§12εἰσαρπάσειαν αὐτόν.
그들이 소년을 납치하기 위해서였습니다.
ἐν δὲ τούτῳ τῷ καιρῷ ἀφικνοῦμαι ἐγὼ ἐκ Πειραιῶς, καὶ τρέπομαι παριὼν ὡς τὸν Λυσίμαχον·
바로 이때 저는 페이라이에우스에서 돌아와 지나가는 길에 리시마코스의 집으로 향했습니다.
ὀλίγον δὲ χρόνον διατρίψαντες ἐξερχόμεθα.
그곳에서 잠시 머문 뒤 우리는 밖으로 나왔습니다.
οὗτοι δʼ ἤδη μεθύοντες ἐκπηδῶσιν ἐφʼ ἡμᾶς καὶ οἱ μέν τινες αὐτῷ τῶν παραγενομένων οὐκ ἠθέλησαν συνεξαμαρτεῖν, Σίμων δὲ οὑτοσὶ καὶ Θεόφιλος καὶ Πρώταρχος καὶ Αὐτοκλῆς εἷλκον τὸ μειράκιον.
그러자 이미 취해 있던 이 자들이 저희에게 달려들었고, 그와 함께 있던 자들 중 몇몇은 그의 악행에 동참하기를 원치 않았으나, 여기 있는 시몬과 테오필로스, 프로타르코스, 아우토클레스는 소년을 끌고 가려 했습니다.
ὁ δὲ ῥίψας τὸ ἱμάτιον ᾤχετο φεύγων.
그러나 소년은 겉옷을 던져버리고 도망쳐 달아났습니다.
§13ἐγὼ δὲ ἡγούμενος ἐκεῖνον μὲν ἐκφεύξεσθαι, τούτους δʼ, ἐπειδὴ τάχιστα ἐντύχοιεν ἀνθρώποις, αἰσχυνομένους ἀποτρέψεσθαι — ταῦτα διανοηθεὶς ἑτέραν ὁδὸν ᾠχόμην ἀπιών·
저는 소년이 도망칠 것이고, 저 자들도 다른 사람들을 마주치자마자 부끄러워하며 단념할 것이라고 생각했습니다. 이렇게 판단하고 저는 그들을 피하기 위해 다른 길로 돌아갔습니다.
οὕτω σφόδρʼ αὐτοὺς ἐφυλαττόμην, καὶ πάντα τὰ ὑπὸ τούτων γιγνόμενα μεγάλην ἐμαυτῷ συμφορὰν ἐνόμιζον.
저는 그토록 그들을 극도로 경계했으며, 그들에 의해 벌어지는 모든 일을 저에게 있어 커다란 불행으로 여겼습니다.
§14κἀνταῦθα μέν, ἵνα φησὶ Σίμων τὴν μάχην γενέσθαι, οὔτε τούτων οὔτε ἡμῶν οὐδεὶς οὔτε κατεάγη τὴν κεφαλὴν οὔτε ἄλλο κακὸν οὐδὲν ἔλαβεν, ὧν ἐγὼ τοὺς παραγενομένους ὑμῖν παρέξομαι μάρτυρας.
그리고 시몬이 싸움이 일어났다고 주장하는 그곳에서는, 저 자들 중에서도 저희 중에서도 그 누구도 머리가 깨지거나 다른 어떠한 피해도 입지 않았습니다. 이 일에 대해 당시 자리에 있었던 이들을 여러분께 증인으로 제시하겠습니다.
§15Μάρτυρες
ὅτι μὲν τοίνυν οὗτος ἦν ὁ ἀδικήσας, ὦ βουλή, καὶ ἐπιβουλεύσας ἡμῖν, καὶ οὐκ ἐγὼ τούτῳ, ὑπὸ τῶν παραγενομένων μεμαρτύρηται ὑμῖν.
증인들 평의원 여러분, 이처럼 해를 끼치고 저희를 습격한 자는 이 자이지 제가 그에게 그런 것이 아님이 당시 자리에 있었던 이들에 의해 여러분께 증언되었습니다.
μετὰ δὲ ταῦτα τὸ μὲν μειράκιον εἰς γναφεῖον κατέφυγεν, οὗτοι δὲ συνεισπεσόντες ἦγον αὐτὸν βίᾳ, βοῶντα καὶ κεκραγότα καὶ μαρτυρόμενον.
그 후 소년은 풀질 방으로 도망쳐 숨었으나, 이들은 안으로 들이닥쳐 소리를 지르고 비명을 지르며 도움을 청하는 소년을 힘으로 끌고 가려 했습니다.
§16συνδραμόντων δὲ ἀνθρώπων πολλῶν καὶ ἀγανακτούντων τῷ πράγματι καὶ δεινὰ φασκόντων εἶναι τὰ γιγνόμενα, τῶν μὲν λεγομένων οὐδὲν ἐφρόντιζον, Μόλωνα δὲ τὸν γναφέα καὶ ἄλλους τινὰς ἐπαμύνειν ἐπιχειροῦντας συνέκοψαν.
많은 사람들이 달려와 이 일에 분개하며 일어난 일이 끔찍하다고 말했으나, 그들은 사람들의 말에는 아랑곳하지 않고, 도우려 나선 세탁업자 몰론과 몇몇 다른 사람들을 구타했습니다.
§17ἤδη δὲ αὐτοῖς οὖσι παρὰ τὴν Λάμπωνος οἰκίαν ἐγὼ μόνος βαδίζων ἐντυγχάνω, δεινὸν δὲ ἡγησάμενος εἶναι καὶ αἰσχρὸν περιιδεῖν οὕτως ἀνόμως καὶ βιαίως ὑβρισθέντα τὸν νεανίσκον, ἐπιλαμβάνομαι αὐτοῦ.
그들이 이미 람폰의 집 근처에 이르렀을 때, 혼자 걸어가던 제가 그들과 마주쳤습니다. 그리고 소년이 이토록 무법하고 폭력적으로 짓밟히는 것을 묵과하는 것은 끔찍하고 부끄러운 일이라 생각하여, 제가 소년을 붙잡아 말렸습니다.
οὗτοι δέ, διότι μὲν τοιαῦτα παρενόμουν εἰς ἐκεῖνον, οὐκ ἠθέλησαν εἰπεῖν ἐρωτηθέντες, ἀφέμενοι δὲ τοῦ νεανίσκου ἔτυπτον ἐμέ.
그러나 그들은 소년에게 왜 그러한 무법한 짓을 저지르는지 질문을 받고도 답하려 하지 않았고, 소년을 놓아주고는 저를 때리기 시작했습니다.
μάχης δὲ γενομένης, §18ὦ βουλή, καὶ τοῦ μειρακίου βάλλοντος αὐτοὺς καὶ περὶ τοῦ σώματος ἀμυνομένου καὶ τούτων ἡμᾶς βαλλόντων, ἔτι δὲ τυπτόντων αὐτὸν ὑπὸ τῆς μέθης καὶ ἐμοῦ ἀμυνομένου, καὶ τῶν παραγενομένων ὡς ἀδικουμένοις ἡμῖν ἁπάντων ἐπικουρούντων, ἐν τούτῳ τῷ θορύβῳ συντριβόμεθα τὰς κεφαλὰς ἅπαντες.
난투극이 벌어졌고, 평의원 여러분, 소년은 돌을 던지며 그들에게 맞서고 스스로를 보호하고자 자위했으며, 저 자들은 저희에게 돌을 던지고 취기 속에서 소년을 계속 구타하고 저 역시 맞서 싸웠으며, 자리에 있던 모든 이들이 피해자인 저희를 돕기 위해 가세한 가운데, 이 소란 통에 저희는 모두 머리가 깨지는 상처를 입었습니다.
§19καὶ οἱ μὲν ἄλλοι οἱ μετὰ τούτου παροινήσαντες, ἐπειδὴ τάχιστά με εἶδον μετὰ ταῦτα, ἐδέοντό μου συγγνώμην ἔχειν, οὐχ ὡς ἀδικούμενοι ἀλλʼ ὡς δεινὰ πεποιηκότες·
그리고 그와 함께 술에 취해 난동을 부린 다른 자들은, 이 사건 이후 저를 보자마자 자신들이 피해를 입은 양이 아니라 끔찍한 짓을 저질렀다며 저에게 용서를 구했습니다.
καὶ ἐξ ἐκείνου τοῦ χρόνου τεττάρων ἐτῶν παρεληλυθότων οὐδέν μοι πώποτε ἐνεκάλεσεν οὐδείς.
그 일로부터 이미 4년이라는 시간이 흘렀으나, 지금까지 저를 고발한 사람은 아무도 없었습니다.
§20Σίμων δʼ οὑτοσί, πάντων τῶν κακῶν αἴτιος γενόμενος, τὸν μὲν ἄλλον χρόνον ἡσυχίαν ἦγε δεδιὼς περὶ αὑτοῦ, ἐπειδὴ δὲ δίκας ἰδίας ᾔσθετο κακῶς ἀγωνισάμενον ἐξ ἀντιδόσεως, καταφρονήσας μου οὑτωσὶ τολμηρῶς εἰς τοιοῦτον ἀγῶνά με κατέστησεν.
그러나 모든 악행의 원흉인 이 시몬은 자신에게 화가 미칠까 두려워 그동안 잠자코 있었습니다. 그러다 제가 재산 교환으로 인한 사소송에서 패소하여 곤궁에 처한 것을 알아차리자, 저를 얕잡아보고 이처럼 대담하게 저를 이러한 재판에 처하게 만들었습니다.
ὡς οὖν καὶ ταῦτʼ ἀληθῆ λέγω, τούτων ὑμῖν τοὺς παραγενομένους μάρτυρας παρέξομαι.
그러므로 제가 이 사실 역시 진실을 말하고 있음을 보여드리기 위해, 당시 현장에 있었던 이들을 여러분께 증인으로 제시하겠습니다.
§21Μάρτυρες
τὰ μὲν οὖν γεγενημένα καὶ ἐμοῦ καὶ τῶν μαρτύρων ἀκηκόατε·
증인들 자, 일어난 일에 대해서는 저와 증인들의 입을 통해 들으셨습니다.
ἐβουλόμην δʼ ἄν, ὦ βουλή, Σίμωνα τὴν αὐτὴν γνώμην ἐμοὶ ἔχειν, ἵνʼ ἀμφοτέρων ἡμῶν ἀκούσαντες τἀληθῆ ῥᾳδίως ἔγνωτε τὰ δίκαια.
평의원 여러분, 저는 시몬이 저와 같은 마음을 품기를 바랐습니다. 그렇다면 양쪽의 진실을 듣고 여러분께서 정당한 판결을 쉽게 내리실 수 있었을 텐데 말입니다.
ἐπειδὴ δὲ αὐτῷ οὐδὲν μέλει τῶν ὅρκων ὧν ὠμόσατο, πειράσομαι καὶ περὶ ὧν οὗτος ἔψευσται διδάσκειν ὑμᾶς.
하지만 그는 자신이 선서한 맹세를 전혀 신경 쓰지 않으므로, 그가 어떤 거짓말을 지어냈는지에 대해서도 여러분께 설명해 드리고자 합니다.
§22ἐτόλμησε γὰρ εἰπεῖν ὡς αὐτὸς μὲν τριακοσίας δραχμὰς ἔδωκε Θεοδότῳ, συνθήκας πρὸς αὐτὸν ποιησάμενος, ἐγὼ δʼ ἐπιβουλεύσας ἀπέστησα αὐτοῦ τὸ μειράκιον.
그는 대담하게도 자신이 테오도토스에게 300드라크마를 주고 계약을 맺었으나, 제가 그를 습격하여 소년을 그에게서 빼앗아 갔다고 말했습니다.
καίτοι ἐχρῆν αὐτόν, εἴπερ ἦν ταῦτʼ ἀληθῆ, παρακαλέσαντα μάρτυρας ὡς πλείστους κατὰ τοὺς νόμους διαπράττεσθαι περὶ αὐτῶν.
하지만 만약 그것이 사실이었다면, 그는 법에 따라 가능한 한 많은 증인을 부르고 이 문제를 해결했어야 마땅합니다.
§23οὗτος δὲ τοιοῦτον οὐδὲν πώποτε φαίνεται ποιήσας, ὑβρίζων δὲ καὶ τύπτων ἀμφοτέρους ἡμᾶς καὶ κωμάζων καὶ τὰς θύρας ἐκβάλλων καὶ νύκτωρ εἰσιὼν ἐπὶ γυναῖκας ἐλευθέρας.
그러나 그는 그런 일을 전혀 한 적이 없음이 명백하며, 오히려 저희 둘을 모욕하고 구타하며, 밤중에 술판을 벌이고 문을 부수며 자유 신분의 여성들에게 침입했습니다.
ἃ χρὴ μάλιστα, ὦ βουλή, τεκμήρια νομίζειν ὅτι ψεύδεται πρὸς ὑμᾶς.
평의원 여러분, 이 사실이야말로 그가 여러분께 거짓말을 하고 있다는 가장 확실한 증거로 보아야 합니다.
§24σκέψασθε δὲ ὡς ἄπιστα εἴρηκε.
그가 얼마나 터무니없는 말을 하고 있는지 살펴보십시오.
τὴν γὰρ οὐσίαν τὴν ἑαυτοῦ ἅπασαν πεντήκοντα καὶ διακοσίων δραχμῶν ἐτιμήσατο.
그는 자신의 전 재산을 250드라크마로 평가했습니다.
καίτοι θαυμαστὸν εἰ τὸν ἑταιρήσοντα πλειόνων ἐμισθώσατο ὧν αὐτὸς τυγχάνει κεκτημένος.
그런데 자신이 소유한 재산보다 더 많은 돈을 주고 상대와 애인 계약을 맺었다는 것은 참으로 기이한 일입니다.
§25εἰς τοῦτο δʼ ἥκει τόλμης ὥστε οὐκ ἐξαρκεῖ περὶ τούτου μόνον αὐτῷ ψεύσασθαι, περὶ τοῦ δεδωκέναι τὸ ἀργύριον, ἀλλὰ καὶ κεκομίσθαι φησί·
그는 돈을 주었다는 것에 대해서만 거짓말을 하는 것으로는 만족하지 못하고, 그것을 다시 돌려받았다고까지 말할 정도로 뻔뻔합니다.
καίτοι πῶς εἰκός ἐστι τότε μὲν ἡμᾶς τοιαῦτα ἐξαμαρτάνειν οἷα κατηγόρηκεν οὗτος, ἀποστερῆσαι βουλομένους τὰς τριακοσίας δραχμάς, ἐπειδὴ δὲ ἀπεμαχεσάμεθα, τηνικαῦτα ἀποδοῦναι τὸ ἀργύριον αὐτῷ, μήτε ἀφειμένους τῶν ἐγκλημάτων μήτε ἀνάγκης ἡμῖν μηδεμιᾶς γενομένης;
하지만 저희가 300드라크마를 가로채고자 그가 고발한 것과 같은 악행을 저질러 놓고서, 싸움이 끝난 후에 고발을 면제받지도 못했고 아무런 강요도 없었음에도, 그에게 그 돈을 다시 돌려주었다는 것이 어떻게 있을 수 있는 일이겠습니까?