§259ΞΕ. τῇδε.
客人：このようにだ。
εἴ τῴ τις τῶν δημοσιευόντων ἰατρῶν ἱκανὸς συμβουλεύειν ἰδιωτεύων αὐτός, ἆρʼ οὐκ ἀναγκαῖον αὐτῷ προσαγορεύεσθαι τοὔνομα τῆς τέχνης ταὐτὸν ὅπερ ᾧ συμβουλεύει;
公職にある医師の誰かに対し、自らは私人でありながら十分な助言を与えうる者があるなら、彼に対して、彼が助言を与える相手が持つのと同じ技術の名が呼びかけられるのが必然ではないだろうか。
ΝΕ. ΣΩ. ναί.
若きソクラテス：はい。
ΞΕ. τί δʼ;
客人：ではどうだろう。
ὅστις βασιλεύοντι χώρας ἀνδρὶ παραινεῖν δεινὸς ἰδιώτης ὢν αὐτός, ἆρʼ οὐ φήσομεν ἔχειν αὐτὸν τὴν ἐπιστήμην ἣν ἔδει τὸν ἄρχοντα αὐτὸν κεκτῆσθαι;
国を支配している男に助言を与えるに長けた者があって、自らは私人であるなら、支配者自身が所有すべきであった知識をその人自身が持っていると、私たちは言わないだろうか。
ΝΕ. ΣΩ. φήσομεν.
若きソクラテス：言うでしょう。
ΞΕ. ἀλλὰ μὴν ἥ γε ἀληθινοῦ βασιλέως βασιλική;
客人：しかし、真の王の知識は王者の知識ではないか。
ΝΕ. ΣΩ. ναί.
若きソクラテス：はい。
ΞΕ. ταύτην δὲ ὁ κεκτημένος οὐκ, ἄντε ἄρχων ἄντε ἰδιώτης ὢν τυγχάνῃ, πάντως κατά γε τὴν τέχνην αὐτὴν βασιλικὸς ὀρθῶς προσρηθήσεται;
客人：そしてこれを獲得している者は、現に支配者であれ、あるいは私人であれ、いずれにせよ、その技術自体に従って、正しく「王者的」と呼ばれるのではないか。
ΝΕ. ΣΩ. δίκαιον γοῦν.
若きソクラテス：実にもっともです。
ΞΕ. καὶ μὴν οἰκονόμος γε καὶ δεσπότης ταὐτόν.
客人：さらに、家政管理者と主人も同じものだ。
ΝΕ. ΣΩ. τί μήν;
若きソクラテス：その通りです。
ΞΕ. τί δέ;
客人：ではどうだろう。
μεγάλης σχῆμα οἰκήσεως ἢ σμικρᾶς αὖ πόλεως ὄγκος μῶν τι πρὸς ἀρχὴν διοίσετον;
大きな家の規模と、あるいは小さな国家の大きさは、支配という点に関して何か異なるだろうか。
ΝΕ. ΣΩ. οὐδέν.
若きソクラテス：何も異なりませぬ。
ΞΕ. οὐκοῦν, ὃ νυνδὴ διεσκοπούμεθα, φανερὸν ὡς ἐπιστήμη μία περὶ πάντʼ ἐστὶ ταῦτα·
客人：それゆえ、私たちがたった今調べていたことは明らかだ。
ταύτην δὲ εἴτε βασιλικὴν εἴτε πολιτικὴν εἴτε οἰκονομικήν τις ὀνομάζει, μηδὲν αὐτῷ διαφερώμεθα.
すなわち、これらすべてに関して一つの知識が存在するということ。 そしてこれを王者の知識と呼ぼうが、政治の知識と呼ぼうが、家政の知識と呼ぼうが、彼と何ら争う必要はないのだ。
ΝΕ. ΣΩ. τί γάρ;
若きソクラテス：その通りですね。
ΞΕ. ἀλλὰ μὴν τόδε γε δῆλον, ὡς βασιλεὺς ἅπας χερσὶ καὶ σύμπαντι τῷ σώματι σμίκρʼ ἄττα εἰς τὸ κατέχειν τὴν ἀρχὴν δύναται πρὸς τὴν τῆς ψυχῆς σύνεσιν καὶ ῥώμην.
客人：しかし、どのような王であっても、支配を維持するために、手や身体全体でできることは、魂の理解力や力に比べればごくわずかであることは明らかだ。
ΝΕ. ΣΩ. δῆλον.
若きソクラテス：明らかです。
ΞΕ. τῆς δὴ γνωστικῆς μᾶλλον ἢ τῆς χειροτεχνικῆς καὶ ὅλως πρακτικῆς βούλει τὸν βασιλέα φῶμεν οἰκειότερον εἶναι;
客人：それなら、手仕事や全体として実践的なものよりも、むしろ認知的知識に、王はより深く関わっていると言おうではないか。
ΝΕ. ΣΩ. τί μήν;
若きソクラテス：その通りです。
ΞΕ. τὴν ἄρα πολιτικὴν καὶ πολιτικὸν καὶ βασιλικὴν καὶ βασιλικὸν εἰς ταὐτὸν ὡς ἓν πάντα ταῦτα συνθήσομεν;
客人：それゆえ、政治的知識と政治家、王者的知識と王を、同一のものとして、これらすべてを一つにまとめることとしようか。
ΝΕ. ΣΩ. δῆλον.
若きソクラテス：明らかです。
ΞΕ. οὐκοῦν πορευοίμεθʼ ἂν ἑξῆς, εἰ μετὰ ταῦτα τὴν γνωστικὴν διοριζοίμεθα;
客人：それなら、この後で私たちが認知的知識を区分していくならば、順序通りに進めることになるだろうか。
ΝΕ. ΣΩ. πάνυ γε.
若きソクラテス：もちろんです。
ΞΕ. πρόσεχε δὴ τὸν νοῦν ἂν ἄρα ἐν αὐτῇ τινα διαφυὴν κατανοήσωμεν.
客人：では、その認知的知識の中に何らかの分岐を認められるかどうか、注意を向けなさい。
ΝΕ. ΣΩ. φράζε ποίαν.
若きソクラテス：どのようなものか、言ってください。
ΞΕ. τοιάνδε.
客人：このようなものだ。
λογιστική πού τις ἡμῖν ἦν τέχνη.
計算術という技術が私たちにはあったね。
ΝΕ. ΣΩ. ναί.
若きソクラテス：はい。
ΞΕ. τῶν γνωστικῶν γε οἶμαι παντάπασι τεχνῶν.
客人：それは完全に認知的技術に属するものだと思うが。
ΝΕ. ΣΩ. πῶς δʼ οὔ;
若きソクラテス：当然です。
ΞΕ. γνούσῃ δὴ λογιστικῇ τὴν ἐν τοῖς ἀριθμοῖς διαφορὰν μῶν τι πλέον ἔργον δώσομεν ἢ τὰ γνωσθέντα κρῖναι;
客人：数における差異を知った計算術に対して、私たちは、知られたものを判定すること以上の何らかの仕事を課すだろうか。
ΝΕ. ΣΩ. τί μήν;
若きソクラテス：いいえ、課しません。
ΞΕ. καὶ γὰρ ἀρχιτέκτων γε πᾶς οὐκ αὐτὸς ἐργατικὸς ἀλλʼ ἐργατῶν ἄρχων.
客人：なぜなら、すべての棟梁自身は作業労働をするのではなく、作業労働者たちを支配する者だからだ。
ΝΕ. ΣΩ. ναί.
若きソクラテス：はい。
ΞΕ. παρεχόμενός γέ που γνῶσιν ἀλλʼ οὐ χειρουργίαν.
客人：彼は知識を提供するが、手作業は提供しないからだ。
ΝΕ. ΣΩ. οὕτως.
若きソクラテス：その通りです。
§260ΞΕ. δικαίως δὴ μετέχειν ἂν λέγοιτο τῆς γνωστικῆς ἐπιστήμης.
客人：それゆえ、彼（棟梁）は認知的知識に正当に預かっていると言えるだろう。
ΝΕ. ΣΩ. πάνυ γε.
若きソクラテス：もちろんです。
ΞΕ. τούτῳ δέ γε οἶμαι προσήκει κρίναντι μὴ τέλος ἔχειν μηδʼ ἀπηλλάχθαι, καθάπερ ὁ λογιστὴς ἀπήλλακτο, προστάττειν δὲ ἑκάστοις τῶν ἐργατῶν τό γε πρόσφορον ἕως ἂν ἀπεργάσωνται τὸ προσταχθέν.
客人：しかしこの者には、判定しただけで終わりとしたり立ち去ったりすることはふさわしくなく、計算家が立ち去ったのとは異なり、作業労働者のそれぞれに対して、指示されたものが完成されるまで、適切な指示を与えることがふさわしいと思う。
ΝΕ. ΣΩ. ὀρθῶς.
若きソクラテス：正しいです。
ΞΕ. οὐκοῦν γνωστικαὶ μὲν αἵ τε τοιαῦται σύμπασαι καὶ ὁπόσαι συνέπονται τῇ λογιστικῇ, κρίσει δὲ καὶ ἐπιτάξει διαφέρετον ἀλλήλοιν τούτω τὼ γένη;
客人：それゆえ、これらに類する技術すべて、および計算術に従うすべての技術は認知的であるが、判定と命令という点で、これら二つの類は互いに異なっているのではないか。
ΝΕ. ΣΩ. φαίνεσθον.
若きソクラテス：そのように見えます。
ΞΕ. ἆρʼ οὖν συμπάσης τῆς γνωστικῆς εἰ τὸ μὲν ἐπιτακτικὸν μέρος, τὸ δὲ κριτικὸν διαιρούμενοι προσείποιμεν, ἐμμελῶς ἂν φαῖμεν διῃρῆσθαι;
客人：では、認知的知識の全体を、一方は命令的な部分、他方は判定的な部分と分割して呼ぶならば、私たちは適切に分割したと言えるだろうか。
ΝΕ. ΣΩ. κατά γε τὴν ἐμὴν δόξαν.
若きソクラテス：私の考えでは、その通りです。
ΞΕ. ἀλλὰ μὴν τοῖς γε κοινῇ τι πράττουσιν ἀγαπητὸν ὁμονοεῖν.
客人：しかし、共同で何かを行う者たちにとって、合意することは望ましいことだ。
ΝΕ. ΣΩ. πῶς δʼ οὔ;
若きソクラテス：もちろんです。
ΞΕ. τούτου τοίνυν μέχριπερ ἂν αὐτοὶ κοινωνῶμεν, ἐατέον τά γε τῶν ἄλλων δοξάσματα χαίρειν.
客人：それゆえ、私たちがこの合意を共有している限り、他の人々の意見などどうでもよいとしておくべきだ。
ΝΕ. ΣΩ. τί μήν;
若きソクラテス：その通りです。
ΞΕ. φέρε δή, τούτοιν τοῖν τέχναιν ἡμῖν τὸν βασιλικὸν ἐν ποτέρᾳ θετέον;
客人：さあ、これら二つの技術のうち、私たちは王者をどちらに置くべきだろうか。
ἆρʼ ἐν τῇ κριτικῇ, καθάπερ τινὰ θεατήν, ἢ μᾶλλον τῆς ἐπιτακτικῆς ὡς ὄντα αὐτὸν τέχνης θήσομεν, δεσπόζοντά γε;
判定的なものの中に、いわば一人の観客として置くべきか、それとも、彼は支配する者であるのだから、むしろ命令的な技術に属するものとして置くべきだろうか。
ΝΕ. ΣΩ. πῶς γὰρ οὐ μᾶλλον;
若きソクラテス：当然、後者でしょう。
ΞΕ. τὴν ἐπιτακτικὴν δὴ τέχνην πάλιν ἂν εἴη θεατέον εἴ πῃ διέστηκεν.
客人：それでは、命令的な技術がどこかで分かれているかどうかを再び見るべきだろう。
καί μοι δοκεῖ τῇδέ πῃ, καθάπερ ἡ τῶν καπήλων τέχνη τῆς τῶν αὐτοπωλῶν διώρισται τέχνης, καὶ τὸ βασιλικὸν γένος ἔοικεν ἀπὸ τοῦ τῶν κηρύκων γένους ἀφωρίσθαι.
そして私には、このように分かれていると思われる。 小売人の技術が自作自売人の技術から区別されているように、王の類もまた伝令の類から区別されているように思われるのだ。
ΝΕ. ΣΩ. πῶς;
若きソクラテス：どのようにですか。
ΞΕ. πωληθέντα που πρότερον ἔργα ἀλλότρια παραδεχόμενοι δεύτερον πωλοῦσι πάλιν οἱ κάπηλοι.
客人：小売人たちは、以前に他人が作った製品を受け取って、それを二次的に再び売るのだからね。
ΝΕ. ΣΩ. πάνυ μὲν οὖν.
若きソクラテス：もちろんです。
ΞΕ. οὐκοῦν καὶ τὸ κηρυκικὸν φῦλον ἐπιταχθέντʼ ἀλλότρια νοήματα παραδεχόμενον αὐτὸ δεύτερον ἐπιτάττει πάλιν ἑτέροις.
客人：それなら、伝令の種族もまた、他人の命令された考えを受け取って、それを二次的に他の人々へと再び命令するのではないか。
ΝΕ. ΣΩ. ἀληθέστατα.
若きソクラテス：極めてその通りです。
ΞΕ. τί οὖν;
客人：ではどうだろう。
εἰς ταὐτὸν μείξομεν βασιλικὴν ἑρμηνευτικῇ, κελευστικῇ, μαντικῇ, κηρυκικῇ, καὶ πολλαῖς ἑτέραις τούτων τέχναις συγγενέσιν, αἳ σύμπασαι τό γʼ ἐπιτάττειν ἔχουσιν;
王者としての技術を、解釈術、号令術、予言術、伝令術、およびこれらに類する他の多くの、すべて命令を下すことを含んでいる技術と、同一のものとして混同すべきだろうか。
ἢ βούλει, καθάπερ ᾐκάζομεν νυνδή, καὶ τοὔνομα παρεικάσωμεν, ἐπειδὴ καὶ σχεδὸν ἀνώνυμον ὂν τυγχάνει τὸ τῶν αὐτεπιτακτῶν γένος, καὶ ταύτῃ ταῦτα διελώμεθα, τὸ μὲν τῶν βασιλέων γένος εἰς τὴν αὐτεπιτακτικὴν θέντες, τοῦ δὲ ἄλλου παντὸς ἀμελήσαντες, ὄνομα ἕτερον αὐτοῖς παραχωρήσαντες θέσθαι τινά;
それとも、私たちが今しがたなぞらえたように、名前もなぞらえてみようか。 自己命令の類はほとんど名前がない状態にあるのだから、これによってこれらを分割し、王の類を自己命令的なものに置き、他のすべては無視して、他の者がそれらに別の名前をつけるのを許し、進めるべきだろうか。
τοῦ γὰρ ἄρχοντος ἕνεκα ἡμῖν ἡ μέθοδος ἦν ἀλλʼ οὐχὶ τοῦ ἐναντίου.
私たちの探求は支配者のためのものであって、その反対のものではないのだから。