§5.32.1περὶ δὲ τοὺς αὐτοὺς χρόνους τοῦ θέρους τούτου Σκιωναίους μὲν Ἀθηναῖοι ἐκπολιορκήσαντες ἀπέκτειναν τοὺς ἡβῶντας, παῖδας δὲ καὶ γυναῖκας ἠνδραπόδισαν, καὶ τὴν γῆν Πλαταιεῦσιν ἔδοσαν νέμεσθαι, Δηλίους δὲ κατήγαγον πάλιν ἐς Δῆλον, ἐνθυμούμενοι τάς τε ἐν ταῖς μάχαις ξυμφορὰς καὶ τοῦ ἐν Δελφοῖς θεοῦ χρήσαντος.
同じ年の夏の同じ頃、アテナイ人はスキオネを包囲攻撃の末に陥落させ、成人男性を殺害し、子供と女性を奴隷にし、その土地をプラタイア人に耕作のために与えた。 また、戦いにおける不運やデルポイの神の神託を考慮して、デーロス人を再びデーロス島へ帰還させた。
§5.32.2καὶ Φωκῆς καὶ Λοκροὶ ἤρξαντο πολεμεῖν.
また、ポキス人とロクリス人が戦争を始めた。
§5.32.3καὶ Κορίνθιοι καὶ Ἀργεῖοι ἤδη ξύμμαχοι ὄντες ἔρχονται ἐς Τεγέαν ἀποστήσοντες Λακεδαιμονίων, ὁρῶντες μέγα μέρος ὂν καί, εἰ σφίσι προσγένοιτο, νομίζοντες ἅπασαν ἂν ἔχειν Πελοπόννησον.
そして、すでに同盟関係にあったコリントス人とアルゴス人は、テゲアをラケダイモン人から離反させようとして同地へ赴いた。 テゲアが大きな勢力であり、もしそれが自分たちに加われば、ペロポネソス全体を支配できるだろうと考えたからである。
§5.32.4ὡς δὲ οὐδὲν ἂν ἔφασαν ἐναντιωθῆναι οἱ Τεγεᾶται Λακεδαιμονίοις, οἱ Κορίνθιοι μέχρι τούτου προθύμως πράσσοντες ἀνεῖσαν τῆς φιλονικίας καὶ ὠρρώδησαν μὴ οὐδεὶς σφίσιν ἔτι τῶν ἄλλων προσχωρῇ.
しかし、テゲア人がラケダイモン人にはいささかも敵対することはないと言ったため、それまで熱心に事を進めていたコリントス人はその対抗心を和らげ、他の誰もこれ以上自分たちに味方しなくなるのではないかと恐れた。
§5.32.5ὅμως δὲ ἐλθόντες ἐς τοὺς Βοιωτοὺς ἐδέοντο σφῶν τε καὶ Ἀργείων γίγνεσθαι ξυμμάχους καὶ τἆλλα κοινῇ πράσσειν·
それでも彼らはボイオティア人のもとへ赴き、自分たちおよびアルゴス人の同盟者となり、その他のことも共同で行うよう求めた。
τάς τε δεχημέρους ἐπισπονδάς, αἳ ἦσαν Ἀθηναίοις καὶ Βοιωτοῖς πρὸς ἀλλήλους οὐ πολλῷ ὕστερον γενόμεναι [τούτων] τῶν πεντηκοντουτίδων σπονδῶν, ἐκέλευον οἱ Κορίνθιοι τοὺς Βοιωτοὺς ἀκολουθήσαντας Ἀθήναζε καὶ σφίσι ποιῆσαι, [ὥσπερ Βοιωτοὶ εἶχον,] μὴ δεχομένων δὲ Ἀθηναίων ἀπειπεῖν τὴν ἐκεχειρίαν καὶ τὸ λοιπὸν μὴ σπένδεσθαι ἄνευ αὐτῶν.
また、あの50年平和条約からそれほど経たないうちにアテナイ人とボイオティア人の間で結ばれていた、十日ごとに更新される休戦協定について、コリントス人はボイオティア人に対し、自分たちと一緒にアテナイへ赴き、[ボイオティア人が持っているのと同様に] コリントス人のためにもそれを結んでくれるよう要求した。 そして、もしアテナイ人がこれを受け入れないならば、休戦を破棄し、今後は自分たち抜きでは条約を結ばないようにと求めた。
§5.32.6Βοιωτοὶ δὲ δεομένων τῶν Κορινθίων περὶ μὲν τῆς Ἀργείων ξυμμαχίας ἐπισχεῖν αὐτοὺς ἐκέλευον, ἐλθόντες δὲ Ἀθήναζε μετὰ Κορινθίων οὐχ ηὕροντο τὰς δεχημέρους σπονδάς, ἀλλ᾽ ἀπεκρίναντο οἱ Ἀθηναῖοι Κορινθίοις εἶναι σπονδάς, εἴπερ Λακεδαιμονίων εἰσὶ ξύμμαχοι.
ボイオティア人は、コリントス人のこの要請に対し、アルゴス人との同盟については決定を保留するようにと彼らに求め、コリントス人と共にアテナイへ赴いたものの、十日間の休戦協定を得ることはできなかった。 アテナイ人は、コリントス人がラケダイモン人の同盟者であるならば、すでに条約が存在している、と答えたからである。
§5.32.7Βοιωτοὶ μὲν οὖν οὐδὲν μᾶλλον ἀπεῖπον τὰς δεχημέρους, ἀξιούντων καὶ αἰτιωμένων Κορινθίων ξυνθέσθαι σφίσιν·
そこで、ボイオティア人は、コリントス人が共同で条約を結ぶよう要求し非難したにもかかわらず、アテナイ人との十日間の休戦協定をいささかも破棄しなかった。
Κορινθίοις δὲ ἀνοκωχὴ ἄσπονδος ἦν πρὸς Ἀθηναίους.
そのため、コリントス人とアテナイ人の間には、条約のない休戦状態が続いていた。