§83ΦΑΙΔ. — ὅπερ οὖν λέγω, γιγνώσκουσιν οἱ φιλομαθεῖς ὅτι οὕτω παραλαβοῦσα ἡ φιλοσοφία ἔχουσαν αὐτῶν τὴν ψυχὴν ἠρέμα παραμυθεῖται καὶ λύειν ἐπιχειρεῖ, ἐνδεικνυμένη ὅτι ἀπάτης μὲν μεστὴ ἡ διὰ τῶν ὀμμάτων σκέψις, ἀπάτης δὲ ἡ διὰ τῶν ὤτων καὶ τῶν ἄλλων αἰσθήσεων, πείθουσα δὲ ἐκ τούτων μὲν ἀναχωρεῖν, ὅσον μὴ ἀνάγκη αὐτοῖς χρῆσθαι, αὐτὴν δὲ εἰς αὑτὴν συλλέγεσθαι καὶ ἁθροίζεσθαι παρακελευομένη, πιστεύειν δὲ μηδενὶ ἄλλῳ ἀλλ’ ἢ αὐτὴν αὑτῇ, ὅτι ἂν νοήσῃ αὐτὴ καθ’ αὑτὴν αὐτὸ καθ’ αὑτὸ τῶν ὄντων·
——まさに私が言っているように、知を愛する者たちは、このように状態にある自分たちの魂を哲学が引き取ると、穏やかに慰め、解放しようと試みることを知っている。 その際、哲学は、目を通した観察は欺きに満ちており、耳やその他の感覚を通したものも欺きに満ちていることを示し、これら感覚を用いる必要がどうしてもない限りはそれらから退くように説得し、魂自体がそれ自体へと集まり、まとまるように勧め、また、魂がそれ自体として、実在するもののうちそれ自体としてあるものを思考する限り、それ自体以外の何ものも信じないように、説得するのである。
ὅτι δ’ ἂν δι’ ἄλλων σκοπῇ ἐν ἄλλοις ὂν ἄλλο, μηδὲν ἡγεῖσθαι ἀληθές·
他方で、他の器官を通して、他のものの内にある、変化する他者を観察する場合には、何ものも真実とはみなさないように（勧める）。
εἶναι δὲ τὸ μὲν τοιοῦτον αἰσθητόν τε καὶ ὁρατόν, ὃ δὲ αὐτὴ ὁρᾷ νοητόν τε καὶ ἀιδές.
そして、そのようなものは感覚され、目に見えるものであるが、魂自体が見るものは、知的で目に見えないものである（と示す）。
ταύτῃ οὖν τῇ λύσει οὐκ οἰομένη δεῖν ἐναντιοῦσθαι ἡ τοῦ ὡς ἀληθῶς φιλοσόφου ψυχὴ οὕτως ἀπέχεται τῶν ἡδονῶν τε καὶ ἐπιθυμιῶν καὶ λυπῶν καθ’ ὅσον δύναται, λογιζομένη ὅτι, ἐπειδάν τις σφόδρα ἡσθῇ ἢ φοβηθῇ ἢ ἐπιθυμήσῃ, οὐδὲν τοσοῦτον κακὸν ἔπαθεν ἀπ’ αὐτῶν ὧν ἄν τις οἰηθείη, οἷον ἢ νοσήσας ἤ τι ἀναλώσας διὰ τὰς ἐπιθυμίας, ἀλλ’ ὃ πάντων μέγιστόν τε κακῶν καὶ ἔσχατόν ἐστι, τοῦτο πάσχει καὶ οὐ λογίζεται αὐτό.
それゆえ、真の意味での哲学者の魂は、この解放に逆らうべきではないと考え、このように、できる限り快楽や欲望や苦痛を遠ざけるのである。 というのも、魂は次のことを計算に入れているからだ。 すなわち、人が激しく楽しんだり、恐れたり、欲望したりするとき、人は、病気になったり、欲望のために何かを浪費したりするような、一般に人が考えるような、それらから生じるそれほど大きな悪を被るのではなく、あらゆる悪の中で最大かつ極限のものを被るのであり、しかもそれを自覚していないということだ。
τί τοῦτο, ὦ Σώκρατες; ἔφη ὁ Κέβης.
「それは何ですか、ソクラテス」とケベスは言った。
ὅτι ψυχὴ παντὸς ἀνθρώπου ἀναγκάζεται ἅμα τε ἡσθῆναι σφόδρα ἢ λυπηθῆναι ἐπί τῳ καὶ ἡγεῖσθαι περὶ ὃ ἂν μάλιστα τοῦτο πάσχῃ, τοῦτο ἐναργέστατόν τε εἶναι καὶ ἀληθέστατον, οὐχ οὕτως ἔχον·
「あらゆる人間の魂は、何かに対して激しく楽しんだり苦しんだりすると同時に、自分が最も強くこの経験をしている対象を、そうではないにもかかわらず、最も明白であり最も真実であると考えざるを得なくなるということだ。
ταῦτα δὲ μάλιστα τὰ ὁρατά·
そして、これらは主に目に見えるものである。
ἢ οὔ;
そうではないかね。
πάνυ γε.
」「全くその通りです。
οὐκοῦν ἐν τούτῳ τῷ πάθει μάλιστα καταδεῖται ψυχὴ ὑπὸ σώματος;
」「では、この状態において、魂は体によって最も強く縛りつけられるのではないかね。
πῶς δή;
」「それはどのようにですか。
ὅτι ἑκάστη ἡδονὴ καὶ λύπη ὥσπερ ἧλον ἔχουσα προσηλοῖ αὐτὴν πρὸς τὸ σῶμα καὶ προσπερονᾷ καὶ ποιεῖ σωματοειδῆ, δοξάζουσαν ταῦτα ἀληθῆ εἶναι ἅπερ ἂν καὶ τὸ σῶμα φῇ.
」「なぜなら、それぞれの快楽や苦痛は、あたかも釘を持っているかのように、魂を体に釘づけし、留め、体のようなものにしてしまい、体が真実だと言うのと同じものを真実であると思い込ませるからだ。
ἐκ γὰρ τοῦ ὁμοδοξεῖν τῷ σώματι καὶ τοῖς αὐτοῖς χαίρειν ἀναγκάζεται οἶμαι ὁμότροπός τε καὶ ὁμότροφος γίγνεσθαι καὶ οἵα μηδέποτε εἰς Ἅιδου καθαρῶς ἀφικέσθαι, ἀλλὰ ἀεὶ τοῦ σώματος ἀναπλέα ἐξιέναι, ὥστε ταχὺ πάλιν πίπτειν εἰς ἄλλο σῶμα καὶ ὥσπερ σπειρομένη ἐμφύεσθαι, καὶ ἐκ τούτων ἄμοιρος εἶναι τῆς τοῦ θείου τε καὶ καθαροῦ καὶ μονοειδοῦς συνουσίας.
というのも、体と意見を同じくし、同じものを喜ぶことから、魂は性質も養育も体と同じようにならざるを得ず、ハデスへ決して清らかに至ることのできないものになってしまうと思うからだ。 むしろ、常に体に満たされた状態で体から出ていくので、すぐに再び別の体へと落ち、あたかも種をまかれるようにしてその中に根づいてしまい、その結果、神聖で清らかで単一なものとの交わりを分かち合えなくなってしまうのだ。
ἀληθέστατα, ἔφη, λέγεις, ὁ Κέβης, ὦ Σώκρατες.
」「全くその通りです、ソクラテス」とケベスは言った。
τούτων τοίνυν ἕνεκα, ὦ Κέβης, οἱ δικαίως φιλομαθεῖς κόσμιοί εἰσι καὶ ἀνδρεῖοι, οὐχ ὧν οἱ πολλοὶ ἕνεκά φασιν·
「それゆえ、ケベスよ、正しく知を愛する者たちは規律正しく勇敢なのであって、多くの人々が言うような理由からではないのだ。
ἢ σὺ οἴει;
それとも、君はそう思うかね。 」