§18.14.1ἧι καὶ Δημοσθένην κατὰ πολλά τις ἂν ἐπαινέσας ἐν τούτῳ μέμψαιτο, διότι πικρότατον ὄνειδος τοῖς ἐπιφανεστάτοις τῶν Ἑλλήνων εἰκῇ καὶ ἀκρίτως προσέρριψε, §18.14.2φήσας ἐν μὲν Ἀρκαδίᾳ τοὺς περὶ Κερκιδᾶν καὶ Ἱερώνυμον καὶ Εὐκαμπίδαν προδότας γενέσθαι τῆς Ἑλλάδος, §18.14.3ὅτι Φιλίππῳ συνεμάχουν, ἐν δὲ Μεσσήνῃ τοὺς Φιλιάδου παῖδας Νέωνα καὶ Θρασύλοχον, ἐν Ἄργει δὲ τοὺς περὶ Μύρτιν καὶ Τελέδαμον καὶ Μνασέαν, §18.14.4παραπλησίως ἐν Θετταλίᾳ μὲν τοὺς περὶ Δάοχον καὶ Κινέαν, παρὰ δὲ Βοιωτοῖς τοὺς περὶ Θεογείτονα καὶ Τιμόλαν·
在这方面，一个在许多其他事上称赞德摩斯梯尼的人也可能会在这件事上指责他，因为他草率且不分青红皂白地将极其刻薄的耻辱加在最显赫的希腊人身上，声称在阿卡迪亚，克尔基达斯、希罗尼穆斯和尤坎皮达斯一伙成了希腊的叛徒，因为他们与腓力结盟；在美塞尼亚是菲利亚德斯的儿子们尼翁和色拉西洛霍斯；在阿哥斯是米尔蒂斯、泰莱达穆斯和姆纳塞阿斯一伙；同样，在色萨利是达奥霍斯和基内亚斯一伙，在波奥提亚人中是泰奥盖通和蒂莫拉斯一伙。
§18.14.5σὺν δὲ τούτοις καὶ πλείους ἑτέρους ἐξηρίθμηται, κατὰ πόλιν ὀνομάζων, καίτοι γε πάντων μὲν τῶν προειρημένων ἀνδρῶν πολὺν ἐχόντων λόγον καὶ φαινόμενον ὑπὲρ τῶν καθʼ αὑτοὺς δικαίων, πλεῖστον δὲ τῶν ἐξ Ἀρκαδίας καὶ Μεσσήνης.
除此之外，他还按城市指名道姓地列举了许多其他人，尽管上述所有人对于自己的行为都有充分且显而易见的合理理由，尤其是那些来自阿卡迪亚和美塞尼亚的人。
§18.14.6οὗτοι γὰρ ἐπισπασάμενοι Φίλιππον εἰς Πελοπόννησον καὶ ταπεινώσαντες Λακεδαιμονίους πρῶτον μὲν ἐποίησαν ἀναπνεῦσαι καὶ λαβεῖν ἐλευθερίας ἔννοιαν πάντας τοὺς τὴν Πελοπόννησον κατοικοῦντας, §18.14.7ἔπειτα δὲ τὴν χώραν ἀνακομισάμενοι καὶ τὰς πόλεις, ἃς παρῄρηντο Λακεδαιμόνιοι κατὰ τὴν εὐκαιρίαν Μεσσηνίων, Μεγαλοπολιτῶν, Τεγεατῶν, Ἀργείων, ηὔξησαν τὰς ἑαυτῶν πατρίδας ὁμολογουμένως·
因为这些人通过将腓力引入伯罗奔尼撒并削弱拉刻代蒙人，首先使伯罗奔尼撒的所有居民得以喘息并获得了自由的观念，其次，通过收复拉刻代蒙人乘机从美塞尼亚人、大都市人、特格阿人和阿哥斯人手中夺走的土地和城市，公认壮大了他们自己的祖国。
§18.14.8ἀνθʼ ὧν οὐ πολεμεῖν ὤφειλον Φιλίππῳ καὶ Μακεδόσιν, ἀλλὰ πάντα κατὰ δύναμιν ἐνεργεῖν ὅσα πρὸς δόξαν καὶ τιμὴν ἀνῆκεν.
作为对这些恩惠的回报，他们不应该与腓力和马其顿人作战，而应当尽其所能地去做一切有助于其荣耀和尊严的事。
§18.14.9εἰ μὲν οὖν ταῦτʼ ἔπραττον ἢ φρουρὰν παρὰ Φιλίππου δεχόμενοι ταῖς πατρίσιν ἢ καταλύοντες τοὺς νόμους ἀφῃροῦντο τὴν ἐλευθερίαν καὶ παρρησίαν τῶν πολιτῶν χάριν τῆς ἰδίας πλεονεξίας ἢ δυναστείας, ἄξιοι τῆς προσηγορίας ἦσαν ταύτης·
因此，如果他们做这些事，是为了自己的贪欲或统治权而接受腓力驻军，或是通过废除法律来剥夺公民的自由和言论自由，那么他们确实配得上这个称号。
§18.14.10εἰ δὲ τηροῦντες τὰ πρὸς τὰς πατρίδας δίκαια κρίσει πραγμάτων διεφέροντο, νομίζοντες οὐ ταὐτὸ συμφέρον Ἀθηναίοις εἶναι καὶ ταῖς ἑαυτῶν πόλεσιν, οὐ δήπου διὰ τοῦτο καλεῖσθαι προδότας ἐχρῆν αὐτοὺς ὑπὸ Δημοσθένους.
但如果他们是在维护对祖国的道义的同时，因对局势的判断不同，认为雅典人的利益与他们自己城市的利益并不一致，那么他们当然不应该因此被德摩斯梯尼称为叛徒。
§18.14.11ὁ δὲ πάντα μετρῶν πρὸς τὸ τῆς ἰδίας πατρίδος συμφέρον, καὶ πάντας ἡγούμενος δεῖν τοὺς Ἕλληνας ἀποβλέπειν πρὸς Ἀθηναίους, εἰ δὲ μή, προδότας ἀποκαλῶν, ἀγνοεῖν μοι δοκεῖ καὶ πολὺ παραπαίειν τῆς ἀληθείας [ὃ πεποίηκε Δημοσθένης], §18.14.12ἄλλως τε δὴ καὶ τῶν συμβάντων τότε τοῖς Ἕλλησιν οὐ Δημοσθένει μεμαρτυρηκότων ὅτι καλῶς προυνοήθη τοῦ μέλλοντος, ἀλλʼ Εὐκαμπίδᾳ καὶ Ἱερωνύμῳ καὶ Κερκιδᾷ καὶ τοῖς Φιλιάδου παισίν.
然而，德摩斯梯尼以自己祖国的利益来衡量一切，认为所有希腊人都应该仰望雅典，否则就称他们为叛徒，这在我看来是无知且极大地偏离了事实［德摩斯梯尼所做的正是如此］，尤其是因为当时希腊人所遭遇的事件，并没有证明德摩斯梯尼对未来有良好的预见，反而证明了尤坎皮达斯、希罗尼穆斯、克尔基达斯以及菲利亚德斯的儿子们才是正确的。
§18.14.13Ἀθηναίοις μὲν γὰρ τῆς πρὸς Φίλιππον ἀντιπαραγωγῆς τὸ τέλος ἀπέβη τὸ πεῖραν λαβεῖν τῶν μεγίστων συμπτωμάτων πταίσασι τῇ μάχῃ τῇ περὶ Χαιρώνειαν· §18.14.14εἰ δὲ μὴ διὰ τὴν τοῦ βασιλέως μεγαλοψυχίαν καὶ φιλοδοξίαν, καὶ πορρωτέρω τὰ τῆς ἀτυχίας ἂν αὐτοῖς προύβη διὰ τὴν Δημοσθένους πολιτείαν.
因为对雅典人来说，对抗腓力的结果，是在喀罗尼亚战役中惨败，从而亲身体验了最大的灾难；如果不是因为国王的宽宏大量和对名誉的追求，由于德摩斯梯尼的政策，他们的不幸还会进一步加深。
§18.14.15διὰ δὲ τοὺς προειρημένους ἄνδρας κοινῇ μὲν Ἀρκάσι καὶ Μεσσηνίοις ἀπὸ Λακεδαιμονίων ἀσφάλεια καὶ ῥᾳστώνη παρεσκευάσθη, κατʼ ἰδίαν δὲ ταῖς αὐτῶν πατρίσι πολλὰ καὶ λυσιτελῆ συνεξηκολούθησε.
而通过上述那些人，阿卡迪亚人和美塞尼亚人共同获得了免受拉刻代蒙人侵害的安全与安宁，各自的祖国也因此得到了许多有益的结果。