§2.80.1τοῦ δ’ αὐτοῦ θέρους, οὐ πολλῷ ὕστερον τούτων, Ἀμπρακιῶται καὶ Χάονες βουλόμενοι Ἀκαρνανίαν τὴν πᾶσαν καταστρέψασθαι καὶ Ἀθηναίων ἀποστῆσαι πείθουσι Λακεδαιμονίους ναυτικόν τε παρασκευάσασθαι ἐκ τῆς ξυμμαχίδος καὶ ὁπλίτας χιλίους πέμψαι ἐπ’ Ἀκαρνανίαν, λέγοντες ὅτι, ἢν ναυσὶ καὶ πεζῷ ἅμα μετὰ σφῶν ἔλθωσιν, ἀδυνάτων ὄντων ξυμβοηθεῖν τῶν ἀπὸ θαλάσσης Ἀκαρνάνων ῥᾳδίως Ἀκαρνανίαν σχόντες καὶ τῆς Ζακύνθου καὶ Κεφαλληνίας κρατήσουσι, καὶ ὁ περίπλους οὐκέτι ἔσοιτο Ἀθηναίοις ὁμοίως περὶ Πελοπόννησον·
同じ夏の、これらから間もなくして、アンブラキア人とカオネス人は、アカルナニア全土を征服しアテナイから離反させたいと望み、同盟国から艦隊を準備させ、重装歩兵千人をアカルナニアへ派遣するようにラケダイモン人を説得した。 彼らが言うには、もし彼らが艦隊と陸上部隊を伴って自分たちとともに進撃すれば、沿岸のアカルナニア人が救援に駆けつけることができないので、容易にアカルナニアを支配下に置き、ザキュントスとケファレニアをも制覇するであろう。 そうなれば、アテナイ人にとってペロポネソス半島の周航はもはや以前のようには行えなくなるだろう。
ἐλπίδα δ’ εἶναι καὶ Ναύπακτον λαβεῖν.
また、ナウパクトスをも奪取できる見込みがある、ということであった。
§2.80.2οἱ δὲ Λακεδαιμόνιοι πεισθέντες Κνῆμον μὲν ναύαρχον ἔτι ὄντα καὶ τοὺς ὁπλίτας ἐπὶ ναυσὶν ὀλίγαις εὐθὺς πέμπουσι, τῷ δὲ ναυτικῷ περιήγγειλαν παρασκευασαμένῳ ὡς τάχιστα πλεῖν ἐς Λευκάδα.
ラケダイモン人は説得に応じ、いまだ艦隊司令官であったクネモスと、その重装歩兵を少数の船に乗せて直ちに派遣し、艦隊に対しては、準備ができ次第できるだけ早くレウカスへ航行するように指令した。
§2.80.3ἦσαν δὲ Κορίνθιοι ξυμπροθυμούμενοι μάλιστα τοῖς Ἀμπρακιώταις ἀποίκοις οὖσιν.
コリントス人は、自らの植民市であるアンブラキア人のために最も熱心に協力していた。
καὶ τὸ μὲν ναυτικὸν ἔκ τε Κορίνθου καὶ Σικυῶνος καὶ τῶν ταύτῃ χωρίων ἐν παρασκευῇ ἦν, τὸ δ᾽ ἐκ Λευκάδος καὶ Ἀνακτορίου καὶ Ἀμπρακίας πρότερον ἀφικόμενον ἐν Λευκάδι περιέμενεν.
そしてコリントス、シキュオン、およびその周辺地域からの艦隊は準備中であったが、レウカス、アナクトリオン、アンブラキアからの艦隊は、一足先に到着してレウカスで待機していた。
§2.80.4Κνῆμος δὲ καὶ οἱ μετ’ αὐτοῦ χίλιοι ὁπλῖται ἐπειδὴ ἐπεραιώθησαν λαθόντες Φορμίωνα, ὃς ἦρχε τῶν εἴκοσι νεῶν τῶν Ἀττικῶν αἳ περὶ Ναύπακτον ἐφρούρουν, εὐθὺς παρεσκευάζοντο τὴν κατὰ γῆν στρατείαν.
クネモスと彼に率いられた千人の重装歩兵は、ナウパクトス周辺を警戒していたアッテイカの二十隻の船を指揮していたフォルミオンに気づかれずに渡海を果たすと、直ちに陸路での遠征を準備した。
§2.80.5καὶ αὐτῷ παρῆσαν Ἑλλήνων μὲν Ἀμπρακιῶται καὶ Λευκάδιοι καὶ Ἀνακτόριοι καὶ οὓς αὐτὸς ἔχων ἦλθε χίλιοι Πελοποννησίων, βάρβαροι δὲ Χάονες χίλιοι ἀβασίλευτοι, ὧν ἡγοῦντο ἐπετησίῳ προστατείᾳ ἐκ τοῦ ἀρχικοῦ γένους Φώτιος καὶ Νικάνωρ.
そして彼のもとに集まったのは、ギリシア人では、アンブラキア人、レウカス人、アナクトリオン人、および彼自身が率いてきた千人のペロポネソス人であった。 異民族では、王を持たない千人のカオネス人であり、彼らは王族出身のポティオスとニカノルが毎年交代の指導者として率いていた。
ξυνεστρατεύοντο δὲ μετὰ Χαόνων καὶ Θεσπρωτοὶ ἀβασίλευτοι.
また、カオネス人とともに、やはり王を持たないテスプロトス人も共同して遠征に参加した。
§2.80.6Μολοσσοὺς δὲ ἦγε καὶ Ἀτιντᾶνας Σαβύλινθος ἐπίτροπος ὢν Θάρυπος τοῦ βασιλέως ἔτι παιδὸς ὄντος, καὶ Παραυαίους Ὄροιδος βασιλεύων.
モロッソス人とアティンタネス人は、王タリュプスがまだ子供であったためその摂政を務めていたサビュリントスが率い、パラウアイ人は王オロイドスが率いた。
Ὀρέσται δὲ χίλιοι, ὧν ἐβασίλευεν Ἀντίοχος, μετὰ Παραυαίων ξυνεστρατεύοντο Ὀροίδῳ Ἀντιόχου ἐπιτρέψαντος.
アンティオコスが王であった千人のオレステス人は、アンティオコスの委託を得て、パラウアイ人とともにオロイドスの下で共同して遠征に参加した。
§2.80.7ἔπεμψε δὲ καὶ Περδίκκας κρύφα τῶν Ἀθηναίων χιλίους Μακεδόνων, οἳ ὕστερον ἦλθον.
マケドニアのペルディッカスも、アテナイ人に隠れて千人のマケドニア人を派遣したが、彼らは後になって到着した。
§2.80.8τούτῳ τῷ στρατῷ ἐπορεύετο Κνῆμος οὐ περιμείνας τὸ ἀπὸ Κορίνθου ναυτικόν, καὶ διὰ τῆς Ἀργείας ἰόντες Λιμναίαν, κώμην ἀτείχιστον, ἐπόρθησαν.
クネモスはこの軍勢を率いて、コリントスからの艦隊を待たずに出発した。 そして彼らはアルゴス地方を通り、城壁のない村であるリムナイアを略奪した。
ἀφικνοῦνταί τε ἐπὶ Στράτον, πόλιν μεγίστην τῆς Ἀκαρνανίας, νομίζοντες, εἰ ταύτην πρώτην λάβοιεν, ῥᾳδίως σφίσι τἆλλα προσχωρήσειν.
そしてアカルナニア最大の都市であるストラトスに到着した。 もしこの都市を最初に奪取すれば、他も容易に自らに降伏するだろうと考えたからである。