§14.5.1si tu et Tullia, lux nostra, valetis, ego et suavissimus Cicero valemus.
如果你和我们的光芒图利娅安好，我和最可爱的西塞罗也安好。
Pr. Idus Oct. Athenas venimus, cum sane adversis ventis usi essemus tardeque et incommode navigassemus.
我们在十月十四日抵达雅典，此前我们确实遇到了逆风，航行得既缓慢又艰难。
de nave exeuntibus nobis Acastus cum litteris praesto fuit uno et vicesimo die sane strenue.
我们刚下船，阿卡斯图斯就在第二十一天带着信在那里迎候我们，真是非常迅速。
accepi tuas litteras, quibus intellexi te vereri ne superiores mihi redditae non essent.
我收到了你的来信，从中得知你担心以前的信没有送达我手中。
omnes sunt redditae diligentissimeque a te perscripta sunt omnia, idque mihi gratissimum fuit.
它们全部都送达了，而且所有事情都被你极其细致地写了下来，这让我非常高兴。
neque sum admiratus hanc epistulam, quam Acastus attulit, brevem fuisse; iam enim me ipsum exspectas sive nos ipsos, qui quidem quam primum ad vos venire cupimus, etsi in quam rem p. veniamus intellego.
我并不惊讶阿卡斯图斯带来的这封信很短；因为你已经在期待我本人、或者说我们本人了，而我们确实渴望尽早到你们那里去，尽管我明白我们将进入一个怎样的国家。
cognovi enim ex multorum amicorum litteris, quas attulit Acastus, ad arma rem spectare, ut mihi, cum venero, dissimulare non liceat quid sentiam.
因为我从阿卡斯图斯带回的许多朋友的信中得知，事态正走向兵戎相见，以至于当我到达时，我将无法掩饰自己的真实想法。
sed quoniam subeunda fortuna est, eo citius dabimus operam ut veniamus, quo facilius de tota re deliberemus.
但既然必须面对命运，我们将更加迅速地设法赶来，以便能更轻松地就整件事进行商讨。
tu velim, quod commodo valetudinis tuae fiat, quam longissime poteris obviam nobis prodeas.
我希望你能在不损害健康的情况下，尽可能远地前来迎接我们。
§14.5.2de hereditate Preciana (quae quidem mihi magno dolori est valde enim illum amavi) sed hoc velim cures, si auctio ante meum adventum fiet, ut Pomponius aut, si is minus poterit, Camillus nostrum negotium curet; nos cum salvi venerimus, reliqua per nos agemus; sin tu iam Roma profecta eris, tamen curabis ut hoc ita fiat.
关于普雷基乌斯的遗产（这确实让我非常悲痛，因为我曾深爱着他）——但我希望你注意这一点：如果拍卖在我的到来之前进行，请让蓬波尼乌斯，或者如果他不太行的话，让卡米卢斯来照料我们的事务；等我们平安抵达后，剩下的事我们将由自己来办；但如果你已经离开罗马，你仍要设法让这件事如此办妥。
nos, si dii adiuvabunt, circiter Idus Nov. in Italia speramus fore.
我们，若神明保佑，希望在十一月十五日左右抵达意大利。
vos, mea suavissima et optatissima Terentia, si nos amatis, curate ut valeatis.
你们，我最可爱、最期盼的泰伦提娅，如果你们爱我们，请保重身体。
vale.
再会。
Athenis a. d. xvii K. Novemb.
于雅典，十月十六日。