§5.33.1Λακεδαιμόνιοι δὲ τοῦ αὐτοῦ θέρους πανδημεὶ ἐστράτευσαν, Πλειστοάνακτος τοῦ Παυσανίου Λακεδαιμονίων Βασιλέως ἡγουμένου, τῆς Ἀρκαδίας ἐς Παρρασίους, Μαντινέων ὑπηκόους ὄντας, κατὰ στάσιν ἐπικαλεσαμένων σφᾶς, ἅμα δὲ καὶ τὸ ἐν Κυψέλοις τεῖχος ἀναιρήσοντες, ἢν δύνωνται, ὃ ἐτείχισαν Μαντινῆς καὶ αὐτοὶ ἐφρούρουν, ἐν τῇ Παρρασικῇ κείμενον ἐπὶ τῇ Σκιρίτιδι τῆς Λακωνικῆς.
他方、ラケダイモン人は同じ夏の間に、パウサニアスの子であるラケダイモン人の王プレイストアナクスの率いるもと、全軍を挙げて、マンティネイア人の服属下にあったアルカディアのパッラシア人のもとへと遠征した。 これは、パッラシア人が内紛のために彼らを招き入れたためであり、また同時に、もし可能であれば、マンティネイア人が築いて自ら守備していた、ラコニアのスキリティス地方に隣接するパッラシア地方に位置するキュプセラの砦を破壊しようとしてのことであった。
§5.33.2καὶ οἱ μὲν Λακεδαιμόνιοι τὴν γῆν τῶν Παρρασίων ἐδῄουν, οἱ δὲ Μαντινῆς τὴν πόλιν Ἀργείοις φύλαξι παραδόντες αὐτοὶ τὴν ξυμμαχίδα ἐφρούρουν·
そして、ラケダイモン人がパッラシア人の土地を荒らす一方で、マンティネイア人は自分たちの市をアルゴス人の守備兵に委ね、自らは同盟地域を守備した。
ἀδύνατοι δ’ ὄντες διασῶσαι τό τε ἐν Κυψέλοις τεῖχος καὶ τὰς ἐν Παρρασίοις πόλεις ἀπῆλθον.
しかし、キュプセラの砦とパッラシアの町々の双方を守り通すことは不可能であるとわかり、彼らは退去した。
§5.33.3Λακεδαιμόνιοι δὲ τούς τε Παρρασίους αὐτονόμους ποιήσαντες καὶ τὸ τεῖχος καθελόντες ἀνεχώρησαν ἐπ’ οἴκου.
そこでラケダイモン人は、パッラシア人を独立させ、砦を取り壊したうえで帰国した。