§7.28.1ἥ τε τῶν ἐπιτηδείων παρακομιδὴ ἐκ τῆς Εὐβοίας, πρότερον ἐκ τοῦ Ὠρωποῦ κατὰ γῆν διὰ τῆς Δεκελείας θάσσων οὖσα, περὶ Σούνιον κατὰ θάλασσαν πολυτελὴς ἐγίγνετο·
また、エウボイアからの物資の輸送は、以前はオロポスから陸路でデケレイアを経由する迅速なものであったが、スニオン岬を回る海路で行わざるを得なくなり、費用がかさむようになった。
τῶν τε πάντων ὁμοίως ἐπακτῶν ἐδεῖτο ἡ πόλις, καὶ ἀντὶ τοῦ πόλις εἶναι φρούριον κατέστη.
都市は同様にあらゆる輸入物資を必要とし、都市である代わりに砦となってしまった。
§7.28.2πρὸς γὰρ τῇ ἐπάλξει τὴν μὲν ἡμέραν κατὰ διαδοχὴν οἱ Ἀθηναῖοι φυλάσσοντες, τὴν δὲ νύκτα καὶ ξύμπαντες πλὴν τῶν ἱππέων, οἱ μὲν ἐφ’ ὅπλοις † ποιούμενοι †, οἱ δ’ ἐπὶ τοῦ τείχους, καὶ θέρους καὶ χειμῶνος ἐταλαιπωροῦντο.
というのも、アテナイ人は胸壁において、昼は交代で守備を行い、夜は騎兵を除く全員が、ある者は武装した状態で、ある者は壁の上で、夏も冬も苦労していたからである。
§7.28.3μάλιστα δ’ αὐτοὺς ἐπίεζεν ὅτι δύο πολέμους ἅμα εἶχον, καὶ ἐς φιλονικίαν καθέστασαν τοιαύτην ἣν πρὶν γενέσθαι ἠπίστησεν ἄν τις ἀκούσας.
彼らを最も苦しめたのは、二つの戦争を同時に抱えていることであり、それが現実となる前であれば聞いた誰もが信じなかったであろうほどの強烈な執念に陥っていたことであった。
τὸ γὰρ αὐτοὺς πολιορκουμένους ἐπιτειχισμῷ ὑπὸ Πελοποννησίων μηδ’ ὣς ἀποστῆναι ἐκ Σικελίας, ἀλλ’ ἐκεῖ Συρακούσας τῷ αὐτῷ τρόπῳ ἀντιπολιορκεῖν, πόλιν οὐδὲν ἐλάσσω αὐτήν γε καθ’ αὑτὴν τῆς τῶν Ἀθηναίων, καὶ τὸν παράλογον τοσοῦτον ποιῆσαι τοῖς Ἕλλησι τῆς δυνάμεως καὶ τόλμης, ὅσον κατ᾽ ἀρχὰς τοῦ πολέμου οἱ μὲν ἐνιαυτόν, οἱ δὲ δύο, οἱ δὲ τριῶν γε ἐτῶν οὐδεὶς πλείω χρόνον ἐνόμιζον περιοίσειν αὐτούς, εἰ οἱ Πελοποννήσιοι ἐσβάλοιεν ἐς τὴν χώραν, ὥστε ἔτει ἑπτακαιδεκάτῳ μετὰ τὴν πρώτην ἐσβολὴν ἦλθον ἐς Σικελίαν ἤδη τῷ πολέμῳ κατὰ πάντα τετρυχωμένοι, καὶ πόλεμον οὐδὲν ἐλάσσω προσανείλοντο τοῦ πρότερον ὑπάρχοντος ἐκ Πελοποννήσου.
ペロポネソス人による要塞構築によって自らが包囲されているにもかかわらず、それでもなおシケリアから撤退せず、それどころか現地で、それ自体としてアテナイの都市に劣らない規模の都市であるシラクサを同様の方法で包囲し返していたこと、そして、ギリシア人に対して、戦争の初めには、もしペロポネソス人が彼らの国土に侵入すれば、ある者は1年、ある者は2年、どれほど長く見積もる者でも3年以上は彼らが持ちこたえることはないと誰もが考えていたのに対して、自らの力と大胆さについてそれほどの予想を裏切る驚きを与えたことは、実に驚くべきことであった。 その結果、最初の侵入から17年目に彼らはシケリアに赴いたが、その時にはすでに戦争によってあらゆる点で疲弊しきっていたにもかかわらず、ペロポネソスからのそれ以前に存在していた戦争に劣らない規模の戦争を、さらに自ら引き受けたのであった。
§7.28.4δι’ ἃ καὶ τότε ὑπό τε τῆς Δεκελείας πολλὰ βλαπτούσης καὶ τῶν ἄλλων ἀναλωμάτων μεγάλων προσπιπτόντων ἀδύνατοι ἐγένοντο τοῖς χρήμασιν.
このため、当時デケレイアが多大な損害を与えていたことと、他の巨額の出費が次々に重なったことにより、彼らは資金的に持ちこたえられなくなった。
καὶ τὴν εἰκοστὴν ὑπὸ τοῦτον τὸν χρόνον τῶν κατὰ θάλασσαν ἀντὶ τοῦ φόρου τοῖς ὑπηκόοις ἐποίησαν, πλείω νομίζοντες ἂν σφίσι χρήματα οὕτω προσιέναι.
そして、この時期に、貢納金の代わりに支配下の諸都市に対して海上貿易に対する20分の1の税を課した。 このようにすれば、自分たちにより多くの資金が入ってくると考えたからである。
αἱ μὲν γὰρ δαπάναι οὐχ ὁμοίως καὶ πρίν, ἀλλὰ πολλῷ μείζους καθέστασαν, ὅσῳ καὶ μείζων ὁ πόλεμος ἦν·
出費は以前のようではなく、戦争の規模が大きくなった分だけ、はるかに増大していたからである。
αἱ δὲ πρόσοδοι ἀπώλλυντο.
他方で、収入は失われつつあった。