§1.102.1Λακεδαιμόνιοι δέ, ὡς αὐτοῖς πρὸς τοὺς ἐν Ἰθώμῃ ἐμηκύνετο ὁ πόλεμος, ἄλλους τε ἐπεκαλέσαντο ξυμμάχους καὶ Ἀθηναίους·
しかしラケダイモン人は、イトメに立てこもる者たちとの戦争が長引いたため、他の同盟諸国とともにアテナイ人をも召集した。
οἱ δ’ ἦλθον Κίμωνος στρατηγοῦντος πλήθει οὐκ ὀλίγῳ.
アテナイ人はキモンが将軍として率いる、少なからぬ軍勢を伴ってやって来た。
§1.102.2μάλιστα δ’ αὐτοὺς ἐπεκαλέσαντο ὅτι τειχομαχεῖν ἐδόκουν δυνατοὶ εἶναι, τοῖς δὲ πολιορκίας μακρᾶς καθεστηκυίας τούτου ἐνδεᾶ ἐφαίνετο·
彼らがアテナイ人を特に召集したのは、アテナイ人が攻城戦に長けていると思われたからであったが、彼ら自身には、長期の包囲戦が続く中で、この能力が欠けているように見えたからである。
βίᾳ γὰρ ἂν εἷλον τὸ χωρίον.
もしこの能力があれば、彼らはその場所を力ずくで落としていただろうからである。
§1.102.3καὶ διαφορὰ ἐκ ταύτης τῆς στρατείας πρῶτον Λακεδαιμονίοις καὶ Ἀθηναίοις φανερὰ ἐγένετο.
そして、この遠征から、ラケダイモン人とアテナイ人の間の不和が初めて公に露呈した。
οἱ γὰρ Λακεδαιμόνιοι, ἐπειδὴ τὸ χωρίον βίᾳ οὐχ ἡλίσκετο, δείσαντες τῶν Ἀθηναίων τὸ τολμηρὸν καὶ τὴν νεωτεροποιίαν, καὶ ἀλλοφύλους ἅμα ἡγησάμενοι, μή τι, ἢν παραμείνωσιν, ὑπὸ τῶν ἐν Ἰθώμῃ πεισθέντες νεωτερίσωσι, μόνους τῶν ξυμμάχων ἀπέπεμψαν, τὴν μὲν ὑποψίαν οὐ δηλοῦντες, εἰπόντες δὲ ὅτι οὐδὲν προσδέονται αὐτῶν ἔτι.
なぜなら、ラケダイモン人は、その場所が力ずくではどうしても落とせなかったため、アテナイ人の大胆さと変革を好む気質を恐れ、同時に彼らが異民族であることも考慮して、もし彼らが留まり続けるなら、イトメに立てこもる者たちに説得されて何か革命を起こすのではないかと危惧し、同盟国の中で彼らだけを送り返したからである。 その際、疑念は表に表さず、もはや彼らを必要としないとだけ告げた。
§1.102.4οἱ δ’ Ἀθηναῖοι ἔγνωσαν οὐκ ἐπὶ τῷ βελτίονι λόγῳ ἀποπεμπόμενοι, ἀλλά τινος ὑπόπτου γενομένου, καὶ δεινὸν ποιησάμενοι καὶ οὐκ ἀξιώσαντες ὑπὸ Λακεδαιμονίων τοῦτο παθεῖν, εὐθὺς ἐπειδὴ ἀνεχώρησαν, ἀφέντες τὴν γενομένην ἐπὶ τῷ Μήδῳ ξυμμαχίαν πρὸς αὐτοὺς Ἀργείοις τοῖς ἐκείνων πολεμίοις ξύμμαχοι ἐγένοντο, καὶ πρὸς Θεσσαλοὺς ἅμα ἀμφοτέροις οἱ αὐτοὶ ὅρκοι καὶ ξυμμαχία κατέστη.
アテナイ人は、自分たちが送り返されるのが、表向きのより良い理由（大義名分）のためではなく、何らかの疑念が生じたためであることを察知した。 そしてこれを屈辱と感じ、ラケダイモン人からこのような扱いを受けるのは不当であると考えて、撤退すると直ちに、ペルシア人（メド人）に対抗するために彼らと結んでいた同盟を破棄し、彼らの敵であるアルゴス人の同盟国となった。 そして同時に、テッサリア人との間にも、双方（アテナイ人とアルゴス人）にとって同様の誓いと同盟が成立した。