§2.90.1τοιαῦτα δὲ καὶ ὁ Φορμίων παρεκελεύσατο.
フォルミオンもまた、このように励ました。
οἱ δὲ Πελοποννήσιοι, ἐπειδὴ αὐτοῖς οἱ Ἀθηναῖοι οὐκ ἐπέπλεον ἐς τὸν κόλπον καὶ τὰ στενά, βουλόμενοι ἄκοντας ἔσω προαγαγεῖν αὐτούς, ἀναγαγόμενοι ἅμα ἕῳ ἔπλεον, ἐπὶ τεσσάρων ταξάμενοι τὰς ναῦς ἐπὶ τὴν ἑαυτῶν γῆν, ἔσω ἐπὶ τοῦ κόλπου, δεξιῷ κέρᾳ ἡγουμένῳ, ὥσπερ καὶ ὥρμουν·
一方ペロポネソス人は、アテナイ人が自分たちに向かって湾内や狭水域へと船を進めてこないのを見て、彼らをいやいやながらも内部へ引き入れようと望み、夜明けとともに船を出して航行した。 彼らは船を4列に配置し、右翼を先頭にして、ちょうど停泊していたときと同じように、自分たちの領土に沿って湾の内側へと進んだ。
§2.90.2ἐπὶ δ’ αὐτῷ εἴκοσιν ἔταξαν τὰς ἄριστα πλεούσας, ὅπως, εἰ ἄρα νομίσας ἐπὶ τὴν Ναύπακτον αὐτοὺς πλεῖν ὁ Φορμίων καὶ αὐτὸς ἐπιβοηθῶν ταύτῃ παραπλέοι, μὴ διαφύγοιεν πλέοντα τὸν ἐπίπλουν σφῶν οἱ Ἀθηναῖοι ἔξω τοῦ ἑαυτῶν κέρως, ἀλλ’ αὗται αἱ νῆες περικλῄσειαν.
そこで彼らはその右翼に、最もよく航行する20隻を配置した。 それは、もしフォルミオンが、彼らがナウパクトスに向けて航行していると判断し、自身もそこを救援するために沿岸を航行するならば、アテナイ人が自分たちの迫り来る襲撃をすり抜けてペロポネソス人の翼の外側へと逃れることがないように、むしろこれら20隻の船が彼らを包囲するようにするためであった。
§2.90.3ὁ δέ, ὅπερ ἐκεῖνοι προσεδέχοντο, φοβηθεὶς περὶ τῷ χωρίῳ ἐρήμῳ ὄντι, ὡς ἑώρα ἀναγομένους αὐτούς, ἄκων καὶ κατὰ σπουδὴν ἐμβιβάσας ἔπλει παρὰ τὴν γῆν·
一方フォルミオンは、まさに彼らが予期していた通り、その場所が空っぽで防備がない状態にあることを恐れ、彼らが出帆するのを見るや、不本意ながらも急いで兵を乗船させて陸に沿って航行した。
καὶ ὁ πεζὸς ἅμα τῶν Μεσσηνίων παρεβοήθει.
そして同時にメッセニア人の陸上部隊も支援のために並行して進んだ。
§2.90.4ἰδόντες δὲ οἱ Πελοποννήσιοι κατὰ μίαν ἐπὶ κέρως παραπλέοντας καὶ ἤδη ὄντας ἐντὸς τοῦ κόλπου τε καὶ πρὸς τῇ γῇ, ὅπερ ἐβούλοντο μάλιστα, ἀπὸ σημείου ἑνὸς ἄφνω ἐπιστρέψαντες τὰς ναῦς μετωπηδὸν ἔπλεον, ὡς εἶχε τάχους ἕκαστος, ἐπὶ τοὺς Ἀθηναίους, καὶ ἤλπιζον πάσας τὰς ναῦς ἀπολήψεσθαι.
ペロポネソス人は、アテナイ人が1列の縦隊になって並行して航行し、すでに湾の内側に入り、かつ陸地近くにいるのを見て、それこそ彼らが最も望んでいたことであったが、一つの合図によって突然船を旋回させ、各自が可能な限りの速さでアテナイ人に向かって横隊で突進し、すべての船を遮断できると期待した。
§2.90.5τῶν δὲ ἕνδεκα μέν τινες αἵπερ ἡγοῦντο ὑπεκφεύγουσι τὸ κέρας τῶν Πελοποννησίων καὶ τὴν ἐπιστροφὴν ἐς τὴν εὐρυχωρίαν·
しかし、それらの船のうち先頭を行っていた11隻ほどは、ペロポネソス人の翼とその旋回をすり抜けて、開けた広い水域へと逃れた。
τὰς δ’ ἄλλας ἐπικαταλαβόντες ἐξέωσάν τε πρὸς τὴν γῆν ὑποφευγούσας καὶ διέφθειραν, ἄνδρας τε τῶν Ἀθηναίων ἀπέκτειναν ὅσοι μὴ ἐξένευσαν αὐτῶν.
しかし残りの船に対しては、ペロポネソス人が追いついて、逃げようとするところを陸地に押し付けて大破し、アテナイ人のうち泳ぎ出さなかった者たちを殺害した。
§2.90.6καὶ τῶν νεῶν τινὰς ἀναδούμενοι εἷλκον κενάς (μίαν δὲ αὐτοῖς ἀνδράσιν εἷλον ἤδη), τὰς δέ τινας οἱ Μεσσήνιοι παραβοηθήσαντες καὶ ἐπεσβαίνοντες ξὺν τοῖς ὅπλοις ἐς τὴν θάλασσαν καὶ ἐπιβάντες ἀπὸ τῶν καταστρωμάτων μαχόμενοι ἀφείλοντο ἑλκομένας ἤδη.
また船のうちの数隻を、彼らはロープで繋いで、無人の状態で曳航した（1隻はすでに乗組員ごと捕獲していた）。 しかし他の数隻については、メッセニア人たちが支援に駆けつけ、武装したまま海に入って甲板から乗り込み、戦って、すでに曳航されつつあった船を奪い返した。