§423ΕΡΜ. πῶς γὰρ ἂν ἄλλως, ὦ Σώκρατες;
ヘルモゲネス：ソクラテス、どうして他の方法がありえましょう。
ΣΩ. εἰ μέν γʼ οἶμαι τὸ ἄνω καὶ τὸ κοῦφον ἐβουλόμεθα δηλοῦν, ᾔρομεν ἂν πρὸς τὸν οὐρανὸν τὴν χεῖρα, μιμούμενοι αὐτὴν τὴν φύσιν τοῦ πράγματος·
ソクラテス：たとえば、もし私たちが上方にあるものや軽いものを示したいと望むなら、その事物の自然そのものを模倣して、手を天に向けて上げるだろう。
εἰ δὲ τὰ κάτω καὶ τὰ βαρέα, πρὸς τὴν γῆν.
もし下方にあるものや重いものなら、地に向けて。
καὶ εἰ ἵππον θέοντα ἤ τι ἄλλο τῶν ζῴων ἐβουλόμεθα δηλοῦν, οἶσθα ὅτι ὡς ὁμοιότατʼ ἂν τὰ ἡμέτερα αὐτῶν σώματα καὶ σχήματα ἐποιοῦμεν ἐκείνοις.
また、もし走っている馬や他の動物のどれかを示したいと望むなら、私たちの身体や姿勢をそれらにできるだけ似せるようにすることは、君も知っているね。
ΕΡΜ. ἀνάγκη μοι δοκεῖ ὡς λέγεις ἔχειν.
ヘルモゲネス：あなたの言う通りにせざるを得ないと思われます。
ΣΩ. οὕτω γὰρ ἂν οἶμαι δήλωμά του ἐγίγνετο, μιμησαμένου, ὡς ἔοικε, τοῦ σώματος ἐκεῖνο ὃ ἐβούλετο δηλῶσαι.
ソクラテス：というのも、そのようにして、身体が示そうと望んだものを模倣することによって、何らかの表示が生じるだろうと思われるからだ。
ΕΡΜ. ναί.
ヘルモゲネス：はい。
ΣΩ. ἐπειδὴ δὲ φωνῇ τε καὶ γλώττῃ καὶ στόματι βουλόμεθα δηλοῦν, ἆρʼ οὐ τότε ἑκάστου δήλωμα ἡμῖν ἔσται τὸ ἀπὸ τούτων γιγνόμενον, ὅταν μίμημα γένηται διὰ τούτων περὶ ὁτιοῦν;
ソクラテス：だが、私たちが声や舌や口によって示したいと望むとき、これらを通じて何であれ模倣がなされるなら、それらから生じるものが、私達にとってそれぞれのものの表示になるのではないだろうか。
ΕΡΜ. ἀνάγκη μοι δοκεῖ.
ヘルモゲネス：そうせざるを得ないと思われます。
ΣΩ. ὄνομʼ ἄρʼ ἐστίν, ὡς ἔοικε, μίμημα φωνῇ ἐκείνου ὃ μιμεῖται, καὶ ὀνομάζει ὁ μιμούμενος τῇ φωνῇ ὃ ἂν μιμῆται
ΕΡΜ. δοκεῖ μοι.
ソクラテス：すると、どうやら名前とは、模倣するものが模倣する対象を声によって模倣したものであり、模倣する者は自分が模倣するものを声によって名づけるのだね。 ヘルモゲネス：そのように思われます。
ΣΩ. μὰ Δίʼ ἀλλʼ οὐκ ἐμοί πω δοκεῖ καλῶς λέγεσθαι, ὦ ἑταῖρε.
ソクラテス：いや、ゼウスにかけて、私にはまだそれがうまく言えているとは思えないのだ、友よ。
ΕΡΜ. τί δή;
ヘルモゲネス：なぜですか。
ΣΩ. τοὺς τὰ πρόβατα μιμουμένους τούτους καὶ τοὺς ἀλεκτρυόνας καὶ τὰ ἄλλα ζῷα ἀναγκαζοίμεθʼ ἂν ὁμολογεῖν ὀνομάζειν ταῦτα ἅπερ μιμοῦνται.
ソクラテス：もしそうなら、羊を模倣する者たちや、雄鶏や他の動物を模倣する者たちが、自分が模倣しているまさにそれらを名づけているのだと、私たちは認めざるを得なくなるからだ。
ΕΡΜ. ἀληθῆ λέγεις.
ヘルモゲネス：おっしゃる通りです。
ΣΩ. καλῶς οὖν ἔχειν δοκεῖ σοι;
ソクラテス：では、それは正しく機能していると君は思うかね。
ΕΡΜ. οὐκ ἔμοιγε.
ヘルモゲネス：私にはそうは思えません。
ἀλλὰ τίς ἄν, ὦ Σώκρατες, μίμησις εἴη τὸ ὄνομα;
しかしソクラテス、名前とはいかなる模倣なのでしょうか。
ΣΩ. πρῶτον μέν, ὡς ἐμοὶ δοκεῖ, οὐκ ἐὰν καθάπερ τῇ μουσικῇ μιμούμεθα τὰ πράγματα οὕτω μιμώμεθα, καίτοι φωνῇ γε καὶ τότε μιμούμεθα·
ソクラテス：まず第一に、私の思うところでは、私たちが音楽におけるように事物を模倣するならそうなる、というわけではない。 もっとも、その時にも私たちは確かに声で模倣しているのだが。
ἔπειτα οὐκ ἐὰν ἅπερ ἡ μουσικὴ μιμεῖται καὶ ἡμεῖς μιμώμεθα, οὔ μοι δοκοῦμεν ὀνομάσειν.
次に、音楽が模倣するまさにそのものを私たちも模倣するのだとしても、私たちは名づけていることにはならないと思う。
λέγω δέ τοι τοῦτο·
私の言うのはこういうことだ。
ἔστι τοῖς πράγμασι φωνὴ καὶ σχῆμα ἑκάστῳ, καὶ χρῶμά γε πολλοῖς;
それぞれの事物には、声や姿があり、また多くのものには色もあるのではないかね。
ΕΡΜ. πάνυ γε.
ヘルモゲネス：もちろんです。
ΣΩ. ἔοικε τοίνυν οὐκ ἐάν τις ταῦτα μιμῆται, οὐδὲ περὶ ταύτας τὰς μιμήσεις ἡ τέχνη ἡ ὀνομαστικὴ εἶναι.
ソクラテス：そうすると、誰かがこれらを模倣するとしても、名づけの技術はこれらの模倣に関するものではないようだ。
αὗται μὲν γάρ εἰσιν ἡ μὲν μουσική, ἡ δὲ γραφική·
なぜなら、それらは一方は音楽であり、他方は絵画なのだからね。
ἦ γάρ;
そうだろう？
ΕΡΜ. ναί.
ヘルモゲネス：はい。
ΣΩ. τί δὲ δὴ τόδε;
ソクラテス：では、これはどうだろう。
οὐ καὶ οὐσία δοκεῖ σοι εἶναι ἑκάστῳ, ὥσπερ καὶ χρῶμα καὶ ἃ νυνδὴ ἐλέγομεν;
色や先ほど言ったものと同様に、それぞれの事物には本質もあると君は思わないかね。
πρῶτον αὐτῷ τῷ χρώματι καὶ τῇ φωνῇ οὐκ ἔστιν οὐσία τις ἑκατέρῳ αὐτῶν καὶ τοῖς ἄλλοις πᾶσιν ὅσα ἠξίωται ταύτης τῆς προσρήσεως, τοῦ εἶναι;
まず、色そのものや声そのもの、そしてそれぞれのもの、さらには「存在する」というこの呼び名に値する他のすべてのものに、何らかの本質があるのではないかね。
ΕΡΜ. ἔμοιγε δοκεῖ.
ヘルモゲネス：私にはそう思われます。
ΣΩ. τί οὖν; εἴ τις αὐτὸ τοῦτο μιμεῖσθαι δύναιτο ἑκάστου, τὴν οὐσίαν, γράμμασί τε καὶ συλλαβαῖς, ἆρʼ οὐκ ἂν δηλοῖ ἕκαστον ὃ ἔστιν;
ソクラテス：では、もし誰かが、文字や音節によって、それぞれの事物のまさにこれ、すなわちその本質を模倣することができるなら、それぞれのものが何であるかをそいつは示すことになるのではないかね。
ἢ οὔ;
それともそうではないか。