§3πρῶτον μὲν οὖν δοκεῖ μοι τῆς ἔχθρας τὸ βλαβερώτατον ὠφελιμώτατον ἂν γενέσθαι τοῖς προσέχουσιν.
まず第一に、注意深くある人々にとっては、敵意の最も有害な部分こそが最も有益なものになり得ると私には思われる。
τί δὲ τοῦτʼ ἐστίν;
それはいかなることか。
ἐφεδρεύει σου τοῖς πράγμασιν ἐγρηγορὼς ὁ ἐχθρὸς ἀεὶ καὶ λαβὴν ζητῶν πανταχόθεν περιοδεύει τὸν βίον, οὐ διὰ δρυὸς μόνον ὁρῶν ὡς ὁ Λυγκεὺς οὐδὲ διὰ λίθων καὶ ὀστράκων, ἀλλὰ καὶ διὰ φίλου καὶ οἰκέτου καὶ διὰ συνήθους παντὸς ὡς ἀνυστόν ἐστι φωρῶν τὰ πραττόμενα καὶ τὰ βουλευόμενα διορύττων καὶ διερευνώμενος.
敵は常に目を光らせてあなたの事柄を監視し、至る所からつけ込む隙を探しながら生活を巡回している。 まるでリュンケウスのように柏の木を通してのみ見るのではなく、また石や貝殻を通してでもなく、友人や召使い、そしてあらゆる親しい者を通して、可能な限り、なされていることを暴き、企てられていることを掘り起こし、探り出そうとしながら。
οἱ μὲν γὰρ φίλοι καὶ νοσοῦντες ἡμᾶς πολλάκις καὶ ἀποθνῄσκοντες λανθάνουσιν ἀμελοῦντας καὶ ὀλιγωροῦντας, τῶν δʼ ἐχθρῶν μονονουχὶ καὶ τοὺς ὀνείρους πολυπραγμονοῦμεν·
というのも、友人が病気になったり死にかけていたりしても、私たちが怠慢で軽視しているためにしばしば気づかずに終わるが、敵については、私たちはほとんどその夢までも詮索するからである。
νόσοι δὲ καὶ δανεισμοὶ καὶ διαφοραὶ πρὸς γυναῖκας αὐτοὺς ἐκείνους μᾶλλον ἢ τὸν ἐχθρὸν λανθάνουσι.
また、友人たち自身の病気や借金、妻との不和は、その敵以上に、彼ら自身にすら気づかれないことの方が多い。
μάλιστα δὲ τῶν ἁμαρτιῶν ἔχεται καὶ ταύτας ἐξιχνεύει.
敵は特に過ちにしがみつき、これらを追跡する。
καὶ καθάπερ οἱ γῦπες ἐπὶ τὰς ὀσμὰς τῶν διεφθορότων σωμάτων φέρονται, τῶν δὲ καθαρῶν καὶ ὑγιαινόντων αἴσθησιν οὐκ ἔχουσιν, οὕτω τὰ νοσοῦντα τοῦ βίου καὶ φαῦλα καὶ πεπονθότα κινεῖ τὸν ἐχθρόν, καὶ πρὸς ταῦθʼ οἱ μισοῦντες ᾄττουσι καὶ τούτων ἅπτονται καὶ σπαράττουσι.
そして、ハゲタカが腐敗した体の臭いに向かって飛び、清潔で健康な体には気づかないように、生活の中の病んだ箇所、醜い箇所、傷んだ箇所が敵を動かし、憎む者たちはこれらに向かって突進し、これらに取り付き、引き裂くのである。
τοῦτʼ οὖν ὠφέλιμόν ἐστι;
それでは、これが有益だというのはどういうことか。
πάνυ μὲν οὖν, εὐλαβούμενον ζῆν καὶ προσέχειν ἑαυτῷ καὶ μήτε πράττειν μηδὲν ὀλιγώρως καὶ ἀπερισκέπτως μήτε λέγειν, ἀλλʼ ἀεὶ διαφυλάττειν ὥσπερ ἐν ἀκριβεῖ διαίτῃ τὸν βίον ἀνεπίληπτον·
大いに有益である。 慎重に生き、自分自身に注意を払い、何も軽率かつ無思慮に行わず、また言わず、むしろ厳格な養生法におけるように、常に生活を非難の余地なく保つことになるからである。
ἡ γὰρ οὕτω συστέλλουσα τὰ πάθη καὶ συνέχουσα τὸν λογισμὸν εὐλάβεια μελέτην ἐμποιεῖ καὶ προαίρεσιν τοῦ ζῆν ἐπιεικῶς καὶ ἀνεγκλήτως.
というのも、そのように情念を抑え込み、理性を維持する慎重さは、端正に、かつ非難されることなく生きるための訓練と決意を生み出すからである。
καθάπερ γὰρ αἱ πολέμοις ἀστυγειτονικοῖς καὶ στρατείαις ἐνδελεχέσι σωφρονιζόμεναι πόλεις εὐνομίαν καὶ πολιτείαν ὑγιαίνουσαν ἠγάπησαν, οὕτως οἱ διʼ ἔχθρας τινὰς ἀναγκασθέντες ἐπινήφειν τῷ βίῳ καὶ φυλάττεσθαι τὸ ῥᾳθυμεῖν καὶ καταφρονεῖν καὶ μετʼ εὐχρηστίας ἕκαστα πράττειν λανθάνουσιν εἰς τὸ ἀναμάρτητον ὑπὸ τῆς συνηθείας ἀγόμενοι καὶ κατακοσμούμενοι τὸν τρόπον, ἂν καὶ μικρὸν ὁ λόγος συνεπιλαμβάνηται.
近隣との戦争や絶え間ない軍事行動によって自制を促された都市国家が、秩序ある法と健全な国制を愛するようになったように、ある種の敵対関係によって、生活において目覚め、怠惰や慢心を警戒し、それぞれの事柄を有用性を伴って行うことを余儀なくされた人々は、たとえ理性がほんの少ししか手助けしてくれなくとも、習慣に導かれ、自らの生き方を美しく整えることで、いつの間にか過ちのない状態へと至るのである。
τὸ γάρ
"
ἦ κεν γηθήσαι Πρίαμος Πριάμοιό τε παῖδες
"
οἷς ἐστιν ἀεὶ πρόχειρον, ἐπιστρέφει καὶ διατρέπει καὶ ἀφίστησι τῶν τοιούτων ἐφʼ οἷς οἱ ἐχθροὶ χαίρουσι καὶ καταγελῶσι.
なぜなら、 "まことにプリアモスとプリアモスの子らは喜ぶことだろう "という言葉が常に念頭にある人々においては、その言葉が、敵が喜び嘲笑うような、そのような事柄から彼らを顔を背けさせ、そらし、遠ざけるからである。
καὶ μὴν τοὺς περὶ τὸν Διόνυσον τεχνίτας ὁρῶμεν ἐκλελυμένους καὶ ἀπροθύμους καὶ οὐκ ἀκριβῶς πολλάκις ἀγωνιζομένους ἐν τοῖς θεάτροις ἐφʼ ἑαυτῶν·
実際、私たちはディオニュソスの芸人たちが、自分たちだけで演じるときには、しばしば劇場の舞台で気が緩み、やる気を出さず、不正確に競い合っているのを目にする。
ὅταν δʼ ἅμιλλα καὶ ἀγὼν γένηται πρὸς ἑτέρους, οὐ μόνον αὑτοὺς ἀλλὰ καὶ τὰ ὄργανα μᾶλλον συνεπιστρέφουσι, χορδολογοῦντες καὶ ἀκριβέστερον ἁρμοζόμενοι καὶ καταυλοῦντες.
しかし、他者との競争や対決が生じると、彼らは自分自身を正すだけでなく、楽器の弦を調整し、より正確に調律し、笛を吹くなど、楽器をもよりいっそう調整する。
ὅστις οὖν οἶδεν ἀνταγωνιστὴν βίου καὶ δόξης τὸν ἐχθρὸν ὄντα, προσέχει μᾶλλον αὑτῷ, καὶ τὰ πράγματα περισκοπεῖ καὶ διαρμόζεται τὸν βίον.
それゆえ、敵が自らの生活と名声の競争相手であることを知っている者は、よりいっそう自分自身に注意を払い、事柄を警戒深く見渡し、生活を調整する。
ἐπεὶ καὶ τοῦτο τῆς κακίας ἴδιόν ἐστι, τὸ τοὺς ἐχθροὺς αἰσχύνεσθαι μᾶλλον ἢ τοὺς φίλους ἐφʼ οἷς ἐξαμαρτάνομεν.
なぜなら、自分たちが犯す過ちについて、友人よりもむしろ敵に対して恥じるというのは、邪悪さに固有の特徴だからである。
ὅθεν ὁ Νασικᾶς, οἰομένων τινῶν καὶ λεγόντων ἐν ἀσφαλεῖ γεγονέναι τὰ Ῥωμαίων πράγματα Καρχηδονίων μὲν ἀνῃρημένων Ἀχαιῶν δὲ δεδουλωμένων,
νῦν μὲν οὖν
εἶπεν
ἐπισφαλῶς ἔχομεν, μήθʼ οὓς φοβηθῶμεν μήθʼ οὓς αἰσχυνθῶμεν ἑαυτοῖς ἀπολελοιπότες
それゆえナシカは、カルタゴ人が滅ぼされ、アカイア人が奴隷化されたことで、ローマの国家は安泰な状態になったとある人々が考えたり言ったりしていたときに、「それどころか、今や私たちは危うい状態にある。 私たちが恐れるべき者も、私たちが恥じるべき者も、自分たちに残していないのだから」と言った。