까?
ΞΕ. τῶν τοιῶνδε.
이방인: 이런 것이네.
εἴπωμεν γὰρ δὴ πρός γε ἡμᾶς αὐτοὺς ἰατρὸν μέλλοντα ἢ καί τινα γυμναστικὸν ἀποδημεῖν καὶ ἀπέσεσθαι τῶν θεραπευομένων συχνόν, ὡς οἴοιτο, χρόνον, μὴ μνημονεύσειν οἰηθέντα τὰ προσταχθέντα τοὺς γυμναζομένους ἢ τοὺς κάμνοντας, ὑπομνήματα γράφειν ἂν ἐθέλειν αὐτοῖς, ἢ πῶς;
우리 자신에게 이렇게 말해 보세. 의사나 혹은 어떤 체육 지도자가 외국으로 떠나려 하고, 치료받는 자들로부터 꽤 오랜 시간 동안 떨어져 있게 될 것이라고 예상했다고 하세. 그가 생각하기에 체육 훈련을 받는 자들이나 환자들이 처방된 것들을 기억하지 못할 것 같아서, 그들에게 대비책으로 글을 써서 남겨 두고 싶어 하지 않겠는가? 아니면 어떻겠는가?
ΝΕ. ΣΩ. οὕτως.
젊은 소크라테스: 그렇게 할 것입니다.
ΞΕ. τί δʼ εἰ παρὰ δόξαν ἐλάττω χρόνον ἀποδημήσας ἔλθοι πάλιν;
이방인: 그런데 만일 그가 예상보다 짧은 시간 동안만 해외에 머물다가 다시 돌아온다면 어떻겠는가?
ἆρʼ οὐκ ἂν παρʼ ἐκεῖνα τὰ γράμματα τολμήσειεν ἄλλʼ ὑποθέσθαι, συμβαινόντων ἄλλων βελτιόνων τοῖς κάμνουσι διὰ πνεύματα ἤ τι καὶ ἄλλο παρὰ τὴν ἐλπίδα τῶν ἐκ Διὸς ἑτέρως πως τῶν εἰωθότων γενόμενα, καρτερῶν δʼ ἂν ἡγοῖτο δεῖν μὴ ἐκβαίνειν τἀρχαῖά ποτε νομοθετηθέντα μήτε αὐτὸν προστάττοντα ἄλλα μήτε τὸν κάμνοντα ἕτερα τολμῶντα παρὰ τὰ γραφέντα δρᾶν, ὡς ταῦτα ὄντα ἰατρικὰ καὶ ὑγιεινά, τὰ δὲ ἑτέρως γιγνόμενα νοσώδη τε καὶ οὐκ ἔντεχνα·
환자들에게 더 좋은 다른 상황이 생겼을 때, 저 기록된 지침들에 반하여 대담하게 다른 처방을 내리지 않겠는가? 바람이나 그 밖에 제우스로부터 비롯된 예기치 못한 다른 변화가 평소와 다르게 어떤 식으로든 발생했기 때문이라네. 아니면 그는 굳건히 견디며 예전에 한번 제정된 오래된 지침들을 결코 벗어나서는 안 된다고 생각하면서, 스스로도 다른 것을 처방해서는 안 되고 환자 역시 적힌 규칙에 반하여 감히 다른 행동을 해서는 안 된다고 생각하겠는가? 이것들이야말로 의술적이고 건강에 좋은 것이며, 그와 다르게 행해지는 것들은 병을 일으키고 비기술적인 것이라 생각하면서 말일세.
ἢ πᾶν τὸ τοιοῦτον ἔν γε ἐπιστήμῃ συμβαῖνον καὶ ἀληθεῖ τέχνῃ περὶ ἅπαντα παντάπασι γέλως ἂν ὁ μέγιστος γίγνοιτο τῶν τοιούτων νομοθετημάτων;
아니면 지식과 참된 기술이 관여하는 모든 일에서 그러한 상황이 발생하고 그와 같은 법을 적용하는 일은 완전히 가장 큰 웃음거리가 되지 않겠는가?
ΝΕ. ΣΩ. παντάπασι μὲν οὖν.
젊은 소크라테스: 참으로 그렇고말고요.