§4.1τῆς δὲ πολιτείας ὁ μὲν Ἆγις ἔοικεν ἅψασθαι μαλακώτερον, ἐκκρουσθεὶς ὑπὸ Ἀγησιλάου καὶ ψευσάμενος τὸν ἀναδασμὸν τοῖς πολίταις, καὶ ὅλως ἐλλιπὴς καὶ ἀτελὴς ὧν προείλετο καὶ κατήγγειλεν ὑπὸ ἀτολμίας διὰ τὴν ἡλικίαν γενόμενος·
国政の改革に、アギスはより生ぬくく着手したように思われる。 彼はアゲシラオスによって方針を妨げられ、市民たちに対して土地の再分配を約束しながら偽ることになり、年齢の若さゆえの気後れから、自分が企図し宣言したことについて、全体として不十分で不徹底なものとなってしまったからである。
ὁ δὲ Κλεομένης τοὐναντίον θρασύτερον καὶ βιαιότερον ἐπὶ τὴν μεταβολὴν ἦλθε τῆς πολιτείας, ἀποκτείνας τοὺς ἐφόρους παρανόμως, οὓς καὶ προσαγαγέσθαι τοῖς ὅπλοις κρατοῦντα καὶ μεταστῆσαι ῥᾴδιον ἦν, ὥσπερ οὐκ ὀλίγους ἄλλους μετέστησεν ἐκ τῆς πόλεως.
他方、クレオメネスはそれとは逆に、より大胆に、またより暴力的に国制の変革へと進んだ。 彼はエポロスたちを不法に殺害したが、武力によって優位に立っている者にとっては、彼らを味方に引き入れることも、あるいは（他の少なからぬ人々を市から追放したように）追放することも容易であったはずである。
§4.2τὸ γὰρ ἄνευ τῆς ἐσχάτης ἀνάγκης ἐπιφέρειν σίδηρον οὔτε ἰατρικὸν οὔτε πολιτικόν, ἀλλʼ ἀτεχνίας μὲν ἀμφότερα, τούτῳ δὲ καὶ τὸ ἀδικεῖν μετʼ ὠμότητος πρόσεστι.
というのも、極限の必要性（やむにやまれぬ事情）なしに刃を用いることは、医師のやり方でも政治家のやり方でもなく、むしろ両者ともに未熟さの現れであるが、彼（クレオメネス）においては、さらに残虐さを伴う不当行為も加わっている。
τῶν δὲ Γράγχων οὐδέτερος μὲν ἤρξατο σφαγῆς ἐμφυλίου, Γάιος δὲ λέγεται μηδὲ βαλλόμενος ὁρμῆσαι πρὸς ἄμυναν, ἀλλὰ λαμπρότατος ὢν ἐν τοῖς πολεμικοῖς ἀργότατος ἐν τῇ στάσει γενέσθαι.
他方、グラックス兄弟のどちらも同胞同士の殺戮を始めることはなく、ガイウスにいたっては、石などを投げつけられてさえ反撃へと向かおうとはせず、むしろ軍事においてはきわめて輝かしい功績を立てたものの、内紛においてはきわめて消極的であったと言われている。
§4.3καὶ γὰρ προῆλθεν ἄοπλος καὶ μαχομένων ἀνεχώρησε, καὶ ὅλως πλείονα τοῦ μή τι δρᾶσαι πρόνοιαν ἢ τοῦ μὴ παθεῖν ἔχων ἑωρᾶτο.
実際、彼は丸腰で進み出、人々が戦っている最中に退却した。 そして全体として、自分が（他者に）危害を加えないことへの配慮を、自分が（危害を）被らないことへの配慮よりも多く払っている姿が見られた。
διὸ καὶ τὴν φυγὴν αὐτῶν οὐκ ἀτολμίας σημεῖον, ἀλλʼ εὐλαβείας ποιητέον.
それゆえ彼らの逃亡も、臆病さの現れではなく、慎重さの表れとみなさねばならない。
ἔδει γὰρ ὑπεῖξαι τοῖς ἐπιφερομένοις ἢ μένοντας ὑπὲρ τοῦ μὴ παθεῖν τῷ δρᾶν ἀμύνασθαι.
なぜなら、襲いかかる者たちに対して身をかわす（譲る）か、さもなければ、その場にとどまって自分が危害を被らないために行動を起こすこと（＝戦うこと）によって反撃するかの、いずれかでなければならなかったからである。