§8οὐ μόνον τοίνυν, ὦ ἄνδρες δικασταί, τὰ κατὰ τὴν τριηραρχίαν ἀνήλισκον τότε οὕτω πολυτελῆ ὄντα, ἀλλὰ καὶ τῶν χρημάτων ὧν εἰς τὸν ἔκπλουν ἐψηφίσασθε εἰσενεχθῆναι μέρος οὐκ ἐλάχιστον ἐγὼ ὑμῖν προεισήνεγκα.
裁判員諸官、私は当時、そのように多額の費用がかかる三段櫂船装備職に関する費用を支出しただけでなく、出帆のために納付されるようあなたがたが議決した資金のうち、非常に大きな部分をあなたがたのために前納したのです。
δόξαν γὰρ ὑμῖν ὑπὲρ τῶν δημοτῶν τοὺς βουλευτὰς ἀπενεγκεῖν τοὺς προεισοίσοντας τῶν τε δημοτῶν καὶ τῶν ἐγκεκτημένων, προσαπηνέχθη μου τοὔνομα ἐν τριττοῖς δήμοις διὰ τὸ φανερὰν εἶναί μου τὴν οὐσίαν.
というのも、区民に代わって、区民および区内に財産を所有する者たちの中から税を前納する者を評議員たちが登録することがあなたがたによって決定されたため、私の財産が隠しようのないものであることから、私の名前は3つの区において追加登録されたからです。
§9καὶ τούτων ἐγώ, οὐδεμίαν πρόφασιν ποιησάμενος, ὅτι τριηραρχῶ καὶ οὐκ ἂν δυναίμην δύο λῃτουργίας λῃτουργεῖν οὐδὲ οἱ νόμοι ἐῶσιν, ἔθηκα τὰς προεισφορὰς πρῶτος.
そしてこれらの前納金について、私は、自分が三段櫂船装備職を務めており、2つの奉仕職（レイトゥルギア）を果たすことはできないし、法律もそれを許していないという口実を一切設けることなく、真っ先にこれを支払いました。
καὶ οὐκ εἰσεπραξάμην διὰ τὸ τότε μὲν ἀποδημεῖν ὑπὲρ ὑμῶν τριηραρχῶν, ὕστερον δὲ καταπλεύσας καταλαβεῖν τὰ μὲν εὔπορα ὑφʼ ἑτέρων προεξειλεγμένα, τὰ δʼ ἄπορα ὑπόλοιπα.
しかも私はそれを回収しませんでした。 なぜなら、当時はあなたがたのために三段櫂船装備職として海外に赴いており、後になって帰港したときには、回収しやすい分は他の人々によってすでに回収し尽くされており、回収困難な分だけが残されているのを知ったからです。
§10καὶ ταῦτα ὅτι ἀληθῆ λέγω πρὸς ὑμᾶς, τούτων ὑμῖν ἀναγνώσεται τὰς μαρτυρίας τῶν τε τὰ στρατιωτικὰ τότε εἰσπραττόντων καὶ τῶν ἀποστολέων, καὶ τοὺς μισθοὺς οὓς ταῖς ὑπηρεσίαις καὶ τοῖς ἐπιβάταις κατὰ μῆνα ἐδίδουν, παρὰ τῶν στρατηγῶν σιτηρέσιον μόνον λαμβάνων, πλὴν δυοῖν μηνοῖν μόνον μισθὸν ἐν πέντε μησὶν καὶ ἐνιαυτῷ, καὶ τοὺς ναύτας τοὺς μισθωθέντας, ὅσον ἕκαστος ἔλαβεν ἀργύριον, ἵνʼ ἐκ τούτων εἰδῆτε τὴν ἐμὴν προθυμίαν, καὶ οὗτος διʼ ὅ τι παραλαβεῖν παρʼ ἐμοῦ τὴν ναῦν οὐκ ἤθελεν, ἐπειδή μοι ὁ χρόνος ἐξῆλθεν τῆς τριηραρχίας.
そして、私がこれらのことについて真実を述べていることを示すために、書記があなたがたに、当時軍資金を徴収していた者たちや、艦隊派遣委員たちの証言、および私が専門の乗組員や海兵たちに毎月支払っていた給与の証言を朗読するでしょう。 私は将軍たちからは食費しか受け取っておらず、1年と5ヶ月の間に、わずか2ヶ月分の給与しか受け取っていなかったからです。 また、雇われた水兵たちと、各人がどれだけの金銭を受け取ったかという証言も（朗読されます）。 それは、あなたがたがこれらから私の熱意を知り、またこの男が、私の三段櫂船装備職の任期が終了したときに、なぜ私から船を引き継ぐことを望まなかったのかを知るためです。
ΜΑΡΤΥΡΙΑΙ.
証言。
§11ὅτι μὲν τοίνυν οὐ ψεύδομαι πρὸς ὑμᾶς περὶ ὧν εἶπον, ὦ ἄνδρες δικασταί, τῶν μαρτυριῶν ἀναγιγνωσκομένων ἀκηκόατε.
裁判員諸官、私が述べたことについて嘘を言っていないことは、証言が朗読されるのを聞いてお分かりになった通りです。
ἔτι δὲ περὶ ὧν μέλλω λέγειν, ἅπαντές μοι ὁμολογήσετε ὅτι ἀληθῆ ἐστιν.
さらに、これから述べようとすることについても、それが真実であることをあなたがた全員が私に同意してくださるでしょう。
τριήρους γὰρ ὁμολογεῖται κατάλυσις εἶναι, πρῶτον μέν, ἐὰν μὴ μισθόν τις διδῷ, δεύτερον δέ, ἐὰν εἰς τὸν Πειραιᾶ μεταξὺ καταπλεύσῃ·
というのも、三段櫂船の乗組員が解散に追い込まれる原因は、第一に給与が支払われない場合、第二に途中でペイライエウスに帰港する場合であることは一般に認められているからです。
ἀπόλειψίς τε γὰρ πλείστη γίγνεται, οἵ τε παραμένοντες τῶν ναυτῶν οὐκ ἐθέλουσιν πάλιν ἐμβαίνειν, ἐὰν μή τις αὐτοῖς ἕτερον ἀργύριον διδῷ ὥστε τὰ οἰκεῖα διοικήσασθαι.
なぜなら、帰港すると極めて多くの脱走が生じ、また残った水兵たちも、家庭の用事を片付けるための新たな手当が支給されない限り、再び船に乗り込むことを望まないからです。
ἃ ἐμοὶ ἀμφότερα συνέβη, ὦ ἄνδρες δικασταί, ὥστε πολυτελεστέραν μοι γενέσθαι τὴν τριηραρχίαν.
裁判員諸官、この両方が私に起こり、その結果、私の三段櫂船装備職の費用はさらに高額なものとなってしまいました。
§12καὶ γὰρ μισθὸν οὐδένα λαβὼν παρὰ τοῦ στρατηγοῦ ὀκτὼ μηνῶν, κατέπλευσα τοὺς πρέσβεις ἄγων διὰ τὸ ἄριστά μοι πλεῖν τὴν ναῦν, καὶ ἐνθένδε πάλιν, προσταχθέν μοι ὑπὸ τοῦ δήμου Μένωνα τὸν στρατηγὸν ἄγειν εἰς Ἑλλήσποντον ἀντὶ Αὐτοκλέους ἀποχειροτονηθέντος, ᾠχόμην ἀναγόμενος διὰ τάχους.
というのも、将軍からは8ヶ月間全く給与を受け取っていなかったにもかかわらず、私の船が最もよく進んだために、私は使節たちを乗せて帰港し、そしてここから再び、解任されたアウトクレスに代わってメノン将軍をヘレスポントスへ送り届けるよう民会から命じられたため、私は速やかに出帆して去って行ったからです。
καὶ ἀντὶ τῶν ἀπολιπόντων μὲν ναυτῶν ἑτέρους ἐμισθωσάμην ναύτας, δωρεὰς καὶ προδόσεις αὐτοῖς διδοὺς μεγάλας, τοῖς δὲ παραμείνασι τῶν ἀρχαίων ναυτῶν ἔδωκά τι εἰς διοίκησιν τῶν οἰκείων καταλιπεῖν πρὸς ᾧ πρότερον εἶχον, οὐκ ἀγνοῶν τὴν παροῦσαν χρείαν,
そして、離脱した水兵たちの代わりに別の水兵たちを雇い、彼らに多額の贈り物や前渡金を支払い、以前からの水兵で残ってくれた者たちには、以前に受け取っていたものに加えて、家族を養うために残しておくための金をいくらか与えました。 私は現実に彼らが必要としていることを知らなかったわけではないからです。
§13ὡς ἀναγκαία ἦν ἑκάστῳ, ἀπορῶν δὲ αὐτὸς ὡς μὰ τὸν Δία καὶ τὸν Ἀπόλλω οὐδεὶς ἄν μοι πιστεύσειεν, ὅστις μὴ ἀληθῶς παρηκολούθηκε τοῖς ἐμοῖς πράγμασιν.
それが各人にとってどれほど必要不可欠であったか（を知っていたからです）。 私自身、ゼウスとアポロンにかけて、私の事情を克明に追ってきた者でなければ誰も信じられないほど困窮していましたが。
ὑποθεὶς δὲ τὸ χωρίον Θρασυλόχῳ καὶ Ἀρχένεῳ, καὶ δανεισάμενος τριάκοντα μνᾶς παρʼ αὐτῶν καὶ διαδοὺς τοῖς ναύταις, ᾠχόμην ἀναγόμενος, ἵνα μηδὲν ἐλλείποι τῷ δήμῳ ὧν προσέταξε τὸ κατʼ ἐμέ.
しかし、私は所有地をトラシュロコスとアルケネオスに抵当に入れ、彼らから30ミナを借りて水兵たちに分配し、私に関する限り、民会が命令した事柄に何一つ欠けるところがないようにするために出帆して去りました。
καὶ ὁ δῆμος ἀκούσας ταῦτα ἐπῄνεσέν τέ με, καὶ ἐπὶ δεῖπνον εἰς τὸ πρυτανεῖον ἐκάλεσεν.
そして民会はこれを聞いて私を称賛し、プリュタネイオでの晩餐に招待しました。
καὶ ὡς ταῦτʼ ἀληθῆ λέγω, τούτων ὑμῖν ἀναγνώσεται τὴν μαρτυρίαν καὶ τὸ ψήφισμα τὸ τοῦ δήμου.
そして私がこれらについて真実を言っていることを示すために、書記があなたがたに証言と民会の決議案を朗読するでしょう。
ΜΑΡΤΥΡΙΑ. ΨΗΦΙΣΜΑ.
証言。 決議案。
§14ἐπειδὴ τοίνυν εἰς Ἑλλήσποντον ἤλθομεν, καὶ ὅ τε χρόνος ἐξεληλύθει μοι τῆς τριηραρχίας, καὶ μισθὸς οὐκ ἀπεδόθη τοῖς στρατιώταις ἀλλʼ ἢ δυοῖν μηνοῖν, ἕτερός τε στρατηγὸς ἧκεν Τιμόμαχος, καὶ οὗτος διαδόχους οὐκ ἄγων ἐπὶ τὰς ναῦς, ἀθυμήσαντές μοι πολλοὶ τοῦ πληρώματος ᾤχοντο ἀπολιπόντες τὴν ναῦν, οἱ μὲν εἰς τὴν ἤπειρον στρατευσόμενοι, οἱ δὲ εἰς τὰς Θασίων καὶ Μαρωνιτῶν ναῦς, μισθῷ μεγάλῳ πεισθέντες καὶ ἀργύριον πολὺ προλαβόντες καὶ ὑπὸ πολλῶν αὖ τῷ λόγῳ ἐξηπατημένοι.
さて、私たちがヘレスポントスに到着したとき、私の三段櫂船装備職の任期はすでに終了しており、また兵士たちにはわずか2ヶ月分しか給与が支払われておらず、新たな将軍ティモマコスが到着したものの、彼も船の交代要員を連れてきてはいなかったため、私の乗組員の多くは落胆し、船を捨てて去って行きました。 ある者は陸地での従軍のために、またある者はタソス人やマロネイア人の船の乗組員になるために。 彼らは高額の給与に引き付けられ、多額の前渡金を受け取り、さらに多くの言葉によって欺かれたからです。