§84ΦΑΙΔ. οὐ δῆτα ἔγωγε.
パイドン：「いいえ、決して私はそうは思いません」〔とケベスは言った〕。
οὐ γάρ·
「その通りだ」〔とソクラテスは言った〕。
ἀλλ’ οὕτω λογίσαιτ’ ἂν ψυχὴ ἀνδρὸς φιλοσόφου, καὶ οὐκ ἂν οἰηθείη τὴν μὲν φιλοσοφίαν χρῆναι αὐτὴν λύειν, λυούσης δὲ ἐκείνης, αὐτὴν παραδιδόναι ταῖς ἡδοναῖς καὶ λύπαις ἑαυτὴν πάλιν αὖ ἐγκαταδεῖν καὶ ἀνήνυτον ἔργον πράττειν Πηνελόπης τινὰ ἐναντίως ἱστὸν μεταχειριζομένης, ἀλλὰ γαλήνην τούτων παρασκευάζουσα, ἑπομένη τῷ λογισμῷ καὶ ἀεὶ ἐν τούτῳ οὖσα, τὸ ἀληθὲς καὶ τὸ θεῖον καὶ τὸ ἀδόξαστον θεωμένη καὶ ὑπ’ ἐκείνου τρεφομένη, ζῆν τε οἴεται οὕτω δεῖν ἕως ἂν ζῇ, καὶ ἐπειδὰν τελευτήσῃ, εἰς τὸ συγγενὲς καὶ εἰς τὸ τοιοῦτον ἀφικομένη ἀπηλλάχθαι τῶν ἀνθρωπίνων κακῶν.
「というのも、知を愛する人の魂なら、そのように考えるだろうし、哲学が自分を解放しようとしているのに、解放されつつあるまさにそのときに、自らを快楽や苦痛に委ねて、再び自分自身を縛りつけ、ペネロペが織物を逆戻りに織りなしていたように、終わりなき仕事をすることになるなどとは思わないだろうからだ。 むしろ、これらのことの静けさを用意し、理性的思考に従い、常にその中にあり、真実で、神聖で、思い込みではないものを観照し、それによって養われながら、生きている限りはそのように生きるべきだと考え、死んだときには、同族の、そのようなものの元へ至って、人間の苦しみから解放されるのだと考える。
ἐκ δὴ τῆς τοιαύτης τροφῆς οὐδὲν δεινὸν μὴ φοβηθῇ, ὦ Σιμμία τε καὶ Κέβης, ὅπως μὴ διασπασθεῖσα ἐν τῇ ἀπαλλαγῇ τοῦ σώματος ὑπὸ τῶν ἀνέμων διαφυσηθεῖσα καὶ διαπτομένη οἴχηται καὶ οὐδὲν ἔτι οὐδαμοῦ ᾖ.
シミアスよ、ケベスよ、このような養いのおかげで、魂が体からの解放の際に引き裂かれ、風に吹き飛ばされて飛び散り、消え去って、もはやどこにも存在しなくなるのではないかなどと恐れる必要は、全くないのだ。
σιγὴ οὖν ἐγένετο ταῦτα εἰπόντος τοῦ Σωκράτους ἐπὶ πολὺν χρόνον, καὶ αὐτός τε πρὸς τῷ εἰρημένῳ λόγῳ ἦν ὁ Σωκράτης, ὡς ἰδεῖν ἐφαίνετο, καὶ ἡμῶν οἱ πλεῖστοι·
」ソクラテスがこう語り終えると、長い間沈黙が流れた。 ソクラテス自身も、見たところ、今語られた議論に没頭しているようであったし、私たちのほとんどもそうであった。
Κέβης δὲ καὶ Σιμμίας σμικρὸν πρὸς ἀλλήλω διελεγέσθην.
しかし、ケベスとシミアスは互いに少しの間、小声で話し合っていた。
καὶ ὁ Σωκράτης ἰδὼν αὐτὼ ἤρετο, τί;
ソクラテスは彼らを見て言った。 「どうしたのだね？
ἔφη, ὑμῖν τὰ λεχθέντα μῶν μὴ δοκεῖ ἐνδεῶς λέγεσθαι;
今語られたことに、不十分な点があるように思われるかね？
πολλὰς γὰρ δὴ ἔτι ἔχει ὑποψίας καὶ ἀντιλαβάς, εἴ γε δή τις αὐτὰ μέλλει ἱκανῶς διεξιέναι.
もし誰かがそれを十分に検証しようとするなら、ここにはまだ多くの疑念や反論の余地がある。
εἰ μὲν οὖν τι ἄλλο σκοπεῖσθον, οὐδὲν λέγω·
もし君たちが他のことを考えているなら、私は何も言わない。
εἰ δέ τι περὶ τούτων ἀπορεῖτον, μηδὲν ἀποκνήσητε καὶ αὐτοὶ εἰπεῖν καὶ διελθεῖν, εἴ πῃ ὑμῖν φαίνεται βέλτιον ἂν λεχθῆναι, καὶ αὖ καὶ ἐμὲ συμπαραλαβεῖν, εἴ τι μᾶλλον οἴεσθε μετ’ ἐμοῦ εὐπορήσειν.
しかし、もしこのことについて疑問を抱いているなら、躊躇することなく自ら語り、もしどこか別の言い方をした方がより良いと思われるなら説明し、また、私と一緒に考えた方がより良く解決できると思うなら、私をも仲間に引き入れるといい。
καὶ ὁ Σιμμίας ἔφη·
」するとシミアスが言った。
καὶ μήν, ὦ Σώκρατες, τἀληθῆ σοι ἐρῶ.
「実際のところ、ソクラテス、本当のことを言いましょう。
πάλαι γὰρ ἡμῶν ἑκάτερος ἀπορῶν τὸν ἕτερον προωθεῖ καὶ κελεύει ἐρέσθαι διὰ τὸ ἐπιθυμεῖν μὲν ἀκοῦσαι, ὀκνεῖν δὲ ὄχλον παρέχειν, μή σοι ἀηδὲς ᾖ διὰ τὴν παροῦσαν συμφοράν.
実は、ずいぶん前から私たち二人はそれぞれ疑問を抱いていて、聞きたいと思いつつも、現在の不幸な状況のせいであなたに不快な思いをさせるのではないかと躊躇し、相手を押し出し、質問するように促し合っていたのです。
καὶ ὃς ἀκούσας ἐγέλασέν τε ἠρέμα καί φησιν·
」これを聞くと、ソクラテスは穏やかに笑って言った。
Βαβαί, ὦ Σιμμία·
「おや、シミアス。
ἦ που χαλεπῶς ἂν τοὺς ἄλλους ἀνθρώπους πείσαιμι ὡς οὐ συμφορὰν ἡγοῦμαι τὴν παροῦσαν τύχην, ὅτε γε μηδ’ ὑμᾶς δύναμαι πείθειν, ἀλλὰ φοβεῖσθε μὴ δυσκολώτερόν τι νῦν διάκειμαι ἢ ἐν τῷ πρόσθεν βίῳ·
他のお国の人々に、私が現在の境遇を不幸だと思っていないと納得させるのは、実に骨の折れることだろうね。 君たちでさえ説得できないのだから。 君たちは、私が以前の人生よりも今の方が気難しくなっているのではないかと恐れている。
καί, ὡς ἔοικε, τῶν κύκνων δοκῶ φαυλότερος ὑμῖν εἶναι τὴν μαντικήν, οἳ ἐπειδὰν αἴσθωνται ὅτι δεῖ αὐτοὺς ἀποθανεῖν, ᾄδοντες καὶ ἐν τῷ πρόσθεν χρόνῳ, τότε δὴ πλεῖστα καὶ κάλλιστα ᾄδουσι, γεγηθότες ὅτι μέλλουσι παρὰ τὸν θεὸν ἀπιέναι οὗπέρ εἰσι θεράποντες.
そして、どうやら君たちの目には、私が白鳥たちよりも予言の能力において劣っているように映るらしい。 白鳥たちは、自分が死なねばならないと察すると、それまでも歌っていたけれども、そのときこそ、自分が仕える神の元へ去ろうとしていることを喜び、最も多く、最も美しく歌うのだ。
§85ΦΑΙΔ. οἱ δ’ ἄνθρωποι διὰ τὸ αὑτῶν δέος τοῦ θανάτου καὶ τῶν κύκνων καταψεύδονται, καί φασιν αὐτοὺς θρηνοῦντας τὸν θάνατον ὑπὸ λύπης ἐξᾴδειν, καὶ οὐ λογίζονται ὅτι οὐδὲν ὄρνεον ᾄδει ὅταν πεινῇ ἢ ῥιγῷ ἤ τινα ἄλλην λύπην λυπῆται, οὐδὲ αὐτὴ ἥ τε ἀηδὼν καὶ χελιδὼν καὶ ὁ ἔποψ, ἃ δή φασι διὰ λύπην θρηνοῦντα ᾄδειν.
」「しかし人間は、自分自身が死を恐れるがゆえに、白鳥についても嘘をつき、白鳥たちが死を嘆いて悲しみのあまり歌うのだと言う。 そして、どんな鳥も、飢えたり凍えたり、あるいは何か他の苦痛を感じているときには歌わないということを考慮に入れない。 嘆き悲しんで歌うと言われている夜啼鶯や、燕、八手鳥でさえもそうだ。
ἀλλ᾽ οὔτε ταῦτά μοι φαίνεται λυπούμενα ᾄδειν οὔτε οἱ κύκνοι, ἀλλ’ ἅτε οἶμαι τοῦ Ἀπόλλωνος ὄντες, μαντικοί τέ εἰσι καὶ προειδότες τὰ ἐν Ἅιδου ἀγαθὰ ᾄδουσι καὶ τέρπονται ἐκείνην τὴν ἡμέραν διαφερόντως ἢ ἐν τῷ ἔμπροσθεν χρόνῳ.
だが、私にはこれらの鳥が悲しんで歌っているとは思えないし、白鳥たちも同様だ。 むしろ、私の考えでは、彼らはアポロンの鳥であるからして予言の力を持ち、ハデスにおける善きものを予知しているがゆえに、その日には、以前のいかなる時よりも格別に歌い、喜ぶのだ。
ἐγὼ δὲ καὶ αὐτὸς ἡγοῦμαι ὁμόδουλός τε εἶναι τῶν κύκνων καὶ ἱερὸς τοῦ αὐτοῦ θεοῦ, καὶ οὐ χεῖρον ἐκείνων τὴν μαντικὴν ἔχειν παρὰ τοῦ δεσπότου, οὐδὲ δυσθυμότερον αὐτῶν τοῦ βίου ἀπαλλάττεσθαι.
そして私自身も、白鳥たちと同じ主君に仕える同輩であり、同じ神に捧げられた身であって、主人から授かった予言の能力において彼らに劣るものではなく、彼ら以上に落胆してこの世を去るつもりもないと思っている。
ἀλλὰ τούτου γ’ ἕνεκα λέγειν τε χρὴ καὶ ἐρωτᾶν ὅτι ἂν βούλησθε, ἕως ἂν Ἀθηναίων ἐῶσιν ἄνδρες ἕνδεκα.
だから、このことに関しては、アテナイの十一人の男たちが許す限り、君たちの望むことを何でも語り、質問してよいのだ。
καλῶς, ἔφη, λέγεις, ὁ Σιμμίας·
」「素晴らしいお言葉です」とシミアスは言った。
καὶ ἐγώ τέ σοι ἐρῶ ὃ ἀπορῶ, καὶ αὖ ὅδε, ᾗ οὐκ ἀποδέχεται τὰ εἰρημένα.
「では、私の疑問に思っていることをあなたに言いましょう。 そして、このケベスもまた、語られたことのどの点を受け入れられないかを言いましょう。
ἐμοὶ γὰρ δοκεῖ, ὦ Σώκρατες, περὶ τῶν τοιούτων ἴσως ὥσπερ καὶ σοὶ τὸ μὲν σαφὲς εἰδέναι ἐν τῷ νῦν βίῳ ἢ ἀδύνατον εἶναι ἢ παγχάλεπόν τι, τὸ μέντοι αὖ τὰ λεγόμενα περὶ αὐτῶν μὴ οὐχὶ παντὶ τρόπῳ ἐλέγχειν καὶ μὴ προαφίστασθαι πρὶν ἂν πανταχῇ σκοπῶν ἀπείπῃ τις, πάνυ μαλθακοῦ εἶναι ἀνδρός·
ソクラテス、このような事柄については、おそらくあなたと同じように、この人生において明確な知識を得ることは不可能であるか、あるいは極めて困難であると私も思っています。 しかし、その一方で、それについて語られることをあらゆる方法で吟味せず、四方を調べ尽くして力尽きる前に諦めてしまうのは、極めて意気地のない者のすることです。
δεῖν γὰρ περὶ αὐτὰ ἕν γέ τι τούτων διαπράξασθαι, ἢ μαθεῖν ὅπῃ ἔχει ἢ εὑρεῖν ἤ, εἰ ταῦτα ἀδύνατον, τὸν γοῦν βέλτιστον τῶν ἀνθρωπίνων λόγων λαβόντα καὶ δυσεξελεγκτότατον, ἐπὶ τούτου ὀχούμενον ὥσπερ ἐπὶ σχεδίας κινδυνεύοντα διαπλεῦσαι τὸν βίον, εἰ μή τις δύναιτο ἀσφαλέστερον καὶ ἀκινδυνότερον ἐπὶ βεβαιοτέρου ὀχήματος, λόγου θείου τινός, διαπορευθῆναι.
なぜなら、これらの事柄については、次のうちのいずれかを成し遂げねばならないからです。 すなわち、それがどういうものであるかを学ぶか、自ら見出すか、あるいは、これが不可能であるならば、人間の議論のうちで最も優れ、最も反論しがたいものを採用し、それをあたかも筏のようにしてその上に乗り、危険を冒しながら人生を航海していくかです。 もし、より安全で危険の少ない、より堅固な乗り物、すなわち、何らかの神的な議論に乗って渡ることができるのでない限りは。
καὶ δὴ καὶ νῦν ἔγωγε οὐκ ἐπαισχυνθήσομαι ἐρέσθαι, ἐπειδὴ καὶ σὺ ταῦτα λέγεις, οὐδ’ ἐμαυτὸν αἰτιάσομαι ἐν ὑστέρῳ χρόνῳ ὅτι νῦν οὐκ εἶπον ἅ μοι δοκεῖ.
ですから今、私も尋ねることを恥としません。 あなた自身もそうおっしゃるのですから。 そして、後になって、なぜ今、自分の思っていることを言わなかったのかと、自分自身を責めるようなこともしません。
ἐμοὶ γάρ, ὦ Σώκρατες, ἐπειδὴ καὶ πρὸς ἐμαυτὸν καὶ πρὸς τόνδε σκοπῶ τὰ εἰρημένα, οὐ πάνυ φαίνεται ἱκανῶς εἰρῆσθαι.
ソクラテス、私自身にとっても、またこのケベスにとっても、これまでに語られたことは全く十分に語られたとは思われないのです。
καὶ ὁ Σωκράτης, ἴσως γάρ, ἔφη, ὦ ἑταῖρε, ἀληθῆ σοι φαίνεται·
」するとソクラテスは言った。 「友よ、それはおそらくその通りなのだろう。
ἀλλὰ λέγε ὅπῃ δὴ οὐχ ἱκανῶς.
しかし、どの点が不十分と思われるのか言ってみてくれたまえ。 」