§9.4.1τὸ μὲν γὰρ τῶν Ῥωμαίων στρατόπεδον ἐξιέναι μὲν πρὸς μάχην οὐκ ἐθάρρει τῷ δεδιέναι τοὺς τῶν πολεμίων ἱππεῖς, §9.4.2ἔμενε δʼ ἐν τῇ παρεμβολῇ τετολμηκότως, σαφῶς εἰδὸς ἀβλαβῆ τὴν ἵππον αὐτοῖς ἐσομένην, ὑφʼ ἧς ἐν ταῖς μάχαις ἡττᾶτο.
因为罗马军队由于害怕敌方的骑兵，不敢出阵迎战，但他们毅然坚守在营垒中，因为他们清楚地知道，那支在战斗中击败过他们的骑兵，在此对他们将是无能为力的。
§9.4.3οἵ τε Καρχηδόνιοι πάλιν εὐλόγως οὔτε στρατοπεδεύσαντες μετὰ τῆς ἵππου μένειν ἐδύναντο πλείω χρόνον διὰ τὸ τὰ μὲν ἐν τῇ παρακειμένῃ χώρᾳ χορτάσματα πάντα κατεφθαρκέναι τοὺς Ῥωμαίους αὐτοῦ τούτου χάριν, τοῖς δὲ νώτοις οὐκ ἐφικτὸν εἶναι τοσαύτῃ μὲν ἵππῳ, τοσούτοις δʼ ὑποζυγίοις κατανύσαι χόρτον ἢ κριθὰς κομίζοντας ἐκ μακροῦ διαστήματος· §9.4.4οὔτε μὴν ἄνευ τῶν ἱππέων παραστρατοπεδεύσαντες ἐθάρρουν πολιορκεῖν χάρακα καὶ τάφρον προβεβλημένους τοὺς ὑπεναντίους, πρὸς οὓς καὶ τὸν ἐξ ἴσου κίνδυνον αὐτοῖς ἀμφίδοξον εἶναι συνέβαινε χωρὶς τῶν ἱππέων.
另一方面，迦太基人同样理所当然地无法带着骑兵长期扎营留守，这一方面是因为罗马人正是为了这个目的而将邻近地区的所有饲料全部摧毁，另一方面也是因为，要从遥远的地方用畜背驮运饲料或大麦，来供给如此庞大的骑兵和如此众多的役畜，是根本无法实现的；此外，他们也不敢在没有骑兵的情况下在附近扎营，去围攻那些前面设有栅栏和壕沟的对手，因为在没有骑兵的情况下，即便是在平等的条件下交战，对他们来说胜负也是难以料料的。
§9.4.5ἔτι δὲ πρὸς τούτοις ἠγωνίων καὶ τοὺς ἐπικαθισταμένους ὑπάτους μὴ παραγενηθέντες ἐπιστρατοπεδεύσαιεν καὶ πολλὴν ἀπορίαν σφίσι παραστήσαιεν, ἀφελόμενοι τὴν τῶν χορηγιῶν ἐπάρκειαν.
此外，他们还担心那些在后方增援的执政官会赶到并对他们安营合围，通过切断他们的物资供应而使他们陷入极大的困境。
§9.4.6ἐξ ὧν συλλογιζόμενος Ἀννίβας ἀδύνατον ὑπάρχον τὸ διὰ τῆς ἐκ χειρὸς βίας λῦσαι τὴν πολιορκίαν, ἐπʼ ἄλλης ἐγένετο γνώμης.
汉尼拔综合考虑了这些情况，断定通过直接的武力来解除围攻是不可能的，于是便转而采取了另一种方案。
§9.4.7ὑπέλαβε γάρ, εἰ λαθραίαν ποιησάμενος τὴν πορείαν αἰφνιδίως ἐπιφανείη τοῖς κατὰ τὴν Ῥώμην τόποις, ἴσως μὲν ἂν καὶ περὶ τὴν πόλιν ἀνύσασθαί τι τῶν χρησίμων, ἐκπλήξας τῷ παραδόξῳ τοὺς ἐνοικοῦντας· §9.4.8εἰ δὲ μὴ τοῦτο, τούς γε περὶ τὸν Ἄππιον ἀναγκάσειν ἢ λύειν τὴν πολιορκίαν, σπεύδοντας τῇ πατρίδι βοηθεῖν, ἢ διαιροῦντας τὴν δύναμιν εὐκαταγωνίστους ὑπάρξειν καὶ τοὺς βοηθοῦντας καὶ τοὺς ἀπολειπομένους αὐτῶν.
因为他设想，如果自己暗中行军，突然出现在罗马周边的地区，或许能以这一出人意料的举动震慑城中居民，从而在针对该城本身时取得某些有利的成果；退一步说，即使达不到这一目的，至少也能迫使阿庇乌斯及其部下解除围攻，让他们急于回援祖国；或者使他们分散兵力，从而让无论是前去救援的人还是留守的人都变得极易被击破。