§2.80.1τοῦ δ’ αὐτοῦ θέρους, οὐ πολλῷ ὕστερον τούτων, Ἀμπρακιῶται καὶ Χάονες βουλόμενοι Ἀκαρνανίαν τὴν πᾶσαν καταστρέψασθαι καὶ Ἀθηναίων ἀποστῆσαι πείθουσι Λακεδαιμονίους ναυτικόν τε παρασκευάσασθαι ἐκ τῆς ξυμμαχίδος καὶ ὁπλίτας χιλίους πέμψαι ἐπ’ Ἀκαρνανίαν, λέγοντες ὅτι, ἢν ναυσὶ καὶ πεζῷ ἅμα μετὰ σφῶν ἔλθωσιν, ἀδυνάτων ὄντων ξυμβοηθεῖν τῶν ἀπὸ θαλάσσης Ἀκαρνάνων ῥᾳδίως Ἀκαρνανίαν σχόντες καὶ τῆς Ζακύνθου καὶ Κεφαλληνίας κρατήσουσι, καὶ ὁ περίπλους οὐκέτι ἔσοιτο Ἀθηναίοις ὁμοίως περὶ Πελοπόννησον·
같은 해 여름, 이 일들이 있고 나서 얼마 지나지 않아, 아카르나니아 전역을 복속시키고 아테네로부터 이탈시키고자 했던 암브라키아인들과 카오네스인들은 라케다이몬인들을 설득하여 동맹국들로부터 함대를 준비하게 하고 중장보병 천 명을 아카르나니아로 파견하도록 했다. 그들이 말하기를, 만약 그들이 자신들과 함께 함대와 육상 병력으로 진격한다면, 해안 지역의 아카르나니아인들이 서로 도우러 올 수 없기 때문에 쉽게 아카르나니아를 손에 넣고 자킨토스와 케팔레니아까지 장악하게 될 것이며, 아테네인들에게는 페로포네소스 주변을 항해하는 일이 더 이상 예전처럼 쉽지 않을 것이라 하였다.
ἐλπίδα δ’ εἶναι καὶ Ναύπακτον λαβεῖν.
또한 나우팍토스도 점령할 가망이 있다는 것이었다.
§2.80.2οἱ δὲ Λακεδαιμόνιοι πεισθέντες Κνῆμον μὲν ναύαρχον ἔτι ὄντα καὶ τοὺς ὁπλίτας ἐπὶ ναυσὶν ὀλίγαις εὐθὺς πέμπουσι, τῷ δὲ ναυτικῷ περιήγγειλαν παρασκευασαμένῳ ὡς τάχιστα πλεῖν ἐς Λευκάδα.
라케다이몬인들은 설득되어, 여전히 해군 사령관이었던 크네모스와 중장보병들을 소수의 배에 태워 즉시 파견했고, 함대에는 준비가 끝나는 대로 가능한 한 빨리 레우카스로 항해하라고 명령했다.
§2.80.3ἦσαν δὲ Κορίνθιοι ξυμπροθυμούμενοι μάλιστα τοῖς Ἀμπρακιώταις ἀποίκοις οὖσιν.
코린토스인들은 자신들의 식민 도시인 암브라키아인들을 위해 가장 열성적으로 협력하고 있었다.
καὶ τὸ μὲν ναυτικὸν ἔκ τε Κορίνθου καὶ Σικυῶνος καὶ τῶν ταύτῃ χωρίων ἐν παρασκευῇ ἦν, τὸ δ᾽ ἐκ Λευκάδος καὶ Ἀνακτορίου καὶ Ἀμπρακίας πρότερον ἀφικόμενον ἐν Λευκάδι περιέμενεν.
코린토스와 시키온, 그리고 그 주변 지역에서 출발하는 함대는 준비 중이었으나, 레우카스, 아낙토리온, 암브라키아에서 출발하는 함대는 먼저 도착하여 레우카스에서 대기하고 있었다.
§2.80.4Κνῆμος δὲ καὶ οἱ μετ’ αὐτοῦ χίλιοι ὁπλῖται ἐπειδὴ ἐπεραιώθησαν λαθόντες Φορμίωνα, ὃς ἦρχε τῶν εἴκοσι νεῶν τῶν Ἀττικῶν αἳ περὶ Ναύπακτον ἐφρούρουν, εὐθὺς παρεσκευάζοντο τὴν κατὰ γῆν στρατείαν.
크네모스와 그가 거느린 천 명의 중장보병은 나우팍토스 주변을 경계하고 있던 아티카의 배 스무 척을 지휘하던 포르미온의 눈을 피해 바다를 건넌 후, 즉시 육상 원정을 준비했다.
§2.80.5καὶ αὐτῷ παρῆσαν Ἑλλήνων μὲν Ἀμπρακιῶται καὶ Λευκάδιοι καὶ Ἀνακτόριοι καὶ οὓς αὐτὸς ἔχων ἦλθε χίλιοι Πελοποννησίων, βάρβαροι δὲ Χάονες χίλιοι ἀβασίλευτοι, ὧν ἡγοῦντο ἐπετησίῳ προστατείᾳ ἐκ τοῦ ἀρχικοῦ γένους Φώτιος καὶ Νικάνωρ.
그와 함께한 그리스인들은 암브라키아인, 레우카스인, 아낙토리온인, 그리고 그가 직접 데리고 온 페로포네소스인 천 명이었다. 이민족으로는 왕이 없는 카오네스인 천 명이 있었는데, 지배 가문 출신으로 매년 교대하는 지도자 직위를 맡고 있던 포티오스와 니카노르가 이들을 이끌었다.
ξυνεστρατεύοντο δὲ μετὰ Χαόνων καὶ Θεσπρωτοὶ ἀβασίλευτοι.
카오네스인들과 함께 역시 왕이 없는 테스프로토스인들도 원정에 동참했다.
§2.80.6Μολοσσοὺς δὲ ἦγε καὶ Ἀτιντᾶνας Σαβύλινθος ἐπίτροπος ὢν Θάρυπος τοῦ βασιλέως ἔτι παιδὸς ὄντος, καὶ Παραυαίους Ὄροιδος βασιλεύων.
몰로소스인들과 아틴타네스인들은 왕 타립스가 아직 아이였기 때문에 그의 섭정이었던 사빌린토스가 이끌었고, 파라우아이인들은 그들의 왕 오로이도스가 이끌었다.
Ὀρέσται δὲ χίλιοι, ὧν ἐβασίλευεν Ἀντίοχος, μετὰ Παραυαίων ξυνεστρατεύοντο Ὀροίδῳ Ἀντιόχου ἐπιτρέψαντος.
안티오코스가 왕으로 있던 오레스테스인 천 명은, 안티오코스가 오로이도스에게 지휘를 위임함에 따라 파라우아이인들과 함께 오로이도스의 지휘 하에 동참했다.
§2.80.7ἔπεμψε δὲ καὶ Περδίκκας κρύφα τῶν Ἀθηναίων χιλίους Μακεδόνων, οἳ ὕστερον ἦλθον.
페르디카스 역시 아테네인들 몰래 마케도니아인 천 명을 보냈으나, 이들은 나중에야 도착했다.
§2.80.8τούτῳ τῷ στρατῷ ἐπορεύετο Κνῆμος οὐ περιμείνας τὸ ἀπὸ Κορίνθου ναυτικόν, καὶ διὰ τῆς Ἀργείας ἰόντες Λιμναίαν, κώμην ἀτείχιστον, ἐπόρθησαν.
크네모스는 코린토스에서 올 함대를 기다리지 않고 이 군대를 거느리고 행군했다. 그들은 아르고스 지방을 지나며 성벽이 없는 마을인 림나이아를 약탈했다.
ἀφικνοῦνταί τε ἐπὶ Στράτον, πόλιν μεγίστην τῆς Ἀκαρνανίας, νομίζοντες, εἰ ταύτην πρώτην λάβοιεν, ῥᾳδίως σφίσι τἆλλα προσχωρήσειν.
그리고 아카르나니아에서 가장 큰 도시인 스트라토스에 이르렀는데, 이 도시를 먼저 함락하면 다른 곳들도 쉽게 자신들에게 굴복해 올 것이라 생각했기 때문이었다.