§3.1ἀπʼ ἄλλης τοίνυν ἀρχῆς, ἐν ταῖς στρατηγίαις καὶ τοῖς πολεμικοῖς, ἀριθμῷ μὲν τροπαίων καὶ μεγέθει δυνάμεων ἃς ἐπηγάγετο Πομπήϊος, καὶ πλήθει παρατάξεων ἃς ἐνίκησεν, οὐδʼ ἂν ὁ Ξενοφῶν μοι δοκεῖ παραβαλεῖν τὰς Ἀγησιλάου νίκας, ᾧ διὰ τἆλλα καλὰ καθάπερ γέρας ἐξαίρετον δέδοται καὶ γράφειν ὃ βούλοιτο καὶ λέγειν περὶ τοῦ ἀνδρός.
したがって、別の観点、すなわち将軍職としての指揮や軍事上の業績から見ると、ポンペイウスが獲得した戦勝記念碑の数や、彼が率いた軍勢の規模、そして彼が勝利した会戦の多さにおいては、クセノポンであってもアゲシラオスの勝利をそれと比較することはできないだろうと私は思う。 そのクセノポンには、アゲシラオスの他の優れた美徳のゆえに、いわば特別な特権として、この人物について望むことを書き、語る権利が与えられているのであるが。
§3.2οἶμαι δὲ καὶ τῇ πρὸς τοὺς πολεμίους ἐπιεικείᾳ διαφέρειν τὸν ἄνδρα τοῦ ἀνδρός.
しかし、敵に対する温情においては、一方の男が他方の男より優れていると私は考える。
ὁ μὲν γὰρ ἀνδραποδίσασθαι Θήβας καὶ Μεσσήνην ἐξοικίσασθαι βουλόμενος, ἣν μὲν ὁμόκληρον τῆς πατρίδος, ἣν δὲ μητρόπολιν τοῦ γένους, παρʼ οὐδὲν ἦλθε τὴν Σπάρτην ἀποβαλεῖν, ἀπέβαλε δὲ τὴν ἡγεμονίαν ὁ δὲ καὶ τῶν πειρατῶν τοῖς μεταβαλομένοις πόλεις ἔδωκε, καὶ Τιγράνην τὸν Ἀρμενίων βασιλέα γενόμενον ἐφʼ ἑαυτῷ θριαμβεῦσαι σύμμαχον ἐποιήσατο, φήσας ἡμέρας μιᾶς αἰῶνα προτιμᾶν.
なぜなら、後者（アゲシラオス）は、一方は祖国と同格であり、他方は自らの民族の母都市であったテーバイを奴隷化しメッセネから住民を退去させることを望むあまり、スパルタ自体を失う一歩手前まで追い込み、そして（実際に）覇権を失ってしまったからである。 これに対して前者（ポンペイウス）は、海賊のうちで生き方を改めた者たちに都市を与え、また、自身の支配下に入り、凱旋式の獲物となる身であったアルメニアの王ティグラネスを同盟者とし、「一日の栄光よりも生涯にわたる友好を重んじる」と述べた。
§3.3εἰ μέντοι τοῖς μεγίστοις καὶ κυριωτάτοις εἰς τὰ ὅπλα πράγμασι καὶ λογισμοῖς προστίθεται πρωτεῖον ἀρετῆς ἀνδρὸς ἡγεμόνος, οὐ μικρὸν ὁ Λάκων τὸν Ῥωμαῖον ἀπολέλοιπε.
しかしながら、もし軍事における最も重大かつ決定的な行動と判断力において、指揮官としての徳の首位が与えられるべきであるとするならば、あのスパルタ人はローマ人に大きく後れを取っている。
πρῶτον μὲν γὰρ οὐ προήκατο τὴν πόλιν οὐδʼ ἐξέλιπεν ἑπτὰ μυριάσι στρατοῦ τῶν πολεμίων ἐμβαλόντων, ὀλίγους ἔχων ὁπλίτας καὶ προνενικημένους ἐν Λεύκτροις·
なぜなら第一に、彼はわずかな重装歩兵しか有しておらず、それもレウクトラで既に敗北を喫した者たちであったにもかかわらず、七万の敵軍が侵入してきたときにも都市を見捨てることもなく、退散もしなかったからである。
§3.4Πομπήϊος δέ, πεντακισχιλίοις μόνοις καὶ τριακοσίοις μίαν Καίσαρος πόλιν Ἰταλικὴν καταλαβόντος, ἐξέπεσε τῆς Ῥώμης ὑπὸ δέους, ἢ τοσούτοις εἴξας ἀγεννῶς ἢ πλείονας ψευδῶς εἰκάσας·
これに対しポンペイウスは、カエサルがわずか五千三百人の兵でイタリアの一都市を占領しただけで、恐怖のあまりローマから逃げ出した。 それほど少数の敵に卑怯にも屈服したか、あるいは敵の数を誤って過大に推測したかのいずれかによってである。
καὶ συσκευασάμενος τὰ τέκνα καὶ τὴν γυναῖκα αὑτοῦ, τὰς δὲ τῶν ἄλλων πολιτῶν ἐρήμους ἀπολιπὼν ἔφυγε, δέον ἢ κρατεῖν μαχόμενον ὑπὲρ τῆς πατρίδος ἢ δέχεσθαι διαλύσεις παρὰ τοῦ κρείττονος·
そして、自分の子供たちと妻を荷物にまとめて連れ出し、他の市民たちの妻子を保護者なしに放置したまま逃亡した。 本来なら、祖国のために戦って勝利を収めるか、あるいはより強大な相手からの和解案を受け入れるべきであったのに。
ἦν γὰρ πολίτης καὶ οἰκεῖος·
なぜなら、相手は同胞市民であり親族でもあったのだから。
§3.5νῦν δὲ ᾧ στρατηγίας χρόνον ἐπιμετρῆσαι καὶ ὑπατείαν ψηφίσασθαι δεινὸν ἡγεῖτο, τούτῳ παρέσχε λαβόντι τὴν πόλιν εἰπεῖν πρὸς Μέτελλον ὅτι κἀκεῖνον αἰχμάλωτον αὑτοῦ νομίζει καὶ τοὺς ἄλλους ἅπαντας.
しかし実際には、将軍職の任期を延長することや執政官職を可決することを不当（恐ろしいこと）と考えていた相手に対して、その相手がローマの都市を手に入れた上で、メテッルスに向かって、彼も他のすべての市民も自分の捕虜とみなしていると言う機会を与えてしまったのである。